肯德基家鄉雞 (KFC)

營業中

休息中

鮮茄通粉+雞扒滑蛋各半份($19.8) ~ 上班既日子絕對係好需要一個唔駛$20既豐富早餐黎滿足一下自己先有能量去應付早上既工作 , 所以返工之前就去KFC嘆返個新款早餐 , 估唔到KFC整既通粉都好夠蕃茄味道 , 而且係仲新鮮蕃茄 , 雞扒炸得外脆內腍身幾好 , 滑蛋比起M記既好食 , 飲埋杯香滑熱奶茶 , 成個人即刻醒神返少少 , 可以應付早上既工作囉。

上一對夫婦的家參加團契之前, 還未夠鐘, 外頭熱的要命, 便閃了上來坐坐涼涼冷氣。想吃少少東西又不想吃炸雞, 見到好久沒有吃過的葡撻, 一於吃它 ($5.5) 啦! 本來要喝杯凍咖啡, 點知凍咖啡是沒有得走甜的, 只好點了一杯熱齋啡 ($10) 。這裡有向街的落地玻璃窗, 但我怕曬還是坐回店內。還有得上網呢, 太好了。我知葡撻已在架上呆了好一段時間了, 所以撻皮也不太脆; 不過蛋餡很香甜很 creamy, 細細個又不太膩, 挺好啦。咖啡則是看比喝好, 是一般快餐店的咖啡水貨色, 然而我很喜歡那個精緻玻璃杯呢!

巴辣雞腿包+雞髀+格格脆薯塊,超值價錢,份量足以應付兩個女孩子適量的千島汁,炸得油膩適中兼具口感的雞腿,水準絕對可以媲美mos burger,正!店員服務細心──一個包加一杯汽水,已讓我吃得飽飽的,向職員拿外賣用的盒子將薯塊及雞髀打包,職員細心的附上吸油紙,值得一讚!

2 August 2007 (Thur) - 晚飯其實上次都同自己講咗，下次會試下KFC既咖喱雞飯，但係臨到買時，見到個尊貴晚餐有蕃茄雞扒飯，又受唔住誘惑而買咗！依然係買外賣，今次發覺個cashier係醒目女，終於唔再係嗰啲阿嬸，不過可能係做暑期工，好快又會變返啲好鈍既阿嬸．．．食落原來真係好普通，個餐有跟沙律同湯，沙律非常水，唔太好食，但個湯就幾得，啲料好多，幾好飲！個雞扒飯認真細碟，要食飯，都係大家樂最大碟，價錢又差唔多，甚至可能平啲～～～

同老婆本來去隔離海皇食野﹐但係經過呢度就原本只係入去想買一個鬆餅﹐點知最終買左一人套餐。兩件雞+汽水+mashed potato| & 一個鬆餅。雞唔鞋口﹐亦唔係好鹹﹐但係細隻左小小。但係無論食物同衛生方面﹐都比銅鑼灣羅素街果間KFC好多多聲。唔會像羅素街果間D質素﹐D雞又唔熟﹐同埋有好多蚊滋同烏蠅飛來飛去。

10 May 2007 (Thur) - 晚飯又係一個人的晚餐時間，今日唔想食飯，只係諗到食KFC，比較化算！叫咗巴辣雞腿包配薯塊餐外賣，塊雞勁乾身，好在仲有少少沙律醬頂住，而且好碎，好似將所有碎濕濕既碎雞放入個包度！薯格好正，唔乾身，薯味重！但呢間KFC真係專請啲怪cashier，今次呢個係講嘢勁唔正既女人，其實我一句都聽唔明佢講乜，記得我叫咗個餐之後佢好似問我加唔加錢要啲唔知乜嘢，我真係聽唔明，但諗住反正唔會要，所以咪答佢唔駛！下次先試下佢個咖喱飯啦！

難得可以叫外賣,就打電話去肯德基,但竟然咁貴,攪到我只叫咗4樣野,最糟嘅係,4樣野居然要200幾蚊,令到我被屋企人鬧,以後都唔去肯德基啦!(憤怒中)......

13 August 2006 (Sun) - 晚飯游完船河好攰，又想快啲返屋企睇’女王的教室’，見又咁耐冇食過kfc，所以決定黎呢度買外賣！叫咗個餐\係兩件鷄加一個粟米再加一杯嘢飲，個cashier真係好唔掂，可能係暑期工既關係，講幾次都聽唔到，我要每樣嘢都重覆講兩次，因為佢\聽唔切既關係．．．唉！仲有杯餐\飲轉咗做strawberry特飲，佢\就比咗杯芒果特飲我，我話我叫既係strawberry喎，佢\仲指住杯黃色既嘢話呢杯咪係囉，我話乜strawberry係黃色架咩？佢\隔離個waitress話佢\聽佢\攞錯，佢\至再攞過比我！不過而家kfc真係冇以前咁好食，啲鷄好dry又唔辣．．．唉！

本人於五月二十五日光顧位於北角英皇道明苑中心的分店，本人購買了一客價值$16的下午茶套餐(包括一隻雞下髀、葡撻及一杯飲品)本人後來亦補貼$3換購了凍奶茶，亦另購了一隻雞上髀。奈何侍應奉上之雞上髀及雞翼(套餐本為雞下髀)異常細小，而雞翼及雞下髀既乾身，無味及不熱，奶茶奶味過多，完全沒有茶味，水準之差確令我感到非常失望。其後本人亦親眼目睹職員食用的燒雞翼體積即非常大，為何水準竟可如此低落……唉！一句話：「食唔過」

好耐冇食, 趁一日屋企冇飯食黎買左四件辣雞上髀打包.kfc 最好食就係雞上髀, 叫餐最多比一半你, 散叫就可以叫幾多有幾多.味道仍舊, 脆+ 香口又夠嫩, 保持上髀水準.一件唔夠,兩件好食,三件剛好,四件過膩, 食完都食唔落其他野~原本怕唔夠飽, 走左去老麥買左個孖芝包, 卒之留返第日當早餐. P.S. 呢間野出晒命冇人幫趁, 0個晚八點上去居然有四成入座率, 實屬難得

一個星期最少有2次係呢度食早餐因為小人，座得舒服，唔似麥記座得咁密，尤其係一個人個陣，三唔識七座得咁近食野，我最怕!呢間kfc有D座位係向窗bar椅，最岩一個人可以睇下街景!至於食物都ok啦!有平有貴$10 - $19我最鍾意係蜜糖鬆餅，奶茶就淡左D，食物就一定熱因為佢只整定好少放係度!p.s. 奶茶咖啡可以自己refill，好多人堂食完refill一杯先走� !