至尊重慶雞煲 (堅拿道西) (已結業)

今晚行開銅鑼灣，黎到鵝頸橋下覓食，突然想打邊爐，搵到依間至尊雞煲火鍋任食，都唔使200蚊，就去試下一入到去，已經坐滿8成，好彩仲有位。侍應已經主動問定要大，中，細辣，需要等一陣，因為即時煮。枱面仲有張紙教你點食至好。飲品，小食，醬油出面可以自己拎。飲品除左有雪櫃既罐裝飲品，有汽水，啤酒，韓國特飲；仲有任斟既，試過意米水同椰青水，都唔會過甜，仲幾解膩。小食都有唔少，等緊雞煲到時可以頂住個肚先，有魚蛋，拍青瓜，醃蘿白，鳳爪等。醬料除左有基本豉油外，仲有6款特色味道可選擇。點菜紙大路野都有，仲有花膠添。亦會提醒切勿浪費食物依個好重要，叫自己適合既份量，所以我地都係想食既劃左一份only 。終於等到個雞煲喇，叫左個小辣，炒得好香夠入味，唔會鞋口啖啖肉，2個人份量剛剛好好快就清晒喇。配料黎喇，豬牛都有叫到，1份份量唔會太多，可以試唔同既野。黑豚腩片口感比普通豬肉片煙韌爽口，唔錯。肥牛片片紋理均勻，唔會好肥，牛味香。其他材料都好新鮮，每份唔會多，剛剛好。丸類都好彈牙，墨丸夠特別，芝士丸咬落去仲有拉絲感覺。冬菇唔會乾身，炸魚腐好味，魚皮仲係大大塊好爽脆架。基本上叫完一round都已經9成飽。最後食埋

至尊重慶雞煲位于鬧市鵝頸橋旁邊，人來人往，屬鬧市中的平民餐廳，晚市劃一收費$158連加一，踏入大門口已有侍應熱情招呼安排坐位，經過熟食及果汁機，雙眼已定位在我至愛餐前小食泡椒雞腳頭，在油麻地一間店賣$20只有幾塊，這裡任食簡直bling bling眼。有熟食魚蛋、冷盤醃酸蘿蔔、麻辣拍青瓜、泡椒辣雞腳頭、甜品有綠豆沙、西米露汽水櫃任飲主角麻辣雞煲出場，我們點了中辣，麻辣度剛剛好，雞同厚嫩多汁，如果可以配飯簡直一流之選，可惜沒有餐前小食：麻辣拍青瓜、泡椒雞腳頭，好好味雞煲後可以打邊爐，任點任食

三號風球，但天氣依然好好，相約朋友到銅鑼灣食麻辣雞煲，我地一行人6:30左右到達，暫時未見人龍，地理位置相當好，在鵝頸橋旁邊旺中帶靜，晚市$158全包冇加一，任飲任食放題。入門口有飲品機，自己斟雀巢雪糕，紅豆雪條，大腳八任食汽水櫃餐前配菜係我至愛，有酸蘿蔔、拍青瓜、泡椒雞腳，酸酸辣辣，十分醒胃主角雞煲出場，我地點了中辣，雞肉鮮嫩多汁兼入味，麻中帶辣，各人都埋頭不停食食食，食完再點左其他火鍋料，有肥牛、魚骨腩、豚肉、金菇、冬菇、廚師腸、牛栢葉、娃娃菜、淮陽豆腐等等，因為我地顧住食同傾計，所以唔記得左影相

如果係港島區，想食有質素火鍋，又想食麻辣雞，又要地區方便，至尊重慶雞煲係個好選擇。一個價錢$158全包，頭盤方面有小食數款，包括拍青瓜，雞腳味道不錯，是送酒一流。雞煲有四款辣可選，今次選了中辣就番同事，雞煲有大量雞腿肉，肉質很滑，麻辣味十足，配料份量十足，師傅加了糖中和辣同咸味，令這個雞煲味道更有層次。火鍋料最有驚喜，大量新鮮材料，如鮮魚片，雞子，青口，雞肉，肥牛，賣相一般但食得到非常新鮮，沒有將價就貨。

雞煲可以揀唔辣，小辣中辣大辣, 三個人都比足一隻雞雞煲醬汁好好味，好香濃，雞肉肉質都相當嫩滑又多肉, 吃完一件又一件 食完雞，加湯打邊爐, 隨即可以跟店舖指示落花膠, 魷魚, 牛柏葉，吸哂啲雞味，超正 自助選料包括青口, 鯇魚, 肥牛，雞件，水魷魚，牛柏葉，菜類，丸類，餃類，粉麵類。自助區有特色小吃好似手拍青瓜，鳳爪，韮菜餃，牛腩 飲品選擇多，beer有3款, 可樂雪碧一般汽水都有，又有韓式飲品，又有台式飲品。仲有雪糕食, 特別介紹係出面好少見既大腳板雪條。

來到週五，真的想把一星期的忙碌通通都忘掉，最好的方法是什麼？當然是放肆地吃一餐豐富的，雞煲放題是我們一個不錯的，因為任吃任喝完全無顧慮！一會兒雞煲就送上了，愛吃辣的我們點了中辣，以為放上的辣椒一定超辣，但能吃的會覺得不算很辣可以接受。雞煲超香噴噴～雞件肉沾上濃濃的醬汁，夠熱夠味又帶辣，吃完一件又一件。這裡的火鍋配料是任點的，而飲品的選擇也不算少！吃著熱辣辣的雞煲配上一罐冰涼的馬蹄爽，感覺超棒！調味料也真的不少～菜是一定要點的，也很新鮮又翠綠！牛柏葉可以吸盡雞煲醬汁的味道，一看就知惹味！夠熱力才可以把芝士丸的芝士發揮到這樣，看看朋友吃得多麼滿足！如果覺得雞煲不夠滿足，這裡還有不少小食可以選擇！最後甜品時間，吃一支冰凍的紅豆樂為今晚劃上一個完整的句號！

在銅鑼灣放工後，相約友伴去吃放題，在鵝頸橋附近有一間雞煲，十分抵吃的價錢，能夠在銅鑼灣的區域內吃到是很實惠的，有各種任飲的飲品可供選擇，餐廳內裏又寬闊又整潔。我不太吃辣，小辣的程度是可以接受，雞煲的肉質嫩滑又入味，吃完雞便可加湯變做火煱，另有熟食，若肚子十分餓的時候，等不及食物煮熟，場內的熟食也不錯。肥牛在火煱中是最吸引，這餐廳的食物質素很好，肥肉的肥瘦比例平均，肉質新鮮，不會很易煮得過硬。相比其他放題，同一價錢，這間是質素很好的。

又到伴娘生日嘅時候喇，伴娘係個邊爐怪，所以同佢食雞煲慶祝生日😆Search過幾間雞煲，佢話未試過呢間，所以就揀銅鑼灣呢個地點就就佢啦話時話見到個招牌寫住兩個鐘任飲任食兩小時😱都只係158蚊一位，真係覺得有冇眼花😱😱😱點解啲雞煲越食越平嘅呢間雞煲有前菜食，未食雞煲之前都可以食啲小食，啲小食質素已經好正，可能我鍾意食雞腳，見到佢有兩款即刻心花怒放🤪有泡椒同沙礓雞腳，兩款都食到我舔舔脷又有魚蛋又有拍青瓜講返雞煲，因為伴娘唔食得辣，所以我地就叫冇辣，橫掂我都未食過冇辣嘅雞煲，所以試一試佢啦成個雞煲拎黎個陣個味好香，雞肉大件又夠嫰，味道非常惹味，以為佢會好咸，但又唔係喎，味道剛好，半隻雞都有好多雞件正吖仲有下半場嘅邊爐，我哋跟個Menu食，食完雞之後就落花膠同埋牛柏葉，花膠同牛柏葉夠咬口又入味，牛肉同豬肉一份嘅份量剛剛好，唔多唔少，唔使浪費重點推介鍾意飲啤酒嘅朋友就發達啦啤酒都係任飲😱😱😱另外佢哋有個蘆薈嘅飲品係出面冇見過嘅，但係又幾好味，我飲咗三罐🤣仲有佢哋有薏米水飲添😱好窩心仲有雪糕雪條食添，加上呢個地理位置簡直抵到爛

講平靚正嘅雞煲我會揀至尊重慶雞煲 , 晚餐時段 7點鐘入座都係$158 一位仲要雞煲火鍋任食啤酒汽水任飲兩個鐘, 仲要免加一, 重點係個雞煲仲要好食 咁抵食嘅餐廳仲可係邊度搵! 雞煲有分大中小辣同BB辣, 因為雞煲會越煮越辣的, 我哋就揀咗個小辣級數。餐廳有自助飲品區之餘,亦設有一個自助小食區, 可以係雞煲嚟之前攞住啲小食嚟開吓胃先! 我就揀咗手拍青瓜同開胃蘿蔔嚟醒醒胃先! 兩款小食微微酸辣幾爽口開胃! 主角雞煲~ 打開煲蓋, 香味溢出, 未食個嗅覺已經感受到佢嘅惹味! 雞煲由花椒, 辣椒, 洋蔥再加其他多款香料等等組成, 再加埋佢哋個秘制醬汁, 辣辣哋,輕微甜甜哋, 帶點麻辣香, 個人幾鐘意, 雞肉好入味, 肉質夠新鮮嫰滑,相當惹味! 再跟住佢哋教嘅食雞3部曲(1)先食雞(2)放花膠,魷魚,牛柏葉 (3)加湯打邊爐。1部曲好味唔再講, 2部曲放埋花膠,魷魚落去吸晒啲雞煲醬汁, 好味到不得了! (我沒有放牛柏葉) 到第3部, 因為想keep 住個雞煲醬味, 我哋每次都只係加好少嘅湯水! 咁就可以每樣食物夠晒惹味! 打邊爐嘅款式有六十幾款咁多, 按自己嘅食量點就可以, 唔好浪費啊！

近呢一兩年因為某啲原因而盡量少吃雞，即係有得揀之下都會寧願唔食，不過今晚約咗個好耐無見嘅朋友，佢一嚟就話想食雞煲，兼係好想食嗰隻，連舖頭都搵埋，所以令我最終決定順佢意去食喇，尋找久違了食雞嘅感覺😆😆😆其實食雞煲最緊要嘅都係個調味嘅汁，同埋埋啲雞嫰唔嫰口，我個人對至尊嗰個調味汁幾鐘意，小辛辣亦有麻味，但唔會勁搶口而食唔出雞味，至於個雞嘅肉貨都唔錯，滑身嫰口👍🏻👍🏻👍🏻（好彩啲莞茜嘅味蓋過到😂）去到打邊爐，唔洗講打邊爐最緊要喺啲牛肉喇，待應加咗湯後，雞煲湯底嘅味仍晌度，而晌任食嘅層面嚟講，呢到嘅牛色澤唔差，望落去新鮮，亦都因為切得好薄身，一滾幾下就食得，入口都算嫰，唔錯唔錯👍🏻至於其他叫嘅打邊爐料都算ok,跟單足，叫埋都一次過嚟到無漏單，但始終雞先係重點，再加上仍地任飲嘢飲，一開始吹水飲多咗，所以我地兩個人吃咗好少之後就ko咗，但呢到的確係任食一個唔錯嘅選擇💪🏻💪🏻

今時今日, 係銅鑼灣食個飯起碼都要二百幾先落到樓係星期六, 比女朋友係openrice揾到間百中就有雞煲+任食火鍋咁抵食, 就當晚即刻上去朝聖一入座, 職員就問你雞要幾辣, 好有效率, 咁我地當然都即刻快手咁睇下邊爐有咩配料啦! 真係應有盡有, 同埋可以分1-3份咁叫, 確保唔洗食多左唔想食既野幾好因為雞煲要即整比你, 唔係整定, 所以要等, 係等既時候, 最好就梗係去混下醬, 扲下餐前小食啦前菜: 因為要留肚食雞煲同打邊爐, 所以前菜我都係淺嘗味道就算, 魚旦有D似七仔既口感同味道, 都唔錯, 雞腳微辣, 幾開胃另外飲品都應有盡有, 啤酒汽水都齊晒呀!雞煲: 我地叫左小辣, D隻辣真係我都接受到, 香得黎好惹味, 唔會死辣咁, 好味, 而雞肉都幾嫩口, 我地好快就清晒, 有得再叫就好啦!食完雞煲後, 當然係進入邊爐既環節啦, 首先當然食肥牛, 唔洗我多講, 任食有D隻牛既質素相當唔錯, 牛味幾重另外當然仲有叫唔少既火鍋配料啦, 都唔錯既質素, 最重要係可以吸到雞煲既精華, 我地都食到停唔到口係食飽飽後, 千奇唔好唔記得食埋個甜品先走呀!總結D個價錢可以有D個質素既食物, 服務都唔錯,

好耐無食雞煲，今次揀咗任食。成班餓鬼一去到即刻攞咗好多熟食先呢道熟食都算多選擇，淨係雞腳都兩種，有酸辣同沙薑，我地就好鍾意佢個沙薑雞腳主菜來了，四個人都比足一大隻雞我地叫小辣啱啱好肉類都齊，特別要提提個豬五花，喜歡食豬嘅一定要叫食完就跟店舖指示落花膠同魷魚，兩者吸哂啲雞味，超正我地比較鍾意食內臟，呢道選擇都唔少炸魚皮比想像中正，唔係一上枱已經冧哂果啲。咁即價錢有咁多選擇同質素其實好抵食，仲有座位同環境都夠闊

雞煲來講，呢一間啲雞都算幾滑，叫咗少辣，香香哋咁，未開始打邊爐已經食咗好多舊。之後加湯打邊爐，邊爐料都有好多選擇！一般平時打邊爐啲料都有，而且佢仲有提供好多醬料比你自由混醬！值得一提係佢仲少量前菜小食比你自己拎，想食幾多就拎幾多，好似手拍青瓜、茶葉蛋、豬紅，鳳爪呢啲，等緊個爐啲嘢滾熟時可以拎來食下都得！同埋最正係除咗一般汽水、果汁之外，仲有椰子水、薏米水、竹庶馬蹄水任飲！雞煲加打邊爐，飲返呢啲清熱平衡一下，可以食多幾舊雞！食飽後堂然仲有雪糕啦！雞煲完最正就係可以食返杯雪糕，感覺完滿了！

至尊重慶雞煲哇！哇！哇！好難得約到半班舊同學，成13個人食飯，都唔知食咩好。主席提議一齊食雞煲，咁又搞手，食咩都開心。嗰度地方大，不過又坐得幾密，環境一般，係有啲迫。不過我哋多人，所以安排坐靠牆一邊，感覺舒服啲。13個人，可以有三個煲。先講個雞煲，可以揀唔辣，或者小辣中辣大辣。為咗個個都食到，所以我哋都係叫咗唔辣或者少辣。個雞煲醬汁真係好好味，好香濃，好香口，雞件到多，雞肉都滑，不過我個人認為有啲鹹。食完啲雞，就加湯打邊爐，加左湯就好啲，無之前咁死鹹。自助選料都多，一般肥牛，滑雞，水魷魚，牛柏葉，通菜，生菜，魚皮，丸類，餃類，粉麵類，一應有齊。不過我最鍾意食，都係個薯粉同烏冬，索晒雞煲啲汁，好好食。而且嘢飲選擇多，可樂雪碧一般汽水都有，又有韓式飲品，又有台式飲品。仲有雪糕食添。百零蚊，其實都算幾底，用餐時間兩個鐘。不過如果唔太多人，都冇吹交枱。

尋日一行三人行完時代廣場，老公同阿仔都話想食雞煲，於是走左去至尊重慶雞煲幫襯，之前食過唔錯的，到達後立即安排入座，店員亦很有貌，並安排我們坐張四人枱，跟住我地就到出面調味吧調配醬汁，至於自助飲品依舊都選擇多，講返食物先有五六款自取小食(比之前多左啲款式)，有豬紅、雞腳、蘿蔔片、青瓜同魚蛋(都係雞腳最啱我心意👍🏻)，另我地叫左個重慶辣雞鍋要小辣(啲雞件依舊香口味美 辣度適中 正👍🏻)、食完之後再加湯打邊爐，我地order左美國肥牛、黑豚腩片、腸仔、魚皮餃、午餐肉、炸響鈴、水魷魚、鵝腸、青口、粟米、油麥菜、貢丸等，整體食物依然可以保持水準同冇漏單的情況👍🏻，無論整體食物，價錢，店員服務依然keep得好好，這間至尊重慶雞煲，依然值得向大家推介的👍🏻😋