芝C Sushi (匯景商場) (已結業)

難得去藍田，食得一樣嘢實在太唔甘心喇😎原來仲有間壽司店，買份試下先😛呢間舖頭有少少位置可以坐係到食🧐超鍾意食芝士嘅我就揀咗芝c三文魚卷 ($27) 反卷都幾大舊，有好多嘅芝士係面，燒完之後好正😆不過入面嘅三文魚係熟的，我比較中意生🙁.我覺得呢間舖頭好似葵廣一間我最鍾意食嘅芝士反卷😆不過呢度人就少啲唔使排隊😎

藍田有好多小店, 今日就揀左間壽司店試下店面好細, 只有4個堂食位好彩時間尚早所以都唔洗等位除左普通壽司之外, 菜單最主要有芝士同黑松露口味先試左個三文魚腩壽司, 魚肉大舊過舊飯, 好滿足! 但係腩位黎講唔夠油份再試埋芝士三文魚卷同芝士鰻魚卷芝士係水牛芝士 燒得好香 一啖食晒口感豐富唯一缺點係鰻魚太多骨再試左黑松露帶子手卷同黑松露赤海蝦手卷手卷由上至下一整個都掃滿黑松露醬, 唔會話食到最尾食白飯咁, 非常有誠意係赤海蝦解凍時間唔夠, 否則整個手卷就完美最後試左個芝味三文魚腩刺身連皮一齊燒, 食落好脆好香口但係因為芝士夾左係中間, 未必有燒到, 比起芝士卷依個啲芝味就冇咁香整體黎講好味又抵食, 一路食都見到好多人買外賣, 一定會再黎

係即叫即整，但覺得算等太耐好大陣蒜蓉牛油香味，初頭食覺得幾好味，但食左半盒到就覺太膩了飯同餸比例不太適合，餸實在太少，完全要慳住食🙈🙈芝士係拉到絲果種，相對比例算多，冚晒舊魚...又或者係魚太細舊...🙈🙈

如同店名一樣，芝C Sushi提供了不少芝士配搭的手卷壽司，心大心細，畢竟餐前淺嚐，還是決定食個手卷。雖然店前有四個座位，但座位對正主要通道，背後經常有人行過，實在不便於堂食。如果只是單純食手卷過口癮，不妨在旁邊直接吃掉罷了。三文魚腩手卷一口咬下去，實在不得了。紫菜脆身，壽司飯微暖。三文魚腩輕輕的燒過，入口油脂爆出來，有淡淡的魚香，配上半融芝士，高質！不過手卷份量較小，食得不過癮。小店經營，高質出品，值得支持！

屋企樓下開心一排既芝c sushi，朋友話本身係奥運既小店，以前成日食，而家搬左黎我屋企樓下，話無得食好唔開心，既然朋友講到咁好食，抱住一定要試下既心態！真係無介紹錯！店主做每份食物都係十分用心，而家用料都係出名好味既料，例如芝士，黑松露哩d食材，令到本身已經鮮甜既魚生再添風味！最特別係平日既set，大概兩個星期轉一次啦個set menu，佢既飯全部都用芝士蒜味牛油一齊整，令到食慾大大提高性價比十分高既小店一定要試！

早前係外送APPS見到間壽司店芝士加壽司...應該會好正終於搵個機會叫外送一望之下竟然有好多選擇..滿足哂不同要求芝士火炙睇黎係鎮店之寶懶得逐樣打我揀左啲咩..所以請大家睇相一收到外賣掂到個盒時已經心感不妙...盒壽司好暖..係好個邊諗..證明佢即製但...暖壽司同生魚片係暖壽司飯上面真係令我有啲驚...其實生魚片係咁嘅情況下好易滋生細菌..雖然係有啲驚...但懷疑左一陣..我都係試下因為我真係餓喇.......先食左生個啲.. 我想講..個海膽好鮮!油甘魚同吞拿魚都可以之後試下佢個芝士火炙的確係幾香加埋芝士同面頭微辣醬汁令你想一件接一件黑松露汁燒吉利炸蝦. 好香黑松露味其實從味道出發, 佢地係不錯...但包裝食物方便可以改善下生同熟可以分開下...希望店舖見到會加以改善要繼續努力啊!!

今日經過有九龍東葵廣之稱的美食商場，當然要捐窿捐罅去揾食🍴呢間大排長龍，再加上個名--芝C sushi覺得幾特別，一於試下先🍴點知真係有意外驚喜😋兩個人一路行一路食，實在太飽，只可以叫到一款食品試下，咁當然要試下招牌--芝C卷😋芝C卷個飯入邊包住三文魚同青瓜，十分鮮甜肥美外層就係火灸芝士包住，芝士味香濃，芝士控必食😋面上有富口感的飛魚子，好爽口，仲有大大粒帶子，勁鮮味😋👍整體上，食落味道豐富同有口感，唔洗點豉油都已經好好食餐牌👇👇總括黎講:非常有特式的日式小店，款式特別，村料新鮮，CP值高🍳🍴味道: 9/10👩👨服務: 7.5/10🏠💺環境: 5/10💰💸抵食: 8.5/10總消費: $36 (2人)

［第一次打食評多多指教實在太好食所以忍唔住開個acc開嘅靚post］放工經過藍田匯景商場，又攰又餓之際見到芝C Sushi呢間舖。見到啲選擇已經流曬口水，近視關係冇睇圖做人所以揀左個名幾吸引我嘅（火炙）芝味三文魚腩刺身等左唔多於五分鐘已經有得食肥美嘅三文魚腩中間夾住一塊半融嘅芝士。同一般嘅火炙芝士壽司刺身唔同，火炙唔係喺上面塊芝士，而係三文魚腩嘅皮，炙到脆扑扑，誠意十足味道就唔駛多講，好好好好食，葵廣同太安樓嘅刺身手卷舖真係可以行埋一邊！

一直見到呢間新壽司鋪係匯景開咗，但一直未試過。今次放工經過走去試一試，因為佢鋪名有芝字，所以叫咗一份芝味三文魚手卷一試。鋪頭設有少量座位，食set可以坐係到食，但注意人流較多咖，因為係街口位置。落單拎收據，之後等叫number，再落豉油 ,wasabi個啲嘅.手卷嘅三文魚係好足料，食到尾都有，芝士都一樣。用火槍燒過芝士，令三文魚都有啲火灸味，可以一試。其實見佢仲有黑松露味或者其他配搭，可能下次可以試吓。

套餐有驚喜，我當日點左鷄扒蟹柳餐，吉列豬扒餐，色香味俱全,飯底用蒜容芝士做，好香好滋味，分量頗多，男生先可以食得曬海膽手卷都好新鮮，誨膽份量也不少！炸蝦卷用即叫即炸，配埋芝士好夾，熱辣辣好香口，比起連鎖店好味好多我地仲點左芝C卷，幾特別，味道很好老闆同員工超nice...成日都聽Eason坐位較少，主要做外賣，因為很多食物均為即叫即做，所以等待時間較長，為左美食，要耐心等待！價錢公道合理，支持支持！

其實藍色匯景商場內已有一間很多人光顧的壽司小店(手卷屋)! 而近期在附近再開多一間壽司店! 本著新嘗試, 加上希望支持小店, 所以特意光顧! 佢的價錢與手卷屋差不多, 不算太貴!但佢已芝士和黑松露作食物賣點, 不過我還是品嚐傳統款式, 這會容易比較!由於是即叫即做, 基本上品質都算可以! 手卷壽司都算新鮮!不過味道上就沒有特別的驚喜!至於個鰻魚飯就真的不算好食!條鰻魚算是失敗之作, 所以食了少少就放棄了！總結而言, 壽司和手卷都食得過, 但鰻魚飯都不會再叫了！ Anyway, 日後都可以繼續惠顧的