肯德基家鄉雞 (KFC)

營業中

休息中

今日係附近見完客，諗住食個快午餐再趕返公司做埋手尾，點知點完餐後先發現中伏——呢間分店係慢餐店。叫既號碼大概係我個號碼既前20個，所以只好苦等15分鐘，享用我既「快餐」。張餐紙都放成咁，由此可見職員係幾咁落力應付客人需要。5星巴辣雞腿包，我覺得只有千島醬同塊雞腿好食，番茄同生菜只是配角（番茄太硬，唔太夾個包），雞腿有咬口、夠辣！葡撻保持水準，夠熱夠脆！件雞望落賣相都知係柴皮，食落好似食咁樹皮咁。薯格唔夠脆同熱，死症。整體黎講咁既價，對應的質素都差唔多，但係可否出餐快一點？我趕時間返公司架！

呢日嚟到呢間位於長沙灣廣場二樓的KFC肯德基家鄉雞食下午茶，我點了《香烤蜂蜜雞翼餐》$23。套餐入面包括: 一客蘑菇飯、一隻香烤蜜蜂雞全翼、一個經典葡撻、及一杯中百事可樂。蘑菇飯 - 蘑菇飯賣相好一般，味道ok，不過醬汁口感麻麻地。香烤蜂蜜雞翼 - 雞翼有蜂蜜嘅甜味，燒得夠香口，可惜唔夠熱。經典葡撻 - 都幾香甜，不過又係唔夠熱。百事可樂 - 普通。呢餐味道普通，不過全部加埋都只係$23，又真係幾抵食下，所以依然係其中一個嘅下午茶選擇。

啱啱喺附近睇完一齣電影，叫做炸雞特工隊，心血來潮我又想食炸雞，所以就去咗肯德基，啱啱就喺戲院附近嘅長沙環廣場二樓，見到有芝士暑假好似好好味，而且仲有呢個蜜汁燒雞翼，還有爆穀雪糕，好似好吸引，我唔客氣喇

今日kfc做特價，50蚊6件炸雞，所以排到好長龍，排咗半個鐘先買到，我買咗6件炸雞同一個鬆餅，炸雞緊係kfc最好食啦，可能多人買，所以今日d炸雞都係啱啱炸好，個皮好脆，熱辣辣，肉質好juice,鬆餅又係我嘅至愛，甜甜地，好好味

今期既牛油炸雞好正，食落唔會太油膩，好香牛油味之餘，仲有少少辣味，食兩件感覺唔夠喉，不過我都仲係好掛住佢個避風塘炸雞，希望快點可以再推出！ 順帶一提，KFC都可以係店內掃QR code用手機落單了，咁樣就唔洗排好長既隊買野，方便好多！

去長沙灣求其食，好耐冇食肯德基就坐低，點左個四十幾蚊既餐，啲雞冇乜雞味，葡撻不過不失，最後食個蘑菇飯岀晒事，圍邊啲飯完全乾晒，唔知道擺左幾耐，以後唔敢再嚟呢間食。

好耐冇食過kfc,見得閒黎左食下炸雞。自己一個黎叫左個家鄉雞餐配白汁雞皇飯。咁耐冇食家鄉雞都keep到水準，表面乾身內裏軟熟。個飯就一般般。咁kfc主要都係食炸雞既。

琴日星期日先打10號風🌪被困於屋企食風糧今日終於有得出街郁一郁和風醬脆雞2人餐（$60）KFC出襯新雞草根都會試醬油味炸雞個皮帶點甜味🍗而紫菜就成包俾你自己夾講真味道普講，上餐形式有點hea而雞肉入面唔夠入味始終都住狂野香燒雞嫰滑好多又係試過就心息了😌不過話說，用app叫抵好多📱✌🏻

如果要將 KFC & 麥當勞比較, 我覺得 KFC 既新意比較多, 會出下不同既雞款, 雖然麥當勞都有新飽出現, 但通常都較伏! 不過麥記太深入民心, 亦十分方便, 多分店, 所以一定較多客量!KFC 既雞一向好細, 但佢地既皮偏重味, 所以很喜歡, 肉身其實淡味, 我會另外加鹽&胡椒粉!肉身其實都有點鞋, 但個皮真係好味!磨菇飯都係我其中一樣喜歡 KFC 既食物, 只係汁不夠!飯雖然有點硬, 但磨菇汁好食搭救了!今次來, 最主要想試下呢個新既朱古力新地, 賣相很差, 個雪糕完全企吾起!但個雪糕好好食, 好重朱古力味, 都滑, 完全無果種好平價既假朱古力味, 大家一定要試試!

夏日炎炎，飯後食杯雪糕就最好不過特濃朱古力新地脆筒 （$6）路過KFC 見有poster 推緊哩款雪糕，6蚊價錢，當然要試試有幾特濃啦入口算滑，初頭牛奶味比較重，但慢慢朱古力味就出來了，都OK，但不是黑古力果種，因為無果份苦味，感覺接近60%嘅朱古力實物無poster相咁深啡，味道像朱古力奶多d 雪糕口感算軟，幾快溶。唔算大杯，所以乖乖坐起店入面食完先走了之前上大陸 有食過果邊KFC 既特濃巧克力雪糕 但都要￥8定10，味道相近，所以香港算抵食，cp值算高。除左新地筒，佢重有曲奇朱古力新地（$12）同比利時朱古力窩夫新地（$21） ，有機會再試。

In Hong Kong, KFC has a totally different recipe for the chicken coating so I rarely get KFC unless the flavour is interesting.The Fried meal comes with waffle fries and not chips as served in UK which is another thing I don't like.Anyway, the new Fried captivated me because I love Scallion Oil.The set comes with rice and a drink and you can also order two extra Hainan Style chicken wings.Unfortunately, they gave me the wrong ones because they were spicy and tasted totally different from the s

公司係正商場樓上有好有唔好，好就係商場多食肆，落雨可以足不出戶，避免日曬雨淋，行到身水身汗食妟，又或者可以番番下工，鼠落去食個下午茶再上番office，都神不知鬼不覺。想當然而，同時並存既壞處就係，午飯時間爆多人，會出現人龍傳說，排隊排到2046就只係為左買個飯，食只享受到15分鐘so sad。話說，今日超熱，實在唔想走出戶外為左買盒飯，索性買肯雞雞做妟番上樓上公司係位食。由是早左落樓排，所以幸運唔使排到2046，前後15分鐘已打包上樓。點左個餐，一係唔食一係食爆熱氣既，咁先夠口癮。首推肯雞雞既葡撻，單售7蚊實屬抵程度(好似係)，遇著剛出爐無耐既係so lucly，但就算凍左，都抵食及滿好味。平時都好鐘意食炸薯格，剛剛炸無耐就最正，不過今次遇著炸完擺放左一段時間，收縮哂帶硬及乾身，實屬不幸。肯雞雞既炸雞平時食開水準好飄忽，其實好講食客撞手神，取決係遇著邊間分店、流量快否、同是咪剛好新鮮炸完上，今日小弟手神唔好，炸雞已炸好一段時間，外皮已唔脆，邊位挺身帶硬，內裡肉收哂水，頗乾，有點番炸之嫌。快餐不求味美，但求快靚正再爭取時間訓番個靚覺，平時水準還好的，是日小弟不幸撞唔正手神新鮮果輪唯有中

星期二晚上跟太座做完尖, 在這長沙灣廣場二樓有齊兩大美式快餐店:老麥&肯德基,兩間打對面開店想必是有心做成這對峙局面, 中午時段好多客人會一次過幫襯兩間買外賣或者堂食, 前陣子這肯德基做了一個月左右裝修, 新的枱有高的也有正常高度, 還有些卡位對座的, 這晚要左櫻花雞套餐, 加7蚊換了4條紫菜蝦卷, 兩件雞件是雞上脾同雞下脾, 雞皮上的包糠混合咗許多調味料當然其中係有櫻花味的精華野啦, 這些包糠料上皮上得很實淨, 一口咬下是不會怎樣脫落的, 所以這層皮一是吃下肚再不是的話就整片咬掉, 當然我會係食落肚再算啦!去皮後露出雪白的雞肉, 明顯雞肉上包裹住一層透明的水蒸氣, 咬落去雞肉除了嫩滑有彈力之外更令自己驚喜的是雞肉的溫度,完全係剛剛炸起來只擺咗5/7分鐘那種溫度, 因為平時見佢好似炸好擺晒喺度任佢灘涼的狀態, 味道方面亦有雞味喎, 唔係只得味精味喎, 呢樣亦令自己對佢的炸雞改觀, 而跟餐的薯蓉就真的是相當之化學野來形容它的口感(開薯粉那種), 同真薯仔無得比較, 好多時洋人形容做得差勁嘅薯蓉會用貼牆紙的槳糊般, 呢個就係牆紙槳糊般的質感, 個汁同樣係現代科技產品,加錢的紫菜蝦卷又點呢,

柚子蜜脆雞（$40.5）.草根作為KFC打手，真係出襯新野都走去試🤣不如KFC考慮下搵我地賣廣告😝✌🏻.講番正題，今次呢款新嘅柚子蜜脆雞🐔帶點甜甜嘅柚子味🍊，真係食得出有用心調過隻雞嘅味，草根妹妹都幾中意😋。柚子味令炸雞皮冇咁乾同冇咁油膩。今次好好彩，中間嘅雞肉juicy嫩滑😍保持到日常水準。另外，個柚子蜜脆雞餐仲配埋薯蓉同汽水🥤，不過點解而家係KFC食2件雞都咁貴😭😭😭😭

今日十號風球，大部分餐廳都冇開門，本身諗住出街睇下有咩食，結果都係係屋企附近行下，就去左長沙灣廣場的KFC，裹面好多座位，唔洗同人逼。依個就係餐牌。下午茶時段2:15-6:00，我地就選擇左下午茶S1和S3。有葡撻，雞翼，雞粒，磨菇飯同野飲，我地仲加左個雞扒，兩個人食岩岩好，又唔會太飽又可以開心share，依度加埋都只係50蚊左右，同平時唔同，下午茶轉熱飲唔洗特別加錢，所以適合唔鐘意飲汽水的朋友，下午茶抵食。