能記飯店

營業中

休息中

黎過兩三次食, 所謂燒鵝其實好一般, 我推斷係搵水 "sharp" 完再燒, d肉好白 "sharp" .味. 唔係太值入黎食. 但家人鐘意食燒鵝, 無法啦, 而且其他餸都ok, 係魚就好大雪藏味.價錢唔平, 所以質素同價錢唔成正比.不過都算, 一向佢地招呼都ok, ,同埋一向傾計講夜佐, 伙計或 老細都好客氣話收工既. 因為有個熟人響道.但就係早幾晚無同熟人黎, 咁就出事.大約10點幾, 佢地已經砰砰聲咁收工, 如果要收工, 咪過黎講聲, 我地實走咖! 但佢地黑晒口面, 好似我地賴死唔走, 咁算啦, 費事阻人收工. 叫埋單.跟住睇單, 好似唔多岩, 咁就問多兩句d價錢.哇! xxxx 好似乞佢咁, 黑面不單只, 態度晦氣! 同早幾次黎完全兩回事!!我好大聲講, 呢道d伙計識變臉既? 野又唔算好食, 價錢又唔太便宜!佢地重多謝都無句, 一野pat個收銀盤黎. 我想 "發" 佢, 但阿媽話算啦.經過呢次, 我絕對唔會再黎食, 也唔會再入深井, 因為一來無間好食, 二來連唯一呢間一向算係ok, 但原來走遲少少同check單, 伙計會不滿客人既.呢d咁質數, 出面大把, 美X都好過佢! 幾十

難得有朋自遠方來想食燒鵝,所以就去咗深井"能記飯店"我地2個人叫咗每人一碗燒鵝lai粉,唔係因為肚餓,個燒鵝lai粉好好味,個湯好入味!!! 真係唔知佢點整到咁好味~!!! d燒鵝真係外脆內香!!!我個friend都話好好味,最後食多碗!不過因為呢間4唔係咁好搵,所以之前來的時候見不到它,去了前面果間點知重失望而回。下次一定會返去食!!!!

陰差陽錯去唔到到南丫島.....先轉戰IFC...食多次Yo mama......再落藝術中心睇另你友人畢業展......於灣仔黑麥又食多餐後........再去深井友人家睇貓食燒鵝.....友人帶路為方便無去大排長龍果間.....我地一行四人八點 walk in ....10分鐘有位叫了:響螺湯..............:有D咸羅....椒鹽九肚魚..............好咸....仲要唔記得幫我地落單鹽水豆腐..............一般......算比較好食的燒鵝(例)................豬左.....叫半隻應該會靚.......好似放了一段時間咁......還是太咸椒絲腐乳通菜.........油左D......還是咸咸的........食完要去中和返...過發記食甜品 ....轉頭打埋

食左咁多次深井燒鵝，今次係最唔滿意既一次。今日七點鐘到，去到能記，果時都冇乜人，跟住就入左去食。入去order左個六人套餐(但我地得番五個人，仲有一個係女仔)有半隻燒鵝、帶子西蘭花、炸大蝦、炒鵝腸、三椒炒牛肉同埋椒絲腐乳生菜。咁多樣野入面的隻燒鵝可以食得下...其他野呢就真係可以唔洗再order。d帶子太重雪味；d大蝦又係雪既；仲有d鵝腸好似食緊d雞腳皮咁；而d牛肉又係雪到離晒普，一陣膠味；幾個friend食完都異口同聲咁話唔會再encore

我多年前也來過深井食裕記的鵝記,做得非常出色,雖然往後的日子也吃過有質素的鵝,但是找不回那種味道,今回在能記設下五圍之多,差不多佔了店鋪的一大半位置.什麼抵食,一百四十元可以吃燒鵝以及十款八款的小菜,絕對好過去自助餐.鵝的肉質做得幼嫩,而帶有濃味的油份,皮和脂肪也夠平均,難以見到一件勁多脂肪,皮也脆口,但是未到最佳的效果,能記中海蝦,用上不少辣椒去炒,辣味也蓋不了蝦的鮮味,吃落爽身的蝦肉,很適合送啤酒,也不錯的.整晚的水準也做得不錯,自己坐的士入深井的價錢是這餐的一半,什麼叫扺食,吃得出來的.更詳細和相片:http://cky20080.blogspot.com/2010/04/blog-post_26.html

四月下旬看著老師傅將五頭黑草鵝送入炭爐，而劉先生亦順利地在楊屋道街市購入六十多人分量的吊桶、鮮牛柳邊，四月大局也能無風無雨地順利進行，一行62人在深井能記飯店延開五席，熱鬧高興嚐當造炭爐清明鵝。話說得太開了，說回《清明炭爐燒鵝宴》，地方雖然較為隔涉，卻無減食友吃鵝的意慾，畢竟吃鵝是廣東習俗麻，是夜在近六十年歷史的兩層式舊平房露天位置設下五席，廚房及明檔就在十步之內，菜式即炒即上，實在是近廚得吃。五席炭爐燒鵝即斬即上，是夜自己這檯燒鵝是冠大頸長，脂肪較少的鵝公，雖不如食友Iris那邊的雌鵝肥美，但肉質鬆嫩，鵝味也較為濃亦吃到淡淡鵝臊香，不錯不錯。這夜菜式誠言有得亦有失，但以$140的價錢飽嚐原隻燒鵝的十二道菜，食友們心也明白「食米知價」之道，一聲謝謝，只有心存感恩的食客，廚師才會更用心把菜式弄好，若如某人的理論，作為消費者角度去光顧一間食店，吃得不滿意照罵可也，一副暴發戶嘴面都掛在面上，想一又要得二的呱呱在叫，其心不正縱是佳在菜前，又豈會吃得開心？還是繼續將「窮」字鑿在額頭上，去搞氣氛拉隊吃2000円又或明將？己所不欲之事吾不為也，在高興的一夜鵝宴後，下局換個口味一起以平民價，到鹿記嚐紮

「去深井食燒鵝！」是很多人假日的好節目，但這裡不單有一家燒鵝，分別有大排檔格局的能記，傅記，陳記；酒家格局的嘉韻，裕記。其中陳記更分身成為多家分店。哪家不好吃我不便評論，但我跟長住深井20年的夫家一起到深井食燒鵝時，只會選擇能記或嘉韻。嘉韻地方舒適碟頭夠大，能記碟頭較少但小菜精彩。燒鵝半隻HK$168，不便宜，皮燒得極脆，但肉太老太實，加上聲稱半隻的份量明顯有被「偷料」，單為吃燒鵝而來就不及嘉韻抵食。這裡的椒鹽小菜非常出色，菜牌上有椒鹽豬扒椒鹽茄子椒鹽白飯魚椒鹽鮮魷椒鹽鱔球椒鹽九肚魚...等等，不怕熱氣的話，來個全椒鹽宴也不為過。吃了這麼多的椒鹽小菜，當然要來一支「鬼佬涼茶」降降火。青島啤酒大支裝HK$25。吃燒鵝，怎能不配瀨粉？我懷疑所有深井區酒家的瀨粉都是由同一家供應商提供，味道一樣，全都是很。好。吃！滑得來有粘米香，瀨粉表面無油，可盡吸燒鵝汁精華！不過呢，這裡不像嘉韻可另上一壺燒鵝汁，相對失色。收費HK$65的白飯魚煎蛋，食味跟賣相一樣，平平無奇。早知點椒鹽白飯魚啦！（又椒鹽？！）吃了這麼多的蛋白質，點個蔬菜幫助消化。上湯蒜子浸勝瓜也是平凡乏味，HK$48，店家賺到笑！總結，4人

2010年04月23日，20:00難得有週五大局，肯定要參加。店未及裕記和陳記出位，但位置不難找。食友已半數入座，桌上已放有頭盆小食：滷水掌翼。掌翼嫩滑入味，滷汁香而不過鹹，送酒上品。等呀等！20:30主角出場碳燒鵝：皮薄、脆；皮下脂肪香濃；肉嫩、調了香味盡入其中，絕對可橫掃深井。潮式凍烏頭：巨型凍烏頭，魚香濃、肉裡隱藏著看不見的黃油，最終竟魚死留皮，因皮未打鱗，吃不得蒜蓉蒸吊桶：香、鮮、嫩炒鮮牛柳邊：鮮嫩、牛味濃烈，正好配紅酒(席中有利賓納味紅酒)椒鹽焗海中蝦：酥中帶鹹香，蝦肉鮮甜豉椒烏魚扣：口感爽脆、帶獨特的甘香，青紅椒爽甜椒鹽炸四寶：白飯魚、九肚魚、鮮魷、鱔片；酥香不會太油，鮮嫩、全無過火情況；小魚鮮甜、鱔片甘甜。蒜子菠菜：菜味濃烈炸豆腐：精緻的豆腐，脆口、香滑，佐料鹽蔥水倍添食味。單尾稍弱：炒米粉：過濕似炆米，無鑊氣；幸好爽脆米吸滿了滷水汁，把食味提升。瑤柱蛋白炒飯：過油、過濕、過鹹，是晚敗筆之作紅豆沙：見她那"兩忘湮水裡"的賣相令，我決定放棄HK$140絕對超值所以我總找想多參加大局奈何深圳人，祇可小週末回港

食深井燒鵝通常去裕記, 但發覺佢地的水準正在下降, 而且服務不佳, 所以試下轉場到幾步之隔的能記, 其實能記都開左幾十年架啦, 應該都唔差吧!!??先叫了半隻燒鵝($168), 雖然唔係新鮮出爐, 但都仲係暖的, 咬落去鵝皮微脆, 肉質有彈性而且鵝味幾濃, 都幾有咬口, 亦唔算肥, 水準不錯另叫了豉油王吊桶,($65) 呢度用左比平時大些少的吊桶, 所以要將吊桶同鬚剪開, 方便食用, 因為吊桶新鮮, 用豉油輕炒已經可以, 醬汁掛得不錯, 味濃又不過咸, 另外千祈唔好錯過做配菜的爽口銀芽又叫了沙嗲肥牛粉絲煲, 足料, 但粉絲偏腍, 而且沙嗲味嚴重缺乏, 失敗之作而黃金煎藕餅則望落去幾吸引, 但其實係炸的, 而且食落去藕味好淡, 厚粉, 感覺唔似藕餅仲有一個潮式炸豆腐, 豆腐已切到一粒粒正方型的, 炸得過火了, 皮比較硬, 配無咩味的蔥油, 太油膩了, 我完全唔識欣賞, 難道潮式炸豆腐真係咁樣??有無食友可以指點下燒鵝同豉油王吊桶水準之作, 但係其他野又麻麻地, 不過食得多隔離果間, 試下呢間都可以呀!!

二月下旬北鴨南鵝，粵人有吃鵝的習慣，農歷三月二十二清明節，也是時候定一局吃鵝的時令菜了，年前在澄海老四來了潮式滷獅頭鵝宴，今年打算換個口味吃傳統粵式燒鵝，雖說本地橫街小巷都擺賣燒鵝，但要招呼數十人，質素佳而價錢合理卻又真的乏善可陳．．．除好吃的燒鵝外,海鮮也出色,如吊桶與觸鬚已拆開清洗處理，再以豉油稍作兜炒，吃起來爽嫩，未至於爆得香口惹味，但新鮮貨色掛上薄薄豉油添味，墊底的銀芽清爽不著菜青味，也吃得很滿意。更多佳鵝故事分享@ http://foodxfile.blogspot.com/2010/03/blog-post.html

澳門朋友話想試下深井燒鵝，咪去深井食晚飯。服務尚可, 環境是一般飯店形式, 水準一般。價錢卻偏貴。收茶錢，加一服務及小芥等豆腐蒸帶子 (豆腐很"鞋"，帶子欠新鮮) $88.00半隻燒鵝 (味道偏淡) $168.00西蘭花炒黑椒牛柳粒(一般) $58.00煎蓮藕餅(一般) $55.00蒜蓉蒸中蝦$120.00 ( 蒜味重及偏鹹 )食材可能不是太新鮮, 所以用頗多的調味了, 以遮蓋其本身的味道.

閏五月十九‧時晴時雨就在吃烤豬的周未，難得有小半天的空檔，就約了幾位朋友，周圍走走，第一站就是來深井吃燒鵝。請教過對深井燒鵝做過研究的年青食友，推薦這裡，而第二輪燒鵝是二時燒起，就訂了二時半的位。可能是飯市已過，二時多來到，這裡也沒有幾個客人，我們是接近包場。坐了在店子外的地方，用厚透明膠紙蓋著門面，空調充足，也坐得很舒適。拿餐牌來看看，隨手點些菜色，除了燒鵝，也來一碟鵝頭頸併掌翼，另外還有鹽焗三鮮、椒鹽白飯魚、椒鹽豆腐、煎藕餅、胡椒豬肚湯，喜見餐牌上有烏魚扣，當然不能錯過，也來一碟豉椒炒的，單尾來一碟干燒瀨粉，幾豐富的了。要了半隻燒鵝，新鮮出爐熱辣辣，肉質鮮嫩，鵝汁充盈，在座朋友皆讚好；吃鵝也少不得吃鵝掌翼，肉質「結實」，吃起來花費不少牙力。味道則還可以，甘香味濃，是另一味下酒良品；鹽焗三鮮即鱔、鮮魷及九肚魚，一次過滿足三個願望，很好。炸漿不厚又炸得鬆脆，有水準的；椒鹽白飯魚吃其香脆，椒鹽豆腐皮略厚，豆腐的口感也實了一點，煎藕餅是後加的項目，吃得到蓮藕的口感，卻慳水慳力；胡椒豬肚湯看顏色已知不太對辦，當一般例湯來喝，還可以；烏魚扣切了花，吃起來還特別脆口的；來個干炒瀨粉試試，炒得幾香

最近同深井燒鵝真有緣，繼六月裕記、七月陳記後，八月今次去咗能記……星期六晚抽起條根話入深井食飯，起無訂位情況下，只有揀間唔起眼嘅能記，佢起裕記隔離，拍埋一齊出名唔出名嘅差別好大！講真，如果唔計燒鵝，我覺得呢間係三間之中最好，呢間嘅燒鵝唔熱，連暖都講不上，而且皮亦唔脆，反而佢其他小菜唔錯喎，起碼大大碟又好味，可能因為佢唔出名啦~~牛柳粒西蘭花 ~ 牛柳粒超多，辣辣哋幾入味翠塘豆腐 ~ 籠仔荷葉蒸，又係好大碟，味道調教得唔錯咕嚕斑塊 ~ 汁夠酸，我幾鍾意，而且食得咕嚕肉多，食吓斑塊都唔錯魚雲煲 ~ 麻麻哋，炸得太乾，份量都較少蒜蓉白菜仔 ~ 好簡單一道菜，但白菜仔唔多靚豉油王生蝦 ~ 剛剛好一人一隻，大大隻，豉油汁好味，蝦亦鮮味將佢當為一間酒家食飯嘅話，呢間絕對合格，但唔好對燒鵝期望咁高囉~~

睇食評, 話D鵝吾錯, 只係老闆有D古怪, 甘就 Ja 車入去試下. 由荃灣去, 入深井, 一右轉就到, 交低架車比人, 一入去, 只有兩台人, 時間7:40. 可能是平日, 都好. 不用那麼逼.叫了1) 燒鵝半隻 (好味)(2) 帶子豆腐 (好好味)(3) 椒鹽豬扒 (好味)(4) 西蘭花黑椒牛柳粒 (好好好好好好味)(5) 白菜 (好味)(6) 炸蓮藕餅 (好好好好好好味)賴粉/飯/coke/beer基本上一個字 ------ 讚!!! 埋單問老闆可否 look card, 老闆話得 ------ 賀年卡/聖誕卡, 都幾好笑, 好friendly bor. 到8:30 已滿坐. 都好受歡迎架. 六個人, 一人一百元, 真係 What do you want arh. 沒有後悔沒有到陳X或裕X. 地方小小, 好氣氛呀!!!

零八年十二月下旬別過食友，走入小巷買燒鵝返屋企加料，看這裡燒鵝剛出爐不久，與裕記一樣是區內質素穩陣的燒鵝店，這裡卻比那邊足料一點、老實一點。老酒家，帶金鍊師傅手勢純熟，吩咐了留起鵝頭汁另上，手起刀落很快切出半盒靚鵝，十餘分鐘後，打包了盒鵝同梅子醬、鵝汁走。廿分鐘返到屋企，出深井其實比出旺角仲方便，已近年尾汕頭鵝肉也被比較削，皮的色水光鮮，沒烤到過，厚身的鵝胸留給老弟清理，背的位置及骨的位置家母是比較欣賞，汁另外用碟盛著，充滿著藥材與鵝油味道，是焗鵝時漏出的汁水。用上炭火烤焗的鵝，皮也乾脆，肉亦保留有肉汁，試了小件背脊位，肉少但嫩皮微脆也有微微脂肪的香，胸的位置粗韌得不得了，但肉味濃，算是冬天不錯的好鵝了，吃到大半，連美味鵝頭都清掉，要靠梅子醬中和消膩。