芭提雅 (已結業)

.黃竹坑比較出名既食野地方就係熟食市場喇，因為有價錢親民既泰國餐廳可以選擇。今次呀菇去左芭提雅食lunch, 大大碟炒金邊粉盛惠$48👍🏻 碟金邊粉炒得岩岩好，夠鑊氣但又有泰國炒粉醬汁濕下唔會乾真真，🦐都幾厚肉。我最鐘意佢加左小小蛋一齊炒，夠哂香，順便補充下蛋白質😛雖然熟食市場無靚枱靚凳又無冷氣，不過同三五fd子一齊聚下食親民地道泰國菜都別有一番風味😎其實呢度既晚市係非常受南區人歡迎架，因為大家都鐘意佢夠平靚正，所以好多捧場客。各位如果經開南區可以去試下😋..👣芭提雅泰國餐廳•黃竹坑南朗山道1號南 朗山道熟食市場1樓3號舖....

十月十四號大約12:24幫襯,叫牛腩無牛腩,結果要左個青咖喱雞飯同椰汁冰,一坐直到13:15仍然無飯到,衝左去廚房催佢,結果13:30先黎碟飯,足足等左一個鐘,雞飯並沒有任何雞件,只有零碎的雞翼頭同尾,雞翼中間有肉嘅部份見唔到,主要以唔正宗的青咖喱汁同青椒送飯,至於椰汁冰,已經係加水再加水,稀到無味的白色液體;落單出現明顯溝通問題,另唔識得找續,付$100吃這個$55的獻汁飯,應該找回$45;當收到$100後,一句:”我唔識找!”就行左去,錢箱無錢可以好多方法解決,而唔係就咁行左去~

上星期去到黃竹坑熟食市場，因為間間泰國野都滿座唯有入芭提雅食飯。當時七點半左右職員叫我地坐低之後可能因為太忙，落單都要自己寫完再行出去比廚房(大概八點)，但最後直到九點半埋單走個陣叫左既六樣野入面先得兩碟到左(飲品都係得一杯)。平心而論，到枱既食物的確係有溫度既，但等待既時間實在太長，有大量改善空間。最特別既係，其他枱既食客都有同樣既問題而紛紛到廚房投訴，其中有一枱客仲話佢由七點白白等到九點。所以得出既結論係：大家趕時間勿入

本身一家人打算食隔離青咖哩屋，因為見青咖哩屋開左半閘，再過隔離芭提雅（因為開左有人坐），問佢係咪2間一樣，佢答我2間一樣，我咪坐低，之後先發現原來青咖哩屋紅日唔開，不過坐低左就打算是但啦！以為泰國野應該都相差不遠，首先蒜蓉包係唔熱唔脆+無味，自問平時食野已經勁清淡，但都樣樣餸都淡痞痞，又無鑊氣，食剩好多，之後發現仲要比附近的貴好多，真係完全中伏！其實平時食開泰國野間間差唔多，真係未食過咁難食的！😥

本身是想去青咖哩屋食晚餐，去到見到此餐廳說話他們是同一間，所以我們就坐下試吃，我們點了一份咖哩蝦，蒜蓉炒通菜和椒鹽鮮魷。結果通通不好食咖哩蝦$168得兩隻蝦，蒜蓉包是淋的，咖哩不好食很甜和怪怪，椒鹽鮮魷一點都不香脆不可口。我發覺這間餐廳是扮隔離的青咖哩屋，所以才有人坐下食。

平時好少寫食評,但間野真係好唔掂,唔掂到我要貢獻我第一個食評!!!!!!!!!!!!!!野食好唔知,但係態度差到無得可以再差。人生中第一間差到要話既餐廳。一去到問佢拎個menu 同清左台面既野,佢話等等。點知我地等左十幾分鐘都完全無人理。咁都算啦,之後再好聲好氣麻煩佢畀個menu我,佢居然話我!!!!!!!!!!!!!!!!!!!!!!!!話要個menu要有排等,仲寸我d野食等得仲耐,唔會做我生意。不知所謂既餐廳,我唔覺得拎個menu 黎睇係咩咁唔合理既要求。呢世都唔駛旨意再幫親。

今日又入去黃竹坑探朋友，今次更三人一齊去黃竹坑熟食市場吃lunch ，人多了可以試多一些。 不過今次去到可能晏了一些已經2點半，所以熟食市場有點靜。 最後上了樓上角位這間芭提雅，三張長枱剩下幾位客，坐得好鬆動好舒服。 落了單就看見廚房入面有位泰國廚師在不停炒動，跟著看見一碟碟香味十足熱炒麵出現。 龍眼冰唔太甜，但龍眼味唔夠。洛神花冰酸酸甜甜好醒神。幾款炒粉也火喉十足，而且份量也十分大碟。味道似豉油皇炒河酸酸甜甜，沒有驚喜加上蓮藕丶木耳丶紅椒，味道偏辣似中式炒粉

今次係第二次食，因為第一次食過翻尋味啖啖肉既生蝦，加埋d蒜頭真係好好既配搭，好好味！上次試煎蠔餅，今次識鐵板，係炒冇禁熱氣，不過都好好味。蠔仔好肥美，數量又多，正！本來想食燒烏頭，不過賣哂店員推介「燒盲嘈」（唔知係咪咁寫呢）d肉燒好好滑，冇乜骨，啱我，好好味第一次去食，試左芒果炒飯，好多肉鬆仲有燒豬頸肉，就一般芒果沙冰好大杯，好好飲仲有煎蠔餅，好大份，勁正！不過兩大一細食既話，哩道就多左少少，因為飯同蠔餅都好大份最後打包左大半盒飯返去食物味道係好既，不過熟食中心得風扇，有時都係爭少少。同埋製作需時，所以都要比d耐性，尤其係燒魚。不過值得既！

見到有人寫劣評話人手唔夠 呢啲家庭式作業係咁上下,一家大細樂齊嚟幫手,細路都帶埋落嚟湊, 都咪話唔辛苦。 除非你去"老麥"周街都有,又方便,又平,又夠快😏食好嘢都係要付出嘅😚地點方便 如果唔係住南區的人真係唔會嚟 但自從地鐵通咗黃竹坑站之後距離地鐵站只係五分鐘,話曬都係大排檔,唔好諗住有半島酒店高水平的服務。 呢度芒果冰好好飲 但如果佢哋忙起上嚟就唔買,因為做唔切.沙律偏甜同係泰國食嗰啲一樣,冇就香港人口味改過,十分正宗!燒魚都值得一試魚肉好滑!

食好野開心，但食到又抵食又好食既野更開心！位於黃竹坑熟食市場既「芭堤雅」真係好值得推介，廚師係正宗泰國人，食物質素高又抵食！每次必食既小食拼盤，當中包括蝦餅、雞翼同春卷各四件，加埋三串串燒，真係好抵食。蝦餅彈牙有蝦味，雞翼香脆惹味，春卷餡料有芋頭粉絲同蘿蔔，蘸埋醬汁真係好開胃嫁！馬拉盞炒通菜鑊氣十足，醬汁濃郁，仔細睇仲見到有啲蝦毛仔，唔怪得食落有啲咬口又有啲鮮味。泰式炒金邊粉酸酸地最啱我胃口，而且份量好夠，配料仲有幾隻蝦添！

之前同一大班朋友食過一次，質素普普通通，諗住都唔叫太差，就同家人再嚟食，好過食著間超差，點知今次只叫咗4個餸，而全部係我叫，所以都睇過價錢，心中有數係幾錢，最後埋單多咗$30，佢就扮計錯，攞返張單用計數機計，當然係多$30啦，每碟佢有寫幾錢，張單每一行都啱，但總數又會無端端多$30，佢都解釋唔到，因無一款餸係$30，好明顯係博懵，博你唔會計，就加大條數，估計每張枱都係咁，如你發現，佢就話計錯數，之前一大班人嚟，一人叫啲，所以都無計，佢話幾多就幾多，肯定又唔知收多咗幾多

好朋友之前喺黃竹坑返工, 成日同我講這間泰國菜幾好味, 尤其係佢個 "蟹汁咖哩" ,兩年前某個夜晚終於揾到機會入去黃竹坑試下 (果時仲未有地鐵)果次2個人叫左4樣野, 怕食唔哂所以冇叫蟹汁咖哩 (諗住下次再試la...) , 而其中一味係海南雞, 雞肉頗滑wo個沾醬又夠惹味:叫左4個餸整體唔錯! 所以一直都想揾機會再來食.------------------------------直到近排, 好朋友雖然轉左工好耐, 但都揾左個星期六晚上一齊再入來幫襯, 今次再叫【海南雞】, 重有【蟹汁咖哩牛腩】同【扎肉青木瓜沙律】【海南雞】望返上次海南雞張相先醒覺有幾唔同.....今次擺盤混亂, 雞肉唔滑, 但個沾醬依然係惹味ge【蟹汁咖哩牛腩】蟹汁味道唔明顯其實已經係意料中事, 咖哩唔夠香, 辣就少許la, 整體味道好溫和, 薯仔每件都好大舊!! 唔入味亦偏硬 (好似岩岩熟咁, 外層係咖哩黃色, 入面係好pure ge薯仔味), 牛腩都係唔淋, 係偏硬又"彈"牙果隻 (你懂的)【扎肉青木瓜沙律】味道最正常, 但扎肉不翼而飛 (唔喺底) ,問阿姐, 阿姐先話 "無扎肉呀" (價錢一樣)青木瓜同甘荀夠爽

晚上8：30叫左5樣野食，要自己落單寫等到9：25都淨係上左一份生蝦同炒菜，碟菜仲要係去錯左第二枱，返完入廚房再黎都唔緊要，叫馬拉盞通菜， 黎既係泰式炒仲要話廚房無菜，咁即係點呀？焗你要左碟菜？等左成個鐘，木瓜沙律都上唔到落左單45分鐘先行出黎話無晒咖喱軟殼蟹轉左生菜包到9：30都係得生蝦同炒菜食餐飯究竟要等幾耐？d侍應 個個都唔係跟單，手腳慢，淨係企埋邊傾計追單就話唔關佢事…如果想一肚氣又食唔到野，歡迎來挑戰

我哋一行四人，六點鐘去到當時有三張枱有客，一坐低俾一本餐牌，我哋想點菜跟住佢俾張紙我哋叫我地寫號碼，見到封面嗰個咖喱蟹幾好想問佢點樣計，佢話E6囉......E6係軟殼蟹，我地點左其他餸先泰式豬肉生菜包,一個小食拼盤,馬拉盞通菜,泰式燒雞翼，野飲一杯芒果沙冰，青檸梳打，見到個椰子沙冰幾特別就想叫兩個，寫完比張紙佢再問佢嗰個蟹幾錢，因為寫“時價”佢話360幾蚊，後來決定叫咖喱軟殻蟹蒜蓉包，後來姐姐回來話因為佢哋人手唔夠今日冇沙冰，冇所謂我哋就話咁要一杯椰汁涼粉和一杯青檸梳打,佢話四個人飲兩杯野飲我哋諗住佢人手唔夠咪唔好叫咁多野飲囉，之後有多幾張枱入座，等左30分鐘第一個泰式豬肉生菜包到了味道比較淡，後來見到遲入來的客人啲嘢飲都已經有了佢都係叫石青檸梳打,咁我問佢我哋兩杯嘢飲呢佢就話你哋要等㗎，我哋想吃醃生蝦同我講＄98woo，跟住佢唔理佢又行開咗，後來我叫話要一碟，上菜速度相當之慢，馬拉盞通菜沒有馬拉盞的味道，蒜蓉包冇蒜蓉味，包每一舊都有一邊面燶咗，杯椰汁涼粉終於到啦但其實係罐頭椰汁再加啲涼粉都唔知點解要等咁耐，個拼盤賣相都可以嘅味道就一般，個醃生蝦特別在啲蝦頭炸咗，泰式燒雞翼算最好，之

兩個人食飯，埋單4百幾蚊。當中粉絲大頭蝦煲，$168一份，原來只有兩隻蝦開邊煮，加大量粉絲。蝦唔新鮮，粉絲又太乾水，一句講曬，難食，超唔抵。未試過食飯$168 兩隻蝦咁搵笨！簡直有受騙的感覺！問過侍應生，幫我地入廚房問過，確認喺得兩隻蝦，話因為來貨貴，要二十幾蚊一隻。我話但喺嗰兩隻蝦唔新鮮，喺死蝦，侍應生就無回應，跟住話下次來叫其它嘢食囉！大排檔環境（張枱勁污糟，抹完枱張紙黑曬），酒樓價錢，搵笨兼唔新鮮，仲點會有下次！激氣！