良茶隅 (已結業)

成日經過見到無咩人幫襯，但門面裝修得唔錯，今日貪得意買黎試下，點知個粥只有五小條豬肚，數都數得出🥲🥲仲要豬肚無味，都幾失望，酒樓個啲仲平過佢又足料，唔會再幫襯🥴😣

買左支桂圓紅棗枸杞子茶$50一飲落口勁甜，再望望個成分表，第一係水，第二竟然係糖，再睇營養價值表100ml有8.5克糖，一支500ml就有42.5克糖，飲完仲要肚痛⋯⋯支野肯定有d問題，到期日仲有差不多成個月，都唔方日日新鮮製造⋯⋯呢間野仲標榜自己健康少糖，點知糖分多到嚇死人，成$50一支完全唔值囉，成支糖水咁，買的原意係想健康，呢支極高糖分的糖水簡直危害健康，飲一支就一下子攝取42.5克糖，已經幾乎超出每日糖分攝取上限⋯⋯

店鋪位置於觀塘鬧市入面既小小轉角位，鋪面裝修好簡約，但帶比人清新既感覺。閒時同同事lunch之後都會落黎買支涼茶，又或者佢其他話梅或者乾果，便宜又抵食，$40大大包冰梅可以同同事一齊做住野食足一個月😋

今晚大概6點3收工，買左呢支夏桑菊，搭的士返到屋企6點半俾我老公飲，仲係凍的，但係我老公飲第一啖就即刻問我，呢支野咩來？係咁樣味嫁咩？我即刻倒出來試左一啖...酸味、怪味，因為唔係第一次買來飲，已經知道本來因該係咩味，有D嬲，即刻放入雪柜，明天帶去同間舖頭反應下。

明明已經秋天，但熱到癲，行到勁口渴，驚會中暑，即刻想搵7-11買枝野飲。點知行少幾步路嘅隔離有呢間賣健康涼茶飲料，仲好，仲健康，唔洗飲咁多汽水同化學品。買左枝洛神花茶，好好飲，甜甜酸酸，健胃消滯，即刻嗝左下胃氣，舒服晒~~~~ 個膠樽又靚，呈扇形好特別。飲完洗乾淨仲可以翻用裝水出街飲，正呀 👍🏻除左洛神花茶，仲有紫貝天葵、五花茶... 好多唔同中式涼茶，真材實料又好飲 👏🏻👏🏻👏🏻👏🏻

在公司附近原來有一家新派的涼茶店。雖然老闆是年輕一代，所售的苦茶卻十分足料。又對功效很熟悉，價錢或會比一般老店貴，但在觀塘附近能找的，算可以了。廿四味 - 不是極苦，而是入口甘涼，感覺舒暢。樽裝漂亮，潮飲 !

周末連續2晚通頂加埋2日訓得8個鐘 今朝起身已經發現喉嚨有D痛番工經過涼茶鋪便買支夏枯草降下火先。好甘甜，唔會好澀一支好大支，飲完成支應該會好番褂

最近食熱氣野多左，所以想整番支涼茶降降火。良茶隅係我一直有幫襯開的涼茶鋪。因爲信得過！這家對比一些連鎖經營中藥店更值得信賴。中藥不含人工色素。而且還是專人每日新鮮製造，入口有濃郁的藥材味。甘四味雖然苦，但功效一樣了得。

由開張以來，每日也要幫襯才安心。除了它們的中藥不含人工色素外，用料全天然。 而且還是專人每日新鮮製造，入口有濃郁的藥材味。特別是感冒茶，雖然入口有藥材味，但相對食西藥的副作用，還是服用中藥調理比較好。特別推介是 "桂圓圓肉杞子茶"， 在冬天的天氣下，有滋潤養顏的功效。 而且材料豐富，桂圓圓肉可當小食。

是日來到觀塘區工作, 途經鴻圖道與駿業街交界, 其中一個街角出現這家門面甚為光鮮的茶店, 遠看還以為是出售珍珠奶茶的店子, 原來是一家涼茶店, 店子名稱則玩諧音, 名叫良茶隅。從其官方網頁得知, 原來良茶隅擁有歷史悠久的背景, 店子源自位於沙田的安華中西藥行, 自 1996 年開始自製涼茶產品服務沙田街坊, 並以「食材有分貴賤，藥材亦然」作為旗號, 強調「貫切秉持只用上品藥材，每日手工煎製，專注鑽研有實效的本草配方。」涼茶選擇甚多, 全部都是傳統款式, 沒有任何於其他大型連鎖品牌所找到的花巧配搭, 相比之下, 價位甚為相宜, 由港幣八元起。最特別之處, 是這裡跟傳統中藥店般, 提供山楂餅和加應子這兩位涼茶良伴, 給顧客隨便享用, 是現時充斥市面的新派涼茶店所沒有的。首次到訪, 選擇了最具「下火」功能的夏枯草 ($20/瓶裝) 一試, 涼茶色澤對辦, 喝一口後, 發覺涼茶一點甜味都沒有, 換來的卻是份外濃厚的藥材味, 喝得相當稱心。事後把這個消息告知同事們, 想不到第二天同事又買來了數瓶不同的款式, 品嚐了最便宜的羅漢果茶 ($12/大杯), 打開杯蓋後, 發現不少羅漢果肉, 涼茶自然含