肯德基家鄉雞 (KFC) (已結業)

之前已經係呢間用外賣速遞點餐已經等左幾個鐘先有人送個餐來，諗住外賣點餐無野，點知仲死！星期四已經係閑日，6點幾就係個apps落餐比曬錢，結果7點幾去取餐完全5理人，叫我係度等到有號碼出、要等幾耐無人講，總之叫你等，結果等左幾個字出左我後面果個號碼，即刻走去取餐處問佢、佢就話出漏左攞左我部電話照執，又5比我check，攞左番來一開盒少左樣野叫打去門市問，第一次打話即叫車手送來，等左9個字，完全無人打電話來，再打、5聽，打左n次先有人聽又話等幾個字，好，一而再再而三，等到火到來埋完全都係無人送來，咁大間公司一d交代都無！雖然10零蚊野姐，都5係咁樣呀？

美式快餐，雖然知道係不健康的食物，而且脂肪含量又高，又唔建康，但係真是美味，香脆嘅口感，嫩滑嘅雞味，真是又愛又恨，擋不住的誘惑。就係佢喇，元朗唯一一間嘅KFC，位於元朗青山公路。睇下菜單先，唔覺唔覺啲價錢又加左幾蚊，一兩年前都重係三十幾蚊一個餐，依家已經加到四十幾，一般快餐店嘅手法。閒日一般都小人啲，但每逢星期六日都會迫爆。食多啲食飽啲，E1就啱啱好，有飯落肚飽啲。近幾個月講環保，飲管缺乏提供。雞塊香脆嫩滑，薯格脆口，葡撻鬆脆。迷你蘑菇飯，蘑菇味濃帶小小辣。睇下，閒日真係無咩人架，可能我早，夜小小會多番啲人。50大元，整體可以，但此終是不建康食物，間唔中食下可以，愛美女士就可能要卻步了。

黎得kfc 唔洗問啊貴 一定係食雞架啦 其實次次去食 都係食家鄉雞 因為懶佢皮脆 又顯得大件d今日忽發奇想 想試下叫燒雞一食 發覺 點解我咁遲先發現原來燒雞係咁好食 好香 好有味另外個薯格就正常啦而個飯 我個人鐘意食雞皇飯 香d最後提提大家記住download 個app 找優惠卷黎買 我呢個2人餐只係$60咋

由晏晝3點幾就上網叫左外賣速遞，寫左時間估計7點送到。到左夜晚6點58分一個電話都無打來，結果要打去熱線，都話答我5到幾點送到，我話你地5係寫左幾點就幾點咩，夜晚繁忙時間我明呀，但你地都要有交代話比客知幾點送到先得架，寫左7點8點都未打電話來，係埋要等到9點10點都無得食呀？佢地會盡量幫我打去門市話要取消又話要打去指定電話先取消到，外賣速遞5止你地一間會晚飯時段咁忙囉，起碼人地會打比個客講聲先，依家一個電話都無，火都來埋。無下次！

Kfc炸雞邪惡之處係無論你知有幾高卡路厘、幾唔健康都好，都係會食埋層炸雞皮😆曾經聽過隔離枱話：「你唔食層炸皮，食咩鬼kfc!!!」今日見到有新餐出左，即刻trytry先呢個鴛鴦雙式雞桶飯餐 $32一個桶有齊👉🏻鄉脆雞排+狂惹香烤燒雞下脾+辣汁蘑菇香飯，仲要包汽水🥤/熱蜂蜜綠茶🍵。燒雞下脾一定無得輸，又香又嫩滑，食一隻真係唔多夠喉；雞排層炸皮俾蘑菇汁浸淋左，呢個位扣左d分😾蘑菇飯一貫甘好味，微辣帶有牛油香，下飯一流！

Kfc最近推出了紫菜雞，便去品嚐一下，但原來只有一包四州紫菜，自己把雞包來吃，而炸雞的外皮很脆，肉嫩，又有一種甜甜的味道，配上紫菜來吃其實味道還可以。二人套餐的份量也很足夠，還很便宜，大家值得一試！

行入kfc 買了五車 大盛巨盒, 這個巨盒 好抵食， 我還加配料四件雞翼 ， 巨盒 包括一盒辣雞粒 ，味道晤夠辣，只係得個名 ， 還有原味的家鄉雞，本人覺得係最好味，比不上其他炸雞，辣雞，家鄉雞那種味道好味 。這間位置在大馬路係一間超級繁忙的kfc ，收銀員工服務ok， 入面侍應執餐也很快手， 呢間人流多。通常晚市要好早去霸位。

當你又唔係好肚餓，又想嘆返過簡單下午茶，kfc都係一個唔錯既選擇。今日我叫左個雞翅，葡撻，磨菇飯加熱檸水，total $24hk!呢個餐真係幾抵食，一個價錢有幾樣野食，食完都好飽下。雞翅香同滑，葡撻夠熱同脆，磨菇飯既汁又夠。如果有時諗唔到食咩，呢個都係一個不錯既選擇。

整理信同傳單果類雜物時冒出左一張KFC coupon，仲有幾日(15/10) 就deadline，所以諗住食一回。叫左個6 號super 醒晨雞扒餐，原價$29 既，而家$24.5 就食到。就算原價也好，通常食個有塊扒既早餐都要過$30，即管睇下佢有幾super！塊雞扒醃得好入味，係卻嫌少少實ding ding。不過快餐店級數都好難要求得咁多，多數都係一次過整好多然後擺到有人叫為止。蛋調過味的，ok。薯餅比m 記薄而面積大塊，結果係炸得較為脆口，另外有少少胡椒粉味。其實我鍾意呢個多過m 記，m 記較能留住中間個心d 薯仔粒新鮮既狀態，但其實就咁食一d fresh o既薯仔係好寡，無乜味，呢個就整體會香口好多，雖然就會變左好油膩。久唔久食一次ok 既。

元朗限定雪糕 作為元朗人又點會唔試下呢🔹比利時特濃朱古力新地 $14 🍦朱古力味濃度我覺得岩岩好 又唔會甜個質感都厚身嘅 唔會太快溶仲有d脆脆係隔離撈埋一齊食😋整體不過不失 又多款雪糕可以揀啦

全香港只有元朗店先有嘅KFC比利時特濃朱古力新地 💩 元朗人表示幸福 嘅利申：我本來係唔鍾意食軟雪糕嘅！但我鍾意 Dark 朱古力，所以嫌佢唔夠濃味，本身佢係滑嘅，有質感過輕飄飄嘅麥記，唔會太甜，個人覺得可以再重啲朱古力味，但呢個價錢，唔可以同 Godiva 比，所以 overall 都係抵食 拍咗段短片可以睇睇

今晚屋企冇煮飯落街食，突然好想食炸雞，元朗又冇乜炸雞選擇，第一時間就諗起KFC，行左去大馬路個間。上到去估唔到咁多人，好多都係等外賣，堂食等一陣就有位。家鄉雞餐 $39.5套餐有兩件家鄉雞､一盒磨菇飯同杯汽水。家鄉雞揀左唔辣，雖然唔預期會炸到好好食，不過炸雞瘦左小小，唔係太多肉食，雞肉都幾juicy，最正都係塊炸雞皮，脆脆地又腍腍地，又有啲肥膏黐住，係韓式炸雞比唔到既惹味。套餐本身係細蘑菇飯，加$3就可以轉做大蘑菇飯，去KFC次次都會叫既蘑菇飯，辣汁同蘑菇片都係精髓，不過呢間啲飯硬咗啲。辣汁蘑菇飯餐 $40.2套餐有大蘑菇飯､一隻雞下髀同一盒薯蓉。蘑菇飯同另外個餐就差唔多，唔再講。雞下髀都係揀咗原味，又係唔太多肉食，兩､三啖就食晒。薯蓉雖然係開粉沖個隻，加左辣汁又係好食，次次都要食番個。餐飲加$3轉左做特濃朱古力，後期加多咗汽水以外嘅選擇算係唔錯，不過比較老麥個杯，呢杯甜咗啲，朱古力味唔太濃。另外加$7要左個蜜糖鬆餅，以前好鐘意食KFC嘅鬆餅，又香又脆又有蜜糖甜，今晚再食，又腍又冇蜜糖味，走晒樣好唔得，有啲失望。去得KFC又點可以唔食葡撻，都係加$7就有個。以家食KFC兩個人都要成舊水

今日冇咩特別野做我就同媽咪去咗肯德基食嘢，去到見到都唔係幾洗排隊，已經好開心， 咁岩個客又打電話過嚟我咪出咗去聽電話囉，講左成10分鐘，好彩傾得完啱啱返到黎就都我點餐。 嘩好靚女呀，而且服務勁好。我以後都會成日過嚟都係講返個套餐。 杯可樂好多戲好正，旧雞好趣好正，最正就係個薯格，入口即溶真係正到不得了。我都唔覺得自己食緊快餐覺得自己食緊法國大餐原諒我係外國讀書日日都同KFC做朋友。食開食海真係好鬼有感情好啦寫到呢度先啦

在一個假日的下午，要傾一點東西，當然也想找個舒服的地方，好好坐一坐，吃下午茶。在云云選擇中，來了這裡KFC，皆因看過其他的食評，對這裡的評價不低，加上地點方便，就來吃個下午茶。我會比較喜歡吃新出的「抹茶鬆餅」，很多時一件出色的鬆，已經值得專誠去光顧該店子。味道香而口感好的鬆餅，也難求的。立即拿來一個，中間搣開，這是熱燙燙的。鬆餅很好吃，很香，而口感也較嫩嫩，充滿抹茶香味。吃了一個，真的有衝動去買另外一個。但是，下午茶已經叫了套餐，怕浪費，只好留了下一次。

想減下磅，先可以食多d好野中午kcf都好多人，可能下雨，避入來吃返個午餐吃了個磨菇飯，以為普通的飯，原來有點兒辣，好似黑椒辣味，加埋磨菇味，個汁不錯，份量剛剛好撈飯一流，磨菇爽口，鮮味十足個飯底反而有點林，可能焗住，不過我接受到加埋可樂，有氣夠凍，飽曬啦😝