臻.茶 (青衣城1)

營業中

休息中

味道ok, 可惜正常糖的手打珍珠奶茶不甜，微甜的芝士多多莓好甜，應該搞錯了。微甜的芝士多多莓甜到平時飲開甜的都話太甜了。只有黑糖珍珠大紅袍奶茶正常。第一次飲，可惜!

奶蓋茶的精髓在於茶與奶蓋的比例，而臻茶在奶蓋的方面永遠是最劣代表。奶蓋的厚度不足2cm，一直飲都飲不到。奶蓋的味道並不差，但如果這樣吝嗇的話，不如不要做奶蓋吧。想喝奶蓋的話，喝臻茶等於浪費金錢。

臻.茶是一家位於青衣城的茶飲店，同事請飲廢水, 我就點了黑糖珍珠鮮奶。黑糖的味道並沒有充分展現出來。黑糖應該有獨特的香氣，讓人一品嚐就能感受到濃郁的糖蜜香氣，帶著微妙的焦糖的香甜。然而，這杯黑糖珍珠鮮奶卻缺乏香氣，只有一種死甜的味道，缺乏層次感。黑糖珍珠鮮奶都是🐯的較為好飲。不過這些飲品卡路里太高，只可以間中淺嘗。而珍珠就幾好食, 煮得剛好。彈牙而有口感。小總結❤️❤️❤️📌黑糖缺乏獨特的香氣。📌味道普遍，缺乏層次感。

今日下午天氣又熱又曬，路過買左杯 #滿杯金鑽菠蘿#, HK30; 大中杯， 杯底勁多菠蘿果肉，個茶同菠蘿味好夾，清甜可口，消暑正！ 特別讚賞 店員 非常有禮，笑容真系滿分本人問到 可否少冰； 有禮店員：嗯，我們這個沒有少冰的，但我會盡量幫你同同事轉達，但我們可以少甜，需要嗎？在整個對答 ，店員笑容親切有禮，香港地 仲有咁好笑容既員工，真系買少見少，我系老闆必會獎勵呢位店員非常欣賞。食物質數好當然是吸引客戶，但店員服務好， 有禮貌，都是客人回頭再幫襯的原因呢，日後我會多多支持。

Shopping完,見有D口渴就買兩杯嘢飲下,行出去青衣長廊公園坐下,hea下,欣賞下風景🌴買佐一杯士多啤梨芝士奶蓋沙冰$34有士多啤梨蓉,芝士奶蓋都好濃,酸酸甜甜又有芝士味配搭特別！多多桑莓$30桑莓加佐益力多,酸甜,味都幾濃,幾夾,只是嫌甜佐小小,可能益力多本身都甜😅

青衣城比較少台式飲品，不過呢間都唔錯,款式選擇多✨，有d比較少見同有特式既款式, 今次第一次飲就試左白玉苦瓜雪梨露🥤🤍做緊優惠價$30，係沙冰黎既，叫左半糖🤏🏻，飲落甜度剛剛好，微微甜帶少少苦瓜既甘，都幾Fresh😋😋, 我諗就算唔減甜度都唔會過甜，飲到尾淡淡雪條同苦瓜既果渣🫢🫢，飲得出真材實料👍🏻👍🏻店內仲有其他水果茶系列、奶蓋茶系列、益力多系列等等可供選擇😍總括來說回頭指數高😛

一年前係青衣城第一次幫襯臻茶❤️之後好似集郵咁去過唔同分店幫襯(深水埗、慈雲山、將軍澳都去過)，事關儲夠十個印仔會送野飲🤣仲記得當時係俾芝士多多莓吸引同震撼，之後飲過芝芝芒芒、黑提、哈哈，感覺都冇芝士多多莓咁好飲(尤其是哈密瓜 真係唔推薦🙊)每次去都見唔同product discount，折完$30都幾抵飲芝士多多莓，飲到沙冰同果肉嘅融合，面頭仲有厚厚嘅奶蓋，邪惡度滿分👍中意買完行出海旁飲，十分適合夏天消暑，不過係戶外d沙冰會熔得好快；冬天飲又太凍，所以係春天秋天飲應該係最好味嘅🤤

Intro: 青衣城開左好多間茶飲店，但係呢一間買嘅飲品就特別好多，仲做緊好多優惠宣傳，而天氣熱就想飲一杯沙冰，又見到一個用葡萄同埋芝士嘅新配搭，所以試伏嘅心態去試😂___________________🍽凍芝士黑提沙冰 ⭐️7/10💰 30（38 八折）✍🏻 黑提汁都幾濃，而沙冰唔會太影響味道✍🏻 飲完會好涼爽，芝士奶蓋都好濃✍🏻 但係黑提汁同芝士奶蓋唔太夾___________________🏠 臻茶Fantastic Tea📍 青衣青敬路33號青衣城一期地下G10號舖⭐️ 7.5/10 （茶飲店）___________________

綠茶的顏色很好看！！！深深既綠茶顏色，一飲就感覺好似去左日本咁！！！作為抹茶控既我一定唔會放過店內既純靜崗抹茶！！！未攪拌已經見到杯底有好足料既綠茶粉，然後隨住飲管轉動變左好多漸層顏色出黎，好靚！！！有d綠茶飲落成口苦澀味，然後就飲唔到其他味啦，依杯綠茶好出色，飲落非常清新，飲完口腔有陣淡淡茶味，正！！！例牌微糖少冰，太甜又唔健康，走糖又唔好飲，微糖真係最好！！！加上夏天天氣咁熱，一定要飲杯凍凍既綠茶！

經常用openrice找青衣區美食，次次見到臻茶，也聯想不到它的位置，原來它在青衣城一期地下水果店對面，因為臻茶用色較低調，我曾經以為它是只限商場職員進入的地方🤪它低調得來是有實力的👍🏻 真材實材，可說是我近一年來喝過最真材實材的即製飲品🤤🤤👍🏻👍🏻我叫了花漾石榴，隨即我親眼見到職員在清洗及切石榴，整個過程不用四分鐘，我便能取走了👍🏻👍🏻👍🏻好味，吃到石榴，也有攪碎的石榴及相信是其他水果的粒粒。叫了半糖，甜度適合，$5加珍珠👍🏻👍🏻一定會經常買呀🙈🤪

終於開喇！青衣終於有間高質素嘅台式飲品喇！太開心了！以後突然想飲嘢，唔駛再去咁遠了 。返屋企途中，見到臻•茶終於開咗，當然要試下啦！今日試咗多多•油油果同芝士•桃桃。多多•油油果係由益力多同新鮮牛油果調配出黎。因益力多偏甜，我選咗少甜，出黎味道覺得剛好，唔太甜。冰打得好碎，加上creamy嘅牛油果，入口好順滑，微微嘅牛油果味，感覺清新，唔似飲沙冰。芝士•桃桃係香桃沙冰配上柔滑香濃嘅芝士奶蓋。用咗鮮香桃做沙冰，有少少桃肉碎，增加咗口感，而冰同樣打得好碎。少甜加上桃嘅甜味，再配上微咸嘅岩鹽芝士奶蓋，味道䢔度好處。

今天點了超級水果綠妍珍珠奶茶少甜邪惡芝士杯青衣城分店是剛剛一月中才開幕, 分別買了三杯試試, 水果茶很香果香味, 濃濃百香果味, 有百香籽、蘋果片、橙同西柚片, 而且很大杯, 非常清新解渴, 小店很細心, 還附上膠叉可以飲完食水果珍珠奶茶都有很多款, 叫了普通款, 味道很有茶味、珍珠軟硬適中邪惡芝士杯對我來説是一杯甜品, 整杯都是濃濃的芝士奶蓋, 底層是鋪滿黑糖珍珠、配上士多啤梨🍓、蜜瓜、哈密瓜, 上層是Oreo餅碎, 水果很清甜, 芝士味很香滑很濃, 芝士控必點👍🏻😜服務態度很好, 外賣包裝不錯, 還細心附上紙巾

食完辣嘢，想飲杯靚茶解解渴，青衣城選擇唔多，上咗OpenRice搜尋🔍見到得三四間，本身諗住去人氣較旺的老字號舖頭，但一離開餐廳行多幾步就見到臻茶。咦⋯新嘢喎！之前哩個位都係賣台式飲品嘅，宜家轉咗臻茶，見咁多人排隊，個名又咁特別（我都唔識讀），個門面又有玩味，咁好啦，轉軚試新嘢。每次試新嘢，我一定會先揀珍珠奶茶，純粹個人喜好。今日叫咗黑糖珍珠大紅袍奶茶，因為比較少見到有舖頭用大紅袍，通常都係用烏龍同綠茶，而黑糖又係我嘅至愛，期待！一飲，唔錯喎！整體感覺好清甜同清新，甜度剛剛好，珍珠都好香甜好煙靭好彈牙，奶同茶嘅比例亦好好，飲落去有少少厚度，口感好滑好舒服。茶味都幾香，唔會有酸或澀味，不過就唔係好飲得出係大紅袍。期待試其他飲品！順帶一提，我覺得支飲管同蓋唔係太好用，最後啲珍珠都無食晒，因為支飲管難控制，好難校啱位吸啲珍珠上嚟。