芋圓一 (已結業)

一間唔食無遺憾，食左無驚喜。只是一間名過虚傳嘅舖頭，不如慳返啲錢，或是留番啲quota食其實。普普通通嘅芋圓，味道一般，其實可以講係無味道，芋圓亦唔見有質素，煙韌度....一啲都無，無驚喜，唯一驚喜嘅係無禮貌後生女待應。

又係大角咀因為真係越來越多美食進駐今次就食完飯去食糖水叫左兩碗芋圓同埋一個疏乎厘味道尚可芋圓大家都一樣係個糖水底吾同我就選左芋汁 朋友選中楊枝甘露疏乎厘就一般般啦

呢間係近期大熱比人推到爆炸嘅新甜品鋪，有齊人氣嘅芋圓同埋梳乎厘班戟 😍 有咩藉口唔黎食 🤤🤤 #愛文芒果甘露芋圓 $38，為期間限定甜品，當然就更加要試一試，選用愛文芒果做糖水底，好可惜，我只食到非常假的芒果汁，比楊枝甘露還要差，是芒果軟糖偽芒果汁的味道，芋圓口感仲要又硬又冇味，難得一見 😘 #原味梳乎厘班戟 $65，配以黑糖漿送上，擺設日式，如置身日本一樣感覺，多麼的動人，用我的日本口淺嚐一口用黑糖浸過的梳乎厘班戟，原來係如此難食，皮餡分開，內裡生而未熟，多麼新鮮的蛋白漿 😍 所以咪就係有藉口唔黎食囉 🤤❤️-芋圓一大角咀角祥街 48 號

最近有股台灣甜品熱.就係食竽圓糖水.個日係附近食完飯就同朋友行左入去.等一張台就到我地.叫左個楊之金露竽圓.正常.吾算太甜.仲有黑糖姜母竽圓.本身好中意黑糖姜母茶.所以特別中意食.十分潤喉.竽買都十分煙un.好好咬口.最後叫左個原味梳付利.不錯.整得好fluffy.仲配豆付雪糕

想去台灣走一轉，奈何港奴無假又無錢，唯有食返d台式野治一治條癮先，今次嚟到「芋圓一」桂花糖芋圓（$38）賣相非常靚😍😍！d芋圓好似彩帶咁圍住。但芋圓略微大粒咗小小，變相唔可以一口食埋其他配料。甜度正常啦，但無放椰乳，所以食落無椰香同無椰甜味。涼粉食落比較硬身，🤔好似食罐頭涼粉咁，深水埗某間主打芋圓嘅鋪d涼粉係軟身同順滑。但值得一讚嘅係，好香桂花味👍。椰汁海燕窩芋圓（$38）都好老實講，呢碗野有d失望🤦🏻‍♂️🤦🏻‍♂️。成碗配料勁小，芋圓小，海燕窩都小，最多嘅就係椰奶汁。甜度方面食1-2啖都還可以，食多幾啖就會覺得膩。口感方面，完全係似飲湯咁，水多過湯渣。我寧願食楊枝甘露或者飲椰青水仲開心。

放左工同一班朋友仔係大角咀食完飯，行行下既時候，有個朋友話好掛住台灣野，想食台灣野既甜品，咁我就搵左哩間幾出名係食芋圓既店喇。哩間店係大角咀來講都算幾有知名度，好多朋友都會推薦黎試一試，因為價錢黎講都係良心價黎，唔會太貴，值得黎試下既。我地四個人點左四樣唔同既黎試一試邊樣好食，我自己就叫左個芒果配芋圓既，有少少似楊枝甘露既感覺，我覺得個芋圓配上芒果黎食都算幾特別，新穎既口感同味道，我覺得幾好味。下次經過可能都會再試其他既！

位於大角咀舊區巷弄內，感覺特別親切。大大碗招牌仙草芋圓只賣$36，味道唔會太甜，芋圓口感煙靭，材料仲好豐富！芋香仙草竽圓$36，香芋底唔會太稠，口感幼滑，甜度剛剛好😋😋周未下午茶時間人唔多，唔使等位坐得又舒服！值得一試！

芋香仙草芋圓 $36栗子圓都真係幾罕有 但芋香汁實在太香芋頭味 令蕃薯同芋頭味未夠突出 栗子味更唔明顯 有點失望🙁不過芋圓幾煙韌 仙草好滑溜 唔係好假、膠膠地果種 仲有薏米 白玉做配料 食完都幾飽.原味梳乎厘班戟 $65 +雪糕($10)梳乎厘好厚身 唔會過熟或過生 但蛋香較微弱 比較特別係呢到用左黑糖漿 仲可以加$10一球雪糕 抹茶味都幾濃😛

見到網上評價都唔錯，就諗住去試吓。去到之後，見到咁多人排隊，都諗住應該冇事唔會中伏。但點知一食之後就發現，啲芋圓好淋， 同台灣食到嘅好唔同，原本滿心歡喜諗住係食到一啲好煙韌嘅芋圓，但係點知係好淋無口感，完全不值一試！我見附近啲人，有啲都冇乜食晒啲芋圓，只係飲咗啲糖水就算，但啲糖水真係實在太甜，都真係飲唔落口。今次試咗桂圓芋圓同埋燕窩芋圓，大失所望！完全唔知點解咁多人黎! 又貴! 其他地方有更好食嘅芋圓，價錢更抵！

早幾日紋青打完比賽，咁啱朋友喺附近，就嚟試吓呢間新開無耐嘅芋圓一，聽返嚟嘅評價都唔錯㗎！我哋四個人一人一碗芋圓糖水，紋青就再叫多咗杯黑糖珍珠鮮奶飲：你之前冇諗過清一色男士班底，個個都好努力準備，糖水一上枱，嘩！好靚！顏色靚就唔使講，佢哋將芋圓逐粒逐粒跟住個碗邊排，望落去已經有一定嘅視覺滿足感🤤芋圓每粒落去都有煙un 嘅口感，各種芋圓嘅味道都好突出，唔係得個樣，都唔使估估下係咩味👍🏻黑糖珍珠鮮奶，奶味唔夠香濃，但勝在黑糖珍珠做得唔錯🙌🏻

傳統仙草芋圓($36)標榜芋圓每日新鮮製造，除左芋圓，梳乎厘Pancake都係呢到招牌。一碗有大約10粒芋圓、紅豆、珍珠、仙草、薏米、白玉，作為主角既芋圓不夠煙韌，略為扣分，芋頭蕃薯味道亦唔算好突出。

一開始係俾佢嘅芋圓吸引，於是叫咗碗芒果芋圓，點知比我見到佢嘅員工徒手摵西柚，冇帶手套。唔係想批評佢哋，但係作為餐廳應該要有少少職業道德，唔可以將呢啲野比客人見到。你叫我仲有咩胃口食下次點會嚟呢？

之前已經有好多人介紹過呢間甜品鋪， 見到有我至愛既芋圓，一直都好想去試。今晚經過大角咀，身為芋圓迷梗係要去食試試啦😋😋 今次試《傳統仙草芋圓》，分量幾多，賣相又靚👍🏻👍🏻有紅豆薏米珍珠同埋白玉配埋仙草底，配料足又多我最鐘意既芋圓😍😍perfect

夜麻麻 好想食糖水 就係諗起呢間芋圓一 之前上網見到話好好食 抱住左好大期望去試 其實如果冇期望就冇失望 同埋可能係我買外賣嘅關係 燒仙草芋圓是正常的 但我覺得冇啲人講到咁好食囉. 而黑糖芋圓嗰碗 如果你有糖尿病就唔好食啦 因為實在太甜 😂😂😂 其實我已經好食得甜㗎😅😅

想試呢間芋圓好奈，次次都見到好多人係門口。等左幾分鐘就有得入去。第一次黎，當然試下佢既招牌🥰 芋香仙草芋圓（熱）$36🌟💓幾大碗，賣相都好靚，份量都好多。芋圓圍邊，顏色比一般多，除左見開既3隻色，仲有隻啡色，唔算好煙un,但一d都唔硬唔實，中上👍🏻中間有甜甜既薏米，珍珠，白玉，底下有好多仙草。第一淡覺得好甜，佢既芋汁幾結身，慢慢食食下會出番多d 仙草味，多重享受👍🏻再試埋，傳統仙草芋圓（熱）$36👍🏻賣相都唔差，佢有紅豆蓉係中間，一樣好豐富，傳統仙草味，唔錯但未去都超好味，但料好多，好飽肚，呢個價錢都算抵。