興發麵家

營業中

休息中

午餐時段和寶寶來到這麵店,店家沒有豪華的裝修,簡單餐桌,但人間美味~ 我們點了豬扒麵和魚蛋河（走葱）薄薄的豬扒半煎炸熱辣辣,大大既一整片～薄身既豬扒能做到鮮味有肉汁,好考功夫~米黃色既幼麵,還加了一些咸菜,賣相不錯!魚蛋河既魚蛋大大粒,彈牙有咬口~我說走葱,店家很好記得走葱,還配了生菜🥬,白色綠色,畫面青翠田園風,心情也好起來~而湯底是偏淡一點的,所以添加了腐乳通菜~還點了1枝樽裝麥精~全單只是$70,午餐時段人均$35,好味又平又満足

今日自己一個食晚飯，享受着不一樣嘅麵食。興發麵家，位於保安道，保安道遊樂場對面，係一間歷史悠久但鮮為人知嘅麵鋪。鋪頭並沒有富麗堂皇嘅裝修，但勝在麻雀雖小，五臟俱全，有電視，雪櫃，每張枱都有各款各樣嘅醬汁，提供比客人自己調味。啲坐位亦都係經典圓形坐位，可能你會坐得唔係太舒服，但呢個絕對係鋪頭裏邊其中一個特色。雪櫃位於電視機正下面，裏面放滿左佢唔同嘅嘢飲，客人可以自己去打開雪櫃裏面拎野飲，自由度極大。我都叫咗牛筋雲吞上海麵腐乳通菜，首先要講講依度嘅雙拼麵，唔會好似譚仔咁，因為叫兩樣餸令到其中一樣餸嘅份量少左，呢個係唔應該存有嘅概念，興發麵家絕不欺騙，你叫墨魚丸雲吞雙拼的話，我估（因為我未試過）你嗰本嘢應該有八粒嘢食，就係呢一點，已經足夠我俾讚。講返味道方面，認真，碟油菜先係重點。依度嘅腐乳通菜必食㗎。依度個腐乳係獨一無二嘅好食。平時你食到嘅腐乳可能鹹味比較重，白色嘅，呢度嘅腐乳係橙色嘅，鹹味係有嘅，但你一定唔會覺得佢係鹹，因為佢係甜甜地，辣辣地，香香地。呢個咁特別嘅醬，想令到平平無奇嘅通菜，添加左一份不平凡嘅味道。本人極度推薦依家麵食嘅腐乳通菜。講下碗麵先，比較特別嘅係平時你只係可以叫生麵

見大家都讚好這家小店的豬扒，工作過後專程帶同事來試試。見同事讚口不絕，雖然自己本身很少食煎炸的東東，都夾了同事一件來試試。真的不得了！沒有外面食店厚厚的豬肉或醬油，卻更顯醃料與豬扒配合得恰到好處。令人回味！另一位同事點了魚旦河，試完一件豬扒後便後悔沒有點豬扒麵！（不好意思，沒有替豬扒拍照。）自己點了碗墨丸米。其實很不俗，很適合自己的口味。不過還是很掛念那件豬扒啊！用心經營的街坊小店，值得再次光顧 =)

呢間小店鋪頭門口細小，行得快隨時睇唔到！鋪內有10張枱，全部貼牆而放，每張枱只可坐3個人，坐滿都係得30個顧客。首先叫咗個豬手撈麵，但老闆整咗豬手湯麵，算啦，都係豬手啫無問題。豬手冧，幼麵爽。期間見到老闆娘用完牙線無洗手就去煮麵畀客人，有啲唔衛生喎。而老闆就每次都有先洗手再埋爐頭煮麵，要畀個讚。終於等到老闆出來，即係叫多個雲吞河。雲吞中規中矩，河粉就一般，都係麵底好食啲。不過，以呢個價錢嚟講，其實唔差喇。

即叫即炸豬扒不乾不油不膩剛剛好配上煙軔麵條，吃完是滿足不是飽滯腐乳通菜加了甜辣醬和腐乳一起炒製作認真冷氣涼浸浸，並沒有因為廚房的油煙影響港式茶記裝修，深啡色摺台圓凳，帶外地朋友來吃也不錯

我住喺附近但依家先發現呢家餐廳真係好後知後覺叫咗個豬扒拼菜肉雲吞麵 ($38)豬扒薄到紙咁但又啖啖肉，唔會好油呢種口感真係好正最好係無骨同切好哂俾你我最怕食到啲又厚又實又咇油既豬扒菜肉雲吞好清，無肥豬肉係住家味道，夠健康但個上海麵好重鹼水味下次嚟我會叫米粉

看到陳舊的鋪面，以為返回老香港！我就是喜歡這味道！我點了豬扒麵老闆把麵先上，麵很特別，似伊麵，但比較爽口，煮得啱啱好唔會太淋。麵上有少許雪菜，同麺一齊食，一流！食左半碗麵主角豬扒先到！（剩麵都食到半碗）塊豬扒有手掌咁大，好香，好脆，好夠味！佢塊豬扒出奇地薄，但係食落去又感到啖啖肉！有d矛盾既感覺！衣餐我食得好滿足！

長沙灣區 屋邨林立 學校滿佈要係呢區屹立不倒 除左好味之外 最重要係大眾化講緊當然係口味要大眾化 價錢更加係要有競爭力經濟差左 周圍都話要裁員 又話要減開支縮預算更加有好多中型公司要執笠添 除左帶飯返工 平日食餐飯都郁下都要4-50蚊 加埋車費 一日唔郁唔消費都無左成百蚊你話打工仔係咪要返屋企打公仔先得...歐國盃又唔爭氣 熱門中型班又係唔掂 捧邊隊衰邊隊 呢排都算係半隻腳做左地獄黑仔王老友見我咁灰就話同我食餐晚飯 開解一下地獄黑仔王所以佢話要帶我食隱世麵店呢塊玻璃 呢種燈光同呢個MOOD真係好有 「紀念曾經這麽青春過」 個種舊陣時FEEL無修飾 無遮無掩無格仔 夠晒RAW夠晒VINTAGE而家好少食店唔去打扮一下自己 因為個個都係為左呃LIKE食餐飯呢個加埋都唔洗50蚊一碗牛筋拼豬扒麵 加一碟通菜 如果你淨要一碗豬扒麵更加只係23蚊 出面我諗連塊豬扒都唔止呢個價份量一睇就知係爆棚包你飽 老友話其實佢幾年前UNDER 20蚊都食到一碗豬扒麵...嘩!! 唔係呱??塊豬扒呢 大過塊面架喎老細!!!呢塊豬扒真係幾好味佢個酥炸係台式個種炸法 好酥好鬆脆 食落唔會油而且加少少鼓油更加係送飯佳品

呢間麵店食左好多年, 當年都成日幚襯, 唔只平, 仲要係好食.因為食過其他餃子店, 但仍然覺得佢最好, 所以再突登去食懷緬一下我最愛的菜肉雲吞麵.  呢個年代, 大碗麵再加4大粒菜肉雲吞都係$21, 邊度有??  即使係其他麵食如牛腩, 牛什, 炸醬, 雲吞, 丸等既麵都係$21, 死未??麵店多年來都冇變, 裝潢當然唔能夠同譚仔, 翠華佢地比, 但有的是實力同衛生, 即使陳舊但感覺衛生, 不會笠次次的.菜肉雲吞係多菜少肉, 但好夠味的, 不會覺得很淡, 所以我很喜歡吃.  麵是蛋麵, 粉量足夠, 不是兩箸不飽那種, 湯底OK啦.  朋友叫了牛腩麵, 牛腩份量不少, 麵是生麵(可要求轉蛋麵), 份量好似比蛋麵少D啦, 但牛腩都不少, 偷吃了兩塊, 好淋好入味, 好正, $21真係超值呢!!!!!其實仲有佢最出名既豬扒麵 $23, 豬扒即炸, 薄薄的很大塊很夠味的, 當日好多枱都有叫, 同埋佢既担担麵都好食, 下次會再去懷緬下, 支持老店

嘩。嘩。嘩。超級炸豬扒！我本身對食肉無乜太大既喜好，但老公今晚就帶我去食炸豬扒，我唯有抱著🙄下 哦！既心態去，加上依幾日訓得唔太好，岩岩收工個人又攰，諗住快手食快手返去訓覺。兩個人叫左一份豬扒，兩個麵、一碟菜。轉個頭阿姐就攞左碟豬扒出黎。先睇樣：咦！幾吸引咁喎，平時我都會揀薄切切既豬扒先會放入口既，嗯～有50分啦！😏放到入口，嘩！不得了。100分呀，唔會炸到乾哂，最抵死係重要係無骨喎！點搞呀大佬？會上癮架喎！老公重要補多句：就係知依種豬扒我先至會食所以佢先帶我去食。搞到塊豬扒立刻唔止100分！下次返工受完d客既氣，唔使去食haagen-dazs啦，黎食炸豬扒！即刻順返哂！又平又好味又飽肚！Sorry！無相！不嬲都唔奉行相機食先，梗係我食先架啦！

是日中午，可說是誤打誤撞來到這老店，不論環境及食品，都能感受到歷痕跡。愛吃豬手的我，點了豬手撈麵，來到時很足料，大大舊豬手，雖然吃起來很麻煩，但豬手的骨膠，軟骨的感覺，已經勝過於麻煩🙊🙊講起味道，豬手南乳味很棒，而且炆得很淋，一咬就斷，而且保留了彈牙既口感，不錯，只是美中不足是豬毛未完全燒走，那只好自己下口了

4 個人去食午餐，唔太餓就去食個麵。呢間麵店已經係第二次黎，見到飲食男女介紹就試下。呢度對我黎講比較遠（近李鄭屋邨），二次去到都係比想像中少人（雖然都9成滿座）。裝修有點舊，一眼就睇到係老店。擺位同其他麵店差不多，有2-3個人做野。今次我地叫左2個豬扒担担麵，一個牛腩麵，一個雲吞麵，一碟腐乳通菜同2支水（共126元）。 豬扒担担麵：豬扒大塊，但唔係厚豬扒，我覺得好好味，炸得岩岩好又唔會有雪味。麵嘅分量足，d麵唔係果d梘水麵，担担唔同出面成pat 油果d，成個配搭都好味又唔漏。牛腩麵：屋企人話一般雲吞麵：無問，不過見佢係自己包，好似好好食。通菜：10蚊黎講佢嘅分量算多，腐乳醬係自己較過，有甜味。整體來說，好味又抵食，會再去的。我們建議閣下加入更多有關食物的味道或賣相等的描述 --> 豬扒担担麵好脆, 味道岩岩好, 唔會好SALTY但夠入味. 賣相好吸引, 因為豬扒都幾大塊下, 但就唔厚O既!

這間位於屋邨附近的美食 有十多年歷史秘製豬排一流 無骨 整塊都係肉 +胡椒粉+醋更非常惹味！面款會揀上海面/粗面+腩汁！通常菜肉雲吞都係必食！雲吞皮薄 足料！腐乳通菜 小小辣 都好好味！

經常為了豬扒而來食.大部份來既人,都見到佢地係叫豬扒麵.豬扒即炸,打到薄唔會硬,香脆,可口,粉唔會厚,唔會好油,感覺不同其他家的炸豬扒或吉列豬扒.DEFAULT中式麵份量都唔少,會加少少雪菜類既野,個麵普通但唔係差,其實我覺得OK 的,我覺得食佢個豬扒配其他粉麵感覺差好遠.雖然加到$22,不過今時今日都仲叫幾抵,如果叫麵,加碟油菜都係9蚊,咁成餐就好滿足下.店內有少許昏暗,圓枱,唔會話乾淨潔白,感覺也是有點舊式,婆婆負責炸豬扒,家庭式感覺.其實依個豬扒質素,感覺大部份都只係街坊生意,仲有好多係伯伯,有點可惜.但又怕太多人知道,要等位或者加租加價.

喺保安道體育館打波前醫肚, 經過呢間外表似好耐歷史既粉面店, 經過一SEARCH 發現呢度既豬扒係手打, 所以真係要試下佢叫左一個炸豬扒麵, 同咪一個鳳城水餃鳳城水餃好正宗, 大得黎包得條理分明, 有蝦肉木耳豬肉等,     一咬落去啖啖! 正!炸豬扒麵, 麵一般, 就好似食緊正常既壽桃牌上海面甘算可接受, 豬扒好薄身, 應該係用手拍打造成甘薄, 值得讚賞,甘樣令到D豬肉味更集中, 食落更有咬口, 而且煎得剛剛好, 出面剛脆裏面仲保留住豬肉既肉汁!