興隆泰國美食

營業中

休息中

上個月去開九龍城做project, 順便食埋晚飯...在朋友們的帶領下 , 去了這間泰國餐廳 (我第一次去)... 除了欠缺裝修+ 少位之外, 真係幾好食 + 抵食 , service都幾好. d sauce 超正~頭盤是生蝦好鮮味, 幾爽, 點埋sauce, 超正!!! 最後要encore跟住就是豬肉生菜包味道配得岩岩好, 肉質鬆軟, 用脆口的生菜包住食, 簡正一流一碟燒豬頸肉真係好juicy, 燒得岩岩好.燒烏頭我對烏頭一般, 但泰食燒烏頭都幾好食, 個樣好似燒乾左但其實食的時侯帶有些少魚汁, 唔錯...串燒有豬、牛、雞肉及雞腎的串燒, 個人認為最好食是腎, 爽~ 其他就一般...冬陰功海鮮湯ok啦, 同其他泰國餐廳差不多..泰式金邊粉同冬陰功湯一樣, 同其他泰國餐廳差不多...不過最後上的一碟...好正, 好足料, 只欠缺不夠熱, 可能不是即時上檯...雖然個人不太喜歡食皮蛋, 但這碟令我對皮蛋另眼雙看...食到飽, 諗住最後一碟都沒有什麼特別, 點知出乎意外地好食值得去多次, 最好多人去, 可以食多d其他菜.

泰式奄列，實實在在的蛋餅內，撈上了港式甜酸汁的免治豬肉，大家吃到頭暈暈，卻又說不出這道同泰菜有什麼淵源．．．喊晒口分享@http://foodxfile.blogspot.com/2010/09/blog-post_07.html

是日好夜先食晚飯, 成12點幾才出發搵野食...主打想食泰國菜, 向九龍城出發, 見到同事之前推介呢間, 營業到3點, best choice因為到達時已經1點多, 店內只有一台客人用餐。睇餐牌時, 侍應就問我地食唔食生蝦~即刻話好再點埋生菜包, 特色炒飯, 再加埋串燒雞, 牛, 豬各兩串加雞翼~仲未夠, 加多兩個椰青 生蝦: 一碟有成12隻, 真係價廉物美!! 抵食~生蝦用冰鎮住, 夠曬凍, 而且也算是生鮮彈牙 再點埋佢地既醬汁, 真係好想再叫多一碟。醬汁有兩種, 其中一種較辣, 但是惹味十足, 刺激胃口。豬肉生菜包: 即叫即炒。炒得乾身, 唔會有好多肉汁留出。 最怕是炒到水汪汪, 一邊食一邊肉汁係咁留落手度。豬肉碎落了一些香葉, 份外惹味。特色炒飯: 有塊蛋皮包住炒飯, 炒飯是普通的炒飯。 其實呢個沒有什麼特別, 可以唔叫。串燒: 雞全翼幫我一分為三, 雖然貼心, 但更愛拎住成隻雞全翼慢慢食。串燒雞, 牛, 豬, 普通。椰青: 好甜, 好解渴又解辣。

這個晚上，心血來潮想吃泰菜。九龍城是必然之選，然而想吃多款泰菜，又想價錢廉宜，在九龍城也有必然的難度。以前曾吃過興隆泰國，記起它的低廉價錢，當時想，如果來到到九龍城，會再訪小店的。大約晚上九時來到，幾乎坐無虛席。食店面積不大，而且空調不足，一邊吃辣辣泰菜，一邊在拭汗。剛好在店舖內有兩位，我和友人即時內進享用美食。因為記憶中，興隆的泰菜美味程度，已經可以蓋過空調不足的缺點。當晚店內有一位泰籍店員（疑似老板？）很殷勤招待！他非常熱情介紹生蝦，以前和友人也吃過， 因為我對生蝦不是非常熱烈喜愛，上次要友人自己一人啃了成碟生蝦。雖然爽口，調味汁也很豐富，但要一人之力吃盡，試過也怕怕。於是今晚就跳過生蝦，嘗試其他菜式。很喜歡這裏的蒜蓉包，焗得非常香脆！蒜蓉包的香味，即使在漱過漱口水後仍然存在... 今晚就試了五款菜式： 燒烏頭（$65）：以前吃過烏頭和鰂魚，個人比較愛吃烏頭，喜歡它肉質結實。可能這晚上的食客太多，烏頭不夠從前的多香草（從中烏頭的魚肚位置，會釀入大量香草），吃起來不夠香味。幸好魚皮燒得香脆，魚肉味能夠緊緊鎖住在魚複中，吃起甘香無比。整條魚是極速之間清理了！ 炸蝦餅（$48）：$48

這夜是一個即興小局,四人來了這間評語不錯的泰菜小店.店的規模甚小,大慨只坐得下十多人,装修也極像芭提雅那些街頭大牌檔.看見如此格局心中不免希望吃到的會是地道一點的泰味!青木瓜沙律----青木瓜絲刨得幼細吃起來很爽脆,酸汁的調味適中.炒椰菜苗----比平常吃到的大棵一點,帶有少少苦味.冬蔭公----湯面浮了大量白色的粒狀物,以乎厨師並不知道椰奶是不可長時間加熱!酸辣的味道不明顯,只感覺得到咸味.整個湯也只撈到數粒草菇,反而雞脾菇卻有不少.燒豬頸肉----肉質尚算鬆軟,但調味不足!要靠汁料來提味.泰式拼盤----蝦餅偏軟身彈性一般,春卷像是急凍來貨,皮蛋的質感死實有很重的臊味!魚餅有頗濃的魚露味道是最好吃的一款!豬、牛、雞肉及雞腎串燒----百分百港式口味,沙爹醬不香,肉類過份軟淋及本身全無味道.雞腎雪藏得太久,就算咬落外表軟身但中間的顏色還是深紅色,看起來還像未燒熟似的.肉碎煎蛋-----這明明是一個免治餡的奄列!(其實餐牌上英文也是寫著Omelette)蛋皮包裹著的是調味極甜的肉醬!配飯吃的話是可以的,但獨立來吃卻真是甜得太厲害!燒鰂魚----初時吃起來像一條蒸魚,釀在魚肚中的香草味道

朋友睇 OPENRICE，見到興隆生蝦同嘢食好正，夜晚嚟咗呢喥試食： 青咖喱牛： 好味，咖喱都算多！GOOD！ 蟹柳炒飯：外表普通，但食到一粒粒蟹柳肉喺炒飯入面，啲飯炒到粒粒均勻，好香噴噴，好好味！正！ "算"蓉包 ($15)：好香，仲算多包包，正！燒烏頭：最遲先上枱的燒烏頭，千呼萬喚始出來！燒烏頭好香好好味，廚師放在啲香草喺魚入面，食起嚟啖啖香草，一啲都唔腥，超正！一定要叫呢碟食！串燒三串：一定要叫三串，可以任配，好好味！沙嗲汁好特別，正！生蝦：好爽！好新鮮！必食之選！店員添水添得好快，又好禮貌！不過喺呢喥環境就懷舊啲，同埋食到成身一陣味，哈！埋單嗰時只係 ~$235 喳，抵到爛！有時間嚟九龍城一定再訪興隆！

本身同幾個朋友係旺角行街唔知食咩好.點知無啦啦有人講不如落九龍城食.我當然即叫好啦!馬上就諗玲姐呢度啦!!! I miss U生蝦, 海鮮冬陰, 蝦餅, 咖哩蟹, 泰式炒通菜, 炒飯, 半打串燒. 生蝦. 真係必食!! 又鮮又有口感. 90分 海鮮冬陰. 呢間好泰式. 唔太濃,夠香. 80分 蝦餅. 香口. 90分 咖哩蟹. 我夠膽講全九龍城最好係呢度. 100分 泰式炒通菜, 炒飯, 半打串燒. 唔太特別但也值60~70分.

今晚因為陪大人係土瓜灣整野,搞到12點幾(夜晚!!!!!)先去食飯!因為我等得太耐,大人話去搵d好野食氹番我,咁近近地我地去左九龍城搵,去到九龍城多數都係食泰國野架啦,今次揀左呢間"興隆"試,一坐底有個阿姐就問要唔要生蝦,因為小妹個人非常鍾意食蝦,當然ok啦,之後仲嗌左泰式拼盤,炒金邊粉同燒豬頸肉.生蝦 - 因為大人唔食蝦,我1個人食晒11隻.,好好味,好新鮮! 加埋d汁一流泰式拼盤 - 除左魚餅其他都係有蝦,但樣樣都好好食,個魚餅同蝦餅最正!炒金邊粉 - 都ok,不過唔知係咪其他野d味太勁,覺得個粉冇咩味,不過加埋d辣粉,岩岩好炭燒豬頸肉 - 好味,唔會'un',份量都唔少原本大人見到人地食蒜蓉飽同叫咖哩蟹,又話想食.但因為太飽冇叫到,唯有下次黎再試下..

黎到主菜: 當然要食泰國菜啦我地的目標係要地道的泰菜..一D裝修好靘的餐廳並不是我們的菜友人之前其實試過泰好味和泰禾味,都覺得唔錯.今次見到呢間興隆幾熱鬧..決定一試..不過要等位.. 隔左一陣個黑面呀姐係店外加多張枱.. 而我地坐外面又冇所謂點知個黑面呀姐點都話張枱唔夠我地3個女仔坐, 死都唔俾我地坐.. 算啦, 我係開心黎搵食.等多一陣就入左去坐...連餐牌都未睇就係甘問我地食咩~ 又唔俾餐牌我..=.=見佢話生蝦$48/11隻, 甘就叫住一個先~ =.=唔使甘趕呀.最後我地叫左生蝦刺生$48/11隻: 都OK大隻的.. 幾新鮮, 個汁好食.11隻都叫幾抵青咖哩牛$38 : 咖哩味道幾好, 如果辣D就好啦~ 配料唔係薯仔, 係茄子~ 好好食呀 牛肉都好滑幾多~冬陰海鮮$48: 見到冬陰公同冬陰海鮮同價錢, 當然要叫冬陰海鮮啦~ 好飲~ 好多海鮮有魚,蝦,鮮魷, 青口.. 個湯好正宗, 用左D香葉, 飲落有少少似蕃茄湯甘..不過帶少辣..唔錯辣椒膏炒蟶子$48: 蟶子好大隻, 好新鮮, 炒得好好~ 個汁一流~ 好有獲氣~ 全晚D呀姐都OK禮貌~ 不斷幫你FILL 水, 只係唔係甘

由串燒店開始我以是他們的常客.因我常到九龍城加上他們己是小弟想吃泰國料理時的首選所以一直沒有想到要為他們寫食評.真是有點對不起玲姐.食物方面推介: 蝦餅,生蝦,咖啡炒蟹,燒側魚,蒜容包.其實她們我食品可說是沒有什麼不出色的.但的推介的可以說是她們比其他店出色或用心出品.因今次只是來吃宵夜所以沒有口胃吃太多.倆人點了: 蝦餅,生蝦,海鮮冬陰,炒蜆蝦餅爽口,有蝦味.生蝦肥美. (早前她們會把蝦頭炸出來上的近年沒有了)海鮮冬陰合格以上如您能吃棘是可跟她們說加棘的.炒蜆,今次有點下降了蜆比較早前細了多.因她們店小加上她們不排至街上所以迫得要命的.玲姐和玲媽人是好好的但跟中國人不一她們不會笑口滿面的,加上她們也不客氣的.店鋪油煙大一些比較看體面的食家不太合適.

如果唔介意地方沒有什麼裝修可言，呢到真係好底食。我叫左以下幾樣1. 青咖哩雞肉 $38 (不包蒜容包)超香咖哩味, 亦不會太辣，配料的茄子亦好好味呀，多過加著仔(因為我怕肥)雖然外貌不揚, 只係用個膠兜上菜，不過味道絕對合港人口味，不會有太多泰國香葉味而且$38 呢個價錢, 真係幾平。2. 拼盤 $60呢個真係超值, 有蝦餅(X2), 紙米卷包蝦的春卷(X6)，蝦膠+皮蛋的炸蛋(X4)，炸魚餅(X4)差唔多全部都係蝦蝦蝦, 最衰我唔喜歡食皮蛋，如果唔係我覺得真係完美喜歡食蝦的人，一定好開心。而且D蝦餅真係好彈&爽。正正正3. 泰式燒烏頭 $60因為係即燒, 所以等左15MINS，不過值得既。真係好鮮味，用鹽燒既。而且佢會有個自製醬汁，呢個真係精髓，有辣椒粒，檸檬汁，用呢個點烏頭，真係好鮮‧而且條魚超大條，一上菜都有D驚。真係好大, 一家4口都夠食呀。4, 蒜容包 $15呢個對絕對唔係HEA做, 即叫即做。包皮脆的, 熱辣辣配咖哩真係一流。

今晚老版娘無黑面..唔通比臉我細佬...仲就圍同人講笑添...少可...一如以往...又抵又好食....家姐,姨甥,細佬&me...鰂魚生菜包豬肉生菜包-走辣..差唔多比姨甥吃晒咁滯...炸蝦餅咸魚炒椰菜苗-太多咸魚..咸左d椰汁鷄湯...正濕炒海鮮河..大大碟..只係260咋...好抵呢!!!

1. 鮮牛肉金邊粉$23 ~ 牛肉很厚兼大舊, 有點嚡口咬唔爛. 湯底味精不會太重.2. 鰂魚生菜包$58 ~ 香、脆！肉碎越食越辣, 魚肉無泥腥味, 而且仲幾大條, 二人食一定超飽.3. 豆角田雞$38 ~ 抵！田雞並不鮮甜, 但係都OK啦. 不過油膩了點.4. 紅咖喱牛肉$38 ~ 與隔離店相比平$20， 又係抵食之選.

跟朋友到九龍城食泰國菜，發現這間名不經傳的小店論環境，這間店較黃珍珍、金寶等同區食肆遜色；論味道和價錢卻是物超所值 當晚點了:生蝦刺身 ($48 約11隻) - 蝦肉新鮮爽口，蘸上秘制醬汁道更好味炭燒豬頸肉 - 正！送啤酒一絕青咖喱牛肉 - 香濃咖喱汁配白飯或蒜蓉包是最佳組合蟹肉炒飯 - 飯粒夠乾身，蟹肉鮮味，質量絕不馬虎蒜蓉包 - 脆卜卜同惹味，記住趁熱食埋單$178, 下次再試咖哩炒蟹~

今晚啱啱食完。見佢都開咗咁耐，應該唔差得去邊掛。簡言之，價錢唔貴，人均消費50-75左右。但上菜好慢，好多人都投訴。阿姐不停話：我地得一個爐，唔係三個爐，無辦法。兩位阿姐，一位較白，其實佢好好禮貌。但另一位較黑的，似泰國人的，就成日黑口黑面，好似欠咗佢咁.....結論，第一次亦係最後一次去哩間餐廳。