興盛小館

營業中

休息中

去呢間餐廳食野真係一肚氣! 尋日朝早我去呢間餐廳買早餐. 我要腿蛋治同凍咖啡走甜 (我仲重覆左四次走甜). 點知杯野飲唔係走甜, 同我要腿蛋治, 佢就比蛋牛治我!! 我就同個中年女職員 (佢高高瘦瘦) 講. 點知個女人話我無叫走甜, 但我已一早 remind 我杯野走甜. 佢態度好惡劣, 鬧返我不特止, 仲同廚房嘈到拆天先至肯幫我換返杯野. 事後我同個老闆娘講返呢件事. 佢態度就好好. 雖然佢地肯換返腿蛋治比我, 但我決定唔要, 佢都肯退番錢比我. 我最嬲嘅係, 今時今日都會有咁嘅服務. 呢間野我永遠唔會再去!!!

常到此午膳,惟近來發覺食物質素越來越差.例如今次叫了個枝竹班腩火腩飯,班腩解凍不足,又無味,火腩瘦又鞋,枝竹數條,食完已不想食,結果浪費了半碟食物.同行叫了個蒸肉餅飯,亦餘下半碟肉餅與飯,問之,答曰:難食!搭檯的女士叫了個燒味四寶飯,亦餘下半碟食物.客人餘下如此多剩菜殘渣,不知食肆主事人會否檢討反省一下出品呢!?

早上11點多不知吃什麼, 好像興盛小館早餐收晏的, 去到原來餐牌寫早餐至12點, 好啦拿拿聲叫人落單, 點知佢地以佢地的時鍾計, 佢地是快5-8分鐘的, 那位惡死阿姐話過時無早餐, 鍾數不符已經不服, 最惡頂是一班不知是否持熟買熟的惡死伙計, 粗聲粗氣兼惡形惡相, 所以話呢興盛小館真的行運, 今時今日這種態度仍有得做-好野!!! 不過除了班伙計其他如收錢等都正常的. 食物質數就一般.

今日諗黎諗去都唔知食乜好......行下行下就去左依間餐廳叫外賣.....D野食一般...但係D SERVICE唔係咁好......叫完野張單要自己拎去俾D侍應..........當你好BUSY..唔緊要..自己拎俾人囉...但D人勁冇禮貌...入去問D侍應"唔該拎去邊架?"(好聲好氣) 個侍應一手拎左去，望都唔望你一眼..仲要粒聲都唔出!!!!!!發生咩事呢? 有咩得罪先!!!!! 仲要兩次買外賣都等勁耐......唉.......唔係要你笑笑口咁對住人..但係都唔好黑住面丫麻....唔會再幫襯LU!!!!!

之前我同呀爸去食野，D飯其實味道唔錯，而且好大好多，份量太多.........不過我個餐有野飲，個杯口有個唇印，搞到我冇哂食欲............所以期望唔好咁多，最好只叫野食，唔好飲野.........

唉!年初六到葵興食LUNCH，可能E度係工廠區，咩都冇開，就黎到E間開左好耐既茶餐廳，其實都唔係好想去，不過冇野食、又唸住E間野開左咁耐都唔執，都唔差得去邊，所以咪試試!!點知0的野食垃圾過垃圾，叫左個黑椒牛柳炒河同XO醬牛柳炒飯，難食到.......... 兩個名雖然唔同，但個樣就一樣，都唔知炒果個人識唔識字，話明炒野，佢居然俾個「獻」落去，竟然加些黑胡椒就當另一碟野，而果碟野都冇寫有芽菜，就加一大堆落去，仲多過牛柳，賣相勁難睇。至於碟炒飯，只係冇左黑胡椒就當係XO醬牛柳炒飯，佢只係將牛柳絲芽菜顯淋落去D飯度就當「懶特色炒飯」，我食左兩啖就冇食，即走……唔會有下次，個廚師應該要進修吓，炒飯只係淋「顯」，咁我仲咩叫炒飯?而0的員工應該要練吓0的眼力，究竟係員工攞錯左定係廚師睇錯左呢?

我去興盛食飯的原因，多數是因為去阿嫲那裡，之後懶得煮食，所以就去興盛食飯。而阿嫲為甚麼會選擇興盛。無他，都是因為街坊小店，夠人情味。環境就一定不及酒樓般好，灰灰暗暗的環境，舊式酒樓的椅子，地方迫夾。但勝在每次我們去食晚飯，都會把店內唯一的房仔給我們。雖然，有時都需要和別人分享那房仔，但是，至少都有一個半私人空間吧。服務是好好的，可能是熟客呱。每次嫲嫲去食，都會婆婆前婆婆後。以今次為例，因為我們滿枱都是餸，所以，他們專登停了三味菜，等待我們食了枱上的佳餚才再上菜。這種服務，是做街坊生意的小店才會有吧。因為今次我們自己帶了大閘蟹去食，所以只是叫了芙蓉蛋、京都骨、炒蜆、炒豆苗、叉燒拼燒腩仔、椒鹽鮮魷、半隻雞、半隻鵝、蒸了一條班、椒鹽茄子。芙蓉蛋 – 煎得太乾，所以令到整碟芙蓉蛋失色了很多。京都骨 – 太過大件，但是都算惹味。酸甜味適中，不會太過搶，食落夠開胃。炒蜆 – 份量夠多，沒有太多只有殼沒有肉的情況。好夠味，連我那不吃得硬東西的嫲嫲都食兩隻，証明那些汁是很好味。炒豆苗 – 有小小「臭青」，而且豆苗的莖沒有拔掉，所以吃落不夠滑。叉燒拼燒腩仔 – 叉燒熱得很，我未食過過麼熱的叉燒。叉燒是半

位處地鐵站附近人流不絕，理應會好生意，但朝早入到去發現人客都幾疏落，大把位任坐。早餐算平由$13至$20不等，中西式、粥品及點心都有，選擇唔少。叫咗個A餐($19)有煎蛋、腸仔、牛油方包、沙嗲牛麵同奶茶。全部都係熱辣辣上但係水準就好普通，尤其個沙嗲牛好杰令到湯麵變汁麵，反而杯奶茶唔錯，茶及奶均匀，唯一可取。

This is my favourite place for Roasted baby pig, its nice and crunchy, and properly marinated.I usually ask for the lean parts, and the sweet sauce is given to complement it.

尋日年三十要番工,落左mtr附近食lunch想去春田又冇開,草又咁多人......一入到去要自己搵位...仲要冇乜人理,冇人幫執枱waiter勁黑面D野食勁耐先黎食左xo牛柳飯& 蘭花雞肉炒河我飲左個味精例湯,D南北杏口感好唔得本身要茄子牛肉少飯,等左15MINS先話冇=_=xo牛柳飯完全冇XO醬,得個獻,牛肉又"UN"......唔得!蘭花雞肉炒河,都OK O既個雞肉幾香口,但係個冇味西蘭花同個河唔夾囉!

第一次去食, 坐底都2:10pm, 見沒有下午茶, 兩個人便叫了一個牛肚撈面及鮑片班片炒面, (剛落完單個侍應就放個下午茶個menu, 原來下午茶於二時開始), 牛肚同d面都\"林\"到不得了, 班片有\"叔\"味, 埋單成58蚊, 如於下午茶時間叫相近的食物, 都只需40蚊左右, 之前個侍應分明是等我地叫完先放個下午茶menu落黎. 貴左成18蚊...

同朋友打完波，都已經六點鐘有多，大家都有些少肚餓，就去附近茶記食少少野。似乎係裝修過，地方幾光猛，仲有電視。瞄一瞄個餐牌，喜見下午茶時間竟然去到六黠半，於是一人整一個下午茶餐。我要豬排公仔麵熱檸茶。公仔麵其實係大光麵，咁普通既野都冇話好定唔好，豬排幾大塊，不過就"韌"了小小。檸茶都ok，至少夠熱，又夠多片檸檬，算係咁。一個麵一杯野飲，都只係$15，幾抵！食到差不多成七點，開始多人，相信佢晚市都絃好生意。

小白鷺幫襯左小館6年了他們早餐及茶餐的水準一般但晚飯小菜卻好好味, 好正~ 特別推薦"豆腐魚頭湯" 另外, 價錢係超值的, 老細很好人員工服務都很好值得一試~^^

叫左個雙丸河,原本係大大碗,好抵食!牛丸同墨丸都做得唔錯,有味道而又唔會靭,唯一美中不足係河粉索水索得好快,食到最尾會覺得乾,可能加多少少水會好些!朋友食廈門炒米,佢話都幾好食,不過唔知點解比較甜(?!),又會咁?

之前食過既馬拉糕上面有隻蚊一齊steam而家新裝潢過希望有改進雖然聽講日面既staff都係一樣希望佢地唔好成日傾計