興隆泰國美食

營業中

休息中

興隆係我摯愛，每個禮拜食一次，住青衣都要特登過九龍城。已keep住兩年。食到肥姐姐同廚師叔叔都認得我兩夫婦。以前禁堂食，都要特別買外賣返青衣食，好顛～我每次必點:1.青木瓜沙律真係超級無敵好食！每次可以食兩碟2.生菜豬肉，味道係perfect 3 牛肉串燒，惹味牛味濃4 泰式炒椰菜苗 /通菜5.香葉肉碎飯6.phad Thai 不能盡錄⋯不得不讚個廚師好顛，得一個主廚，高朋滿座時，個個催單，短短時間都可以炒超出高水準泰菜。佢咁忙，仲會對住我笑，打招呼，真係好可愛！全店人都歡歡樂樂，好開心！興隆真係好抵食，每道菜平出面十幾蚊，又夠鑊氣，又大大碟足料。 又好有人情味，有時肥姐姐會收少我哋幾蚊。食其它泰菜，總是覺得唔夠興隆好食，希望可以食到老啦～

夜媽媽想食泰國菜，所以同友人黎左九龍城，我地是旦入左一間看似好地道（泰國人開）嘅餐廳食。不過入左黎之後發現佢地真係無咩防疫意識，個廚司係無帶住口罩，更加無要求食客分開d坐，明明仲有其他吉枱，但係都要我地同其他人搭枱坐🤷🏻‍♀️馬拉盞通菜 - 馬拉盞味道唔夠出香葉肉碎炒飯 +蛋($5) - 唔記得左應該要白飯底，個炒飯有d咸，搞到食唔出本身香葉肉碎嘅惹味青木瓜沙律 - 少辣，但辣味蓋過唒青木瓜嘅鮮味椰青 - 都幾鮮甜順帶一提，原先想叫生蝦，但咁岩隔離枱叫左。我地見到生蝦d冰下面出緊水咁，又無保鮮紙隔一隔，即刻唔想食。講真，呢排疫情嚴重，防疫措施會變左我其中一樣揀餐廳嘅criteria。呢度又唔係特別好食，我諗以後唔會再幫襯。

九龍城出名多美食，難得和夫人來到這裡，當然要留低食晚飯啦！泰菜，清真菜都是九龍城非常出名的美食，今日夫人就推薦我嘗試一間又平又好味嘅泰國菜，興隆泰國美食。我們叫了六道菜，串燒：雞翼、牛肉、豬肉各一。味道不錯，不會燒燒得太乾太硬。豬肉生菜包：極品！食過最好食嘅生菜包。生菜新鮮是基本，豬肉碎加入左飯焦粒？所以比其他店做得更香及有粒粒脆的感覺。力推！蟹肉炒飯：上品，有鑊氣，蟹肉亦清香，新鮮蟹肉嗎？不知道，但是夠好味了。青木瓜沙律：一般，食不出櫻花蝦，也沒有蝦肉，木瓜不夠清爽。青咖喱雞：上品，夠香，不太油，夠辣，有水準之作蒜蓉包：極品，又香又脆又熱，即整即食，沒有在其他餐廳食過如此美味的蒜容包。極力推：豬肉生菜包及蒜蓉包滿足地走出店外，我知道我和夫人會再來的。

經過門口多次，每次都好奇這麼屈質陳設又簡陋但硬是晚餐時段總有堆堆人肯等位。今回湊巧6點鬆啲行經，見舖內剛好有死角枱剩（其餘9成枱都無可避免要搭枱）於是解構下。第一印象是 快。下單快、上菜快、想你吃得更快。貌有幾分像肥媽的老闆娘寫單爽手，多次強調青檸梳打不甜（大概有人投訴過），點了走辣生菜包、小辣冬蔭功、黃咖喱雞加蒜蓉包、串燒豬牛雞、串燒雞全翼。較為特別是黃咖喱🍛雞的汁用了煮咖喱蟹的那種加蛋花的做法，所以汁很是濃稠厚重，且蒜蓉包$16有5件，焗得剛好邊緣沒燶；串燒雞全翼比其他串燒惹味。聽老闆娘和送貨哥仔閒談說一月份將會加價，因大部分食材已加價但自己做得實在太平云云。個人認為不盡是所有都便宜，大概集中某些hot items較實惠吧。吃了45分鐘左右，見門外已堆滿幾組人，趕趕下忘了拍餐單、收據照（人太多，舖內陳設恕難拍照）。便宜是能吸客，但要經得起速食及忍受背部經常給傳菜小二碰到才好來。

又抵食又好味嘅泰國餐廳！店面雖然唔係好靚，坐亦都唔太舒服，不過勝在嘢食好味，價錢便宜每次嚟到必點燒牛肉，燒到五成熟啱啱好，又juicy,食過一次返唔到轉頭😍每次去叫椰青都超級甜 冇一次係唔甜🥳每次帶勁多餸，埋單都係四百幾蚊👍🏾

以為喺九龍城一定會搵到正宗嘅泰國菜我哋隨意揀咗一間泰國餐廳食但係唔好食既阿姐一入到去唔俾我地揀我哋想坐嘅位雖然我都明白人小店會人多擠迫但係當時已經過咗晚飯時間係夜晚10點店裏面仲有好多位阿姐就安排我哋坐係一堆食客旁邊食物方面都唔係好食菠蘿炒飯炒到好似星洲炒米嘅味道菠蘿已經變壞炸蝦春卷我淨係食到包住炸蝦嗰層炸粉隻蝦唔知去咗邊度只有生菜包係好味嘅不過生菜包好味係基本呢間餐廳我應該唔會再去希望佢哋可以改善一下

九龍城食泰國🇹🇭美食 不嬲都係個好選擇今次來到呢間泰國人開既 地道泰式料理🤭價錢親民 食物質素都唔差架❤️原本唸住叫燒側魚🐟點知賣晒wor 唯有食住燒烏頭啦🤪烏頭大大條 肉質鮮嫩多汁 肥美 冇乜泥水味🌚再來就係 生蝦 我最愛🙂🦐不過就擺設擺🉐️求其D 廚師係咪唔開心？生蝦入口鮮甜 再加埋特制醬料 口中流連忘返個陣味🥳燒雞翼來講都好食 不過我覺得未完全加熱 未夠惹味 呢點可以注意下⚠️😎😎呢碟炒埋一舊野 我唔知好笑定無奈 😅講真冇乜特別 油膩膩 食唔出泰式風味😂總結下 呢間衛生情況一般啦 除左幾味係好食 價錢平 服務態度OK😇不過都係街坊生意多 下次可以再食🙂

九龍城最多就係泰國菜，試極都試唔晒今日試下呢間好多年歷史嘅興隆鋪頭比較簡陋，坐位亦不是太多。生蝦 大大隻 不過唔夠鮮味泰式炒通菜 十分惹味泰式鳳爪 酸味不夠 只有辣味黃咖哩雞配蒜蓉包略嫌咖哩太多配料 冇乜汁去沾個蒜蓉包勝在蒜蓉包夠熱夠香脆明爐烏頭 不過不失小食拼盤 只有蝦餅好食店內飲品選擇唔多，只有啤酒汽水等。。

平時喺九龍城返工，所以經常食泰菜呢間第一次嚟但亦都係我試過咁多間最差嘅一間🤦🏻‍♀️一入到去，餐廳係開放式基本上冇門夏天食嘅話一定係食到流晒汗，廚房都係開放式而且通風系統極差環境同衛生情況都係一般不過我哋不嬲支持小店如果係煮得地道又好食的話咁我覺得呢啲嘢都唔算大問題嘢食到了，一望落去炒嘅嘢都極油其實根本唔需要filter啲菜都已經油到反光脆肉炒椰菜苗，唔知點炒，椰菜苖唔係特登炒得爽口，而係真係未炒熟咁樣食落去仲有草青味啲脆肉同菜係完全分離狀態本身諗住香葉肉碎炒飯係泰國地道名菜，應該好難會煮得唔好食，但係呢碟淨係得個辣字我哋唔係唔食得辣但係完全係辣到冇晒其他味粉絲肉碎沙律又係得個辣字唔知係咁岩餐廳換咗師傅定係餐廳嘅水平不嬲都係咁總之以後唔會再嚟呢間食🤦🏻‍♀️

經過九龍城順道去一家地道泰國菜。裝潢非常簡陋，很舊但充滿人情味。我們兩個人先點了泰式生蝦，每人三隻這個必點，非常好吃！再來一份冬陰公湯，味道濃但不會吃到味精味。明爐烏頭大大份，兩個人吃不完，店員貼心幫我們打包外帶回家。魚肉質鮮嫩，配料豐富，最好吃的一道菜！還點了椰青解渴。桌子上面有個gas爐難免會有點熱。餐廳沒有門，只有膠蓋住。食物好吃但不適合久坐聊天。這裡的泰國菜非常正宗，而且價錢便宜。一家人可以來這裡吃晚飯，始終泰國菜 good for sharing

九龍城最出名就系食泰菜，今次試新野，好地道既泰國菜。好好食既豬頸肉，肥瘦平均，好香口好夠味必叫之選，炒得好野味，小小辣好好送飯！叫左2牛2豬2雞，介以為個牛會好硬，回個好軟身，好食。反而個雞比較起上黎就遜色啲，一般雖然一直好唔鐘意食辣，但每次都會叫冬陰公湯，就好似起身要飲水咁基本！好陰隻大蝦，無雪味好彈牙好好食。平時出塊食戈足好多都會連殻，呢個唔洗拆殻，岩哂我呢啲懶人！明爐魚又系泰國必叫，雖然食戈陣好熱，但佢啲汁甜甜酸酸好好食。魚肉好滑，條魚食落都新鮮好好食！

九龍城宵夜泰國野一路都是喜愛的食物之一，這間興隆泰國美食都食過好幾次。呢晚叫了冬陰公，青咖哩，香葉牛肉炒河，蒜蓉包同一枝象啤。冬陰公叫了小辣，口味適合我倆，是偏向酸的，沒有加很多椰奶，不錯。另外也有不少蝦，蝦是新鮮，因為很彈牙。青咖哩也叫了小辣，配雞肉，及用來點蒜蓉包食。青咖啡有大量茄子。茄子入味。另一半很喜歡，說煮得好，又不算辣，雞肉也算足夠。香葉牛肉炒河就一般，雖然鑊氣夠，但牛肉不好，河偏油，青豆，紅蘿蔔粒多，沒太大特色。總括來說不錯，野食配象啤當宵夜，又不算貴，nice。

喺九龍城有好多小食，都好想試吓，今次嚟到呢一間鋪頭，買咗一個鳳爪，外貌同埋色相一般，食落去唔夠辣，亦都唔夠入味，佢嘅配菜都唔係多，如果對於唔係太食得辣嘅朋友仔來講，可能就會好適合，但如果佢哋味道同呢個價錢…我就覺得未必值得，因為佢嘅味道份量相對其他泰國食店唔太出眾，配料唔算多，鳳爪數量亦都唔多，但佢嘅價錢同其他泰國店嘅，只相差幾蚊不過之前我有試過佢嘅豬頸肉，佢嘅價錢好符合，亦都係十分之香口好味，佢嘅汁都好美味，所以如果講比我返轉頭買，可能會選擇豬頸肉而唔係鳳爪

抵食興隆泰國野抵食興隆泰國野前日同男友去九龍城諗住食街邊串燒，但原來東主有喜，休息。經過見到呢間坐滿人咁濟，就轉入店食試下啦。D野食都好抵下，炒粉都係＄45。。。。叫左3個野食，乾炒牛河，生菜包，串燒雞，牛，豬各2串。乾炒牛河牛都幾多，不過就有D用軔，味道幾好。河炒OK，吾太咸，都夠鑊氣。仲有炒蛋同幾條菜心，雖然份量吾大，不過都夠既。生菜包男友食吾到辣，所以叫左小辣，肉碎炒得好，加埋洋蔥，蔥，自家料味，好香。小小辣，包住生菜食吾錯。串燒最好食係雞肉串燒，牛同豬就一般，不過個汁幾好，點串燒食都幾惹味，令D肉有好食D。

每次去親九龍城就一定會食既泰國菜，有時仲要為左食佢，專登入九龍城，吸引力大到呢耐唔耐就心思思想食泰國菜，但奈何唔係間間都岩心水，而興隆就係食咁多次，都覺得好好食既一間，每次必叫既生蝦，雖然份量比初初食既時候少左啲啲，不過都無阻我對佢既喜愛，點生蝦既汁更令我越食越想食！泰式燒肉炒椰菜苗同香葉肉碎炒飯又係必食之選，總覺得其他地方既味道始終係爭小小，成日都覺得興隆既係好食啲，今次仲食左串燒同椰汁雞湯，串燒就雞肉會比較好食，點埋個醬，簡直一流。而椰汁雞湯就帶有類似冬蔭公既酸味，都唔錯既，不過我就鍾意飲冬蔭公多啲。