臺月

營業中

休息中

無啦啦想食台灣嘢，喺外賣平台見到，點咗個台灣牛肉麵，牛腱好腍，啱啱好又唔會太韌，麵 湯底都好食，又有蘿蔔，但係就有條毛，呢點有待改善。估唔到杯冬瓜茶又幾大杯，味道好啱夠甜，下次想食台灣嘢會再幫襯👍🏻支持小店

叫左牛肉麵、椒麻雞拌麵D牛肉勁林 好好味，而且湯頭正服務態度好好椒麻雞拌麵拌面上面有紅蔥頭醬，是台灣人熟悉的味道👅而且炸雞係古式台灣炸法 好酥好正一定會再去食因為太好味了

🫴🏻呢間台式小店開咗一段時間 但人流唔算太旺🫣 膽粗粗入去試下 裝修乾淨整齊 服務親切 第一個感覺都唔錯👍🏻🧡台南雞絲飯 $42有家嘅味道 味道唔會太濃太油膩 我幾鍾意 珍珠米口感剛好 份量都好足 整體不錯😉🧡廚師盲盒 $64出街食野食到悶悶地😅 有時望住個餐牌 都確實唔知揀咩好 見到有呢個選項 都幾唔錯 就由廚師話事啦👏🏻👍🏻陳桂林滷排骨飯 靈感黎自台灣電影周處除三害 唔知大家有冇睇? 🤭 戲入面主角陳桂林係食得津津有味 上網一搵之下 因為呢套戲 呢個飯瞬間大熱 🤗老闆因此都鑽研呢個飯 確實有啲驚喜 👍🏻豬扒口感鬆軟 🤤醬汁味道濃郁 拌飯確實唔錯😚 老闆仲送杯冬瓜茶 甜度十足 清新可口🥳

見新開幾靚去食下，但真係十分一般，感覺都未煮好啲食物就出嚟開餐廳。叫左個三寶飯，原來只係一碗白飯加一細碗牛腩。。感覺好無誠意。都算，最基本d牛腩紅蘿蔔完全係硬的，唔入味，好難食。咁收我68蚊真係無下次。。。 肉燥娃娃菜，啲肉燥係怪味，唔係平時食開嗰啲味。= =餐廳唯一好處係冇收加一。

平時係屋企附近嘅餐廳食到有啲厭，咁岩行過見到呢間新開嘅台灣菜就決定試一試！黑糖珍珠奶茶黑糖味太少，基本上係飲唔到有黑糖味，令我都有少少懷疑係咪黑糖珍珠奶茶。另外奶味太重完全飲唔到茶味，令到成杯黑糖珍珠奶茶好似一杯奶水咁。澎湖蝦卷蝦卷炸得夠脆身唔錯，不過味道唔係太濃，可能香港人嘅口味偏向重，所以建議店家可以配上醬料或汁咁會好啲。黑麻油雞翼拌麵黑麻油味道唔係太重，唔係好入到雞翼，不過雞翼都算嫩滑唔錯的。糖心蛋味道唔錯夠入味。不過因為黑麻油味道唔夠重，令到拌麵好淡同面身唔夠淋。肉燥娃娃菜娃娃菜落汁都幾鮮嫩同有甜味，不過個肉燥味道有啲怪，可能係口味唔同食唔慣。唔係一般食開嘅肉燥味道，有一浸唔識形容嘅香味。