芋圓圓

營業中

休息中

食完野經過 估唔到呢度有間💛糖水舖一開頭以為要等好耐 但唔洗10分鐘就有位👍🏻大部份都係中式糖水配芋圓～本身想試仙草系列，點知賣晒😭😭（好鐘意默默地比較唔同舖頭嘅仙草芋圓🤣)———————————————————《焦糖白酒千層蛋糕》呢個好有驚喜😍好香焦糖同酒味又唔會太甜！好推薦大家試！《紫米露》正常，唔會太甜，第二個驚喜係芋圓好煙韌啊！！👍🏻✨同我食過既芋圓口感好唔同，十分有咬口～《喳咋》最後就係喳咋喇～我個人認為偏甜😣但味道係冇問題嘅！（我平時飲台式飲品係揀微甜)

同朋友係旺角食完dinner又想食個甜品就食左間我阿妹推薦既芋圓圓同朋友係旺角行過嚟當散步啦🚶‍♀️🌐紫米露芋圓 $28幾甜 幾好味😋粒粒芋圓都好有咬口 好煙韌我去個陣都唔洗排隊 正啊

紫米露芋圓($28)同埋椰汁西米露芋圓($28), 兩個甜品底都好濃郁, 完全係真材實料, 每一啖都食到滿滿既紫米同埋少量既西米, 仲有兩三舊芋頭添呀😍 黎到主角芋圓既部分, 簡直係冇得輸, 佢既芋圓係標榜唔用糯米粉, 但係同樣做到煙韌既效果, 食落仲有淡淡既芋頭同蕃薯味🍠 呢間甜品店咁多人幫襯真係有佢既原因嫁, 一黎真材實料二黎價錢合理, 仲要係黃店絕對會再幫襯💛

超出色滋潤芋圓糖水鋪💛 #芋圓控 #黃店———————————#五一黃金週 Day 6 Post又到每日一黃店post 時間啦今次就黎咗平時超級多人排隊嘅芋圓糖水鋪今日6點幾就到咗 終於唔洗排隊🤣.每次黎都係叫🍐桂花雪梨 加桃膠 ($28 +$4)首先三色芋圓係好足料好多粒 而且3隻味都好出係原材料嘅味道 口感煙靱食落完全唔會有粉就算揀咗熱食D芋圓都唔會發曬脹唯獨是今次覺得糖水可以再熱D🙈糖水底係超級滋潤 桃膠加$4 但桃膠同雪梨份量都好慷慨又養生 雪梨清甜 好入味又淋 仲附送一塊海底椰🥰.成個糖水都係超級滋潤養生價錢又合理 我有時仲會買佢地嘅生芋圓返屋企加冰糖/片糖自己煮都好易煮架咋 滾3分鐘芋圓浮面就食得啦💕💕🎉.黎間黃店服務同食物質素都勁好大家真係要多多支持!!💛🎗.聽日繼續 #黃色經濟圈 💛💪🏻———————————芋圓圓 太子柏樹街1號地舖

自己都幫襯開黃店 見到呢間黃店 附近又係糖水舖 就去試下一入去問佢有無洗手間 佢叫我去M記 （佢係有 但唔借 但我係堂食😢）次後一食完 個女人行埋來 講左句你地食完未 出面好多人等緊 呢間 我唔會再食第2次 糖水質素普通 服務態度非常差我覺得如果你糖水係好好食 ， 你寸係無問題。但係你唔係丫，你比d普通行貨人食，你寸過澳牛？影衰哂黃店 ，我直頭覺得你係藍店扮黃店！態度禁x差！我勸未食過既人 唔駛食 無必要比完錢 重要受氣!!!!!!!!

成班人早左食完飯，有朋友話附近都有間幾出名的芋圓甜品鋪，就過左去排隊。八點左右果陣唔算太多人排，只係因為我地人比較多，就等左15分鐘，其他排緊2人位嘅都可以早啲入。鋪頭唔算太大，由於每人最低消費都係一碗糖水或野飲，大家都好快點晒。我點左熱嘅鮮奶椰汁桃膠芋圓（$22），芋圓又香又彈牙，的確比一般街外好食，而且真係有原材料嘅香味，食落唔係淨係得粉。椰汁鮮奶兩種味淡淡地，裡面仲有桃膠、紅棗、蓮子同圓肉，雖然唔算非常多，但感覺都幾滋潤。朋友有叫焦糖白酒千層蛋糕（$38），都話唔錯，但更鍾意食芋圓。見到好多人話食食下就比人趕走，可能我地好彩啦，雖然有提早收碗，但未算態度好差。我食得慢，食左大半個鐘先有店員同我地禮貌咁講外面好多人等緊，我地見到條隊變到勁長，就盡快離快，未算有不快經歷。

係香港試過太多間中伏嘅芋圓，有一段時間都唔敢再食芋圓，直到朋友介紹太子呢間芋圓圓！芋圓圓自家工場鮮製芋圓，標榜不用糯米粉，對於有關節痛問題而唔食得糯米嘅朋友簡直係一大福音！最簡單嘅菜式，先試到店家嘅功力！今次揀左「仙草紅豆薏米」呢個經典配搭，糖水不會太甜，保留到食材嘅原味，加上粒粒彈牙嘅芋圓，口感豐富芋圓分左三隻色：紫薯、蕃薯、芋頭，試下合埋眼逐粒食，真係食得出三種唔同味嘅分別，證明絕對唔係用色素取顏色，十分足料！除左一般堂食同外賣，舖頭仲有現成一盒盒急凍嘅生芋圓賣！試完味覺得好食，可以買返一盒看門口，依加長期在家，都可以有多啲花款嘅甜品調劑下！一直以為煮芋圓係要過冷河，原來唔需要架！跟足指示煮就得喇，非常方便

問題: 態度極差 不停趕人走！佢多係外賣 堂食都已經要等佢做哂外賣先有得食 呢個都算 咁預咗食咪等 ok終於等到有得食我只係食咗半碗 你就行黎話唔該食快啲？！😤外面有人等緊(wt? 見到係得4個人等 無必要趕入面的人趕得咁誇張)係咩態度 係咪個個食糖水都要一黎就成碗倒哂入口？我唔係食完賴死 係食半碗就俾你趕！成身紫色 頭髮金毛嗰個女人！係咪紅咗就點都得 係咪自恃黃店就趕客都得？和你pay嗰邊全部都係講你哋啲態度！其他人都話要食黃店都應該食好啲態度的btw我就舊店已經食過幾次 而家啲地瓜圓紫薯圓比以前無味咗好多 紫米露甜到漏 而家其實真係唔係必食 香港有更加多的芋圓店都做得幾好 勸大家試多啲 唔洗係咁受氣！😤

#芋圓 配 #紫米露個日小編冇咩胃口食lunch，去到三點有d食慾😗 但又只想食甜品…搵到附近有間好似唔錯既芋圓專賣店，身為芋圓愛好者既小編就決定試下佢啦!🥰佢喱度有好多款配有芋買既甜品，可以揀 #黑糖桂圓 、#仙草、 #鮮奶椰汁桃膠 等等，好多都好吸引!🤩 不過因為小編冇食lunch既關係，想食飽肚少少，所以就揀左 #紫米露 嚕🙊 佢成碗有十幾粒(芋圓、地瓜圓、紫薯圓)，雖然唔算大粒，但仔細品嚐係真係有相對既味道，而且口感煙煙韌韌，好味道😋 而佢個紫米露都幾香，又唔會太甜太膩，份量HK$28有一碗，CP值都OK啊👍🏻.🏆 「豬」味指數：8.5/10📌 溫馨提示：甜品一個人食得，一班人都食得，而且仲可以開心Share試曬咁多味!到時記得同小編分享邊款特別推介啊!!😉

呢間既芋圓係全人手製作，三色芋圓有地瓜圓、芋頭圓同紫薯圓，形狀唔同平時食開既圓身，芋圓係正正方方。每一款糖水內都配有三色芋圓，如果唔想要就要係落單前同店員講聲啦。仙草芋圓 (薏米、紅豆) $32三色芋圓好大粒，煙韌彈牙，食得出有蕃薯、芋頭同紫薯味，好真材實料。仙草質地偏黏滑身，薏米同紅豆有咬口，甜度適中，加埋花奶就更好食。鮮奶椰汁桃膠芋圓 $32鮮奶同椰汁味好香濃，加埋桃膠、紅棗同龍眼肉好養顏養生，味道不錯。

#中意嘅請分享請點讚🍻----------💛#黃店💛12/6, 5/8, 11/11, 13/11罷市----------🍠紫米露芋圓 $28🥥椰汁百合海底椰 $28所有芋圓手工製作，冇用糯米粉，芋圓有蕃薯、紫薯、芋頭味。所以糖水都會有三色芋圓，芋圓煙韌比較硬身。糖水味道正常，唔會過甜。因為好多人幫襯，所以有時會冇哂熱糖水，得番凍糖水，而且太多人排隊，所以唔可以食太耐。----------🔎芋圓圓🚩太子柏樹街1號地舖

第一次來吃！早前已知呢間好食，果陣聽說堂食環境一般，所以都未有食過。今日終於同老公黎試，環境都幾好，燈光充足，坐既位置空間尚可，三、四人又得，兩人都得，不過多數都係食完就走，傾計不宜太大聲～～我地點左2款，「凍桂花蘋果雪梨糖水」同「熱腐竹蓮子薏米糖水」！因為老公唔太食芋圓，所以比左勁多我，本身一碗已經有10多粒，正😋凍熱芋圓真係有分別！凍既感覺較韌，熱食軟熟好多，整體煙韌程度都高，要有啲牙力咬下，鍾意有口感既朋友應該啱食。不過我個人就鍾意軟熟少少，但這個也不差三色芋圓既味道亦好鮮明，芋頭地瓜同埋紫薯味都食得出，唔會太甜，而且佢話係手工芋圓，粒粒都好四方，整體感覺很好。糖水味道還可，桂花糖水清新，不過糖漿味道重，腐竹則希身少少。

//#黃店地圖系列間野叫：芋圓圓邊度黎：太子荔枝角道88A號地下3號舖環境點：店內紫色的溫柔撫摸著我崩壞的心靈 頓時感到一刻平靜🌝：612及85參與罷工▪仙草芋圓(薏米、紅豆) $328.5分身為一位芋圓控 我夠膽講芋圓圓嘅芋圓接近世界第一 唔係來貨呢一點已經好加分 每粒人手附送埋師傅嘅手汗 唔加水 唔溝糯米粉整出黎 仲有得一盒盒買走($58/300g) 無返咁上下自信同實力係做唔到的 三色芋圓全部都食得出原材料天然嘅味道 不得不提係個仙草 偏黏身質地 好逗趣 同平時食開爽滑嘅分別好大 值得一再懲罰▪腐竹薏米芋圓 $288分相比之下 腐竹薏米略顯普通 質地偏稀身 賤精同口水佬都係鍾愛杰身 所以就鍾意仙草多啲 整體三色芋圓份量多 而且糖水甜度適中 絕對唔會食完阿伯起痰

一直都有幫襯開呢間芋圓，因為佢夠入味而且夠有咬口，有細舖搬到大鋪都有幫襯。越來越多人，今次去等左都要15分鐘先至入到去坐，原來係要自己出去買嘢食再等佢送過嚟。坐得有啲唔係好舒服，而且服務態度一般般，不過小店可能比較忙都係咁嘅。今次叫咗雪梨桂花芋圓，表面啲桂花好似金箔咁，賣相幾好睇，味道都唔錯喎，我份量都幾大。而且價錢都幾合理，加左桃膠都係30幾蚊。總括來講味道同埋價錢都唔錯，不過如果好多人排隊呢就要諗下值唔值得排咁耐啦。

呢間糖水舖出晒名超級好食，所以夜晚去到，見到一大條長龍喺度等緊入座，所以最後決定咗買外賣去搵個位食。佢有好多唔同嘅芋圓糖水俾你揀，我最咪揀咗紫米露 三色芋圓，先講芋圓，三色芋圓即係有黃心番薯、芋頭同埋紫心番薯！！我覺得三隻都超級好味，雖然我係一個唔食芋頭嘅人，但係佢嘅芋圓真係好好食！！三種都好香，一直落去你會知道佢係邊一種，唔似其他鋪頭有時啲芋圓食完都唔知佢係咩味， 三種都非常之香濃！質地方面咬落佢哋都好有咬口，唔會過分烹調左，亦都唔會似有啲鋪頭咁有啲番薯根喺入面。初頭我以為會分唔到芋頭味同埋紫心番薯味，因為兩種都係紫色，但原來紫心番薯會深紫色，一睇就會知道！ ！熱紫米露都唔差，佢有超多紫米放咗落去，一啲都唔孤寒。所以而家一諗到食糖水就諗起呢一間鋪頭，大家多多支持呢一類有誠意有心機去做甜品嘅鋪頭！