肯德基家鄉雞 (KFC) (已結業)

工作至晚上八九點，想盡快食完晚飯就回家休息。經過元朗KFC ，見樓面的poster 介紹「越南牛油脆雞」已經好吸引，之前去過越南，當地美食天堂，如果這脆雞可勾起我的回憶，就回味無窮。可能到了晚上，人流不太多，如果下午或早上的時候，已經擠滿人。於收銀處點完脆雞套餐，稍等一會兒已經可以品嚐。越南味粉混合去炸脆漿帶出越風口味，外皮酥脆，但是一咬下雞肉，這冰鮮雞雖然乏鮮味，但沒有帶一點騷味，明顯不是雪藏佷久，我覺得雞肉經醃製效果會更佳，我食外脆沾上漿油的酥皮，偶爾有七味粉和牛油那種香味，已感飽肚。另外，此餐也有一件葡達，這是值得讚好的；表層火燙過，有一陣焦糖味，香口鬆脆，蛋香滑滑。整體而言，越南雞件和葡達十分美好。下次有機會一定再來！

從小到大覺得KFC是與麥當勞同一個等級的快餐店, 不過個人比較喜歡吃麥當勞, 自從長大後有零用錢可以自己到處買自己喜歡的食物, 多數都會選擇麥當勞,由其是早些年有網上傳言說KFC殘忍殺雞的背後, 令我對KFC的印象不減, 吃炸雞都會卻步, 而且早幾年對於一個學生來說, KFC是比較高的快餐店呢!一直以為媽媽不喜歡是煎炸不健康的食物, 反而她年紀大了, 口味都會轉變, 或者估計是懶得煮飯, 經常剪下免費報章的Coupon, 放工後我就帶著媽媽剪的Coupon去買KFC了。 由於元朗唯一一家KFC, 到了每天晚上6-7時, 當然就是高峰時間, 不論是排隊等侯下單, 還是等叫餐都比其他KFC需要更長的時間, 另外可能由於KFC請的員工都是比較年輕的, 沒有眼神接觸都算了, 她比我更像客人呢, 態度真的不予置評   分別用兩張COUPON一共買了兩個餐, 大概等了15分鐘外賣, 熱辣辣的炸雞, 當然就是要火速拿回家  打開包裝當然第一樣見倒的就是蘑菇飯及白汁雞皇飯 小時侯我比較喜歡吃蘑菇飯, 因為我小時侯真的很喜歡吃蘑菇, 果然人大了口味會變(跟我媽媽一樣), 我就喜歡吃白汁雞皇飯

今朝由於想自己一個靜靜地食下早餐，做下自己野咁，就出左去kfc食下早餐。一去到我就叫左個7號餐，同埋為左唔要咁肥膩，所以將薯餅改左做多士。拎左野食我就即刻搵左個睇到街景嘅位坐低食野，講真食物嘅質素只屬一般，多士是凍的，唔夠脆，塊雞扒唔夠滑，有啲老，個蛋唔係滑蛋，煮得太熟喇，但係望住個街景，過一個悠閒嘅朝早都算係唔錯嘅。

買完野有啲累，上左黎KFC食啲野，佢裝完修後都無上過黎了。新舖，啲枱擺得仲迫過以前，想行入去坐位都難，個個企正係樓梯口等餐。叫左個兒童餐K4堂下午茶，$19.9咋，好平呀。有一隻下脾，一個普通size蘑菇飯，同細汽水一杯。要左辣雞，又脆又香口，蘑菇飯多汁好撈飯，唔算好飽，但係只為過下口引幾抵食吖。

琴日係澳門食左個唔多滿意既萄撻，今日去KFC 食番個瑪嘉烈萄撻補番數!!!由於下午三點幾，仲有超值下午茶供應，一件萄撻、一件蜜蜜燒雞翼、一個磨菇飯加杯熱蜂蜜綠茶先至係$19.9，抵到呢!本來比左2件唔熱既萄撻我哋，不過我哋好醒目地叫店員轉兩件熱D既，熱辣既萄撻特別美味，撻皮酥化，又唔係太甜，仲好食過係澳門食既微溫萄撻!燒雞翼甜甜地，味就係BBQ食既雞翼味道LOR，都OK~磨菇飯叫了多汁，用來撈飯一流!綠茶不太甜，而且水超夠熱，今餐只係$19.9，大滿足呀!

八月下旬‧晴過了這邊試農家菜，早來了，周圍走走。來這裡本想買件葡撻吃一吃，但見未吃過朱古力葡撻，又買件來試試。即吃，咬一口，夠熱，外皮脆，蛋餡香甜。再吃到底部的朱古力餡，更甜。似乎我喜歡原味多一點，因為喜歡焦糖的甜味多一點。不過甜好者應該會對這款葡撻滿意。

最近聽聞肯德雞出左新口味, 一於去試下!!呢晚收工, 捉埋男友仔去試, 嘿嘿~如果辣口味既唔係雞件, 而係雞中翼...2 個口味係:辣辣避風塘 & 和風紫菜因為我地 2 個都唔太肚餓, 只係想試下 only, 所以 order 左:辣辣避風塘 x2 件和風紫菜 x2 件原味巴辣 x2 件一人細桶餐 x1 (有一件雞搥 + 一件雞胸 + 薯餅小方塊 + 一件蒲撻 + 一杯汽水)焦糖布甸 x1 (買餐 +$8)其他既無需要講, 新鮮熱呼呼又脆既就已經好味...講新出果 2 個味 & 甜品先~辣辣避風塘 - 微辣 (比巴辣雞翼再辣少少), 蒜味香, 還算野味! =)和風紫菜 - 紫菜味香濃, 可惜....超..................咸!!! =(焦糖布甸 - 焦糖味淡淡, 唔夠香濃, 布甸質感比較....膩!支持繼續研發新口味, 不過........此於都係原裝最好味, 哈哈~

難得在外吃早餐 選在這兒用優惠劵買了兩個 $22 的餐: 餐一: 煙肉蛋熱烤卷 + 雞扒 + 煙肉 + 薯餅 餐二: 雞扒 + 香腸 + 蕃茄通粉 + 薯餅2 個餐都好似好多嘢食咁 (睇相時)但眼前的實物也相差太大了吧 碟上面每一件東西都像被縮小電筒照過一樣是用 coupon 的關係嗎?還是本身如此....又還是....................其實是碟子太大? =.=lll兩個未試過熱烤卷的人食之前....對這個卷都很有興趣食之後, 不約而同: "沒有下一次了" 因為...卷皮是硬的蛋有點茄汁相伴, 但太甜....非常 no good 薯餅很脆, 但很油 蕃茄通粉又沒有蕃茄味道 唯一可以給予 OK 的只有雞扒吧但看著它們都如此瘦弱的躺在大碟子上.....實在不得不又扣點分數 早餐....還是選擇其它地方好了.....

今日有點事做，就係呢度解決個lunch。去到收銀，可能係假期所以比較多人，都唔算等太耐既。食左香辣脆雞配薯格，用左張coupon換個萄撻。香辣脆雞可能剛剛炸好，熱辣辣，好正。皮脆肉滑，肉汁豐富。薯格無乜特別，但都收貨。葡撻好耐無食過，蛋都算幾滑，唔錯啦。凍奶茶當然無譚仔咁好飲，但都唔係奶水咁恐怖。實有下次，不過唔知幾時啦。

打8號,又想食野,就黎左呢間kfc買野食黎到佢貼左張紙話家鄉雞暫停供應.....算..諗住買桶餐轉蜜蜜燒雞...點知呢樣就話賣晒...結果佢提議用巴辣香雞翼黎代替....即係一個桶餐9件雞變左27隻翼....點食好彩仲有葡撻,買左4件同2個飯就走人葡撻熱辣辣,味道仲係好好不過飯就真係差d....完全冇汁,表面上睇係得面果層有汁..唔明點解連汁都咁少..勁乾好似食白飯咁

呢排麥記同KFC都係度PROMOTE 個雞扒包但始終都係覺得KFC既餐高一線KFC既五星上將餐$27.5有一個辣雞扒包, 雞扒夠厚, 又JUICY, 加埋蕃茄生菜同千島醬, 超掂呀.雞脾無乜特別格格脆薯真係好脆, 好食過薯條不論價格, 味道同份量都嬴晒

相隔大半年，我地終於再次出動喇~今次帶埋朋友仔個細佬，3個人share $108套餐，另外加多$8要個新出既巴辣雞粒。首先要講既，就係希望加派人手。由我一踏入間鋪頭，直至食完走人，呢個半鐘都係排左幾條人龍。人手係就係比較慢，但最重要既原因係，顧客實左太多喇。嗯，而家就講返食物先。雞，是值得一讚。熱、脆、滑、嫩，全都有齊，唯一可以挑剔的就是醃料太多。格格脆由於是剛炸，所以也不錯，整整的一大塊。其他如飯、粟米、薯蓉都和其他分店一樣，不值一提。不過，新出既巴辣雞粒不試也罷，份量既少且溫溫吞吞，更加是無味的。都係食返大陸kfc既雞米花好D。

上年的x'mas品嚐不了kfc的燒雞而有所遺憾，終於狠下心腸即使是兩個人都要去光顧kfc的158聖誕燒雞大餐。雖然服務生都是闊佬懶理的招待手法，不過一間連鎖店，我也不太強求有什麼服務可言。兩個人一隻燒雞，六件炸雞，四件雞翼，4個tart，2個mash potato，2個corn。燒雞，不枉我為其而去，香草的味道滲入每一絲的雞肉，香脆的雞皮因在燒的情況下，油脂點滴的化去取而代之的是甜甜的蜜糖。其他的都是一般kfc可吃到，沒什麼特別的了。要是燒雞單獨買可以低於$50我想我會一星期光顧多於1次的了!

記憶是很奇妙的。一些舊日的印象、片段，明明失落在心底深處很久了，某時某刻可能突然浮現，而且鮮明得令人感覺如像昨天發生。　最近，我想起了舊時KFC的鬆餅。不是說鬆軟的Muffin，而是那種較硬較乾，可以分成兩邊，中間較鬆軟，可以搽上牛油與果醬吃的的鬆餅。以前的KFC上校套餐，有個選擇就是家鄉雞配搭鬆餅，這曾是我的最愛。　想起了，當然要去重溫。Cashier友善的告訴我現在也有鬆餅，立即點了一個($5.5)，再加上其他沙律、燒雞翼等等。不過，現在的鬆餅真的就是muffin，味道不差，卻沒有我過去的回憶。其他的，也就平常的一餐快餐~　最後，想起那舊日的鬆餅，其實應該是scone。懷念你~

平時耐不耐就會想食kfc炸雞(當然係食辣雞上脾啦)..食過好多間,這間是最好的.一直都有水準!