影片
港鐵黃埔站 A 出口, 步行約5分鐘
繼續閱讀
營業時間
星期一至日
12:00 - 01:00
以上資料只供參考, 請與餐廳確認詳情
一直都知呢一間小食好多人買叫咗個炸墨魚咀魷魚鬚正常發揮幾好味但係價錢都唔係特別平間唔中食下都幾好炸完拎咗半個鐘後食都仲係熱熱地黃埔好少呢啲野食有兩間煎釀三寶 串燒香香雞嗰類嘢之外可惜最後都係捱唔住執咗或者有機會返返去佢間茶餐廳喺港島嗰邊食呀聽問佢嘅炸比好出名
繼續閱讀
邪惡指數: 🐽🐽🐽🐽🐽好食指數: 🙆🏻♀️🙆🏻♀️🙆🏻♀️🙆🏻♀️有日放假約埋朋友仔揸車去紅磡掃街 - 第一站就係興華美食：⭕️ 炸燒賣 - 呢個好正！炸到好脆而唔油，煙煙韌韌，出面有啲好惹味嘅粉，呢個我推介喎😍（圖中得4粒因為我食咗2粒先記得影sor😆）⭕️ 咖喱魚蛋 - 細細粒，係我鍾意嘅煙韌口感，咖哩入味幾香但唔會好辣，同埋好似食到陳皮味💁🏻♀️⭕️ 一口西多一份有四件，我揀左煉奶配花生醬，夠邪惡🤤，一啖一件食得方便，唔錯👍🏻下次一定會再黎試埋其他野🤤
繼續閱讀
街邊小食一定係咁多香港人既至愛,方便又多款式選擇得黎又可以過下口癮.最近搬左屋發現附近有一間乾淨企理既小食店,期待左一陣今日終於有時間試下.碗仔翅充料得黎又充滿街頭風味既碗仔翅真係買少見少,難得今次買到一碗好滿意既平民魚翅.雖然以粉絲充當魚翅但口感同樣彈牙.內裏充滿肉絲,蝦肉,冬菇做配料,令碗仔翅更加有層次感.碗仔翅芡底亦打得夠滑,唔會凝成結塊.湯底唔會過鹹得黎又充滿麻油香,再加上胡椒粉及浙醋增添風味.紫心香芋圓炸起金黃色又脹卜卜既芋圓球見到都好吸引.芋圓球炸得乾脆咬入唔會成口油.外脆內煙韌之餘亦帶點綿糯感.中間夾住芋泥蓉令芋香味更濃,味道同樣唔會過甜芝士年糕呈圓餅形既芝士年糕同樣炸得香脆唔油膩,咬一口後內裏既芝士軟滑香濃,形成拉絲效果.外層年糕外皮煙煙韌韌又唔會好痴牙,啱晒煙韌控.日式炸雞日式炸雞大塊得黎外層炸漿唔會過厚身,鬆脆唔油膩,唔會食落成口油.內裏雞肉嫩香多肉汁,帶陣陣鹹香味夠惹味.
繼續閱讀
一直都知紅磡有間後生仔開既炸物小食店 今次終於可以沿路買返屋企食💛💛💛後生仔有禮貌做嘢又爽手 俾左錢等10分鐘左右就起左貨🤤等既時候都見到唔少人買脆皮雞軟骨 $22一定要食既非雞軟骨莫屬 炸得極之脆口 面頭仲有避風塘調味料 辣辣地超級開胃 同埋份量都唔少椒鹽魷魚鬚 $32魷魚鬚拎返到屋企都唔係好冧 食落仲幾脆口興華炸髀 $29果然係興華名物 炸生脾炸得表面乾身 一切開裏面竟然好有肉汁好Juicy🤩食落冇雪味 加埋佢個秘製豉油🥰🥰🥰
繼續閱讀
約左朋友去紅磡食飯…又未夠鐘…又見有D餓…醒起紅磡興華…之前見到d Comment都唔錯就去試下…望下都幾多野食…推介有炸雞髀…深海墨魚咀…雞軟骨同一口西多。不過個人覺得小食最鐘意一定係碗仔趐…見到有雞軟骨又想食…咁就點呢兩樣雞軟骨即叫即整…熱辣辣…雞軟骨好大粒…外面有層薄薄炸漿好脆口…味道帶少少微辣…好惹味…而且份量都幾多下。碗仔趐個獻調得啱啱好…唔會水LeuLeu又唔會好稠口…味道都唔錯…入面有冬菇絲…木耳絲…蛋花同粉絲…幾足料…加埋醋…麻油同胡椒粉…正等外賣期間…見到好多人買一口西多同炸雞髀…服務有禮貌…價錢又唔貴…下次一定會去試下其他野
繼續閱讀