興隆車仔麵 (已結業)

由於我時間觀念出名差，做做下嘢都唔知時間難為友人早早到達紅磡呆等點解會去紅磡吃飯？就係去睇我期待已久嘅林宥嘉演唱會啦！以往演唱會前選擇唔多，只係去火車站嘅老x同美x友人帶我去food count 開餐眾多選擇中我揀咗車仔麵6個餸一個面，包埋凍飲都唔駛50蚊魚旦，豬皮，豬腸，蘿蔔，豬紅，牛腩佢仲要包埋菜菜咁多個餸我最鐘意蘿蔔之前有睇過某車仔麵檔介紹煮蘿蔔點解個蘿蔔食落有渣呢？因為店檔慳住蘿蔔唔肯刨深d但係呢個完全冇呢個問題，大讚環顧四週，好多學生哥食飯，可以呢個food court十分經濟

呢個商場早餐真係冇咩選擇，啲好食嘅亦都唔多，但係呢間車仔麵嘅早餐，其實真係唔差。只要小編一嚟到紅磡需要食早餐嘅時候，就會嚟食呢間車仔麵嘅早餐！除咗係標題提及凍飲唔使加錢之外，佢嘅自製沙嗲牛肉真係值得推介，當然口味呢啲係好主觀，但係佢呢個沙嗲牛肉味道真係唔錯！另外食車仔麵餐廳嘅一個好處就係，其實好多野都可以自選嘅，總之想食乜就揀想食乜嘅嘢就可以啦。小編呢個就係出前一丁沙嗲牛肉麵加隻太陽蛋，配凍奶茶，價錢只不過係＄27 ，雖然同出邊茶餐廳比，始終可能少左份多士，而價錢其實都唔係話特別平，但係佢嘅味道就真係唔錯。早餐亦都代表新嘅一日啱啱開始，所以一份好味道嘅早餐又點少得呢！

之前食過幾次都覺得好抵食又幾好食咁今日出開去紅磡就諗住食這間車仔麵，可能今日星期六, 比較多人，我已經諗好食咩麵食咩餸，都要俾人催，其中一樣叫了鳳爪，咁見碗麵咪問下有冇鳳爪，就俾兩個阿姐大聲話咪講咗未得囉，你聽唔到㗎！湯底完全冇味！叫了炸菜、蝦條、豬红、雞翼尖、豆腐、牛肚、米缐，只有雞翼尖味道正常唔會再去食！

食物味道普通，沒有特別，但服務態度極度劣，以前自己好出名，全個紅勁得一間食店咁，唔講以為佢拎過車太人金獎。又唔用紙寫低人下單既菜式，但又記唔到，問人十九幾次叫左咩，最後仲要出錯食物。垃圾，劣食，浪費時間，浪費金錢。

每次去紅館睇演唱會前, 都會嚟置富都會food court 醫肚, 而我幾乎次次都係幫襯呢間平靚正車仔麵!!!$37 大大碗六餸車仔麵送飲品, 凍飲仲要唔駛加錢添!!!! 六餸我揀咗豬紅, 蘿蔔, 雞翼尖, 煎蛋, 墨丸 & 生菜!!! 味道不過不失, 主要都係價錢抗通脹同埋夠快, 睇演唱會前趕時間醫肚就啱哂啦!!!!

今日中午去了紅磡食野，去到紅磡都會美食廣場，雖然有幾間店舖，但睇落去間間都好似唔吸引，見自己未算太肚餓，就食碗車仔麵頂頂肚。四餸麵：1. 魚旦：味道唔覺得新鮮，仲要較硬身及少少腥味，一定唔係好質素的魚旦2. 豬皮： 沒有特別，沒有評價3. 蘿蔔： 有些硬，好似唔多靚及好食4. 雞翼： 有少少鹵水味，但唔夠入味，而且又較細隻熱咖啡： 不要有任何期望，應該係雀X即沖的咖啡整體來說，質素唔掂，但價錢唔算貴

有時趕時間，都會係food court怱怱用膳，除了多數在素食店來個三菜一湯飯外，車仔麵是另外一個超快的選擇。麵店有不同的組合，囝囝及自己最喜歡可以選六款菜。鳳爪、雞中翼、生菜、午餐肉、蘿蔔及豬腸配油麵，鳳爪不會炆到甩皮甩骨，依然入味；蘿蔔未夠腍，還可以煮耐一點；豬腸有部份偏韌；而油麵本身質地好腍，不太欣賞，下次都是轉回粗麵算了。簡簡單單，又是一餐。

今次要介紹既係紅磡都會Food court既一間車仔麵店，呢間野最吸引就係佢可以以好平既價錢 (約$35) 買一碗六餸既車仔麵😎今次愛麗絲就叫左碗湯河粉做Lunch，至於餸就係午餐肉丶豆腐丶蘿蔔丶雞翼丶魚蛋同腸仔。呢個價錢食到咁多餸係正既，而且佢餸既選擇都好多，揀六樣其實都會選擇困難症😂 個人建議可加芝士丸丶蟹籽丸等選擇～ 雖說佢好抵食，但食物既質素絕不欺場架。首先，麵身唔會太淋，保持一定既質感，但好口感。另外，啲餸雖然係一早就煮好左，但都唔會話冷晒，熱熱地，都算係咁架啦。 不過，認真覺得個湯好有進步既空間，一黎真係好淡，同水分別唔大，另外就係唔熱，唔熱既湯有時都會令人食慾大減。如果佢做好個湯，應該會仲正，不過咁既價食咁多料就隻眼口隻眼閉lu車仔麵餐仲有其他麵類，好似米線丶幼麵等，顧客可以自由搭配，款式又多，又平，大家不坊去試下啦😉

呢3日公司大人物全部出差, 今日早上慢慢行去food court 買份早餐返公司慢慢嘆! Food court 早市只有幾檔營業, 就試下這間「興隆車仔麵」。這個餐肉腸蛋出前一丁包凍熱飲品只要$26, 都幾吸引。出前一丁放在當日位置, 保證正版。車仔麵檔內餸菜已經預先煮熟。外賣多加$1。返到公司馬上開餐。有炒蛋、香腸、半片午餐肉認真豐富。雖然食物預先煮熟, 但食物浸在湯麵內因此味道分別不太大。出前一丁沒有過冷河, 少了份爽口彈牙的囗感。凍奶茶是地道茶餐廳味道, 食過麵再歎杯凍奶茶, 就是香港獨有的味道。

從未食過如此無味的車仔面，十分難食牛栢業，墨魚丸，豬皮米缐，牛栢業猶如橡根，需咀嚼多時，才能咬碎，墨魚丸只有麵粉，完全唔知道自己食緊咩丸，最重要的是我一路食一路懷疑自己失去了味覚，完全無味，直到我嚐了最有食物質素保證的.....可口可樂，我才發現我的味覺還在，謝天謝地

紅磡 置富都會 興隆車仔麵四餸車仔麵雞翼尖，雞翼，豬大腸跟蝦餅，油麵！價值同食物質量一樣低，完全沒有味道的湯頭，油麵只有簡水味。豬腸沒有鹵水味，肉質又軟腍。雞尖沒有鹵水汁香。雞翼微微煎過但沒有鹹味。配熱朱古力，竟可以淡如清水般！劣食之中的劣食😈😈

偶爾經過紅磡個頭，就行下置富都會商場最上層嘅美食廣場搵野食。個人黎講，自己比較中意食車仔麵，所以見到興隆車仔麵就不由分說咁揀咗佢。我就揀咗個六餸車仔麵，送青菜同野飲。我揀咗雞翼尖、豬紅、蘿蔔、冬菇、豬皮、仲有個唔記得咗。我對個車仔麵既睇法:優:1. 多選擇，多到唔識揀2. 價錢公道3. 送野飲同青菜(你當佢送多樣餸)4. 環境優美，對住個日落黎食，型到成個文青咁。劣:1. 雞翼尖真心醃得好差，完全入唔到口2. 我覺得識食車仔麵，一定會睇個蘿蔔O唔OK，但無奈個蘿蔔係清湯蔗渣蘿蔔，我都冇話好說。3. 個麵(幼麵)過硬，入口都係冇味。整體黎講，就覺得差嘅。

平價車仔面今日去到呢間位於紅磡都會商場既興隆車仔面食野，係云云食店中揀呢間食其實都係全因價格吸引。例如 $35 六餸車仔面咁，仲要包野飲，簡直係窮人恩物。而我就食左呢個沙嗲牛肉公仔面，送杯凍飲同時菜，埋單都只係 $22，呢個價配以呢個份量真係幾正。不過，食完個面後，開始明點解賣 $22 咁平。其一，牛肉唔夠 “林”，食落去硬堀堀。其二，煮個面個湯底，或者稱呼佢做味精湯都可以整到咁唔好味，成件事都幾高難度下。總結：下次食第二間好過。

火車站裝修，只係得番一間連鎖快餐仲有開,但食物選擇比街外同系列快餐店少,而且價錢亦比較貴,試過幾次真係企咗喺度諗唔倒食咩,結果有一次買咗嘢食坐低，望去對面,見到有人坐喺度食嘢就諗不如下次去幫襯。終於有一日等到有機會去,行呀行，行呀行,行到最入先見到有兩間開做早餐，反正總有機會試,今次先試車仔面,下次再試入啲嗰間。企定定睇個餐牌,選擇真係多個火車站好多，畢竟做車仔面要準備好多嘢。但第一次幫襯，試番啲大路嘢先,登登登就係沙爹牛蛋面，加杯奶茶。奶茶其實完全冇期望望，畢竟只係一個美食廣場，可以話係四平八穩，冇咩茶香唔滑，但又唔係立頓茶包沖出嚟，$24收貨喇。至於個面，啲牛肉唔係用食粉醃到冇晒味,因為落咗湯可能有少少影響沙爹，所以唔係太濃烈，下次會試吓走湯。個面煮得啱啱好,唔會太淋或太硬。煎蛋係熟黃,喜歡太陽蛋嘅朋友就可能要另外要求。總括唻講,咁嘅價錢同車站比係絕對超值,希望可以多啲人幫襯支持吓小生意，食完行番去搭車，當做吓運動！

近半年來要經過紅磡火車站(現稱港鐵站)上班。捱了火車站內的麥x勞(已結業)或美x快餐一個多月，後來才得知對面商場有food court。從那時起，我寧願多走五分鐘路找小店，也不長期光顧某些又貴又劣質又冇heart又冇soul的連鎖快餐。 入正題，車仔麵早餐：1. 我吃過這裡的米粉、米線、油麵、河粉都合格。但個人較喜歡米粉和米線。另外，這裡的湯底並非hea做，亦不覺有味精。愛吃辣的，可要求加辣汁。2. 午餐肉、腸仔、煎蛋，是本人在此店之首選（但腸仔餐肉本身鹽份高，不宜長期大量食用）。午餐肉和腸仔是經煎香過的，在細節上絕不馬虎。3. 飲品，不另收費。但是這裡沒有賣飛佛—茶走，只好以凍奶茶代替，也不錯的！埋單$22。咁有良心及性價比的價位，邊度搵！