脆味批

營業中

休息中

住附近試過外賣食過一次，味道一般之前無堂食，呢排經過見到有堂食就試吓同員工傾下偈先知原來佢哋呢排轉左老闆，啲嘢食唔同曬餅底都係師傅即日搓，好脆好味咗好多！😋下次會試埋炸雞！價錢平過其他連鎖Pizza舖好平，性價比高👍🏻12寸大批，夠曬2個人食啖啖肉

炸雞配蒜蓉包係我好鐘意嘅一對絕配。炸雞啲外皮炸到金黃酥脆，一啖咬落去，啲肉汁就會噴出嚟，好滋味。佢啲肉質都好嫩，一啖咬落去，啲肉汁就會噴出嚟，好多汁。而且佢啲香味好濃郁，香氣四溢，一聞到就食嘴水嚟。至於蒜蓉包，佢係一個鮮蒜蓉包裹住嘅軟綿麵包。麵包外層酥脆，內裡係鬆軟嘅口感。而蒜蓉嘅香氣好濃郁，一啖咬落去，啲蒜蓉嘅味道就會散發出嚟，好香好濃味。蒜蓉包配炸雞，可以將炸雞啲油膩感中和返，同時又增加咗味道層次。

由於我去附近HKTVmall攞嘢，所以順便去呢度買個Pizza，反正未食過，諗住試吓啦，所以叫咗個二人餐，加大左個Pizza所以$148。呢間店好黑暗，似乎只係做外賣？但係外賣唔知點解要加一蚊，究竟點解呢？無從稽考，因為呢度冇人回答的。呢度嘅食物難食到爆，諗住咩都試吓，所以叫個二人餐，點知個忌廉湯，得半碗都唔知有冇，好明顯係用粉開出嚟，完全冇料。雖然價錢平，不過真係好難食，佢個意粉，我已經係即刻打開食，但係裏面都係爛晒，點解可以爛蓉蓉嘅呢？理解唔到呢間Pizza店，竟然最難食係Pizza，唔係講笑，真係好難食，冇乜醬汁，食唔到蕃茄醬味道，好乾身，好硬，整體超級難食，我覺得便利店嗰啲仲好食，早啲唔加大，最終係食唔到一半，掉晒最奇怪係之後我發現佢冇比一罐汽水我，我問佢哋廚房，完全冇人回應，問門口職員，冇人回應，問中年職員，冇人回應，佢哋淨係自己傾偈，真係黐線到爆！呢度真係好得人驚！

試咗外賣芝心素pizza，第一次試，出奇幾好味，餅底鬆軟，賣相吸引，也算是多料，有菠蘿、蕃茄等等，家人都讚，難得有素Pizza做到這個水準，欣賞欣賞！會再幫襯的！

早前有去過這間環境陳舊的pizza店光顧, 深深得知他們是滄海遺珠的pizza店。非常巧合地, 這兩個月也有幸試過四間分別位於馬鞍山、葵芳、長沙灣(新店)和這裡屯門景峰分店, 每次吃過後都會帶著歡喜的心情。而這天在市中心逛過街後也特意乘輕鐵過來光顧。與其他分店一樣, 餐廳內環境都積著黏黏的油漬, 堂食座位只有兩三張, 大多數食客都會選擇外賣自取或送到府上。根據過往經驗, pizza一定要堂食才會品嚐到最佳的味道, 外賣因pizza的餘溫在盒內被水蒸氣蒸焗, 導致pizza批邊失去鬆脆的口感。這次也很幸運地堂食的只有我們這一枱, 縱使店內細小也不會因此而感到焗促。他們所提供的多人餐絕對比眾知名pizza連鎖店都便宜, 但二人餐也只限於9吋的批, 要另加錢才可以升級致標準的12吋大小。當然所謂的"標準"也是我個人認為享用美味pizza最低的大小尺寸, 在餐廳一般而言已經被界定為"大批"了。而為了好好地享用這pizza, 放棄了套餐的選擇, 轉而單點一款小食和自選大批。起初選擇的咖哩薯餅早就售罄了, 只好只葡撻代替。單以葡撻而言也只不過是普遍的翻熱貨色, 只要中間還是暖的就可以了。然後到主角

以前食係真係幾好。但近排食過幾次，每次都服務態度好差。打電話落單次次都兇你要兩個鐘先送到但實際又唔使。炸雞，蒜蓉包送到黎淋pat pat。pizza 都算ok。平日有時都無一至五套餐，唔知點解。

諗住唔洗比其他外賣平台抽成，八點經網上系統嗌外賣。網上系統8:05PM商家收到訂單，8:15PM備餐，8:35PM配送。9:20PM未到，打電話去問話系統有問題，依家先見到張單。等咗個幾鐘先講無。要叫外賣既人唔該諗清楚。Think before you do if you call for a delivery!We used their online system for a delivery ordering. The system clearly showed the order is received by the restaurant and preparing the food. After half and hour waiting, we called but the staff inform they just receive the order. Nonsense!

我可以好肯定咁講，如果你想試佢哋d Pizza ， 我建議你不如去超級市場求其買個雪藏Pizza翻屋企用微波爐，焗爐，電飯煲求其整熱都會好食過佢！ 如果好食唔過呢間野你留言我請你食Pizza

臨近端午, 家中大廚忙包糉, 一家人馬上決定叫外賣。4個人叫了個大胃王B餐, 妹妹好期待說裡面都是她喜歡的食物。加錢轉了50/50 , 一半環遊世界(茄底),一半千島海鮮,滿足家人各人喜好。不脆，整體尚可。又加錢將小食換了百里香燒排骨，鞋，排骨鞋我可以接受，調味不錯。炸雞又加錢換了韓式炸雞（原味炸雞＋一盆辣醬-_-)有點油膩，脆度/滑度都好一般。湯。稀白無味。滿$200送左個紫菜雞卷...好大方(相中間白紙袋內)....唔....唔脆是意料之中, 正確來說是好淋, 口感怪異。放棄。說到底是外賣速遞，不應該對它有過份幻想及要求的。

在 屯門 虹橋和景峰區我和老公經常幫襯的薄餅店， 這裏可以堂食，也可以外賣，更可以打電話送上門。價錢合理，二人餐只需要112元， 有六吋薄餅、小食、意粉和飲品～ 豐富的二人餐！6吋薄餅我和老公都不夠吃，所以會加20蚊增大至9吋薄餅 薄餅店整食物的速度非常快 ， 坐下五分鐘左右就有小食送到 汽水是可以從雪櫃自行挑選的。 這裏是厚薄餅(櫻之花)， 熱辣辣出爐，食落口很香脆 我加了8蚊轉豬肋骨，豬肋骨食落比較乾，肉很硬，水準不佳 我加了兩元把炸雞轉為蜜糖烤雞， 超正這是屋村 食物價錢，所以很抵食

野食算抵食 夠熱雞係幾脆幾juicy 好食既可惜其中一名員工成日聽唔到人講野 （其他客都係） 好燥咁同人講野 明明我好有禮貌見佢唔只對我係咁 對其他客都係咁希望可以改善下～

在網上看見pizza所以很想外賣速遞pizza， 經過research，這間pizza店應該是最平的了。我們點了 bbq 特式燒烤大批 ＄144。等了20分鐘， pizza已經送到家了，超快的。光是pizza的外賣盒已經熱辣辣，便知道十分新鮮！我們打開了pizza，陣陣燒烤香味傳進鼻中。 賣相十分吸引，看見雞肉很多，芝士層也厚厚的。我們便開始進食pizza晚餐。不是說笑，它的芝士量勁多，每一口也是滿口芝士， 每塊pizza與pizza之間，芝士的拉絲多到拉不完。 而青椒不會烤到 overheat, 一點也不乾爭爭。這間pizza真的有平，又抵吃，又好味，真心絕對推介！外賣速遞附送了coupon，看來也好似幾抵呢！而他亦附送一半menu, 不過它的網上menu 有更多的選擇， 這本實物 menu只是顯示了一半的選擇。

由沙田返屯門 懶得煮同冇左Pizza-Pile所以就試下chubby pizza咖哩情緣 外賣自取$80見新推廣 咖哩做底既醬料睇材料其實全部都係咖哩雞既材料烤雞唔搶既肉味 洋蔥青椒有fresh既感覺咖哩可以係批度頗突出 咖哩當然就離唔開薯仔（雖然係薯角整體材料都十分配襯最重要係好厚好厚好厚既芝士仲可以拉絲 增厚左唔少口感

周末持續下雨，只好留在家中叫外賣。不知何時開始，KfC和麥麥送由快遞變慢遞，繁忙時間動軋要兩小時，選擇局限又昂貴，還是試試一些小眾外賣店吧!這家脆味批在我家附近有分店，前身是芝脆鳥，平價外賣pizza來説算是能做出該有的質素，不妨挑機試試。使用網上訂餐服務首次滿$100加$39送指定普通批一個，很化算的優惠! 但老公堅持要西班牙狂牛薄餅，只好選大胃王A餐($158)，足2-3人用，包普通批一個，任選兩款意粉、焗飯、小食、炸雞三件，飲品三罐 、餐湯三客 、蒜蓉包 任擇一款，比必勝客便宜一點，也没KFC的選擇單一。下單程序不複雜，外賣也在一小時内送到。這大胃王餐是挺豐富的，合二人之力根本吃不完。皇牌炸雞就是為了要吃炸雞才選上脆味批。雞胸、雞上脾、雞下脾各ㄧ，肉厚炸粉更厚，卻不算油膩。外皮略乾但脆身得很，肉質算嫩，老公甚至認為比KFC好吃。百里香燒豬排骨(+$10)不想吃意粉焗飯，强烈建議改選這一款。份量慷慨的豬排骨，伴有脆薯角，配以燒烤醬及茄醬。豬排骨是有點燶焦，可幸是仍帶肉汁，肉嫩不靭，還真的飄出陣陣百里香的香氣，外送速遞來説算不錯了。西班牙狂牛(+$10)未及水準的，反而是薄餅。普通批

琴日我地一行5人黎到景峰呢個脆味批晚餐因为我地大家都好肚餓 好快就諗好食乜就沖去點餐點餐後 我地就先拎汽水飲住先啦飲下飲下飲哂一罐 望一望個時間 原原來等左有三十分鐘！男友即刻去問個職員幾時有得食 職員就回答要等多5分鐘 有個著住雨衣既職員話焗野要耐啲 後生仔耐心啲等多陣我地就答佢 我地等左三十分鐘 仲唔耐心？佢就笑笑口話因間請一件炸雞我地食 等多陣咁話等左三十分鐘後 有野食啦首先黎左個餐湯 一飲凍既點解？話左聲俾個樓面妹妹仔聽，佢就粒聲唔出拎左入廚房 過左一陣拎番出黎！ 一飲 淡而無味 好似加左大量熱水既湯跟住到pizza！個pizza邊燶哂 有一邊直到冇雞肉粒既 pizza焗35分鐘係會燶哂架咬落去有食碳既味道再黎係炸雞 老闆話俾多一件我地 真係有6件啵 但係我地係得5個人呢炸雞賣相好吸引 即刻想食啖先 一咬好失望 全部都係粉黎 隻雞脾細到BB隻手咁細總結呢一餐簡直係失望到爆燈！呢間景峰脆味批1個字，勁差