膳坊 (已結業)

小弟對於這間小店非常熟悉。由於小弟在中二至中五都經常光顧此小店，不要以為此小店十分美味，而是我們根本沒有任何選擇。其他美味的餐廳經常滿座，所以我與好幾位知己只能夠到此小店享受狗糧的午餐。此小店不但令人類難以入口，而且常常都會消失的午餐簡稱「漏單」。加上，服務態度簡直不可理喻又如碼頭咕喱一樣。 若果你堅持光顧此小店，那麼就請先看看我的推介。

本身係街坊，以前經常嚟食，最近幾個月已經少左嚟。今日食咗個咖哩雞扒飯，上枱時咖喱已經是微涼，而且D薯仔又生，D飯又硬。。。唉，咁叫我以後點再嚟😓呢區已經無乜好D嘅茶記，點算！

銀芽肉絲炒麵，所謂既炒麵原來系炸面，心淡，價錢亦都不敢恭維，貴到死，而且分量又少，用同樣既價錢可以食得俾距好好多。。第一次幫襯，而呢次，亦都系以後一次幫襯。so upset

領匯(展)樂富商場 預咗價錢高少少天福軒結業 少少失望嘅 轉食西式早餐 “膳坊“ 街坊式好招呼 落單就有啲亂種類款式大同小異 牛油多士 熱菜蜜 行貨冇特別煎双旦~半生熟旦黃 即煎 嫩滑好味公仔麵~轉牛扒+5元 牛扒 係“炸“嘅 冇汁跟 問取燒汁“橙紅色“嘅 總覺有啲怪牛扒(肉)醃過夠晒林 冇牛肉味冇牛油味麵湯少 冇色唔夠味 食唔晒再搵其他充饑

以前係因為呢度又大,舒服同都好食而黎,而家越黎越差!叫個下午茶雙拼公仔麵33蚊,已經覺得貴,餐牌細細隻字:假期加3蚊!但可惜個麵湯底無味,重衰過自己屋企煮公仔麵,而沙嗲牛肉d牛肉一d都唔好食,肉質好散唔似牛肉,重要得幾舊肉仔!我係女仔都食唔飽,點夠一個男人食得飽!到我叫杯朱古力(濃d朱古力),個職員完全當聽唔到,杯野黎左,勁多奶勁難飲!所以我都心淡,決定唔會再幫襯,等佢執左佢吧~

十年都唔會黎開樂富，商場舖已經變晒。行行下經過見到佢推介必食農夫包（即係咖哩牛腩包）又未過食tea時間，就去試下啦！order了農夫包，鮑汁雞粒炒飯。兩杯熱O餐茶，茶味很濃，O檬不苦。炒飯料足，但偏咸，有待改善。農夫包表面很脆，內裡的白面包很軟……而且咖哩薯仔牛腩味道剛剛好，不太辣也不太咸。汁醬也非常夠，牛腩唔so....比想像中好吃食晒一個=食2碗飯，好飽。我覺得這間點最出色的應該是咖哩，因眼見大多數食客也是點咖哩食品喔

2013年的第1餐由於起身時已經是下午3時所以選擇到了商場的「膳坊」全場爆滿 有點o嘴點了下午茶餐「福建炒飯」落早唔夠三分鐘 個飯已經黎左個飯似白飯 微暖 仲要冇煙上面既汁少之又少 好似人地食淨咁食左一啖 忍唔住投訴 叫佢換老闆娘仲話「福建炒飯」不嬲系咁簡直離譜 轉左個咖哩雞扒飯d飯同汁都系微暖過左十分鐘杯野飲先黎即使人多都唔應該亂咁整求其搵d飯加個汁就叫「福建炒飯」?三分鐘出到個「福建炒飯」?祝生意興隆

試過這裡的下午茶雖然不太好食, 今天再比機會試多次, 唔揀沙律, 要了個人認為幾好食的焗豬扒飯, 另試下星洲抄米同西多士星洲抄米最先上枱, 看似顏色頗對辦, 但吃落沒有咖哩粉的香和辣, 要自己加辣椒醬, 而且材料也非常吝嗇, 除了有幾粒很柴的叉燒粒外, 還有數粒蝦蟆西多士是由兩塊麵包中間塗了花生醬來炸, 炸得不過火, 可惜花生醬不多也不香, 西多上巳放了牛油, 再按自己的喜好再伴以糖槳, 三人分來吃也不漏抄過底再焗的豬扒飯, 飯面上除了有茄醬外, 也散發芝士絲絲香味, 切開的豬扒也有5-6條, 味道不賴上次錯過左叫即磨咖啡, 今次要了兩杯及一杯熱檸茶, 咖啡上枱時已發覺不對勁, 除了咖啡的顏色同泡沫不似機出外, 飲下去時比一杯普通沖調的咖啡還要差

是日人日, 好友請我食下午茶, 以往去開隔鄰雲味園, 今次去膳坊試下, 叫了一份吉列豬扒跟沙律, 一份鮮茄焗豬扒意粉, 一份乾抄黑椒牛柳絲意粉, 互相分享一下先來吉列豬扒跟沙律, 沙律賣相很差, 整份沙律水汪汪的, 材料有蘋果, 青瓜, 紅蘿白, 罐頭菠蘿, 入口很淋, 就連蘋果都不爽口, 所有材料像用水烚過似的, 反而吉列豬扒炸得不過火之餘連炸粉也不厚, 味道適中, 豬扒瘦而邊邊帶點肥, 入口尚嫩滑黑椒牛柳絲抄意粉, 每條意粉沾上豉油色澤, 卻沒有豉油些微的咸味, 零味道的同時, 幸好還有一些黑椒粒來吊吊味, 牛柳絲則有好幾條, 入口不韌 最後來焗豬扒意粉, 這個是三個茶餐中, 具有最好賣相的, 豬扒意粉上枱時, 飯面上的蕃茄和溶了的芝士還是熱騰騰的舞動著, 先把意粉和芝士蕃茄醬拌勻, 醬汁剛好, 入口意粉偏淋, 豬扒也有三小片, 剛好一人一件, 先吃豬扒, 肉質不韌,但醃料太濃和太搶, 三人都不約而同說不及吉列豬扒的好吃又是餐茶時候, 三杯餐茶上枱時, 看見有 一塊塊凝固了的物體浮面, 相信是餐茶沖好後, 放了一段時間, 在沒有攪動的情況下形成

上年黎食過都唔好印象, 諗住以後唔黎, 但今日友居然欽點要黎, 又唔好意思推, 咁就俾多一次機會佢LA3個人, 叫左2個LUNCH忌廉湯---夠熱 不過.........好杰又得幾粒粟米.........唔好飲魚香茄子肉碎飯----茄子熱但係個汁就唔夠熱又冇魚香係入面豉椒班腩飯----D 班腩應該即炸, 因為好熱, 但係同魚香茄子肉碎飯一樣....D汁係唔夠熱的....最離譜係D白飯......MUD唔係係飯煲"畢" 上黎GA咩....送到黎已經即刻食GA LA BOR....居然係凍GEI................真係唔會再俾機會呢間野............ 仲要唔係平......

今日一支公落左樂富商場食野揀左一間叫「膳坊」既餐廳因為依間野較為多客-_-可能因為太早(12點左右)所以唔洗等位叫左個鮮茄焗雞扒飯($36)凍朱古力(+$2)仲有餐湯送 揀左紅湯依度既湯幾好飲 辣辣地 又多料 正!!!個飯黎既時間比我預期中快賣相唔錯 塊雞扒都幾厚 厚得黎d肉唔鞋 仲幾入味 正!!!個飯用左炒飯底 個汁真系食得出有鮮茄味-_-唔錯唔錯 仲有幾塊好淋既洋蔥同波羅杯野飲濃左少少-_- 唔系幾夠甜-_-冇帶相機 所以冇影到相-_-一至五唔洗加一 埋單$38貴左少少-_- 畢竟樂富都唔系一個咩高級地方-_-

早一段時間前頗常去樂富購物, 順理成章地在那裡醫肚. 當日下午兩時多, 食店人頭湧湧. 由於這店最快有位子, 於是入內一試. 店內佔地不少, 食客也很多,不過茶餐廳格局, 座位很窄, 枱與枱之間的空位很少, 給人一種很焗促的感覺. 由於實在肚子餓, 所以點了些較飽肚的下午茶餐. 先來的是黑椒牛扒意粉, 配上黑椒汁, 看起來的確不差, 而且很大碟! 可是, 吃了第一口之後就發展不對勁. 先是碟內凡的西蘭花, 雖然青綠, 但完全沒有味道, 只是用熱水燙熟, 連用鹽來調味也沒有, 燙熟後連帶西蘭花本身的鮮味也泡掉, 變得淡而無味; 意粉也出現同樣情況, 丁點調味也沒有, 而且也烚得過火, al dente當然是沒有, 結果是沒有味道之外又煮得過腍! 如果不是有黑椒汁的話, 用"味同嚼蜡"來形容也不過火; 牛扒則完全相反, 熟透之外還十分"有嚼勁", 幾可與吃香口膠比比拼!日式海鮮炒烏冬的味道遠較黑椒牛扒意粉出色, 雖然說不上很好吃, 但起碼比它好! 日式海鮮只有蟹柳, 日式魚蛋, 魷魚之類, 但炒烏冬的調味不俗, 鹹度適中, 而且烏冬不太腍身, 吃起來仍然有點煙韌的, 算是不差之作.芝士焗金

樂富商場3樓之前開o既四間(茶)餐廳，終於試晒。呢度算坐得最唔舒服，枱同枱之間好窄，結果真係發生意外，成褲都係奶茶...不過，講開奶茶，的確係咁多間之中，水準最高o既一間。今日早餐食咗：沙爹牛肉通粉拼雙蛋、回鍋肉拼紅腸公仔麵，餐送多士。多士係厚身多士，更加唔孤寒，好多牛油，味道質地都唔錯。沙爹牛肉只係一般，通粉就偏腍，雙蛋其實煎得唔錯，可惜凍咗啲...回鍋肉ok，但麵就唔掂，又係太腍惹禍...紅腸水準差異好大，一片好好味，一片有異味...杯奶茶就值得再嚟，不過，要揀邊位坐

一天之計在於晨首要是一杯濃郁細滑的奶茶樂富廣場裏的星泰真味跟易牙妙手的奶茶都淡如奶水今天就再到膳坊來吧～點了個C1 + 煎雙蛋，配冰奶茶少奶走甜（HKD25）平日的早上9點，客人並不多食物也就很快送上奶油厚吐司巳經去邊說是厚吐司也沒有大快活的厚囉～抹上奶油的厚吐司烤的金黃金黃的，外脆內軟冰奶茶濃郁香滑，個人喜歡少奶，這樣才能突顯茶香煎雙蛋一點都不會過油，而且是最漂亮的太陽蛋！蛋白有點焦，蛋黃卻還是生的用叉子一戳，蛋汁洶湧而出嫩嫩的加點鹽巴，美味滿分～沙嗲牛肉公仔麵的牛肉顏色濃郁，充滿花生香入味．嫩滑．無渣公仔麵欠了點彈Q，整體變得有點失色下次改為米粉好了～旁邊的婆婆點了同樣的C1餐厚吐司原來可改為奶油吐司！菜牌上並沒有提及的咧這比奶油吐司吸引多了嘛～詳細食評及照片請看：http://hk.myblog.yahoo.com/foodiebarbie/article?mid=3031

1. 服務態度差桌上沒有餐牌, 沒有待應主動拎比客人, 就算我地嗌, 都要等一陣先拎黎.點了2個日式拉麵, 飲品要等10分鐘先有, 食物更加要等到30分鐘才到, 隔離客人吃鐵板燒等30分鐘還算可以接受, 但我地嗌的是拉麵, 要等30分鐘未免太過份!! 2. 食物質素差日式叉燒拉麵, 叉燒只有幾片, 還浸在一碗味精湯, 賣相很不佳呢!日式餃子拉麵, 又是一碗味精湯, 餃子仲要係凍的, 只是用了豉油來調味~~總括而言, 好耐未去過咁差既餐廳, 真係無下次!!!!