肯德基家鄉雞 (KFC) (已結業)

平時食個肯德雞套餐平平地都要廿五六蚊一個，今日想食竟然見到有個廿一蚊的，當然試下﹗最重要係呢個平餐有我最鍾意既磨菇飯，平時吃到起碼都要三十蚊以上，呢個餐都可算超值了﹗有飯，有粟米、雞鎚一件再加汽水，份量尚算輕怡。最鍾意係佢飯汁夠多，滿是磨菇醬，食落惹味又香﹔炸雞點左辣雞，比起上次吃什麼炸雞肶油得不知所謂下，呢隻都算不錯了，炸皮脆口雞肉嫩滑，好味﹗三十蚊個餐在而家經濟真的太貴喇，肯德基而家出番0的平餐，先有得同其他快餐店較量過吧﹗

今晚選擇食KFC,原因係中午有同事食過佢新出隻雞翼話幾好味,所以今晚一於試試睇下係咪咁正先呢間KFC地方都幾乾淨同寬敞,又有梳化位,環境都唔錯架今晚叫左個佢新出既"黑椒特檸至爆套餐" 個餐包括以下食物:1.黑椒青檸雞全翼1隻(可能剛剛焗起啦,味道幾好喎,外層脆脆地又有D黑椒碎,好香口好惹味,內層D雞肉都好嫩滑,有肉汁,佢加埋D香料同青檸汁一齊醃隻雞翼,加埋外層黑椒既香,效果唔錯喎)2.炸雞中翼2隻(保持水準啦,皮脆,肉都算嫩滑,味道都幾好)3.脆米炸雞肉3粒(都幾脆,不過肉就小D,好似齋食脆皮咁)4.脆脆薯格5件(可能又係剛剛炸起既關係啦,幾香口幾好味喎,配埋"亨氏"茄汁,唔錯)5.磨菇飯一碗(個汁幾好,少少辣,幾惹味,磨菇都算多,係D飯就硬左少少,軟番D有GOOD喇)6.汽水一杯(百事始終係甜少少,都係可口可樂o岩我飲D)總結味道都幾好,亦都唔太貴,不過就熱氣D,但間中食下都冇所謂啦埋單$29.5

睇到電視廣告好吸引，所以今日去試試。個飯雞扒面有好似米通粒粒，好脆，辣味好，又夠幼嫩，好好食。真係好似廣告咁，卜卜聲。咖喱汁唔算辣，但好有咖喱香，好適合要撈飯，但飯份量就少。佢會將飯．咖喱汁．雞扒分開擠，汁唔會整淋雞扒，好值得讚，個餐包埋飲品及豆角。$27.5加埋珍珠巴辣雞粒，一樣好似雞扒咁好食。共$35.5唯一挑剔系朋友同我講，佢再加埋葡撻都只系$36。照計間間價錢都一樣，可能系我唔識叫，如果個收銀提一提我就會更好喇。

第一個第一次：叫套餐好多時Ｄ人都會要哂兩件雞上髀，唔知點解係呢間唔得。我向服務員小姐要求要哂兩件雞上髀，佢就用官式講法話一個套餐係一隻上髀一隻下髀，無得轉。算啦！我都好明白，人人要哂上髀咁Ｄ下髀點算呢？佢有道理我接受。點知跟住出現第二個第一次。咁我就叫完餐，服務員小姐話要等，好啦咁我咪等囉！點知一等就等左20分鐘！咁當然Ｄ辣雞送到埋黎時梗係夠哂熱又夠哂脆啦，但係我之前真係未試過食KFC要等足四個字囉！事後我觀察佢間舖，發現佢地唔會炸定太多雞，因為果個位置人流唔夠，造成佢客源不足，所以逼住經常要即叫即炸。之但係快餐唔快，又點稱得上快餐呢？