能記飯店

營業中

休息中

上星期有親戚從遠方來,剛巧又住在深井,於是即興入去食飯.揀能記,只因住在深井的auntie說這間比較好吃.點了個八百多元的餐,主菜當然是燒鵝. 嘩,勁大隻,不算好肥但多汁,皮都幾脆.至於其他餸都OK,不過沒有特別.坦白說,隻燒鵝的確不錯;但其實現在市區都有很多有水準的燒鵝,所以山長水遠走入去純粹為"深井燒鵝"的風味.

喺深井食燒鵝先後試過裕記，陳記，傅記，今次就輪到呢間能記嘞！去到都幾多人，我哋要喺門口等咗一陣先有位，店內唔算大，我哋叫咗： 椒鹽茄子：呢個都幾考功夫，因為茄子係好索油嘅，要攞去炸但又唔想佢吸咁多油真係有啲難度！茄子上枱時賣相都幾得，面頭拍咗啲粉先炸可以吸少啲油，仲有就係切到塊茄子好薄先拎去炸，亦可以減少吸油嘅機會。呢個茄子有啲脆幾香口，椒鹽亦好惹味，味道就唔錯嘞，不過食完都唔似食過嘢，純粹叫嚟睇吓佢點整到唧！ 黃金煎藕餅：上枱時真係幾吸引，一個個金黃色，賣相不俗！面頭粉漿夠薄，蓮藕餅厚度適中，藕味濃郁兼外脆內軟綿，有啲驚喜喎！ 燒鵝：一如以往要咗半隻，因為要等出爐，所以嚟到其他餸都食晒嘞！隻鵝唔算大隻，燒鵝皮因為啱啱出爐又熱又脆，仲要燒得恰到好處有好多肉汁流出嚟！ 肉質唔夠陳記嫩滑稔身不過就唔肥，鵝味亦好濃郁，食得過！ 齋瀨粉：佢個瀨粉夠彈牙又比陳記強喎，仲要浸咗好耐都唔會發漲或者稔晒斷晒，唔錯！ 細枝裝可樂2枝當然最好食仲係陳記啦！

之前去過傅記同陳記, 咁今晚就嚟能記試吓啦.點咗個例牌燒鵝 - 皮唔脆, d肉唔滑, 無陳記咁好食;咸菜胡椒豬肚湯 - 好多胡椒, 我男友就好鐘意, 但我就覺得ok啦, 因為d豬肚唔滑.檸檬蒸烏頭 - 蒸老咗, 無上次陳記咁滑, 但佢都落足料既.但下次如果再揀, 我就唔會再嚟能記囉.

日日落大雨, 悶死了. 近近地坐程van去一轉深井食晚飯.2人7pm前已到, call埋男友爸媽; 7:20開飯!-紫薑皮旦 (紫薑好食; 皮旦沒流油不過味道偏淡的, 我鍾意)-胡椒豬肚湯 (豬肚好食, 湯就咸了一點)-豉汁蒸倉魚 (不是原條上, 味道不錯)-例牌燒鵝 (皮脆, 肥膏離皮, 鵝味唔太重不過尚算肉嫩, 收貨!)-蒜子上湯莧菜-大哈爾濱啤-4個白飯點解之前劣評如潮??!

老公以二十七小時完成毅行者, 一行十二人到這裡吃飯, 不知是否因為當中有人認識老闆....所以招呼唔錯! 我們叫了一個千多元既套餐, 鵝一隻...只吃了一件脾位(hehe...老公夾的)...微暖, 皮脆, 肉唔夠腍, 甜酸醬比裕記好味! 椒鹽蝦..無食, 最怕蝦炸都乾哂!油浸荀殼魚...由於係魚...俾面食一件...唔錯...裡面既肉好嫩, 但可惜係油炸, 所以只淺嗜!沙嗲肥牛煲...油油油!雙菇扒西蘭花...完全係油浸西蘭花!豉汁帶子蒸豆腐...豆腐嫩, 帶子岩岩好!蟹肉糯米飯...面頭既蟹無咩味, 乾, 底下既糯米飯硬少少...飯內有蝦米, 潤腸, 獵腸...通通都硬少少!其實最好食係....額外加既薑汁芥蘭...芥蘭大大棵, 但炒得爽脆, 如果唔好咁油就perfect!連埋汽水, 橙汁, 幾個瀨粉, 米粉...十二人共$13xx!之前既食評好極端, 有好, 有唔好...我就中立!

我今晚心血來潮想食燒鵝,咁咪去能記買囉! 去到時隔離間裕記就排晒隊, 佢地都有算坐滿嘅.我地買外賣, 果個老闆有啲不滿咁叫我個女出去門口等,咁都算啦!但當我返到屋企一打開個蓋,真係唔敢想像...仲衰過o係燒臘店果啲...皮唔脆-我當係放喺個盒度;亂糟糟都算,但點睇都冇半隻啦...唔同果隻係芝麻鵝???咁點值百幾蚊呀?!我一向都會企喺度睇住個師傅斬架,未試過咁離譜. 但今次我個屋企人唔為意,就比人揾苯!!!個老闆一向都好唔禮貌o架啦,估唔到做生意咁唔老實.我絶對唔會再介紹比朋友,就算係仇人都會...費事益咗佢多單生意添!

早幾日朋友想試下入深井食燒鵝，睇openrice 有人話這能記ｄ野唔錯，於是帶佢去試下。七點半行到門口，間野入面無咩人，心諗唔使等位啱晒啦，又靜靜地，於是入去是旦搵個位坐低。點知一入去就有個侍應攔住我地，問我地有幾位，我話有五個仲有一個黎緊，佢問仲有幾耐佢先會到，我話：“好快，佢就係出面行緊入黎”，佢竟然仲追問“咁即係仲有幾耐？”“即係仲有幾多分鐘??”(佢係咁攔住唔比我地坐…我同個frd 都好驚…一時間唔知點答…我點知幾多分鐘呀大佬….賽車咩…) 佢仲話你唔佢知幾時到，咁我點安排ｄ位比你地? (但明明個餐廳都仲有好多台吉出黎點解比個６人都唔得呀??) 佢唔耐煩，指左我地埋一角度坐，哎．．總之就係唔好彩，希望ｄ野好食就算了。激氣><講番野食：先上一個湯，用盅燉的．好濃味，有少少“渴喉”tim！正！然後是半邊鵝，我個frd 就話ｄ肉好唔鮮太油，似燒鴨多ｄ，不過覺得幾好食，ｄ肉軟ｄ皮夠厚，林林地又多肥肉，要加多ｄ酸漿不過原本有兩個菜，個老闆娘話兩樣今日都無貨，話可以將兩碟計埋，轉做一條蒸青斑魚，一樣價錢。佢地好惡，頭先一入黎，我ｄfrd 已經有ｄ唔開心…今次老闆娘走過黎要我

七點幾約左朋友入深井食燒鵝，因為上次食過陳記，今次就想試下新野。本來打算食裕記，點知去到門口見排晒人龍，我地又唔想等，咁見前面個間「能記燒鵝飯店」冇咩客大把位，成場都係三四台，咁咪諗住一試無妨，點知咁就換黎一次失望。一入門口個老闆(唔係侍應)先問我地幾位，答佢四個，有一個黎緊。點知佢就即刻黑面好冇禮貌咁問「咁即係仲要幾耐先到啞?」我地比佢呢條無聊又多餘既問題搞到呆左一呆。我地三個人，你又係開張四人台，我地四個人，你又係開張四人台，個場得個三幾圍客又唔係多人，根本就大把位，都唔明個老闆咁惡屎問條咁既問題黎做咩? 想暗示我地知佢個場好旺生意唔休做，見我地衣著普通又係年輕人就睇人唔起呀? D食物質素一般, 燒鵝好咸，好多大排檔都好過佢，條魚又有腥味，唯一不過不失既就係炒通菜。總括黎講絕對唔值咁既價錢。我地一行五個人叫左個三送套餐，(本來係四送，落左order先又講有兩樣賣晒，建議轉條咩星斑)，盛惠四百五十蚊，計埋一支啤酒、一碗瀨粉、加一，total埋單要五百五十蚊。唉，咁既服務態度，咁既食物水平，好奇怪間野仲可以生存，仲要claim since from 1962…結論︰打死都唔會有下次﹗

昨日本來和一大班朋友到裕記食燒鵝, 但因要等好耐才有位, 大家都肚餓便到隔離能記試一試. 去到先叫一隻燒鵝, 上時隻鵝雜亂無章, 都唔緊要. 試一試鵝胸,一入口,莫說是脆皮,根本是極韌. 味道又太鹹....$280....任何一間燒味店都好食過佢....結論... 無下次....

山長水遠入到嚟，因為今晚想食燒鵝，一諗就諗到深井，最後揀咗能記。估唔到原來店舖幾細，不過坐滿晒人。燒鵝例牌，估唔到咁大碟，三至四人食都仲得，味道唔差又唔係特別好啦。加埋瀨粉食，瀨粉唔會淋pat pat，唔錯。仲有豉椒炒蜆同埋椒絲腐乳通菜，一般啫，炒蜆太辣喇，反而我鐘意多點豉椒味。

諗起冇試過深井燒鵝，咪來試下囉。 叫左半隻鵝，咕嚕肉，椒鹽鮮魷，海王豆腐同炒蜆。隻鵝最出名，但期望越大，失望越大囉，油到死，又唔係話好好味。咕嚕肉同海王豆腐就麻麻啦，椒鹽鮮魷又多粉，最差係炒蜆，一半係壞既，又凍又唔新鮮。唉仲話出名點解仲衰過出面ｄ大排檔架而且又貴仲要貴得好離譜

見係街坊附近行開覺肚餓入左去想食碗鵝瀨點知未入到門口個侍應即係話無碟頭飯同鵝瀨供應佢一睇我一身街坊LOOK好似無咩錢咁就態度咁差狗眼看人低!

個次同男朋友探完屋企人係深井諗住順便係個到食燒鵝到左最出名個間點知爆哂唯有去隔離 入到去見佢都唔係無位但係就無人黎招呼咁企左一陣先有個小朋友過黎帶我地坐低坐低左佢又一支箭咁走左去其他客到好似成間野得佢一個睇哂咁好啦到叫到佢過黎叫茶今次醒d 順便叫野食唔係以佢既人手應該有排都過唔到黎好我地兩個人叫左燒鵝半隻炒蜆同海皇豆腐等左好耐先黎茶仲要沖錯既個小朋友都好識講對唔住不過就無諗過幫我地換算照飲第一樣黎既係燒鵝賣相唔錯起碼唔係斬到甩皮甩骨但係放入口就好唔掂皮一d都唔得仲開始有d硬而d肉就好似煲湯廋肉咁... 我都聽聞呢間係最唔掂但無諗過差到咁男友就更加食到黑哂面咁之後再叫飯等飯途中黎左個炒蜆夠大隻而且都幾好味今日最好食係呢樣... 之後個海皇豆腐黎埋但係個飯都唔知去左邊...再叫個侍應過黎佢先即刻比我...記性差講番個豆腐熱就幾熱不過食到d豆腐好似有陣怪味另一個waiter 建議我地轉食其他...心知不妙啦...算了唔食之後坐左陣埋單睇番台上除左炒蜆食得哂之外半隻鵝都仲有一半係到...埋單二百幾...唔算好貴...不過一d都唔值我覺得最首先要改善既係食物既質素招牌都可以搞到不知所謂既真係唔

a friend recommended nang kee to me last time when we met up, she told me that the food there was great. so i went there on sunday, and i must admit that wut she said is really true. the followings were what we ate on that day: 1) roast goose = delicious and tender 2) deep fried curd bean = crispy (lovely)3) shrimp = strongly recommend4) fried rice = gr8even though the restaurant was quite crowded on that day, but the service was not bad. one reminder, the boss is real nice and his jokes were h

今晚一行五人到深井食燒鵝，本來打算到裕記，但無訂位要等半個鐘，又聽到隔離能記有位，所以抱住大家應該差不多的心態一試。今晚order菜式包括：1)「胡椒豬肚湯」，胡椒辣味真係好勁，湯都算有味，ok得。2)「煎蠔餅」，個樣都似模似樣，但其實係蠔仔炒蛋，完全無落薯粉，所以好散，一ｄ都唔香脆，唔掂！3)「燒鵝半隻」，心諗招牌菜一定無死錯人，但一望已經發覺唔對路：皺皮，即係唔係即燒果隻。再放入口，唉，唔熱，皮唔脆，ｄ肉實過我阿婆，全無鵝味，仲衰過美心ｄ燒鴨！傅記同裕記真係好食過佢十倍！4)「味菜鵝腸」，唔熱，鵝腸好un，全碟水汪汪，完全無炒過跡象，感覺係鵝腸用水灼熟左之後，再撈入味菜便上，唔掂。5)「潮式脆炸豆腐」，全場最熱係呢碟！上跟一碗有菜碎鹽水，問個侍應果碗係乜，佢好有禮貌咁答：「呢碗係for個豆腐，但我都唔係好清楚...」夠坦白！豆腐個面好脆，但一ｄ味都無。問侍應ｄ椒鹽，佢應左一聲，就無返過...6)「蝦醬通菜牛肉」，直情係能人所不能獨門菜式！完全唔熱，無鑊氣，好似撈沙律撈埋一碟咁。雲吞面檔ｄ油菜好味過佢十倍！唔好以為我挑剔作野，我地隔離果兩食到媽媽聲，上菜慢不特止，招牌鵝唔掂，