至尊重慶雞煲 (堅拿道西) (已結業)

銅鑼灣食野貴大家都知，但小弟不是富有，又想打邊爐，正在苦惱同時俾我搵到任飲任食至尊重慶雞煲，$158位，我地決定去試。餐廳環境清潔。打邊爐食材多，唔怕冇野食。飲品選擇多，連較貴既嘉士伯都有。醬料款選擇也不少。最期待既雞煲很快就到，雞份量多，而且肉質嫩滑，配上辣，十分夾，好食。肥牛肥瘦分明，有牛味，而且冇喳，唔錯其他食材都新鮮，炸魚皮有驚喜，大塊而夠脆。娃娃菜爽甜，烏冬是獨立包裝，而且唔會雪到硬晒先俾你，值得一讚！最後每人仲有一杯免費雪糕，食到好滿足！最後我地食左咁多野先$316，$158位，銅鑼灣黎講算好抵，下次會再黎惠顧！

心思思想吃放題，下班後又不想走太遠，搜尋一下，雞煲、火鍋放題？原來我們很久沒嚐過雞煲了，雞煲過後又可以火鍋放題，連續滿足了2個願望，所以選了銅鑼灣至尊重慶雞煲😋價錢每位只是$158，心想應該只是很普通的食物吧。但到達餐廳見下單紙，很多款式啊！而且有數款較特別的食物，例如牛骨髓（可惜店員回覆今天沒來貨）、雞子（我是絕對不會碰的😅）、花膠、鵝腸、豬紅，竟然還有青口！真的要試試！自助醬料區有數款醬料選擇，還有開胃前菜，酸酸的青瓜、蘿蔔，味道很好，令我們充滿食慾😆熟食亦有數款，嚐了韮菜豬紅及茶葉蛋非常入味！飲品有數款清熱解暑的飲料，又有多款罐裝飲料任君選擇！我們嚐了椰青水，味道很好🤤🤤竟然還有雪條！肚子都太滿滿了吧！待我們吃過熟食後再來處理它們吧😂雞煲。因我倆都不太嗜辣，故選擇了「BB辣」🤓又怕吃過一大份雞煲後沒有餘力再吃火鍋，幸好雞煲份量不太誇張。雞肉都頗嫩滑，雞不太肥而雞皮爽口😋配合微辣的秘製醬料非常入味！吃過雞煲後，店員代為加入火鍋湯，我們已急不及待點了多款火鍋配料，來吧！盡情地吃吧🤣🤣 下單紙的食物份量有1、2、3供選擇，我倆都非胃口大之人，所以每款點1份就剛好☺️☺️美國肥牛片。非常出色

今日同朋友慶祝生日去左銅鑼灣至尊重慶雞煲食生日飯入到去見到D朋友食緊一D熟食而我坐低隻小辣雞煲就黎到埋到黎已經好香下隻腳好滑同埋無雪味,個辣度岩晒我,唔會辣到飛起個隻再點野食,`都算好多選擇,不過店員推介用雞煲唔落湯住炒下花膠,水魷魚 ,牛柏葉真係另一個風味,辣得黎正之後其他野食都到出面都好多野可以拎個餃子都唔錯入面好多料肉量:唔算好肥,肉味都幾濃淥一陣就搞掂我地都叫左好多野食油麥菜吸收左日月精華咁,辣辣地入口好爽皮爽滑魚片頭爽口彈牙,丸都正常野薯仔唔錯,同樣吸收日月精華魚皮牌好食,唔油膩飲品櫃都幾多野飲,可以俾你飲飽佢仲有個雪糕櫃俾你食

朋友慶生飯,為免朋友回家吃杯麵都係去食雞煲加火鍋一次滿足晒佢地是日去至尊重慶雞煲,先到先等位人未到齊先食熟食先,肥人唔餓得架個豬血都OK喎唔會太腥味茶葉蛋入晒味,好耐無食過喇...仲有鳳爪混我個醬,慢慢混小辣既雞煲好香口,雞又滑入晒味.其實洋蔥先正,識食一定係咁食啦食完個雞煲用返D汁去炒花膠,水魷魚 ,牛柏葉...咁食係正喎,D雞煲汁入晒味,爽呀炸魚皮--好脆口,唔會油膩豬潤新鮮唔腥薯仔,年糕,獅子狗, 炸響鈴 薯仔煲完吸下味,好似平時咖哩薯仔雞翼咁正年糕彈牙爽口炸響鈴入煲吸味一流大量既丸,其中芝士丸 爽滑魚片頭特別要講下爽滑魚片頭彈牙好食.芝士丸咬開爆出黎連埋雞煲汁好正仲有好多餃都唔錯油麥菜 菠菜--吸左味佳品,唔好煲咁耐食呀美國肥牛 黑豚腩肉--都好正,有肉味脂肪比例都唔錯

女朋友又轉工，兜兜轉轉又番黎灣仔區，為左鼓勵佢，就帶佢去食雞煲火鍋，朋友介紹一間位於鵝頸橋附近叫"至尊重慶雞煲"既餐廳，交通方便，好易搵。如果你有搭開隧道巴去紅磡，就一定見過佢地既招牌我倆選左一個小辣重慶雞煲，雞煲嚟到時已經熟晒，香噴噴，流晒口水，可以即食。一打開雞煲，西芹芫茜洋蔥香味湧緊出黎，望落雞既份量相當多 (兩個人有半隻雞)，每件雞Size剛剛好又夠入味。雞的肉質不錯，煮既時間剛好又夠滑，而且，餐廳加左自己調製既雞醬，甜甜地味道更有層次，愈食愈停唔到口。小辣雞煲起初唔算太辣，但食下食下，雞煲愈煮愈收水，麻辣同甜既味道就愈濃香，愈食愈惹味。食完雞煲直接加清湯打邊爐，火鍋配料選擇有好多，有肉類有海鮮仲有丸、餃子、蔬菜、麵等等，加加埋埋都已經幾十樣我地兩個牛魔王梗系第一時間叫碟牛食下啦，油花好夠，食落唔會太韌。肥牛嘅味道同麻辣雞煲湯底好夾，食落特別惹味。另外，仲點左響鈴，魚皮鮫，廚師腸。魚皮鮫系我至愛既牌子，魚肉爽口有口感，另外，外皮好脆帶有些少豆香，好吸引最後，再點左兩款新鮮蔬菜，雜菇同油麥菜中和下再送上任飲任食，飲品相同甜品相

好耐冇食雞煲，去完ps7睇完波鞋順便去食返至尊重慶雞煲。至尊雞煲不嬲都抵食，有小食bar, 自助飲品款式都齊，唔會似出面d 火鍋店得百事...兩個人份雞煲都好足料。湯汁味濃，雞肉好入味，勁想叫多碗飯黎撈汁食。因為唔食得辣，叫左bb 辣黎食，仍然好夠辣(接受到) ，相信bb 辣以上都可以滿足到愛辣人士。入單叫其他配菜，蔬菜新鮮份量足，魚皮大大塊又脆。丸煩肉類都多選擇，牛肉唔會太肥影響食量，非常適合食肉獸。湯汁煲耐左好咸，員工見到亦主動幫忙加水（本來只係加湯的), 可見服務細心。埋單都係百幾，認真抵食！

一睇就睇到嗰度其實應該有啲歷史，感覺有啲殘舊，不過一入到去已經有驚喜，第一次食雞煲火鍋側邊有咖喱魚蛋同埋拍青瓜等等小食可以自取，咁碟雞未嚟到之前自己都可以搵嘢食住先。整體嘢食其實都真係幾好，仲有好多秘製醬汁加落豉油都好好食，不過因為係食雞煲再加湯嘅關係其實唔點豉油都好好食。嘢食選擇上唔算特別多，不過最重要嘅資深院同埋唔同嘅遠慮牛肉全部都齊全。價錢亦都比較平，銅鑼灣來講抵食夾好食呢度都數一數二！嚟緊都會再帶朋友嚟食。

成班老友約出嚟食飯吹水，我哋成班基民，最緊要就係食物好食，環境衛生，坐得小小迫都無所謂。最鍾意就係鵝頸橋旁呢間經濟又好食雞煲。我哋都食到熟曬，一入門口已經拎定嘢飲先，罐裝野飲好多選擇，仲有清涼茶薏米水，飲咗都冇咁熱氣。而且仲有我最喜歡食嘅拍青瓜同埋茶葉蛋。拍青瓜出邊幾十蚊一碟都冇佢整得咁有四川風味。好快雞煲就上枱啦！可以即刻食！雞煲d醬汁真係煮得好好味。雞件啖啖肉，軟滑多汁。今次係美味的辣，食得好刺激。食完雞之後果汁仲好好味，一於放埋花膠同埋牛柏葉再滾下，食得更加惹味。差唔多時間就加湯打邊爐，呢度食係有限時嘅，因為差唔多九點鐘出邊已經有人排隊等位。任點任食嘅打邊爐了都有好多㗎！其中青口、肥牛肉、同埋自家製韭菜水餃都係我最喜歡食嘅。密密食之後，最後仲有雪條或者雪糕杯食，真係由頭食到落尾，每人百幾蚊埋單，真係銅鑼灣飯堂之選擇。

It was a hotpot restaurant in which you can order the food as much as you can. The food was great, I especially recommend the fried fish skin. There are food like curry fish balls that you can directly take them from the front desk. There are drinks and dessert (ice cream) you can take as many as you can. The price is reasonable for so many food and I will definitely visit again!

今日老公講有間雞煲放題，抵食又有質素！我一聽到就二話不說約左今晚食，打去約好彩仲有位😆😆😆間餐廳位置都好方便，連我li個路痴黎講都可以搵到😌餐廳環境都舒適，又有電視睇，最岩我老公，坐左20分鐘左右，已經開始坐滿人🙃嚮雞煲未上前我地當然去拎d前菜黎醫下個肚先，分別拎左咖喱魚蛋，拍青瓜,醃蘿蔔同埋豬紅，d青瓜同蘿蔔好開胃😝！而今晚嘅主角當然係雞煲la 😏我地選擇左BB辣，一上菜時已經係熟左所以可以即刻開餐😝兩個人有成半隻雞，真係非常之有份量，值得一提嘅係醬汁非常香濃加埋炎茜嘅香味，一個字正，就算d雞肉大大件非常入味，同埋無諗過雞肉甘嫩滑，完全無雪味👍🏻👍🏻👍🏻俾個like你,我地好快就清左半隻雞，開始黎打邊爐la，作為一位女士真係非常之鐘意佢地d肥牛係無咩肥膏，但可以保持肉質軟滑而且牛味香濃！encore 左幾轉😌而其他邊爐配料都係好多元化同埋任食嘅，最重要嘅係都好新鮮，同埋要提嘅係，汽水啤酒任飲，真係食得好開心呀😌一個人埋單200都吾洗！非常之低食！仲要嚮銅鑼灣區😍一定會在黎食！

今時今日出來食個晚飯最低消費都要幾十蚊，有時食完都未必夠飽仲要食下小食先夠，所以有時都會俾多小小錢食下其他嘢食，早排就去咗銅記食火鍋，有時真係估唔到呢區都有咁平嘅火鍋食，而且俾$158仲冇加一就食到夠晒大眾化，咪睇咁平就以為冇乜嘢食一入去已聞到濃濃香味，原來呢度係主打食重慶雞煲唔怪之得味道特別香濃，我地當然先食番個招牌重慶雞煲之後先食其他美食，等一陣已見店員攞住一煲煲雞煲出來而且不用等已經可以即食，香辣醬汁已經被雞肉吸收咗就咁睇都知道用料十足，真係要手快有手慢冇趁熱食就最正，一入口已食到醬汁嘅香辣夠晒刺激至於雞肉肉質都相當嫩滑又多肉之餘，仲越食越惹味份量又足，唔怪得有咁多人來食，我仲唔捨得D汁留番食火鍋時用食完美味招牌雞煲又到火鍋時候，火鍋配料都有好多種類，必點一定有美國肥牛，黑豚腩肉，牛柏葉，花膠等唔少得丸類等其他配料趁有時間又可以係自助區食下特色小吃，味道同質素一D都唔差連我都食咗幾次真滋味食嘢時間真係過得特別快食完一輪又一輪，最後食埋甜品已經好滿足享受一餐超值惹味火鍋

今次約咗同個friend喺銅鑼灣食飯， 行到鵝頸橋見到雞煲， 見佢價錢抵又多好評，就試下啦！我同朋友兩個，一個雞煲半隻雞 今次食小辣！ 雞煲醬汁微辣帶甜， 洋蔥芫茜香料十足， okay 喎！雞都未食完，嗱嗱臨點定啲邊爐餸菜！ 食完雞姐姐過嚟加湯，邊爐食品剛好送到！ 點咗好多嘢…… 普通邊爐料就唔講喇講重點必食花膠 一定要淥耐少少， 充滿膠質好好味鵝腸 非常爽脆！我like肥牛 呢個真係好正！ 密密加密密食勿丸 …… 大大粒 墨魚肉青口大大隻芝士丸、豆腐、牛栢又葉都正！熟食我就最鍾意個茶葉蛋！好入味飲品一定要飲個啲罐裝蘆薈飲品， 菠蘿同士多啤梨都好味。 唔太甜，蘆薈又清熱氣！甜品冇食，太飽啦！呢度d 員工態度非常好又有笑容！我like!實在呢度性價比高，同個朋友輕輕鬆鬆食嘢傾偈聚下腳 非常舒服。

今日4個人，人少少走去食雞煲！今次黎咗呢間好近銅鑼灣時代廣場同鵝頸橋嘅 至尊重慶雞煲任食放題。4人一個鍋可以揀唔辣，bb 辣，中辣，大辣...等等記得上次打電話黎book 位book 唔到 可能係星期五，星期六！今次星期日晚終於book 到位！我地叫咗唔辣的，先食d 雞，睇睇都幾多同埋唔會話d 肉好粗糙，唔錯都幾入味。食哂d 雞就到加水然後就可以... 烚下烚下啦幾好嘅係佢會加沙唔係加清水，如果唔係就冇哂味了我地叫咗好多肉同丸，放題每位都係168炸都幾抵。而且可能果晚冇咩人d 店員都幾好服務好快幫我地落單呀，加湯咁幾好。不過唯一唔好係我地果枱用gas士爐，然後加高咗，再加埋個煲又好高搞到我地要企起身夾野食，唔係太方便，如果用電磁爐就冇呢個問題啦因爲冇加高咗，所以我覺得佢地應該全店轉哂做電磁爐！其他方面都幾滿意的

雞煲係香港嚟講好多，一般食完都會唔記得的或者唔會再有懷念，但呢一間至尊雞煲我每次食完之後，都會好想再有下一次。價錢嚟講，我唔覺太貴，以任食嚟講，我覺得性價比好高。飲品嚟講，算多，有酒精有汽水，亦有唔甜嘅烏龍茶，適合一家老小選擇。到雞煲，雞煲啲汁好正，好甜，而我係叫中辣，辣到同個甜係絕配，而每一塊雞都好滑，同好入味，如果鐘意食炎西可以叫佢多炎茜，炎茜堅新鮮。配料有花膠同尤魚，早啲落雞煲煮先入味。甜品我覺得算多。

銅鑼灣算平嘅雞煲+任食火鍋 ,火鍋配料就一般般，但雞煲就唔錯， 19:30 前埋單同 21:30 後入座 ( 星期 5/6/7 就 22:30 同 +$10 ) $118 免加一， 銅鑼灣計真係冇得輸。小食有豬紅，醃瓜幾種，雞腳，有韭菜餃。飲品算多，有芬達，七喜，可樂，檸檬茶，啤酒果啲，計計埋埋有近 10 樣，檸檬茶都有 2+3 款。