芝C Sushi (匯景商場) (已結業)

前牌去藍田，發現匯景多咗好多新嘅小食店。見到呢間壽司舖有好多人排隊，又要試吓。我叫咗個手三文魚手卷，三文魚嘅份量都唔少。仲有淡淡的油香。另外我仲叫咗個冷麵，係雞絲冷麵，十幾$20超級抵食。除此之外，我覺得玉子壽司都唔錯，佢嘅蛋味好香濃，甜甜地好好味！

眾所周知匯景商場有兩間壽司店，呢一間係相對地新開嘅，之前行過幾次都見到佢，但一直冇機會試，大年三十親佢收爐前去幫襯試下，呢間嘢主打火炙芝士，個人最愛芝士咁就諗住應該冇死啦，可惜同期望差太遠。先講火炙芝士三文魚刺身20蚊兩件，睇價錢其實算抵，不過都真係幾細件，兩件加埋大細大約一包tempo紙巾啦，做法係喺三文魚中間開窿塞咗嚿芝士落去，但係一食入口成口都係燶味，三樣嘢食完全唔夾，燶味+好水嘅三文魚味+芝士嘅鹹味，魚生嘅質素先唔作評論啦，最嚴重係入口到吞落肚完全得燶味之外我乜味都食唔到，仲要兩件都係咁。之後係火炙芝士三文魚腩刺身24蚊兩件，大細就畀芝士三文魚刺身大少少咁，一樣係中間開窿塞一嚿芝士落去，今次好啲啦完全冇燶味嘅問題，但同樣都冇三文魚腩嘅味道，好似食緊白水煮魚咁打邊爐嗰隻但冇湯底，完全冇三文魚腩嗰種油香，爭鮮嘅三文魚腩壽司都好過佢，我食完第一件之後將第二件入面嘅芝士挑出嚟食就算，件魚我冇掂過。再嚟汁燒厚燒玉子同汁燒芝士厚燒玉子，招牌菜10蚊件同15蚊件，做法係喺玉子中間切開，然後加料入去上面落醬汁然後火炙，賣相靚香味都夠，但食咗第一啖之後就覺得好膩，之後就越食個汁就越鹹，兩款都係咁

去藍田買野時經過呢間小店.. 反正餓餓地.. 就叫左個黑松露吞拿魚卷同埋叫左個加州卷.. 個黑松露勁香..啱啱整好食落口仲暖暖地... 感覺好正.. 吞拿魚又好食.. 夠新鮮.. 最後食到唔夠喉.. 再叫多一個帶子三文魚蟹棒手卷😋又係超級好味所以決定下次去親藍田買野果陣都一定會幫襯佢😌大家快啲都去試下啦@hkfoodie @hongkonger @壽司小店 @新鮮 @藍田 @芝c sushi @藍田匯景商場 @又好食又抵食❤️@食上癮

這是位於藍田匯景商場內的一所旺店壽司小店，在店舖的周圍都看見這場運動的海報，而且門外放置一部運動的Yes卡給大家抽，可以來抽抽看。回到正題這所壽司店是沒有座位的，所以很多客人都是外賣或者立食，每日都會有不同的精選套餐供客人挑選或者散嗌壽司或手卷卷物都可以，以前都曾經嘗試過好幾次這所小店，他的招牌芝c卷系列非常好吃，大家可以一試。這次我是叫了一個壽司套餐，包含隨機八件壽司，一個黑松露加州卷，一個玉子壽司，一個小食和一包飲品，只需68元，想像不到份量非常足夠，以為價錢這麼便宜一定吃不飽，怎料份量有驚喜，玉子壽司非常好吃甜甜的，三文魚也很厚很好吃很新鮮，但壽司飯略嫌有少少林，有待改善。總結：黃店也可以很抵食和不錯吃，藍田的朋友們可以來支持黃店。

3個Sunday, 試過3間黃壽司，呢間係老公推薦，真係最正，特別係佢哋嘅三文魚腩壽司同花之戀，係厚厚的三文魚，唔會覺得薄嘅。其次係佢哋嘅冷麵類，試過胡麻雞絲同雞絲冷麵，十幾廿蚊大大盒，實夠飽勝價比高唯一試過而覺得唔會再叫嘅係海膽花之戀.海膽麻麻。我地淨係星期日及公眾假期晚飯先有機會食街外嘢，每個星期日都check住佢地社交平台睇吓今個星期日開唔開，一開就whatsapp 落單再直接去拎，又快又方便

上網見到呢間小店既壽司望落好吸引，去開藍田就專登去試下。匯景商場成個迷宮咁，經自動電梯上去行幾步又見到自動電梯，真係會以為自己行錯，兜黎兜去終於揾到。小店外得少量企位，所以都多人叫外賣。我就叫左幾款芝味卷，芝味刺身同手卷。每款都好多蛋黃醬，蛋黃醬同d卷又好夾，真係食得津津有味。幾款入面，我最推介芝味三文魚腩刺身! 三文魚腩大大件，夾住一層芝士，面頭仲有好多蛋黃醬，真係好好食。呢間小店幾有心思，見menu都多款式，不過當日叫完都等得比較耐，經過想食壽司可以試下。

💛💛💛堂食位置唔多，買外賣食雖然間鋪細細地，但魚生款式都多，而且都幾新鮮，不過飯太多🤣🤣🤣女仔會食剩朋友唔太食生野，揀左便當，表示好飽😆😆都係食唔晒，但有沙律，有肉，有飯卷，相當豐富！

疫情下，限聚下，找找有何外賣好買，這間高質壽司店實在要推介。芝士做底的壽司又正，黑松露做底的壽司都非常惹味刺身厚，新鮮，美味壽司手卷冷麵全部都好味再次推介短短一星期已外賣過兩次，性價比超高

極少機會係屋企叫網上外賣平台/Food Panda外賣，不過今日懶得落街，唯有試試叫番嚟食啦🤣呢區選擇其實唔算太多，簡單茶仔又唔想食，大餐廳啲野食望落又咁普通，揀下揀下見到呢間食壽司既，又有魚生飯，仲要價錢算幾優惠，所以就決定係佢啦🤭🍴黑松露魚生丼 <HK$58> 食過咁多次魚生飯，認真未試過加上黑松露醬既丼飯，見個名咁特別諗都唔諗就點左嚟試，因為本身都好鍾意食黑松露醬既野，見我之前強力推介葵廣個黑松露章魚小丸子就知點解🤣🤣 一開盒啲黑松露味就已經湧曬出嚟，未試都知一定好入味🤤 當中配料種類同份量都幾多，有 三文魚刺身，蟹柳，玉子，八爪魚，魷魚同蟹子，撈埋一齊食就好似食緊個黑松露醬既雜錦魚生飯咁，啖啖都咁豐富，原全係食極唔想停咁🤭👍🏻🍴豪華魚生飯 <HK$68> 同其他魚生飯一樣，都有最基本既選擇，刺身分別有 三文魚，吞拿魚，油甘魚，凡立貝同大蝦😋😋 雖然每款刺身份量唔算特別多，不過食得出係幾新鮮，質素算係相當唔錯，尤其價錢都咁優惠，成個食完都好夠飽，絕對唔係嗰啲平價得嚟份量又少嗰啲，咁既價錢，絕對算抵食👍🏻 特別要讚下佢地既 三文魚刺身同 油甘魚刺身，

Wowwoowo～終於食到芝c sushi！之前經過都人頭湧湧，今次特登黎買返屋企食。果然無令我失望！卷物實在係好！出！色！💛試左3款都係卷物，雖然細細舊份量唔多，但食物質素之高抵返晒！壽司都係即叫即整，睇得出師傅製作之認真，每個步驟都不馬虎，火炙卷物好精緻。火炙芝c卷｜$36（芝士/帶子/三文魚/飛魚子）黑松露汁燒吉列蝦卷｜$25黑松露汁燒吞拿魚卷｜$28三款入面我最鐘意呢個，面頭超多黑松露醬，好香，重有燒到熔熔地芝士，吞拿魚加埋青瓜一齊食好清新，超級好味。推介：黑松露卷物系列

輪椅就好比自己身體一樣時間耐咗就需要檢查修理一切正常後就心安喇..回程時去咗一轉滙景商場相隔半年又返嚟食芝C Sushi最搞笑今次張枱升高咗，全部人變哂立食😂有fd陪又肚餓，所以嗌多咗少少嘢食，其實仲有一個手卷，但太餓，影唔切就被消失喇😌今次所order嘅嘢好滿意呀！輕輕講吓滿意在乜啦。.首先係炙燒芝士炸蝦卷，完全無except啲蝦仲係脆口嘅👍🏻 黑松露依然好味，壽司飯嘅酸match得好好👍🏻 其次就係海膽，完全無腥無苦，like呀！尤其海膽蟹籽花之戀，真係好巨吓😆👍🏻 油甘魚壽司又係好味，好大件。而且價錢唔算貴囉（我覺得）呢度咁多再加一個黑松露帶子手卷...一共係...。。。$142.我自己就食得好開心喇I’ll be back for sure! 食店隔離有部抽閃卡嘅機，勁想抽！可惜壞咗，希望下次去會整好啦～

芝味三文魚腩刺身本身件三文魚腩已經超肥美，外面仲有比芝士同沙律醬燒過來，甘香脆口而且外面燒到脆左中間仲係生既魚腩。中間仲夾有成舊芝士💛口感豐富，$24兩大塊仲要咁足料，抵食。黑松露汁燒蟹棒卷算係個普通的蟹棒卷 $20價錢中規中矩。上面有燒到好香既沙律醬，黑松露份量睇到都唔少，精華在於上面一啖松露醬，整體都唔錯，性價比還好。

主打芝士配壽司，見好多人排隊好受歡迎咁，所以試一試有驚喜‼️呢個手卷超好味呀，三文魚好厚好肥美另外嗌左個黑松露三文魚卷，好重黑松露味，壽司飯好暖，係即叫即整，好好味‼️

好久沒於藍田出沒匯景商場的店舖轉得好快，都不知道有什麼食店好吃了！今次去藍田找朋友午飯她推介外賣這店的午餐一起吃這是我第一次光顧這店啊！店面細細，但都加了張小吧枱，有三四個座位～既然店名叫芝C Sushi，就決定選有芝士的餐點～～從中揀了火灸三文魚拼燒雞扒芝士丼，套餐包罐裝汽水/紙包飲品火灸三文魚拼燒雞扒芝士丼，賣相不錯外賣自取，飯的溫度都夠暖白飯上有一層芝士，上面鋪了幾件雞扒及火灸三文魚，再澆上照燒醬汁照燒醬汁只要夠香，不會太鹹，就已經好味！雞扒切件，size大細剛好可一口一件！肉質未至於好嫩，不過亦不粗糙！火灸三文魚，經火灸後帶微微焦香，生熟程度拿捏得很好！魚肉仍嫩滑！飯量看似很少的不夠飽，但因為加了芝士，實際上好快就飽肚了！照燒醬汁與芝士拌勻來撈飯，夠滋味！！朋友推介得確實不錯！！難怪店雖小，但等候的食客都多啊！

呢個疫境，無謂出去浪費口罩，但都好想繼續黃一黃個經濟（實際係懶者），一於叫外賣一家人最愛食壽司，今次搵黎呢間出名食黃芝士的壽司店，一叫都成9百幾。聽落貴但我哋成七個人食，唔算好飽但滿足。第一： 款式多，選擇多第二： 刺身都算新鮮，啲三文魚腩係厚切第三： 壽司握得唔錯，飯黎到時係有溫度，唔係一早整好放雪櫃個種， 唔會一夾就散哂。第三四：味道係絕對好食過板咩，元咩推介： 黑松露系列，愛食黑松露的朋友一定欣賞同鍾意芝士系列， 本身不算太愛芝士，但都愛佢呢個系列，所有野都中和，味道配搭得宜最後，想讚佢個飯，本身飯諗住叫比小朋友食，飽下肚者，點知有驚喜，飯仍是暖，豬排同吉列蝦都好食，佢個汁（食唔出咩汁）好吸引，我都食左半碗🤣🤣🤣抱歉，肚餓得滯無影就食哂🤣🤣🤣