自家人餐廳 (已結業)

去完濕地公園，返嚟元朗揾嘢食！見間菜館好似飲食男女介紹過，於是一試！前菜香辣豆腐干好鬼醒胃！ 香煎墨魚餅 ($65)好大碟bor，味道唔錯！幾彈牙，用嚟送啤酒一流！ 客家黃酒炒雞 ($68)真係好正，啲薑加埋啲黃酒、紅棗超濃味，I like it!!!!!! 菜甫豆卜煮深水什斑 ($98)好大碗，有成4條海斑仔，啲肉好滑，但太多骨！啲湯超甜，勁多菜甫，如果豆卜再多啲就好喇！間菜館坐得幾舒適，每張卡位都有一部小電視，抵讚！員工做嘢爽快，主動加茶收碟。餸菜上枱亦夠快手，份量足！唔錯！唔錯！

上個星期有屋企人話想食客家菜, 我見到元朗開左間客家菜館, 咪諗住一家人一齊出去食餐客家菜囉, 點知希望而來, 失望而回~~~我地三個人點左三餸一主食客家梅菜扣肉 => 又咸又甜, 先食到咸味之後就覺得d梅菜勁甜客家煎釀荳腐 => 都算ok, 但係d豆腐就硬到跌落地下都唔會爛咸醱菜炒豬雜 => 勁咸, 咸到苦, 媽咪話佢d咸菜浸得唔夠, 所以個咸味仲好重, d豬雜(豬肝, 粉腸, 豬肚) 都ok, 但係我就嫌d豬肝有少少苦必試干炒牛河 => 俾佢個"必試"扼咗, 以為"必試"就一定好正啦, 點知....只係一碟普通油淋淋炒河

本來想同老公and幾個朋友一齊去食印尼野.但一去到先知結左業. 現在是一間客家菜館. 我地幾個friends 商量左一陣, 就決定入去試下( in fact 係我地睇到入面都好多人食緊, 就唔想左諗去邊到食). 一入到去就有個surprise- 各卡位都設有獨立mini電視...對於我這個電視迷, 實左是一大喜信...哈哈! then 老闆就向我們推介了這裡的招牌菜, 有木耳墨魚炆豬肉(這個菜色d味道好似我婆婆煮得一樣咁好食, 我屋企人一定勁like it), 羅白烙( my favor, 好有口感 好似煎蠔餅, 好正), 咸菜豆卜煮門鱔(我老公至愛魚,佢話lee個魚湯好正), 鮮果生炒骨(有啤梨, 幾好吃) and 虾干鐵板通菜(好香, 有獲氣)...5個人.5個菜.6個豬油飯, 2支青島, 結果係咩都清晒.都係承惠400蚊左右. 都幾抵食. comment係我地一定會左返黎食lor and我會帶埋daddy mummy黎試下.p.s.如果weekend去.最好去食之前打電話去book位.因為我地都等了20分鐘