芝味鳥

營業中

休息中

假期工作天, 做到過哂鐘, 成兩點先落街食飯, 這時間也不錯, 因為下午茶餐剛剛好, 平時自己一定不會入去試, 一來對於pizza and pasta....芝士味主導, 自己也吃得不多, 跟老公一起就可以試多一點點!二人叫了一個皇牌午餐, $32, 一個下午茶餐, $23 + $2 (凍好立克少甜), 前者有海鮮焗飯, 薄餅及忌廉湯, 後者有招牌肉醬意粉, 檸蜜燒雞翼及餐飲! 意粉份量適中, 芝士量不多, 也慶幸沒有蓋過蕃茄味, 意粉有 Al dente 感覺, 不錯! 海鮮焗飯略鹹(個人口味), 料不太多, 且碎, 炒飯底, 熱辣辣, 還可以吧! 薄餅是厚底, 但脆身, 不油不膩, 老公 highly recommend! 雞翼是全隻上, 甜蜜蜜也有檸香味, 燒得剛好( dd 位唔太熟), 肉是嫩嫩的, 自醒覺健康飲食後, 吃上全隻雞翼真的少之有少...這隻真的不錯! 好立克淡如水, 在沒有清水供應, 唯有依賴它吧, 老公的忌廉湯濃稠度極高, 好與不好只有他知了! 此薄餅店最適合年青人, 價錢不貴, 份量夠, 薄餅及小食也不錯, 但我就不太適合, 因為吃完後胃口總覺又滯又悶!

去荃新天地之前見到這一間 pizza 好像不錯，覺得晚餐可以試試…雖然地方有點迫但食物賣相好像不錯，而且價錢相宜…所以我們決定入去!我們叫了一個二人餐 - $85, 再加了惹味薯角 - $18惹味薯角 - 這個薯角是第一碟上的，估不到 $18 會有這樣大的分量，而且味道不算差，幾脆幾香口，但我覺得可以再鹹一點點…焗海鮮飯 - 味道 ok，海鮮也不算少… 撒上芝士粉更香更好味!不得不提一提他們供應的芝士粉，我覺得比 pizza hut 或者意粉屋的芝士粉來得有芝士味…不知是什麼牌子的呢??法式豬仔骨 - 份量來說絕對大件夾抵食，但我一向都不太喜歡吃豬仔骨，所以沒有什麼評語! 不過豬仔骨煮得有小小不夠熟的樣子，但整體味道也算是不錯的!環遊世界 Pizza - 其實有點似 pizza hut 的至尊! 6 吋 size 剛剛好。老實講 pizza hut 愈出愈多新口味，但愈來愈難食，這個 pizza 我覺得同 pizza hut 的相比，有過之而無不及!免加一，埋單 $103 的晚餐絕對抵食，見到隔離枱叫的炸雞都炸得不錯! 下次做完 gym 可以再來吃! 食下午茶更抵!

係上一個星期晚,我同男朋友介紹左我地d朋友來食,話呢到d炸雞好正!!!當時大約08:00pm,去到出面超多人等!!!食咁多次第一次見我地四人等左半個鐘左右就有位...千島熱情豬排骨蜜糖檸檬雞翼炸雞(本想叫)......咖哩雞焗飯(後改叫)我地叫完野食後,過一陣就有個waitress話:今日d炸雞賣哂,你地揀第二樣啦!!!下??????????竟然冇炸雞???講真,冇炸雞已經冇意義算啦都冇辦法......最後轉左個飯點知......當我地乜都食完,係差個飯,我地再催d waitress,催左三次先去跟...次次講完我見佢地根本就冇去跟!!!最後問番我地差乜,話差個飯,之後本身同我地講炸雞賣哂個個人話冇落過單!!!!跟住等左陣,個飯先至來......今次我唔滿意唔係冇炸雞,而係d服務!!!點解同佢講完都係會漏單???今次點都比唔到笑臉,OK好了*我發現左間鋪窗內外都貼了Openrice對呢間鋪的食評望望下見到自己有兩篇食評被貼,而且仲有自己張相!!!唔知係咪唔應該未問相中人咁樣就貼人張相上來...佢可以淨係要食評部份...因為我兩篇中其中一篇係淨出食評而且佢係有選擇性咁出食評,因為我冇相個

知道這間店很久了，我是看著它開業的。在車房附近開，地理位置不是一間餐廳會選的地方，想來想去開在這個人煙罕至的位置，只是因為門口有位泊電單車和較平的租金，但沒有人經過，又有什麼用。小弟怕這家必勝客和肯德基的結合版沒有人吃，做得不夠新鮮，一直不敢去試，直至一次在openrice 的投票後竟然見到這店子，原來挺多人讚水準高，特別是炸雞。好奇心又起，在午市時間遠走過來。我經過的時間多是早上，原來午市時段，也有很多人吃呢，店子竟然會滿座。看來看去，其中一款餐最抵吃，就是一件炸雞和一個細飯/意粉，加個湯，只是二十七元正。先來炸雞，不得不與常吃的KFC 的炸雞做比較。今次的雞做得很有誠意，件頭很大，一到手熱得不得了，手口也會燙到，用手拿起一會一定要放下。皮真是炸得很通透，香脆可口，咬下第一口，煙就在肉的位置湧出來，好吃非常。沒有KFC 的大量調味料，有的是新鮮熱辣，誠意可嘉。點了肉醬意粉，小碟其實也算是大碟，肉醬不多，意粉煮的時間剛好，不算出色，也算是四四正正。肉醬意粉可以任加芝士粉，是最好的地方了。飯我沒有試，好像很細呢。沒有人給哭臉是正確的，我也送多一個笑臉吧。

係呢頭做野，有時搭車經過，見到環境唔太好，都無衝動去試，早2日男友話係openrice見到食評很好，而且價錢相宜，我都忍唔住要同佢黎試一試...7點左右去到，入面有4-5台客，見個個都食緊ribs，而且又係男友的至愛，當然我地都order了啦....原來呢到係以fast food型式經營的，好似一般美式快餐店，係自己排隊比錢的，所有野都係自己serve自己...我地食左個2人餐，入面有ribs, 炸雞, 湯, 同pizza~都只係$85蚊，真係好抵食!而我的至愛就係d 雞了，真係好香趣，而且有雞味。而ribs呢，我只覺得係一般，好似唔太夠入味，pizza就似係pizza hut的厚批，但如果茄味多d就會仲好!!!

食過pizza & chicken既炸雞,M記ar、K記要行埋一邊。今晚order了皇牌炸雞4件,墨西哥辣肉醬烤腸(8條),加餸。可能係星期日關係,食物要等一個鐘才送到。炸雞依然crispy,就算怕肥,點都要連少少皮/脆皮拚肉一齊食,香口到不得了!兩個人吃四件(兩件雞胸,一隻雞上脾,一隻下脾),有點點溜。而烤腸因為太辣,唔能夠dep真味道。不過睇到佢真係落左好多茄肉,脆皮腸仲要係有香草o個種,一點也不馬虎。

29.3.2009一直都想試呢間好耐, 今日終於都有機會了門口貼左係openrice登出黎既食評@@都幾大張架去到舖頭都幾光鮮呀, 好乾淨, 有少少茶餐廳feel睇下餐牌先, 都幾多款式叫左個二人餐, 先$85揀左南丫島pizza, 炸雞, 燒排骨原本想試下個湯, 不過賣晒lu 初初以為成9點, 應該冇乜人會黎食點知由坐落冇乜人變滿晒人其間聽到呢度既電話係咁響, 冇人得閒聽可能真係做舖頭都已經好忙, 冇時間外賣@@野食話咁快就送上喇第一味係炸雞三大件, 個樣同kfc差不多熱辣辣送上, 個皮好脆又唔會太厚 一咬入去, 仲有汁架喎!! 唔係kfc個d炸到乾晒既雞, 我覺得好味過kfc不愧係呢度既招牌菜!!好味一人食左一件之後, pizza就黎lu跟餐既係6吋pizza, 個樣幾靚架細細個但都幾多料舖係面, 芝士可以拉長拿拿林令一舊黎咬, 哇...好脆!!係你估唔到咁脆有好多蕃茄醬, 好搶味呀海鮮係d蟹柳, 魷魚同蜆仔, 另外有d菠蘿同青椒咁細細件咁食完都唔會有滯住晒既感覺!!正最後上既係燒排骨, 都幾大碟喎有5大條骨, 點左燒烤醬同茄醬又係好野味呢樣要用手食先可以真正品嘗到皮香肉嫩有汁,

晚飯時間想食 pizza. 不想幫襯連鎖店. 上網搵到呢間. 地點唔難搵. 因為呢條街最多人就係呢間舖頭. 叫了 2人餐,內有 s-size " Around the World " pizza - 6" 個餅底超厚. 就好像 一個圓型的軟法上加了 ingredients 拎上焗. 味道 expected. ( photo 唔小心 delete 左) 炸雞x3 - 二話不說就大啖大啖咬落去.(個陣有無限的 guilty的 感覺). impressed因為十足十 KFC 的巴辣雞一樣. 人地話係 Secret Receipt 嘛. 都比你做到同樣風情. 都幾叻咖喇. Baked Seafood Fettucine -足足等左40 mins 先上. 侍應們話漏左單. 不過見kitchen 不斷出但竟然俾左d 新來的客人. 點解唔 俾左我地先 ???? Management should Be Flexible !當晚樓面 waitress 得2 人. 見到佢地做到仆下仆下咁 ( 咁好生意做乜唔請人 ?) 雖然我地等左個 pasta咁耐 所以我地好心都冇追究!抵食...表現"可以".

又到舊曆年,忙翻了 , 家事量變大 ; 不知人間疾苦的女人要花錢(如我) , 讓深知人間疾苦的男人痛哭流涕。總之 ,忙呀忙, 擠呀擠, 過一個年, 還真夠累 ; 可是我不怕煩 , 喜歡這種辦年貨、蒸糕﹑拜年、派利市 , 喜氣洋洋的氣氛和感覺。今午豪仔作東 , 我們又來到荃灣吃 pizza , 上次吃過後,很滿意。我順便於荃新天地買糖果﹑紅酒 。吃飽後再往陸金記買瓜子等。* 炸雞~~外面脆卜卜,內在雞肉香軟,完全入味, 這三人套餐,剛好每人一件。 *世外桃園 pie~~名字有點土氣,但味道卻討好,pie面料不多,也算頗有咬口兼鬆脆,令人欣賞。*百里香燒骨排~~吃過pizza和香辣海鮮意粉後其實已很飽,可是一見這香噴噴且啖啖肉的燒骨排,仍是忍不住要吃,實在 juicy !!

週日的中午，太公應懶到出汁的太公之公要求，叫pizza 外賣。上次光顧pizza & chicken, 其熱線的接線速度令人受不了；這次好得多，第二次就有人接聽；要了個$95的二人餐，要了南丫島海鮮薄批，炸雞三件，和蒜蓉包。本來，對外賣炸雞一向有戒心，因為大型連鎖那家的外賣，往往送到顧客手上，外皮都變得軟淋淋。但既然網上食客個個讚這裏的炸雞，無論如何都要一試。一個有薄餅的$95餐，送上的三件炸雞，每件都幾乎有太公的掌頭般大 (太公隻手都幾大架)！！哇，完全估佢唔到！而且，外皮仍然香脆，雞肉仍是熱辣辣的，是新鮮炸起即送出，沒有絲毫耽誤，才有此效果，誠意分滿分。味道又如何呢？炸的外皮香脆度十足，但只有簡簡單單的調味，不夠香濃；不過卻更能突顯雞件本身的雞味 – 對，有雞味，不像大型連續的那家，空有調味料香，雞味欠奉；可惜太公容易爆瘡爛面，對這麼大件的炸雞始終不敢貿然戀上。南丫島海鮮薄批味道則一般；雖然以同區的薄餅外賣店來說，pizza & chicken的批底搓得算不錯，比PHD那種軟趴趴的縮骨出品要好得多，但比pizzabox還是差一點，薄批也不夠薄；上層的餡料總嫌不夠香口，這是關乎食譜配

可能冇乜期望, 反而有驚喜! 香草燒肋骨 - 好味! 醬汁另上, 可以自己調較濃淡, 因為我比較喜歡淡味道, 我覺得唔點醬汁都已經好味, 比較原汁原味, 唔會比醬汁cover 哂食物的味道歡笑樂園 (磨菇/青椒/豬肉/辣肉腸)- 而家每次都點這個, 啱哂口味! 香檸雞翼 - 如果唔想叫脆雞咁熱氣, 可以選擇呢個! ok 架!平民化pizza, 唔好諗會有服務可言, 見d 食客都係自己搬枱椅, 自己安排坐位, 服務員不會主動幫你, 呢方面有改善空間!價錢方面, 2人套餐 $85 咋! 呢個價錢仲有燒肋骨食, 好抵食! 起碼比pizza hut 平得多!

我是被之前食評所吸引來的大家話PIZZA好味過PIZZA HUT,炸雞好味過KFC而且$100有找,當然要試試看地點不太難找, 見到車房, 差不多就到了ORDER了二人餐店內包括我們只有兩枱客我們出去點食物,企著等了幾分鐘 明明有一個職員係出面,但佢唔知寫緊咩野猛大叫入面另一個職員出黎幫手叫左好耐都未出,但唔知點解出面果個唔自動幫手收銀位一直空住左 點PIZZA, 明明叫了櫻之花, 點知變左環遊世界(名稱不太記得,大約是這樣叫吧)叫了粟米湯,遲遲都未黎D湯只係在收銀隔離, 畢湯出黎呢個動作應該好快最後,我地食晒野先提佢俾我地環遊世界PIZZA:要我挑返唔洗既野出黎初初食的時候,我覺得個批底好脆口呀食埋其他野之後,變到好淋了豬肋骨: 這個很好吃!!熱辣辣啖啖肉,我最鍾意吮D骨值得一試!! (唯一滿意的一個)海鮮焗飯,普普通通但求飽肚如果是男友寫食評的話,他一定會給一個喊臉我給OK,是因為價錢合理,而且還沒試試炸雞會否喊臉, 下次吃完炸雞再決定

今日放工同BABY黎食,叫左一個2人餐,點左:一個湯,(好重薯仔味)炸雞3件(超好味, 好過Kfc好多, 好juicy)pizza啖啖肉(真係好多肉, 多到食唔出咩肉..)海鮮闊條面(一般.....pizza hut 好味d)2個人食真係好飽好味,下次會試豬肋骨!!

我上星期六都試咗 Pizza Chicken 啦!! 叫外賣. 打咗起碼半粒鐘先有人聽. 跟住話要個半鐘先送到嚟. 不過想試, 所以都 order. 等咗都唔駛一個鐘都已經到. 叫咗一個輕便套餐izza - 千島熱情加六蚊轉做 "百里香燒豬骨"飲品轉炸雞兩件.兩個人食 $101 都抵! 個 Pizza 唔記得叫薄批, 嚟咗個厚批. 味道正! 個汁好食! 啲料都 okay 多, 多少少就仲好!!! 燒豬骨就一般, 唔差. 只係我食慣有 BBQ 醬一齊燒, 所以就覺得比較淡, 但係都多肉汁, 而且好有香草味炸雞就見人見智, 我同太太都覺得啲皮炸得比 KFC 好, 而且多汁! 一啲都唔乾身! 但係就無同太多香料. 所以食完啲皮後, 就好普通雞肉味. 無 KFC 咁好味. 但係如果食原味嘅人就一定鐘意!!!我會再 Order!!!

本住試下嘅心態, 行咗咁遠先嚟到呢度, 好彩基於偏僻嘅關係, 唔洗等位, 不過人流都幾多, d人食完就走, 唔錯!兩個人叫咗個$118三人餐9吋墨西哥批 嘩...我同男友都食到出哂汗....可能自己本身唔係好食得,肉就少咗d, 不過芝士真係幾多下, 批邊又脆, 不過好快個底就淋哂炸雞4件 真係好味到不得了, 勁juicy!好滑!勁脆皮!全部即炸!對我嚟講好食過kfc嘅雞, but kfc係食佢嘅香料, 又唔同咁講嘅, so男友仍然覺得kfc嘅比較好, 因呢度嘅一d都唔辣, 同得個咸味囉, anyway, 好味!不得不試!海鮮寛條麵 我們覺得唔夠味, 得個cream, 冇乜cheese, 同埋撈汁唔夠, 有d水味, 不過海鮮都算一般份量, 唔會少到離哂譜, 不過對我們嚟講冇下次粟米湯 幾多粟米嘅都, 味道還可以P.S. 以咁嘅價錢食到咁嘅野簡直impossible, 未試過囉, pizza叫個普通批都$118啦~so 我忍唔住帶埋外賣紙返去比屋企人睇, 一定要下次帶埋屋企人去食多次先得