至尊重慶雞煲 (創興廣場)

營業中

休息中

*如果你今日想食雞煲，記得唔好過嚟食☺️咁多年來都係旺角食親雞煲第一個選擇一定係揀呢度因為覺得價錢合理質素唔錯，無過嚟一排，其實乜嘢都唔同晒，唔記得影低個雞煲一擺上台有幾衰，數埋都唔夠十粒，完全冇湯完全冇汁完全冇配料，唔敢相信係比緊幾百蚊會出現嘅畫面，跟住啲服務員嘅態度係玩嘢嘅，求其擺喺個枱面嘅角落頭，一手夾完舊雞放落自己個碗都未發現佢擺低咗啲嘢喺個「角落頭」，個手踭就批跌咗碟羊肉落地，搞到我嘥晒啲嘢食，雖然本身都唔好食，坐低咗都要食埋先走㗎，如果你真係仲想食雞煲，我希望你見到呢個post唔需要黎哩到食雞煲 ，從來都未試過打食評，唔係衰到震衰到貼地，都唔會食住嘢，得閒打開部手機打呢篇咁大嘅嘢，唔好再嚟幫襯👍🏻尤其是係以前嚟過嘅人唔好洗冤枉錢 希望呢篇嘢可以拯救到大家🫡

，我從來未食過一間餐廳嘅雞煲咁難食，特別係嗰啲肉類火鍋配料，垃圾到不堪。好多人會講區價錢係抵食，但係我唔認為因為抵食就要比呢啲垃圾食物客人。除咗一啲蔬菜同埋麵食係冇問題之外（因為係供應商叫貨返嚟）所有肉類嘅食物都係非常差，雞件就比雞絲，嗰啲魚皮餃一啖咬落去全部都係油。嗰啲所謂嘅雪花肥牛，好似俾咗疊煙肉我去打邊爐。其餘嘅食物差到我都唔想再評論🤬🤬🤬總之我同女朋友食完都好嬲，我餐廳裏面啲員工個個做到好似死老竇咁（可能間餐廳個老闆衰啩）講到明11:00那時order我都冇問題，10:50就叫啲客人last order仲有冇嘢叫？唔係咁掛？公司規矩定係個經理教咁樣做？我可以保證呢一世，我都唔會再去至尊雞煲食嘢。希望佢快啲結業，唔好害人。

東西不好吃，不衛生，有好幾盤都帶有頭髮，鸭肠很怪，根本不像，沒一個好吃，極力不推薦，豬紅很腥，主要是看到頭髮夾著頭皮屑瞬間沒胃口，沒坐到20分鐘就走人，下次准不再來

TGIF最近天氣轉涼，又是係時候食雞煲啦，整整一年冇食過超級懷念的🤩下班就趴趴走黎到呢間至尊重慶雞煲，小編嗌左呢個招牌重慶雞煲🥘食完雞煲當然就會有火鍋啦，$200仲有蠔🦪食都算係咁啦😍雞煲那個濃、香、辣嘅味道讓人超級感動，雞件很滑，冇好柴👍🏻食完雞煲加水落去打邊邊，完全唔會覺得個湯底變淡，味道岩岩好😋打邊邊嘅選項都唔少，兩種牛，肉眼同雪花食落都唔錯，牛味超濃；羊肉片經過雞煲湯底洗禮，竟然仲有騷味健在，正呀😍蠔應該係用左廣爬蠔，size都唔細，淥完都仲好肥美👍🏻總括黎講，呢間CP值都唔差，小編自己都會encore呀😁

#至尊重慶雞煲 旺角彌敦道 至尊重慶雞煲 (創興廣場) 雖然30幾度,但係都黎左食早場火鍋專門店店主經營火鍋店有數十年經驗，對重慶雞煲有獨特秘方，原煲即煮的重慶雞煲依照重慶大廚的正宗秘方，惹味香口濃郁好食任食有幾十種配料任選任食,包括肥牛,腩片,魚片,任飲啤酒可樂仲有雪糕雪條,仲要開到好夜,連午市都可以食放題最難係預訂位置了吧 推薦菜式重慶雞煲!!又香又辣又惹味,食完加湯再打邊爐,火鍋料夠選擇多最重要上菜快,夠曬時間慢慢食餐廳資訊地址：油尖旺區旺角彌敦道593-601號創興廣場16樓電話：+852 21482628

已經一段時間冇食雞煲，今日同朋友聚會決定食，呢間地方大坐得比較舒服，一入去坐嘅時候店員就問我哋選擇什麼辣度，因為我唔係好食得辣所以揀咗小辣。等緊雞煲嗰陣我哋就出咗去拎飲品，飲品選擇多，而且雪得好凍，好清涼。由於我哋得兩個人所以會送上半隻雞，雞肉嫩滑多汁，醬汁濃郁，食完雞之後店員就幫我哋加湯可以去打邊爐。打邊爐醬汁配料可以出邊拎，另外仲有自家製餃子，餃子皮薄餡多。我哋另外叫咗牛肉羊肉，肉味濃郁，嫩。另外我覺得貢丸幾好食，彈牙。魷魚筒豬皮吸收晒醬汁味道。廣島蠔鮮甜美味。食到好飽，我哋仲出去食咗雪糕，雪糕選擇非常之多。

至尊雞煲真係食左好多年，夜晚想平平地係旺角度約班朋友食飯又坐得耐，呢度係一個好選擇！呢個時勢百幾蚊有得你任食任飲個幾兩個鐘，真係好難搵到！雞煲其實都做得好惹味，雞既份量都算多！肉類就真係。。。。可以切番厚少少既基本丸類都齊蔬菜算新鮮

首先呢度啲野食都唔算好高質㗎啦，仲要嚟嘅時候上得好少，雞煲都好似燶燶地。仲有位男經理過嚟埋單同last order嘅時候，態度都好差。我未見過有人嘅態度係咁差，一啲禮貌都冇！利申點都好，唔係幾推薦呢間，唔會有下次

至尊重慶雞煲旺角彌敦道593-601號創興廣場16樓重慶雞煲火鍋放題香港有好多間, 原煲即煮的重慶雞煲有分大、中、小同BB辣。 睇返佢官方介紹, 秘製重慶雞煲醬汁,配料用上花椒、辣椒、大蒜、丁香、豆寇、肉薑及洋葱等十多種, 由重慶直送,抵食架價錢加上任食打邊爐,成日都爆場。即煮由生雞件煮到熟, 所以要等耐D,好心急呀我! 雞煲醬濃郁架, 油爆香配料, 食到舔舔脷。打邊爐料即有人氣之選肥牛、女人最愛架滋補養顏花膠、黑毛豬梅花等豐富火鍋配料。各類丸, 菜, 腸都一定唔會少。每人$ 158 任飲任食2小時 汽水外啤酒都包,有時唔包啤酒要加點, 2個人飲半打都比多成過百元架。呢度包埋啤酒仲要好多牌子, 真係酒客天堂。同埋有雪糕食,習慣放題食埋雪糕做甜品, 記住留QOUTA

放工好想放鬆一下，加上好耐無吃雞煲，一於落旺角吃個雞煲邊爐盡興一番，來到創興廣場的至尊雞煲重慶，可能平日加上時間尚早，而且座位頗多，六點零在無訂位下可即入座，正! 套餐分A、B、C三種，選的是有廣島蠔的C餐，全場任點任食外，重點是有ASAHI生啤任飲，適合朋友歡聚暢飲。雞煲辣度自選，小辣都好夠辣了，雞肉大大舊，每件都沾滿了辣醬，美味可口，吃過雞煲已有三成飽，再來是在雞煲加湯打邊爐，邊爐配料選擇亦算多，當中推介: 海鮮類，包括新鮮的廣島蠔、爽口的水魷魚、香脆炸魚皮、菜類亦新鮮。餐廳內亦有涼拌小食、飲品和雪糕雪條任吃。

有時都好難搵到抵食又好食嘅火鍋自助餐，發現呢度嘅雞煲火鍋性價比高，雖然肉類或丸類嘅選擇唔算好多，但有時食物質素重要過款式多掛，基本上佢哋嘅質素都好平均。基本上$200左右任飲任食，真係幾抵食。最抵嘅當然係飲品，其他地方都係罐裝啤酒或清酒等，但佢有生啤機，生啤始終都被罐裝啤酒更加新鮮，又可以半杯半杯咁樣飲，更容易保持先導及氣泡。雞煲鑊氣足夠，份量大概¼隻雞，唔算好濃味或太鹹，食完雞再放一啲花膠，完全可以吸收雞煲醬汁，更加吸引。雪花肥牛、牛肩胛肉眼及黑毛豬梅花，幾款都切得好薄身，牛肉味濃，食落去質素都唔錯。鯇魚片、貢丸、白魚蛋、豬潤、凍豆腐、牛筋丸、花枝丸，雖然選擇唔算好多，但其實每款都係有質素。雞煲湯底配合蔬菜，我覺得特別夾，所以都點咗唔同款式嘅蔬菜。最後再食埋雪糕及雪米糍甜品，食咗一個豐富又滿足嘅晚餐。

兩年前食過一次 覺得很不錯 所以今次再嚟幫襯但係今次好失望😞 雖然價錢不是太貴 但係食物真係好差雞煲普普通通不算太難食 但係豬紅有少少腥味 響鈴好似食緊膠咁 同埋食完啲嘢啲服務員唔會主動過嚟執 上餐速度非常慢 啲肥牛底盤有好多水 其他食物睇得出係好唔新鮮 雖然價錢比起其他雞煲都算平 但係寧願加多幾十蚊食貴少少😢😢服務員態度極度緩慢 浪費了很多時間在這裏，東西吃完也不會收走，但是有些未吃完已經收走。湯用完了也不會自動加

2小時足料放題，任飲任食雞煲火鍋，好盡興第一樣主菜重慶雞煲，依照重慶大廚的正宗秘方調味好惹味入味，唔會死鹹，勁香雞件夠夠滑 2個人食都比左成10幾20件配料方面有好多優質肥牛，滋補養顏花膠，各種丸類，蜂巢凍豆腐等，海鮮有墨魚仔，魷魚，蝦等都好豐富仲有公仔麵，其餘一般都應有盡有出面仲有啲涼拌小菜，例如涼拌雲耳、麻辣拍青瓜，泡椒雞腳，好岩等緊湯滾既時候食。飲品選好多，各種汽水供應，最特別係有無酒精嘉士伯！最後食咗好幾杯雪糕

喺隔離大廈拎完coupon，一時興起就話想食雞煲，好味嘅雞煲真係買少見少🙈諗咗好耐食18樓定係至尊好，最後都係㨂回憶嘅味道！🤣🤣🙌🏻一開電梯門，滿堂紅😳好sharp既顏色，令人眼前一亮🤣地方都好闊落，兩個人都有4人卡位坐，開心😛有唔同價錢嘅餐㨂，我地頹食就㨂左最平$168@✌🏻如果想任食雞，就每人加多$10，好抵😆雞肉都幾嫩，味道幾好，有辣味不過偏咸左啲🙈要係咁加湯煮下👌🏻QR code落單，好方便👍🏻普通嘅豬肉牛肉都有，丸呀腸仔魚皮，連牛柏葉、豬肚、墨魚仔都有😯不過呢個價錢對佢嘅要求當然唔好太高🤭飲品櫃有勁多選擇😍拎曬想飲既野😎雪糕方面都叫做好多選擇，有coco berry, 牛奶公司，雪米滋，紅豆樂🤣🤣回憶返晒黎食下食下都幾咸，不過呢隻味真係傳統嘅香港雞煲先有，久唔時食下都回味無窮🥰👌🏻

今日早啲同老豆慶祝父親節，試左呢間至尊雞煲首先一入場，居然安排到靚坐位，兩個人都安排咁大張枱，環境都好舒服，可慢慢嘆雞煲☺️第一樣主菜雞煲惹味入味，唔會死鹹，勁香，足料食完雞煲再打邊爐火煱配料選擇好多，雞牛羊豬海鮮，連花膠都有，呢個價食到咁多嘢真係好抵食！最後仲有勁多雪糕選擇！有coco berry 😍食到咁上下，就梗係要食啲甜品😋最後食咗好幾杯雪糕，回晒本☺️呢個價錢講，食到咁多嘢，真係好抵老豆都讚不絕口