船皇 (謝斐道) (已結業)

最近見到身邊嘅朋友都周圍飛，搞到我都想飛埋一份✈️ 可惜呢排都多野做行唔開，心心念念嘅泰國之旅要暫停一下🥹不過俾我發現咗即使去唔到泰國住都一樣可以食到好好味嘅船麵😍 仲有任食串燒添🍢1️⃣ 船皇湯麵 🍜揀咗小辣嘅金邊粉，食落幼身得嚟好滑，湯底好濃郁亦唔會太鹹💓而配料有牛腩、肥牛、牛丸、雞翼同豬膶等等，份量多到差唔多ᴄᴏᴠᴇʀ哂啲粉，好吸睛😍 雖然有蔥花但唔係好多，如果可以多啲就好啦🤩2️⃣ 牛腩+牛肉丸+牛肉片 船麵 🐂成碗麵都係以牛為主，上面仲有塊炸豬皮，脆卜卜好香口，有一半唔覺意浸咗落湯度即刻”渣渣聲”，但係食落一樣咁好食的😚牛腩肉質鮮美，軟腍適中，好好味🥹而少辣真係得好輕微嘅辣，但係正正因為咁就更加凸顯出有好濃嘅牛骨湯味🫢3️⃣ 泰仔凍奶茶 🇹🇭好驚喜好驚喜好驚喜‼️ 好少見凍飲唔加冰🧊 完全無溝稀過茶味點都濃啲，但又唔會死甜👍🏻4️⃣ 任食串燒🍢等我戴翻個頭盔先🪖 雖然做唔到串燒店嘅味道，但係都好好食嫁，串燒款式超過20款，又可以任食，我覺得完全對得住個價錢🙌🏻燒菜燒肉燒水果乜都有，款款都各有特色～ 而附上嘅醬汁係甜甜地又辣辣地嘅沙嗲汁，好過癮🤣㊙️㊙️㊙️學生同銅鑼灣某部分員工仲有9折優惠添😍

話說每星期都會送囡過嚟上堂，喜愛船面嘅我總會搵幾日嚟食碗麵，邊等個女放學。今日難得有frd陪我等，梗係帶佢嚟食我到時至鍾意嘅船面。事實上，船面我最緊張就係個湯，每次我都會先飲幾啖，由於湯好影響到個粉。雖然對於船面未算上專家，但都好有要求。呢度嘅船麵個湯算係中上，啲粉朔左啲湯別好食，加上餸嘅份量都好多，所以整體嚟講都好滿意。另外，小食方面，我地仲叫左酸辣鳳爪同埋炸豬皮，個人比較滿意炸豬皮，不過由於太邪惡，所以都係唔敢食太多。

叫咗一個船面 一個撈麵 加串燒放題船面味道正常 撈麵黎到乜汁都味 原來要自己撈支所謂既撈麵汁係杰身甜豉油⋯所謂既串燒 其實係油炸串燒 全部肉都無肉味 本身咁平都預咗唔會有咩好既肉 但係每一串都係得油味 滴緊油 頂唔順要用紙巾索油 索完串肉都仲滴緊油除咗油 啲串燒一啲串燒既調味 鹹味都無 沙嗲醬都係紅油 完全無味 擺係底既串燒好似金字塔咁 頂層既油流晒最底 又花生油又沙嗲紅油 食完成口都係油如果想中風或者飲花生油真係可以一試 第一篇食評 救得一個得一個 見字請quit

放工搵野食，入咗呢間店。本身都無乜期望，一個人食要求唔多。見到餐牌寫住「廚師推薦」，就揀咗船皇湯麵配河粉，加個秘制通菜。一見到碗麵有啲驚喜，啲肉好吸引，多到蓋過啲河粉！啲湯濃度適中唔會太咸。河粉係粗河粉，唔會黎到淋晒仲有咬口值得讚嘅係店家嘅誠意，碗野有牛腩、肥牛、牛丸、雞翼、魚蛋、豬潤好多料，只係$57🫢唯一美中不足係通菜份量少，不過$14一碟，好似都合理。同埋秘制醬太少，唔係好夠成碟通菜。唔講咁多，睇相～

去完泰國番黎真係好掛住泰國既船麵見人話呢間好好食 見OpenRice評分都唔錯因為比較趕時間堂食唔到就買咗外賣其實外賣嘅話都預咗冇堂食咁好味但依間連湯底都搞唔掂‼️‼️淡到似食緊滾水烚河粉‼️‼️叫左一個豬肉丸豬肉片豬潤河粉豬肉丸有 3粒普通啦豬肉片兩塊碎上 豬潤 3塊其實＄48都ok如果唔講個味道😂但個豬潤真係一眼望落係💢極唔新鮮💢食落去係硬到趙唔到唔知個廚師平時有冇食下自己煮既野真係難食到擺唔到入口🤮同埋個店員有問我要咩辣 我話中辣 唔知佢d辣係點衡量 我就食唔到有辣啦 完全冇泰國個種船面既味同真係只係覺得成碗係落左老抽黎教色既滾水煮河粉🤮🤮

之前食過幾次麵都唔錯，今次就試吓個鹽燒牛舌飯，點知就伏了，一碗白飯上面加條菜同幾塊劣質牛舌，同menu個樣差勁遠，雖然$68唔可以期望咁多，但真係太誇張，仲頹過自己喺屋企求其整，唔知其他飯係咪都咁伏，不過都唔會再試了，冇心做飯類不如唔好做啦，專心搞麵冇人話你好彩冇加錢要串燒放題，睇完其他食評後相信都係類似質素。（食到一半嘅牛舌飯，食食吓忍唔住要影低寫食評，原先嘅樣就想像吓係多少少飯同3,4塊相同大小模樣嘅牛舌，that’s all…）。

第一次忍唔住要寫評價 😡😡見間餐廳好多好評就黎試下食左碗沙爹湯同船皇牛骨湯車仔麵兩碗湯冇味，配料正正常常，服務態度麻麻，完全唔好食，非常失望牛丸都冇乜味質素遠遠低於個評價，唔好抱住咩期望黎食 🥲🥲求其一間車仔麵或者船麵餐廳都好食過呢間唔會再黎食第二次唔理解點解會有咁多好評 🥲Not worth trying at all. The quality of food is way lower than the ratings that it has.

船皇🇹🇭船麵。呢間係銅鑼灣船皇食船麵泰國粉餐廳。都開左一段時間啦⋯⋯但有時經過都覺得比以前係少咗人幫襯。琴日諗住好耐冇食過。就去食下啦⋯⋯而家仲有個優惠係加$68一位任食串燒。咁就諗住試下佢啦⋯⋯點知入到去餐廳時。已經好熱。心諗。唔係咁熱天氣都唔開冷氣？點知睇到真係冇開。咁熱既天氣一間舖頭點可以唔開冷氣？咁之後叫我職員開返冷氣。嗰三個女仔勁唔願意。但其實見到佢哋都好熱。咁仲點解唔開冷氣？之後叫佢開開完睇一睇個冷氣27度。咁同冇開有咩分別？所以原來佢冇乜客係正常。有啲咁熱食完碗麵熱死人都食完就走人。之後隔籬枱有個阿叔問個職員有冇水飲？之後個職員同佢講我哋呢度冇水供應，如果你要飲水買$10一支。唉😮‍💨幫襯完，今次應該都冇下次了。

今次放lunch嘅時候嚟船皇食船麵, 叫咗牛腩, 牛肉片, 牛丸撈麵 (金邊粉). 嘢飲就叫咗青檸梳打.🎈個麵嘅份量有啲細, 大食嘅人未必夠食. 個梳打係用個銀碗, 好特別🤣

本人很喜歡串燒，日式泰式中式都鍾意，對串燒冇乜抵抗力🤣見佢有任食串燒，好想試叫任何大碗麵，加68蚊就可以任食串燒🤤叫左雞翼雞絲船麵，雞翼好入味，雞絲唔乾👍🏻串燒有廿幾款可以揀，size比較細串燒上得好快，不過一上枱已經懷疑到底係串燒定炸串，連竹籤都好油冬菇、翠玉瓜、茄子，無調味+好油牛柳粒乾到不得了雞肉有醃過，不過唔知係咪搞錯左糖同鹽🤨魷魚鬚算唔錯🥲雞軟骨，粟米正常菠蘿好好好好食，好甜，夠稔飲品叫左龍眼冰同柚子檸檬梳打，味道正常下次都係淨係食麵算了😅

船麵係幾抵食, 40幾 ~ 50幾蚊都有, 因為打算叫任食串燒, 所以只叫左雞翼雞絲船麵, 湯幾濃郁, 唔會過鹹, 雞翼好入味有超脆炸豬皮, 記得要趁浸淋之前食~串燒每串份量比較細, 都唔緊要, 叫多幾次啫, 不過 :牛柳粒超乾😑雞醃得好甜, 甜到好奇怪🤐豬頸肉超幼🙄牛舌好mini, 仲超多油🤢冬菇, 茄子都係超級多油😒雞軟骨, 就係雞軟骨囉....😅魷魚so 算比較正常, 但都油🫣粟米算正常🥲菠蘿好好食, 好甜, 唔酸, 因為薄切, 唔難咬, 真係可以encore再encore👍👍整體黎講, 其實串燒一上枱我以為佢係炸唔係燒 (事實我唔清楚), 因為全部都好油😑另外, 冇乜調味, 有都醃得好奇怪如果你想$68任食燒菠蘿, 都係唔錯GEI選擇👍飲品, 叫左龍眼冰同柚子檸檬soda, 味道正常, 價錢唔貴, 同時感覺有D細..服務方面, 串燒上得好快, 唔會因為任食而拖時間👍

本身上次淨係食面都覺得OK，算係正正常常，不過啲嘢飲好似藥水，好難入口，今次朋友想食加$68串燒，咁我覺得任食都幾抵，但係佢燒到勁難食，咬都咬唔落，好似炸肉乾渣咁，我哋本身都唔係好食到辣，但係串燒汁對我哋來講都好辣（佢直接林汁係度）個侍應就以唔應該浪費食物為理由要求食曬，而且態度差，總結而言，面OK，其他不了。#明白食物都可貴，不過真係勁難食建議可以將啲汁分開，同埋寫明邊啲串燒係辣嘢飲方面，我哋嗌咗青檸汽水同龍眼汽水，味道都好似藥水，青檸個杯仲要特別酸。

由於太晚不想吃太多, 剛巧經過此餐廳, 早前吃過船麵心癮又起, 就試試看😊時間倒剛剛好, 進店不久就last order, 但因為比較晚, 部份小食都賣光了。店鋪非常光鮮, 以橙色做底色, 右邊牆壁高處還貼著一個個漁夫帽, 左邊則有一幅街頭小販賣麵的場景, 蠻有泰國氣息。船皇船麵 $58麵底有四款選擇, 分別是蛋麵, 米粉, 河粉和金邊粉, 這次選了蛋麵, 有點像港式幼麵, 不過口感更煙韌, 而且麵粉伴以雞蛋, 麵底本身帶香。配料有牛腩, 牛肉片, 牛肉丸, 雞絲, 雞翼, 豬肉, 豬肉丸, 豬潤, 看似很豐富, 然而每樣配料都只有一件。配料沒有什麼驚喜, 而且兩粒丸不夠爽口彈牙。湯底很濃郁, 辣度有大, 中跟小, 我要了小辣, 結果真的是小小辣 😅 以銅鑼灣地段, 看似便宜, 但份量真的太少了, 性價比一般。看餐單時發現凡惠顧麵食可以加$68升級品嘗60分鐘任食串燒, 種類大約20多種, 有肉類也有菜類。雖然只有一小時, 但$68很便宜, 可以一試。

果日睇完醫生有D肚餓唔知食咩好, 醒起朋友介紹過船麵, 於是行過去佢哋開左舖一陣已經坐左幾枱客, 我叫左午市套餐船麵+熱奶茶, 奉送椰子雞湯味道唔錯呀...等左幾分鐘就有得食, 個面賣相好好, 有D似車仔麵有肉丸、豬潤、肉片湯底略深色加少少辣油, 好正、好濃味！ 杯熱奶茶比我哋平時飲開略鮮色但都好好飲！雖然唔夠人手但D侍應好有效率, 亦不致於D人話佢哋冇禮貌！ 呢餐好滿意！

嚟到銅鑼灣 唔係好肚餓又唔想食得貴上OpenRice搵到呢間幾高評價又唔貴 朋友又話試過一次OK就決定試試佢👀加上適逢端午節 唔想食糭食到傻又冇去睇龍船🛶去食個船麵都尚算應節吖🤣話說本人其實係第一次食船麵因為一直都覺得好似會好淡咁🧐半時食泰式/越式河粉都係食牛多加上見到澳洲和牛都只係$58就試下麵款有四款 我就款咗蛋麵Size就揀咗正常雖然唔太餓 但一嚟到嗰陣見到個麵的確覺得有啲細如果餓/ 係男士 建議揀套餐咁就會有埋小食第一次食蛋麵 個口感幾爽口彈牙有啲似港式粉麵嘅幼麵我本身以為會食到蛋味 原來又唔會🤣個牛就普普通通 食唔出有啲咩牛味但味道同份量都非常合理湯底用咗牛骨湯 夠濃郁得嚟重點係食完唔會口渴！💯咁都係一個因素去證明真材實料我最想講嘅係杯泰仔奶茶🤩！($21)第一讚👍🏻凍飲係冇冰 所以凍得嚟完全唔會溝淡咗第二讚👍🏻杯奶茶係用個兜咁嘅嘢裝 有啲搞笑🤣但亦因為咁而份量比杯裝嘅多第三讚👍🏻通常啲泰式奶茶都係得個甜字 但做唔到「奶」同「茶」之間嘅平衡 但呢度拿捏得好好 唔會死甜或者太濃茶味 成餐lunch我諗我講咗5-6次：「真係好好飲😋」😂😂🤣淨係杯凍杯茶都值得我再嚟食！最後想講嘅係