芝味鳥

營業中

休息中

見呢到D食評咁好,尋晚就約左個fd黎試下!!我地坐低叫左個2人餐, 都幾抵食!!個餐有好多野食,都係$85, 6吋千島熱情Pizza~呢個好得,雖然係厚批,但係個底超脆,個面勁重芝士,仲一D都唔油,正... 燒豬排骨~勁入味,連汁都唔洗點,仲一D都唔乾,超Juice!! 芝士焗西蘭花~味道好濃架!!因為D西蘭花有蒜蓉牛油一齊焗...好好味!!總括黎講, 呢間真係唔錯!!我會再黎食過!!

今晚諗唔知食咩，上o黎OR荃灣專頁睇o下啦，見到呢間新開o既pizza 店咁多好評，就同男朋友試o下啦。我哋叫o左個外賣套餐，$120有一個大批，揀咗千島熱情，另外有兩件炸雞、一個焗飯同兩碗湯，相當抵食。大約半個鐘後，就送到上門，熱辣辣，好香呀﹗首試個pizza，好正好香好creamy，個底又鬆軟，toppings又足料，好食過pizza hut 好多。之後焗飯都好有驚喜，好多香草，雞肉唔會梅，仲幾好味，個sauce 都好得﹗炸雞皮脆肉嫩，又一佳作。多得OR食友介紹先知有呢間咁好o既店﹗可以上佢地個網址睇o下先order la：www.pizzaandchicken.com.hk為o左大家健康著想，我仲焯o左個生菜，多d食蔬菜﹗(好食到連相都唔記得o左影﹗)

數次路過呢間小店，噚晚終於試吓嚟食晚餐嘞！我同老公Order咗個 $85 二人餐，個餐可以揀餐湯 / 罐裝汽水，焗飯 / 意粉，一個Pizza，同埋一款小食。我哋就揀咗海鮮闊條麵、墨西哥香辣Pizza、百里香燒豬排骨。特別推介呢個小食，份量唔算少之餘，仲有薯角伴碟，味道非常唔錯，比起好多其他餐廳有過之而無不及 。我從來都無寫過食評，有感現時經濟低迷，一定要支持吓呢啲咁抵食又有一定水準的舖頭。試過食唔番一啲既抵食又有誠意有水準，但欠缺地利人和的小店，真係幾Ｓａｄ所以我必定會再幫襯，下次要試吓咁多人讚好的炸雞先！

(26/10/08)因為一張傳單,再睇埋openrice,決定要試試!晚上order左40分鐘送到來。先食皇牌炸雞,脆到不得了!每咬一啖也非常crunchy~好似食薯片咁。醃味不會太咸及味精過度。”好食”係要負出o既,佢一件要$10,仲貴過KFC。一個普通size櫻之花薄餅,我給這批,味道非常好!有千島汁、三文魚、獅子狗卷、蟹柳、紫菜、粟米,樣樣都係我所"好"。每間pizza店做pizza方式都唔同,呢間街坊店做得好似麵包店賣的pizza咁,餅底如厚厚麵包,所以我諗住下次要薄批,o趙得無咁累(如果無特別聲明要薄批,佢一律會整厚批)。煙三文魚焗飯,餸唔太多,汁亦唔夠,所以有點齋白飯feel,有點失望,不過佢既白汁好似特別香!而且質沒有焗到乾硬晒,仍然新鮮。個飯只係少少既瑕疵,我地一定會再幫襯,因為實在太好味喇!

今日同事帶左我去一間pizza hut, 真係好抵食,我們叫了一個一加二組合套餐:不過只限堂食, 煙三文魚焗飯,三文魚好好味, 飯又焗得夠熱，pizza叫了個千島熱情，　pizza焗得剛剛好，pizza係厚底，食落鬆軟，配料非常多芝士, 小食:百里香豬排骨, 平時我不嘉歡吃骨都深深愛上,豬排骨有大件 ,香草味濃陏，肉質嫩滑，咬落啖啖肉份量超多，至少十幾條，每人仲有一罐飲品, 價錢:$148, 我地四個人去都食唔晒，總結: 平過Pizza Hut好多.下次我會再去.

上星期一個人懶落街醒起最近係荃灣有間新開既PIZZA 店~ 好一於打個電話去叫下外賣試試。我點左幾樣野如下~1. 海鮮寬條面2. 炸雞3. 香草排燒排骨店員話大約45MIN 送到~ 最後 20MIN 已經到~GOOD食物方面~海鮮寬條面 都幾好味~好有奶味但淡了點, 料有蟹柳,蝦,等,,如果可以再濃味一點會更好~ 炸雞真係冇野好講, 勁熱~脆,肉好滑好味~ 香草排燒排骨....一打開個BOX~ WA 左一聲...好好好好大件呀~都係$4X 蚊~ 唔係呀(相入面影的只是一半)~ 味只有香草味~肉幾有汁~但比較難咬~ 份量價錢來講絕對抵食~

因為要去荃灣幫人補習,所以又來左呢度食啦!!!同男朋友又叫二人餐:香草烤雞Pizza+三件炸雞+煙三文魚焗飯Pizza好好味呀,有雞肉同雞蛋,雖然個配搭有點怪~但味道竟然好Match!!!炸雞當然唔洗講...GOOD~肉嫩~同個焗飯今次就幾好味啦!!!由於太餓,差不多食哂先醒起冇影相,失策今次已經唔見哂d態度麻麻的Waitress,有個妹妹好Nice的,不錯

-11-8-08-我同男朋友特登去呢間試下食...因為個個講到真係好好味咁,就去左試啦!!!叫左個二人餐,有千島熱情好似叫,仲有三件雞,海鮮闊條麵食到好飽...食唔哂,最好味係個雞鎚,一咬入面d油辣親我個嘴麵就真係麻麻,個Pizza都okay...地方都okay,係d Waitress d 態度麻麻

the best pizza place out there. i'm from california and this is the best pizza place i've tasted in HK, 100% comparable with any good pizza place in cali.i got the fifty fifty pan pizza (choose two types of pizza on one). we chose the around the world and mexican chillies. yum yum yum the crust was crunchy just like the pizza hut pan pizza in cali. don't expect a good environment. it's a small place that fits around 15-20 people. but every easy going feeling. drinks are self serve.next tabl

其實如果唔係荃灣地頭蟲,間野都幾難搵下,但我可你搵到的話,一定冇後悔兩點去食lunch,二人叫左一個二人餐,$85有千島pizza迷你批, 炸雞三隻仲有個焗飯,(其實仲有好多選擇)首先係個炸雞,炸到脆卜卜,口感比kfc 好,冇咁油,d雞肉仲要好滑之後就係個pizza la~~本身比較鐘意食薄批,但呢個厚批批邊都係脆卜卜ga~~正,仲要有好1多芝士最後就係白汁煙三文魚焗飯,又係正到冇朋友好入味ar!!!食完極滿足,飽到晚上~~~一定經常有下次~~

今日同老去試去堂食. 地點真係好偏遠. 要打電話去間舖問佢點去先搵到.呢道既PIZZA 真係好好味. 外脆內軟. 下次會試下佢外賣睇下保唔保持到堂食既水準.

今晚﹝父親節﹞係第一次試呢間店出品，結果令一家人喜出望外。試個大胃B餐，包括有：- 大批一個﹝世外桃園﹞- 海鮮焗飯一客- 海鮮闊條麵一客- 法式蒜蓉包一客外賣送貨，合共只係$180。絕對超值！父親節唔使出街同人迫，兩個仔仔食得好開心，就連我個唔太鍾意食pizza老婆都話好味，簡簡單單，低食夾大件！味道：1. 個pizza絕對同PizzaHxx有得比。而我個人覺得佢比PizzaHxx好，因為佢用料好足；cheese、千島汁同埋其他食材好多，一都無將貨就價。2. 焗飯同闊條麵都用料足，只係覺得使味濃。3. 蒜蓉包都OK，只係可能係送外賣關係，包硬少少。總括講，假若你喜歡食pizza，你應該試一試呢間出品，等自己多一個選擇。

兩個人叫左個二人餐有6吋pizza一個, 仲有意粉同焗飯各一客, 同埋兩罐汽水都只係八十幾蚊個焗飯個人覺得一般個意粉就幾好味個pizza就超正啦員工好好禮貌不過地址就偏僻左d