至尊重慶雞煲 (創興廣場)

營業中

休息中

雞煲打邊爐絕對係成班朋友聚餐嘅熱門選擇！ 前排同契爸食飯🤣跟住契爸話想食雞煲，於是就搵到最近嘅至尊重慶雞煲，價錢都相當實惠，任飲任食兩小時仲要免加一😍😍😍整體評分：6.9/10味道：7/10服務：6/10環境：6.5/10人均消費：$100-200地址：至尊重慶雞煲 (創興廣場) (旺角)旺角彌敦道593-601號創興廣場16樓至尊重慶雞煲：雞煲係即煮嘅，同大部分餐廳唔同，雞肉唔會煮得太老，肉質嫩滑多汁，個汁都好惹味配料：有牛肉、豚肉，花膠，牛柏葉，魷魚等等😋😋😋全部都幾正，肥牛牛肉味濃～另外，仲有丸腸類，自家製水餃，滑雞肉，響鈴，烏冬，韓式公仔麵等超過30款食材～最後當然唔少得飲品同甜品啦～😍😍😍選擇都唔少，仲有雪糕杯，雪米糍，雪條等😋

全家都休假，老大提議吃雞煲，無所謂，到樓下，估計早沒人等電梯，就到16樓2小時任飲任食168/位一隻雞煲～小辣，靠窗位置，環境不錯，雞有點辣，醬汁感覺有點濃油膩，喝了2瓶檸檬茶，其他配料一般。

創興最出名除左係100yen店之外, 成幢都係餐廳, 今晚黎食雞煲, 都係唸起li度, 今次直上16樓嘅至尊, 裡面地方大到…一入去第一時間睇到Asahi同Somersby個牌🤣.==========係16樓啊==========🥢場內除左app order嘅火鍋生料, 出面設有自由斟嘅醬料bar, 亦有幾款開胃餐前小食(青瓜,雲耳, 雞腳),拎野飲嘅雪櫃放滿好多款野飲, 真係up得出想飲mug都揾到🍻🧃.🥢等左一陣就有得食, d雞肉已經熟唒ready to eat la, 多肉而且入味+嫩加左分可以同阿媽黎食, 勁多紫洋葱係好正嘅.🥢話唒都係限時用餐, 所以差唔多食唒雞肉我地就夾左其餘雞肉出黎後食, 然後加湯滾住先. 用qr code order真係好方便.==============================————————HOTPOT TIME ——-——————肥牛, 羊, 響鈴, 花膠, 魚皮餃li d 生料全部都好新鮮靚仔衞生, 而且感覺無漏單, 即使都好滿座. 個雞煲加左湯之後都越食越辣, 梗係啦睇返個煲係有唔小辣椒同椒, 惹味到一個點😋. Order份量如果係1其

一起去食雞煲火鍋！😍早前朋友推薦呢間雞煲😌由於不能提早預約 去到排晒長龍都等左30-45mins 啊🙂不過果然幾高性價比啊～ 埋單$316兩個人人均先$158！無論雞煲定係火鍋都係2小時任食架！平時雞煲食完第一輪就冇架啦呢間係任食😎仲要好好食！雞好滑又入味 我地都食左兩輪～我見隔離嗰台食左四輪🤣真係抵到爛！仲有必叫的炸饅頭！😍飲品都係任飲架～餐廳職員都好nice ☺️置樂至尊雞煲

相約朋友想食下雞煲，在商場下收到宣傳單，見優惠中去食，入場坐低叫了小辣雞煲，雖然比較辣，味道還可以，雞肉可惜太肥了，好多肥膏，食完之後，落湯打邊爐，叫了肥牛，豚肉同雞肉，肉質不算太好，脂肪比較多，其他丸及內臟都叫可以接受，唯一好味的是蔬菜類同飲品都叫多選擇。食完有本地雪糕甜品。本次體驗不太好

嚟到呢間至尊雞煲 價錢唔算貴性價比一般黎到就首先揀雞煲嘅辣度🌶由小至大辣嘅程度可以揀（入咗起計兩小時）坐低之後去咗調料嘅地方有蔥、辣椒、蒜蓉、豉油、XO醬等等，調料方面都算多（但係雞煲醬個調味本身都好濃味，所以基本上到到後期根本都唔需要點呢啲調味料，啲配料基本上都入味）雞煲一嚟到就好香，佢仲配埋一個火鍋嘅湯底喺隔離，事關本人覺得成個雞煲偏鹹所以即刻加咗啲湯底🤡配料方面有肥牛、滑雞件、豬肉片、鯇魚片、豬紅、牛柏葉、響鈴等等丸類有龍蝦丸、芝士腸、芝士丸，認真d選擇並唔多）配菜嗌咗啲娃娃菜、生菜、芽菜 叫正正常常啦雪糕方面反而有較多選擇，有唔同口味嘅雪糕：芒果、桃味、雲呢拿、朱古力、仲有抹茶味嘅雪米糍嘢飲選擇都多，普通汽水呀，茶類嘅都有。總結呢間雞煲 中中等等，選擇雖然唔夠其他多，但都夠食嘅👀

至尊重慶雞煲放題入冬⛄️開始有啲涼意，呢個係食雞煲邊爐嘅節奏喇！好耐冇出旺角食呢啲邊爐放題，今次就上去呢間CP值幾高嘅餐廳試下！雞煲可選辣度🌶近排太熱氣，所以叫咗bb辣就算😂雞煲嘅辣係川辣個種，係後勁帶點麻個種辣。雞件入味，份量適中，味道正常任食邊爐🫕配料有各款肉類，丸類，蔬菜🥬比較驚喜有花膠，豬皮，魷魚🦑，牛栢葉。呢幾款可以加埋落雞煲炒！🔥令到雞煲更加美味！食完雞煲就可以自己加湯打邊爐🍲配料係電子落單，個日都冇漏單，點單後大概10分鐘就送到。任飲Asahi Somersby 🍻呢間真係酒鬼必到😹有得任飲Asahi Somersby蘋果酒🍻兩款啤酒都放係出面，可以自己添飲。除咗呢兩款仲有嘉士伯，jolly sandy😂同埋各款紙包罐裝飲品自助吧除咗醬料之外，仲有幾款涼拌前菜，不過小編太飽就冇試喇最後仲有任食雪糕🍦有雀巢杯裝，coco berry，雪條等總括而言，小編認為150蚊左右可以食兩個鐘真係好抵😂假如你對食物質素冇好高嘅要求而且又中意飲下啤酒🍻想同朋友👫🏻👭平平地揾個地方落腳，呢到係個好選擇

想喺旺角食雞煲、打邊爐仍然有平靚正選擇～～今次黎到至尊重慶雞煲，聽聞性價比好高😍😍餐廳環境乾淨企理，食物選擇好多～～收費都只係$168/位(唔收加一)，就可以任飲任食2小時，都真係幾吸引🤩🤩-🥘2小時任飲任食雞煲火鍋放題 $168/位✨落單後店員會喺廚房拎一煲雞煲出黎煮～～份量大概半隻雞左右，望落都唔少！配料有辣椒、紫洋蔥、芫茜等😋😋秘製醬汁令到每一件雞肉都好惹味！雞肉肉質滑溜，唔錯👍🏻👍🏻食到咁上下就自己加湯打邊爐～～任食款式好多，有各種肉類、丸類、蔬菜、粉麵～～特別推薦款式有👇🏻👇🏻🐮美國肥牛：切得比較薄，脂肪少肉味濃，食多幾片都唔膩🐷豬頸肉：鮮嫩彈牙，索哂湯汁好好味🥠炸魚皮：好新鮮，咬落仲係嗦嗦聲🍄秀珍菇：洗得好乾淨，大大片好有口感最特別係有自家製水餃🥟，包括有洋蔥牛肉餃同韭菜豬肉餃～～私心推薦洋蔥牛肉餃，皮薄餡多！而且洋蔥碎香甜爽口，牛肉碎都醃得入味🤤🤤食飽就可以去雪糕櫃拎雪糕～～都好多選擇，基本上一定會搵到自己鍾意既口味😋😋一大班朋友黎食就啱哂🙆🏻‍♀️🙆🏻‍♀️

至尊重慶雞煲 (創興廣場) (旺角)。本身有其他分店，但見到好似剩低旺角分店。晚市收費係每位成人$168 任食兩小時，最後半小時會last order。午市優惠時段先每位$138 任食1.5小時。大約7:30已經八九成滿，建議早啲去就唔駛等位 。。一開始會先上咗雞煲先，雞煲可以揀辣度，我哋今日就叫咗小辣。我哋兩個人只係得半隻雞，雞煲裏面仲有啲洋蔥同芹菜。一開始食唔係好辣，但係越食就越辣🔥，但係好食嘅。啲雞煮咗陣都仲幾滑，而且有好多雞腿肉😋食得好滿足。食完雞煲之後就加湯打邊爐，打邊爐食物要時scan QR code落單。每款食物我哋都叫咗啲，肉類有牛豬雞羊，菜類有油麥菜、生菜、娃娃菜同白菜仔。基本嘅肉丸同腸仔都有，仲有豬紅、牛柏葉、鵝腸呢啲小食。牛肉同羊肉味道正常，因本身雞煲醬汁比較濃郁，冇額外點調味料都夠味。食咗個雞煲都有啲飽，叫咗第一輪嘢食之後都冇再叫其他 。除咗嘢食之外佢哋有幾多唔同款式嘅罐裝、支裝飲品同啤酒。有茶有果汁。甜品方面就有懷舊雪條、雪米糍同雪糕杯等等。可以任食雪米糍都幾爽。。📍旺角彌敦道593-601號創興廣場16樓

今次嚟到旺角呢間至尊重慶火鍋， 佢個雞煲真係好正宗， 將底配料都係重慶嘅正宗味道， 夠曬惹味又麻又香， 鍾意食辣嘅朋友就真係要嚟試下啦， 食完雞煲仲可以用埋個湯底去打邊爐， 一個醬料兩用真係好掂。雞煲上到嚟配料都幾多， 雞醃得都幾均勻， 每件雞都知滿曬辣汁， 醃得好入味， 洋蔥芫茜啲配料都昇華咗個雞煲， 而家嘅份量都幾足， 同埋件件都啖啖肉唔會淨係啲雞頭雞頸。到牛肉方面， 牛肥得嚟，肥膏分佈都幾均勻， 而且切得都算幾厚， 食落就好有口感， 仲有佢夠曬大件， 一啖食落去好有滿足感。配料方面， 都算幾多元化， 而且樣樣都好新鮮， 本人就最鍾意佢個響鈴， 因為夠曬脆同埋乾身。 魚皮都一樣， 唔會通曬風咁。

呢間雞㷛雖然啲火煱料唔算勁出色，不過勝在CP值夠高（$168/位），佢嘅雞㷛係好食嘅😋😋，夠香又夠惹味，d雞都好滑🤤🤤，最差係肥牛，紙咁薄仲好鞋😒😒其他火煱料就正正常常，但咁嘅價錢，淨係食個雞㷛都抵啦😅😅，而且有得任飲最開心，竟然有Asahi & Applecider生啤，仲有嘉士伯同JollySandy，其他正常無酒精嘅都有好多選擇，食完仲有雪糕做甜品😋😋所以呢個價位，絕對係月光族可以飲飽食醉嘅最好選擇🤣🤣

香港人一年四季都喜歡打邊爐🥘，近期天氣漸漸轉涼， 就更是瘋狂打邊爐的好時機🤩。 到至尊重慶雞煲食晚飯， 位於旺角彌敦道593-601號創興廣場16樓。 第一次來這裏打邊爐， 環境闊落舒適，雞煲火鍋放題$168 任飲任食兩小時。 先點一個小辣雞煲😋， 雞肉嫩滑又非常入味， 微辣就剛剛適合我✌🏻。 食完雞煲之後就放入花膠、水土魷和牛柏葉，三款都吸入雞煲的味道， 非常惹味我推介水土魷👍🏻！ 另外火鍋配料都有很多款式， 肥牛、羊肉片和豚肉， 三款我就比較喜歡羊肉片， 嫩滑好味。 丸類推介墨魚丸， 有粒粒墨魚口感彈牙。 最後到烏冬和油麥菜， 烏冬掛湯，辣辣地好開胃。 自助區有熟食、飲品 ( 啤酒任飲) 、醬料、雪糕和雪條， 喜歡吃玄米茶雪糕🍦， 不太甜茶味香濃。 親民雞煲火鍋， 平靚正之選🤩✌🏻。    

假日出街食飯，有個大食朋友就一定唔會諗到去打邊爐或者食放題，呢排發掘左一間重慶雞煲，性價比超高，仲可以做埋會員儲分～賣相超級吸引，有大辣、中辣、小辣同BB辣，怕辣嘅朋友可以照叫BB啦，食到咁上下拎走啲辣椒就可以啦！味道超入味，店舖推介可以放花膠、水魷魚、牛柏葉，之後再加湯打邊爐，呢個食法唔錯！加埋豬皮食超級入味好好食！肥牛、羊肉賣相都好好！佢會睇人數配給，但來食物夠快，唔好浪費就好！甜品也不錯～又有啤酒飲！冷氣夠凍，間隔也不錯，讚

天氣轉冷，吃火鍋雞煲最好不過，喺旺角好多選擇，今晚就去左至尊火鍋雞煲專門店！任飲任食雞煲、火鍋、放縱一下。旺角站直上，交通方便，佈置簡潔，地方闊落。大堂中間是肉類、海鮮、蔬菜、熟食、麵食、飲品、甜品等等我們點了一個小辣雞煲，雞肉嫩滑味道夠香，雞件可以無限加，第二次點了大辣，辣到噴火，好過癮！如果唔食辣可點其他湯底。飲品都有10幾款水餃都係新鮮手包。韭菜豬紅夠滑食物質素亦不錯，人均消費$200左右，很不錯吧！

旺角既創興廣場16/F 至尊雞煲，簡直是我多年之前讀書和同學朋友出黎食野聚會既地方，出名平靚正夠抵食！好耐無去了，回去懷免一番。價錢非常實惠沒有多加條款，名碼實價~時代既變遷，而家已經用手機掃 QR code落單，任飲任食岩哂我地呢 d大胃皇！先叫雞煲，仍然有以前既風味，香辣惹味！醬汁好得，雞件嫩滑又多肉，吸哂醬汁味，好得。肥牛片呢個價錢任食已經幾好，雖然薄薄，但勝在都有肉香！再叫丸類，魷魚等火鍋配料，都幾正都新鮮。食到飽飽仲有特別雪糕味道，幾新奇！平靚正性價比之選！