興樂菜館

營業中

休息中

可能平日，食物意外來得快，15分鐘就來齊三送，滿意。味道方面吾錯，碟鮮魷的確值得推介，好食！價錢吾洗講，平。兩個人食三碟送加兩大碗白飯都系$150，抵食！抵食！！

之前睇討論區話呢間野平平地，仲叫人認住綠色格仔檯布，今日入去食，$138包三味小菜。叫完菜，等了又等，每廿十分鐘先出一碟菜，實在過份，個個客都不停催單，佢就係唔理，原來係拖慢黎做，想多d人排隊造勢。結果一餐飯食左個半鐘有多，大部份時間就係等。講返d小菜，聖子霉既，我從來未食過一碟聖子，d殼係墊底，d內響面，但係d內係滾熟，然後淋d豉汁響面，就叫豉汁炒聖子。魚…我真係唔想諗返起，蒸到眼都凸晒肉都爆晒，求其用蔥花蓋頂就當睇唔倒。一食更加不得了，我未食過海魚腥到河魚咁，同老婆一人食左一塊真係食唔落…成碟聖子成條魚比返佢。態度，唔使講。催佢上菜，好似叫佢還錢咁，一係左閃右避，—係大聲夾惡話廚房煮跟，問返我唔熟係唔係照食。唉…總之我唔會再去。

每次入來長洲 , 都會去依間食海鮮雖然唔係超好味 , 水準亦要睇彩數但勝在價錢平 , 環境及服務又幾好三款海鲜或小菜 , 再加一個白飯及汽水兩個人食都夠飽 , 價錢亦只係 $144 ......

二人食$208套餐4餸一湯，蟹和瀨尿蝦d肉好"梅＂，白趵東風累，無鮮味，豉汁聖子，勁咸，有點苦味，淨係個湯ok，夠味夠熱！整體真係吾掂，雖然比嗰二百幾係無咩太高要求，但吾代表要接受品質差劣餸菜！係平，但吾正，吾抵食！

來到長洲通常都一定會吃海鮮, 除了夠平外, 其實質素有點不外如是這麼多間的大排檔式餐廳其實也不知道有什麼分別, 見OR這裡好評最多,就試一試這間興樂啦!雖然服務以及環境都唔錯的, 向海吃海鮮那有不好吃的理由?不過食味實在普通, 因此這餐平安夜晚飯遲遲未出..... 因為實在沒有心機寫...二人叫了好像是$128的三款海鮮, 加飯及汽水椒鹽鮮魷賣樣都算不錯, 而且份量足! 炸漿亦不太厚, 是OK的! 可惜魷魚發脹, 沒有鮮味, 又沒有口感, 只有很sticky的感覺多吃兩舊已不想再吃了.. 街邊的炸魷魚素可能更好, 還說是招牌菜蒜蓉蒸聖子一來到! 很開心因為一碟竟然有這麼多隻聖子! 加上蒜蓉更是伴飯的好朋友!熱食的時候是不錯的! 但聖子有少少不乾淨, 放涼了後更是難入口...薑蔥炒蟹不知為什麼這裡的蟹可以那麼瘦和軟骨, 跟在紅磡吃的蟹粥差天共地論味道也是可以的, 蟹細小, 肉不多, 以此價位就無謂計較了其實長洲雖近海, 方便捕魚, 但大家還相信香港的海鮮質素嗎?金錢與質素, 其實是成正比的, 在這餐海鮮餐就體會到了

第二個長洲必去地方就係呢間喇~不嬲都唔係好記記佢個名(對唔住呀)...淨係認住d綠色格仔枱布每次入長洲都要去食呢間0既海鮮因為又抵又好食~佢係計你食幾多個食送0既....通常我同男朋友都會叫四個食送...可叫海鮮或者小菜~ 加埋飲品都唔使200蚊~推介菜色~1) 辣鹽九肚魚 -- 呢個真係勁好味~~ 每次都食~2) 鼓辣炒蟶子 3) 辣鹽瀨尿蝦4) 蒸扇貝以呢個價錢食海鮮..真係好抵!!! 同埋可以0係海邊食..都幾有色味架~~

豉椒聖子大大隻，個殼仲長過我個手掌簡直可以叫做聖子王擺得靚一靚，鋪好殼再放肉雖然有兩三隻有沙，但都可接受椒鹽鮮魷惹味，薄薄的一層粉漿魷魚肉嫩滑熱辣辣，新鮮炸起炸既時間控制得好，不會韌只係頗嫌幾多油，墊底張索油紙都油淋淋，最後朋友仔要拎張紙巾再索白灼蝦體積一般大細，份量都頗多蝦肉彈牙，但就無咩蝦味炒菜心有點老，亦幾多油食完飽到頂心口坐係海邊位，同不時有貓貓跑黎跑去，可愛!

個日星期日去長洲已經諗住夜晚要食海鮮, 見下午無咩做就去睇下邊間好食, 見到呢間個樣都OK, 入去問佢可唔可以BOOK位啦, 佢同我講夜晚唔洗啦, 唔洗等. 好,我就7點去食, 點知成條街都勁多人再問個女人佢就叫我等, 個晚仲要落雨等左成3-4個字終於可以入去. 叫左個4送餐都係198, 真係幾抵, 揀左灼蝦, 扇貝, 聖子仲有個湯. D海鮮等左半個鐘都到, 但係個湯係我地食完D野之前9個字先到, 我TOTAL食左差唔多個幾兩個鐘先食完, 我吹左佢幾次佢都同我講整緊, 點知整成個幾鐘. 講返D野食, D蝦好細隻, 無咩味, 扇貝同聖子都OK以O甘O既價錢計, 個湯就痲痲地. 如果下次有機會都會試其他

到咗國慶的三日假期,出走到長洲開始勁食之旅,興樂大大話話都食過十次以上,但係一直都冇時間幫佢寫食評為了今次的海鮮餐,害我要等上45分鐘,餓扁了~白灼蝦: 賣點就在超級新鮮,唔見有"死蝦",不過辣椒豉油有點兒重手,辣得有點發麻~椒鹽鮮魷: 果然冇介紹錯,平時唔食鮮魷,但係今次一食就停唔到,唔似出面的鮮魷煮過龍口感超韌,炸粉又夠薄身~~椒鹽九肚魚: 小妹另一推介,怕吃太煎炸的可以試這個,因為佢的炸粉比椒鹽鮮魷更輕手,只係感到九肚魚表皮的少少薄脆,再加上新鮮九肚魚本身的軟滑口感形成對比,點喼汁襯到絕!

上次食過呢間小菜唔錯，今次去又再幫襯，點知...唉...下次要諗吓再唔再去。五個人叫了個五款小菜套餐，包括蒜蓉蒜扇貝、白灼蝦、咕嚕肉、菜遠炒鮮魷、紅燒斑片。蒜蓉蒜扇貝- 細隻但味道ok，蒜蓉好香口白灼蝦 - 雖然蝦是新鮮的，但是是沒有鮮味的養蝦，失望！咕嚕肉 - 冇乜肉的咕嚕肉...是不是應該叫生炒骨呢？菜遠炒鮮魷 - 賣相雖然趕客，味道都算過得去紅燒斑片 - 不過不失好一般的海鮮餐，咁普通就唔駛山長水遠入長洲食啦！雖然計落都算抵食。

去長州前 本來睇左openrice 話呢間野ok!好評比壞多 .,就諗住實無死最後去到晚餐叫左3餸個個set $128最ok係個 椒鹽鮮魷 鼓椒蟶子唉...好淡..無味仲要有d沙...最嬲係薑蔥炒蟹係凍ge有"叔"味=臭臭地鑊氣更加唔會有試左一兩塊就唔可能再吃當時間店一d都唔多人但唔明點解水準會錦差真係好難體諒p.s我見到d海鮮係後巷到處理(魚,扇貝等等)其實有點點嚇人----------------------------------好ge 地方1) d伙記態度幾好2)上菜都係快 ..(但唔好食姐)---------------------------------------------------有熟客仔多數都係自己係出面買海鮮叫間店煮可能錦樣先好食掛???!!!

套餐的選擇度好大,菜的份量很足,上菜的速度很快,海鮮選料新鮮、煮法美味可口,地方尚算清潔,服務相當不錯. 首選啦...當日的菜單:椒鹽鮮魷 <= 這個是我吃過最好吃的椒鹽鮮魷, 很爽脆,一點都不"un"白焯蝦香寧骨豉椒炒蜆腐乳炒生菜

OPENRICE中長洲最多好評的食店(for食海鮮)任揀3樣小菜 $128 4樣 $168 如此類推6點半坐低...唔洗等位...坐近海既位..嗌左3樣小菜先 諗住好食先再嗌椒鹽鮮魷..好食..熱辣辣..夠晒新鮮..炸漿又唔系好厚..正!!!!薑蔥炒蟹...雖然d蟹細隻d...不過個汁好夠味..略嫌唔夠熱..蒜蓉粉絲蒸扇貝...得4隻就少左d..酒樓通常6隻..個汁撈飯勁正..反而粒肉冇咩味-.-嗌左2個白飯($6/1碗) 上菜都唔慢..7點半離開 仲趕住還單車+買允升+答船-_- 埋單$140不過不失..中上水平...大熱天時...如果送汽水應該會更多生意^^

跟朋友們一起到長洲去，晚上決定到興樂吃海鮮!!果日都幾熱架想坐有冷氣的但又比人BOOK晒 !!坐出面!!一行8人叫了10樣 !!好抵食上菜是慢了點啊，但是一定要激讚的就是椒鹽鮮魷!!!!超超超好吃 !!我們叫了2碟吃 !!一流!!(可惜掛住食佢!!偏偏唔冇影到最好味既佢 !!!)京都骨都是好好味啦~~但又是好味得滯掛住食而唔記得影相啊 !!但大家一定要試啊 !!

同男朋友去長洲睇到openrice多人寫呢間好食就試下.平係幾平o既,但食物質素真係唔得.叫左3個餸套餐.1. 薑蔥炒蟹第一次食呢味餸係唔想食埋D蔥,蔥唔靚.蟹就仲OK,有膏,亦有D肉食下.2. 西蘭花炒鮮魷有D紅蘿蔔搭埋,係酸o既...完全唔得.鮮魷就冇問題.3. 豉椒炒聖子D味都唔夠,聖子有沙.仲有一點,我地都知道人好多,但係等左35分鐘先黎第一樣.好彩唔太餓,但隔離枱有個公主就好笑,係咁鬧係咁鬧...哈哈!