臻.茶 (Mikiki) (已結業)

芝芝青提(⁎⁍̴̛ᴗ⁍̴̛⁎) 價錢 $38其實就係青提沙冰 上面有芝士奶蓋 覺得有d伏 好多渣係入面 完全唔食唔到果肉 啲沙冰好大粒 唔太鍾意~仲要有啲偏甜 不過芝士奶蓋 值得一讚(≧∇≦)就係為咗飲芝士奶蓋而黎🥰好好味d芝士奶蓋

慢工出細貨😍😍好有水果鮮味嘅手搖飲品😁😁超濃嘅芝士油油果🥑🥑💛💛芝士油油果🥑🥑$42（唔知點解有9折變$38🤫🤫）試過其他鋪嘅牛油果飲品，就算系標榜健康新鮮野嘅，都無牛油果味，因為只要落咗其他野去blend就多數會蓋過😆😆今次見呢間有一款系只有奶蓋同牛油果喺個名度就即管試下。奶蓋好香芝味，質感幾厚，行一段路都未溶😁😁不過如果你系奶蓋迷應該覺得唔夠喉。下面個牛油果，我系見佢即場開個牛油果用羹筆出嚟blend。飲落超香牛油果味🥑🥑，又帶啲奶香，不過亦應該有外加糖。質感creamy, 都有一絲絲牛油果肉喺入面🤪🤪另外屋企人試咗芝士多多莓🍓🍓都好香莓味。同埋個味唔假唔甜，主要都系士多啤梨個酸味加奶味🍼🍼。

行過mikiki口渴買左杯oreo芝士可可飲，又係厚厚嘅奶蓋🤤有芝士嘅咸味，口感順滑，令到飲呢杯可可嘅時候好有層次感😋而且而家仲有折做緊添，仲更加抵飲👍🏻

今日同fd係新蒲崗食飯，順便就黎左呢間埋芝士奶蓋飲品🤤之前都有幫襯開，係新蒲崗黎講，呢間係芝士奶蓋最好飲嘅一間！佢係用紐西蘭🇳🇿奶做嘅奶蓋，奶味濃厚而且好香👃🏻最鍾意係佢飲品有得無糖👍🏻今次我叫左芒芒芝士，因為係沙冰黎無得走冰，但有得走甜已經好正😌可以飲到佢係咪真彩實料，奶蓋份量唔少，目測有2cm厚度👀而且叫走甜嗰陣店員有特登提醒我走甜會好淡，我唔知原味係點，但我走甜飲落唔覺特別淡，依然有陣好香嘅芒果味，只係唔係話好甜嘅芒果味，係低糖版，對我口味黎講啱啱好😛而且做緊8折，原價$38依家$30就飲到🤭

這間茶店其實轉過幾手， 近大半年由幾個女生打理，應該全是兼職。茶飲本來錯，尤其奶蓋，所以一直有幫襯。可惜那些兼職根本無心工作，態度奇差。他們茶飲種類很多，又用一些很奇特名稱，他們自己也記不清楚所有茶飲種類。我有次點"綠妍水果茶"，那個女生望也沒望我， 但問我三次究竟要乜，我斷重覆綠妍水果茶，她最後终於望我一眼，再問我要綠乜呀，我話你個餐牌自己寫住呢個名㗎。跟住另外一次，我要"蕉蕉油油果"， 佢都係問咗我三次 ，但佢張單落咗芝士油油果，我同佢講番落錯咗，我要蕉蕉，佢竟然好嬲咁同我講"唔該你下次講清楚啲吖嘛， 你搞到我要改單 ", 我話我講咗三次因為你問咗我三次，咁我就講咁我不如唔要啦。跟住佢話你唔要咪唔要囉，仲揼返啲錢俾我， 今時今日咁嘅服務態度態度，非常惡劣 ，以後不會幫襯。

我已不是第一次到這家店買野飲。因為本人整愛奶茶，所以每到一家餐廳幾乎點的都是奶茶！茶記的愛喝，台式的也愛喝。而臻茶裡也找到我至愛！登登登登：就是大紅袍珍珠奶茶！我也試過芝士奶蓋大紅袍奶茶，試過一次之後便愛上它，每次有幾會來到mikiki附近都必到這裡買一杯！最近的一次我在鑽石山那邊送完朋友上車更步行當散步過去，就是為了買它回家享受享受！就算行了成廿幾分鐘都覺得值得啦！😂😂😂其實之前還和友人試過其他口味，芝士芒芒，水果系列都很好味！芝士奶蓋都很厚！推薦推薦！

上次行過見到，大大杯金鑽菠蘿做緊特價所以買左黎試下，好好飲，仲好足料好多菠蘿肉。 行開先發現，臻茶成日都會有唔同既特價優惠，限定款式等等....最值得推介，辛苦一班醫護人員在前線抗疫，有折扣優惠比醫護人員，好抵飲。大家都支持下醫護人員啦

我最愛就係芝士奶蓋，今日行過mikiki，見到芝士黑提梳打做緊特價，只係$26 ，對比其他店嘅奶蓋，可謂好抵 所以即刻買來試吓！首先評下賣相，一眼望落去十分吸引，奶蓋好厚好多拎到返屋企都冇話撈勻晒！好好！（因為我鐘意食奶蓋）而且嘅顏色都好靚，上層奶蓋，中層淺紫色梳打，底層提子，適合打卡㗎！ 味道方面個奶蓋好濃厚，好重奶味至於黑提梳打呢，我就叫咗走甜，反而剛剛好，飲落唔會太多人造糖漿嘅甜味，而且飲到底係充滿好多提子皮，我諗呢個係證明佢真係有用提子果肉去沖，對於二十幾蚊一杯，收貨㗎啦！ 不過呢間店成日都會有唔同嘅飲品做特價，佢正價好似就係30幾蚊，下次行過都會想試吓第二隻味！

“芝芝哈哈”($38)Mikiki呢間飲品店飲品選擇類型超級多連芝士奶蓋嘅配搭都有好多😍芒果,士多啤梨,哈蜜瓜,西瓜,牛油果..........喺咁多款之中揀咗呢杯做緊特價嘅芝士哈蜜瓜☺️原價$38宜家$27就飲到!好抵😆等咗一陣好快就有嘢飲啦🤣飲落芝士奶蓋濃厚😍好推薦!算係最近飲到最好味嘅芝士奶蓋🤤配埋清清甜甜嘅哈蜜瓜真係幾好飲☺️下次再飲要試埋其他味先🤤新蒲崗唔就腳嘅可以去深水埗/慈雲山分店🤣

成日經過呢間野 今日終於鼓起勇氣試試佢！去飲當日做緊promotion ... 好多都有折扣芝芝桃桃第一啖淨係飲到芝士好濃既芝士味 .... 真材實料 ！隨後每一啖都飲到果蓉！ 好好味 ！！！另外叫左杯菠蘿味見住佢切個菠蘿 揼入去個機到渣汁好味！ 仲要有點沙冰既感覺！ 解暑一流！

Hot and tired, I needed air conditioning! Thus, the oasis that is Mikiki Mall appeared! And lo and behold! A place called Fantastic Tea! Icy cold drinks to quench the thirst and cool us down!Menu is in English and Chinese. They had a photo menu of various drinks that they considered popular.And they have a more extensive menu as well.I noticed they had a discount for medical professionals. As I am one, I decided to cash in on this promotion so boyfriend and I got two drinks for the price of one!

今日同家人飲茶，但喜歡喝西茶的我，決定要買杯芝士奶蓋奶茶先安樂。見到呢間飲品店，買了一杯熱的芝士奶蓋奶茶，飲之前不用攪拌，直接飲幾啖，芝士好香好滑，配埋佢個好滑的奶茶，茶味不會因為奶味及芝士而顯得平淡，三樣東西加在一起非常配合，非常滿足。

這間店已經過很多次，沒有幫襯，今天遇而經過，心血來潮想試一杯珍珠奶茶，很驚喜，很有茶味，珍珠質地剛剛好，眼見都有很多人購買， 逆境下 ，還可以繼續支持下去，加油吧！

看來我直到二月，才光顧位於新蒲崗購物商場「Mikiki 」地下的台灣飲品店「臻 · 茶」，似乎有點不合時宜，因為「臻 · 茶」裡面的手調水蜜桃茶飲品，全部因為水蜜桃不當造而缺貨。所以我看着「臻 · 茶」的價目表，價目表裡面所有跟水蜜桃有關的甜味手調茶飲品，現在都因為沒有新鮮的水蜜桃果肉，所以暫時購買不到了。結果我只能夠購買一杯，平平凡凡的手調「白桃烏龍」茶飲品，我已經沒有要求為飲品減甜度，或者減冰量，可惜「白桃烏龍」茶的實際味道，還是一點點的甜味也完全喝不到。即使我把鹹味的芝士奶蓋，跟「白桃烏龍」茶互相搖勻了，但是搖勻後的「芝士白桃烏龍」，味道還是十分之淡，淡得跟沒有味道沒有分別。看來我還是要等到夏天來到，所有新鮮白桃水蜜桃都回復當造的時候，我才真正有機會，嘗試到「臻 · 茶」手調水蜜桃紅茶飲品的真正甜味。

我嗌左杯黑糖珍珠鮮奶（$15）見佢半價所以就買咗來試吓😂飲過咁多杯黑糖珍珠鮮奶，呢杯係屬於偏甜同埋奶味重啲嘅黑糖珍珠鮮奶🤔（嗌咗半糖佢嘅奶冇嗰種好重奶精嘅味 黑糖糖漿嘅部份都比較少 少失望不過鍾意奶味重啲嘅話就唔好錯過啦珍珠比例係全杯嘅5分1到開頭覺得好似好少 但係其實都幾多下😂飲完都剩左幾粒喺杯底整體來講杯野都幾好飲 都推介你地去試吓半價優惠好似係學生同長者優惠先有學生時期好幸福張相隔咗一陣先影所以啲黑糖紋冇咁明顯