芭迪斯餐廳 (已結業)

今晚屋企無人煮飯諗住出街搵下新野食.之前行過高登附近見到有間野幾特別,中午時份都有人排隊諗住食夜晚應該都還可以掛.一入到去,時間大約7:20分. 店內有5分1人座位有人店員服務:呢道有位侍應.年齡比較大.身穿一件暗灰色恤衫.但竟然無SIP衫 感覺睇上黎好頹廢... 形象分減少 !!食物方面:然後問另一位侍應,想食個飽肚d既係佢建議之下,我點左個肉醬千層麵食等左十分鐘左右就到枱個麵太多蕃茄醬.成個麵都好酸.芝士味比蕃茄醬蓋過曬整體太多醬. 食到後尾仲有小小苦而且肉碎無味..可以講係得個酸字 係深水步區仲要$74 一個晚餐唔連飲品 味道真係... 差或者係意大利菜千層麵就係咁酸咁多醬 ? 真係無從考究 賣相比樓下的食評的千層麵圖片更多蕃茄醬.而且個人認為難食 + 賣相不好看 所以無圖 價錢方面雖則佢唔收加一真係好貴.一個剩千層麵要$74 加一杯可樂/ 雪碧 之類既普通飲品要$19 !!!連湯+飲品 就$25 1 set dinner = $100左右難聽講句呢個價錢絕對可以食到好多比佢好 ,物非所值 !!

2 月10 日與數位同事到此餐廳享用午膳, set lunch 只得四款可選擇, 我們點了兩款, 1) 八抓魚蕃茄意粉, 茄汁酸得很! 八抓魚無味. : (2) 鴨胸 pasta, 無汁, 很難張成碟放進肚子裡, 鴨胸好肥!!!! d pasta 有 d 好硬, 未煮淋, 有餐湯, 但無麵包跟, 最後我們的餐飲其中點了兩杯凍檸茶少甜, 但來到係無味, 走晒甜!!!!

在農曆年間來到此店, 客人約半滿, 叫咗一個千層麵加$26轉為餐, 另外叫了一個素菜簿餅, 餐的煙三文魚沙律, 煙三文魚簿簿的一片顏色呈淡橙色, 應該都是比較普通的那種了,店方已經盡可能攞得有美感一點,但本身菜太少怎擺弄也是少,沙律油也搞些帶綠色的美化一點, 太座吃完亦沒有提了, 湯則叫了雜菜湯無甚特別, 稀湯一碗,主菜的肉醬千層麵, 少有的用這類形的深窝碟裝千層麵的了, 肉醬份量明顯比千層麵多, 茄汁帶酸, 面嘅芝士是蠻多的, 千層麵大概只有兩至三片, 其他的都是用肉醬把它填滿了, 簿餅也是很普通的脆口, 外型不太吸引, 同樣地茄汁太酸, 雖然明白蕃茄本來就是酸的,但也可以加些少糖嘛, 再加6蚊將餐茶轉泡沫咖啡, 泡沫不用去評論了但裏面嘅咖啡真係淡出個了來, 本來以為主打意大利餐理應不會這般的, 但事實歸事實她可以這條街生存完全是沒有競爭對手出現的緣故, 亦因為咁佢應該留番喺呢度千祈唔好去d旺區開分店, 免得焦頭爛額,

昨晚突然想外出吃飯，便想到雜誌介紹的buddies，再上open rice看，其實啲人對佢的評價好壞參半，我都係抱住試下的心，點之....唉...＋分差呢!價錢並不算便宜(在深水埗區)，但質素還比大家樂快歺店差，但很奇怪，也有很多人幫襯，我給予朋友們的提醒，如果你給這個價錢，你還有很多很多選擇啊！當天吃了: (沒有相片，sorry，因心情實在太差，好難食，不想影)1 加了$25轉套歺，有湯和沙律沙律-----意大利火月退配蜜瓜----蜜瓜沒有甜味，火腿沒特別面包-----好彩十分細塊，因不好吃，不鬆軟什菜湯------十分稀，像keep fit 飲的健康湯一样2. 紐西蘭牛柳配紅酒汁$108 -----堅硬，鞋口，亦沒有牛肉味，汁也是稀的3. 紐西蘭羊配蒜蓉汁$113----我地要8成，出到黎只有6成。很簡單的形容《不好吃》，沒有羊應有的味道，乜沒有厨師應調的味道 本人很愛吃甜品，吃了以上的食物，已不敢再試甜品

由於自己家住這區,目它開店至此經歷一年有多,能夠生存下去可喜可賀,因為從來事情就是這樣,好像這麼近那麼遠,見還未試過,當晚就試下,所有主餐牌的菜式加25蚊就可以變成套餐, 我自已要咗主餐牌的法式油封鴨脾$75+$25轉套餐,太座就要了set dinner set的大虎蝦併安格斯牛扒,前菜: 鴨胸雜菜沙律-鴨胸比較唔夠Juicy, 沙律份量太少, 其實無肉多菜重好啦, 反正都係三片鴨胸肉,甘筍忌廉湯- 太稀身而且甘筍太少呀唔夠色又只有雞湯同忌廉味,伴湯的飽又真係幾細片下,唔好切得咁孤寒得唔得呀,法式油封鴨脾- 以這價錢不可能要求什麼法國來的鴨脾了,但就算這是大陸鴨脾已經算"交足功課"了,一絲絲的鴨肉有酥香,皮亦烤得夠鬆脆不過要提及的,唔知點解伴菜是炸薯條/炒意粉,因為兩樣都不是用來配這菜的, 汁是黑椒汁/紅酒汁/洋蔥汁三種, 付上的紅酒汁實在點睇都唔見得有半點紅酒色亦嚐不到紅酒味大虎蝦併安格斯牛扒- 安格斯牛扒的牛味不足但四成熟就做到了,大虎蝦夠爽身而不是實, 伴碟意粉有陣怪味, 太座認為是用的油, 但我自己則覺得是做意粉的原料- 小麥粉!這個問題留番下回分解吧

1. 下午茶吞拿魚三文治 熱即磨咖啡三文治免費烘底，吞拿魚係醬黎嘅！配左好多生菜喺入面，正！另外大讚咖啡一流！2.下午茶豬頸肉包配熱朱古力豬頸肉好好好好味！不過美中不足係朱古力唔夠熱！另外要大讚服務一流！

約咗朋友食飯,響深水步想了一想,那裡有好吃的??然後路過就想起了這間,這間的晚餐都頗貴,所以下午來吃感覺比較便宜,進去後見到只有4台客左右(可能同區來說比較貴),我們就坐低睇下有乜食,一個坐台夾子夾了一張午餐紙和卡名,午餐有4款,都跟湯,主菜,甜品和茶,我就叫了農夫白汁燴雞配意粉,朋友就叫了忌廉汁吞拿魚.蘑菇.洋蔥意大利粉,餐湯就要了火腿薯仔忌廉湯,3MIN左右餐湯就到了火腿切得超細粒,像芝麻一樣大,薯仔磨成茸和忌廉溶在一起,入口有陣陣薯仔味,不過煮得比較流質,如果稠一點的話會更好,之後我的意粉就到了,但竟然.................?!是給扁意粉?!我對扁意粉沒什麼愛呀,不過我又廢事叫佢換就照吃了(因為好肚餓),扁意粉感覺好硬身,是緊緊熟吧還是扁意粉的特式我就不知道了,農夫白汁原來是指有用蔬菜一起煮的清新白汁,還有片片軟綿綿的西芹(我討厭西芹,但還是照吃),西芹還保留了它獨有的味道(我就是討厭味濃的蔬菜,因為軟的我才吃),雞的部份給了3支雞脾和1支雞胸(令我想起KFC都只有2這個部份吃),雞肉好淋都離骨了,但肉味欠逄,整體來說我不太滿意,但很足夠飽肚.相反我朋友叫的忌廉汁吞拿

1. 頭盤是巴馬火腿蜜瓜 ~ 蜜瓜切得薄薄的,巴馬火腿也OK.2. 意大利雜菜湯 ~ 侍應講明沒有茄膏,所以顏色不是紅紅的. 此句擺明說道他們並不是港式西餐. 飲落清清的,幾好.3. 阿根廷肉眼扒$123 ~ 很香炭燒味,落單叫七成熟,真的是七成,沒多沒少. 而意粉也煮得非常好,不軟不硬,生熟程度剛剛好. 配菜的瓜雖然是本地貨,但份量夠多搭夠.4. 牛肝菌鮮菌意大利飯$84 ~ 雖然不算太正宗,但也是份量搭夠. 其實味道OK,但飯粒太大,洋蔥也太大條.

用餐日期: 2011-10-09經常去深水步黃金一帶食飯~貪佢夠多款色~亞洲食品多數都有~日本, 泰國, 越南...反而西餐比較少~呢間野我成日經過~都ok多人...但係又未試過~趁星期日食個brunch先~burger: 幾好食, 手打牛肉我最like~薯條: 都唔錯, 如果係粗條仲正!意粉: 芝士焗既, 如果唔肚餓就唔好叫啦! 味道一般, 唔算差, 但一定唔係食到咀lamlam個隻! 紅咖哩飯: 呢個就賣相已經唔係太好!甜得濟, 冇咩咖哩味...最後食個甜品...puff都ok好食...不過細件左少少lor 總結:我覺得西餐應該要再好食d~~如果lunch黎講都算合格既~見人地個燒春雞$66好似唔錯咁~我一定會搵次夜晚試下..見夜晚既餐牌都要$1xx, 深水步黎講都算貴架

係深水埗搵間較高質素的西餐廳不多。裝修比茶餐廳好d！嘢食就做得幾好，而價錢又唔貴。因為是日套餐唔啱胃口，叫了個散餐。 $5x + $25 x豆忌廉湯 + 餐包 + 吞拿魚沙律 + 茄汁意粉 + 餐飲忌廉湯不錯，有豆味！餐包有點像a1餐廳提供的，好有外國feel！沙律都幾好食，但係唔知點解要用咁大隻碟！茄汁意粉味道很鮮！餐飲叫了凍檸茶一般！見隔離枱的套餐也不錯，下次可以試試其他嘢！

幾羨慕返飛機位(即每天在不同地方工作)的朋友，因為有機會試到各個地區的美食。有些地方，若不是在附近返工的話，可能成世都未必會去一次。朋友難得要返深水埗，自然要約食午飯了。她曾到過Buddies，印象不錯，也是區內小數的西餐選擇，所以想翻兜。說起來慚愧，雖然在這區長大，卻未嚐過這間新店。這餐廳也算是人氣店，繁忙時間會挺多人排隊等食，而且中午吃飯的時間緊迫，那我還是早一點來霸定位，讓對方來到便立即可以食。找到位置，先看看午餐的選擇，揀定心水食物。午餐有跟湯，蘑菇忌廉湯或者意大利蔬菜湯，最好就是一紅一白，大家分享。意大利菜湯幾足料，不過就嫌稀了些少，忌廉湯亦然，未算理想，所以我倆都沒有完成。其中的主菜係香煎雞扒伴紅咖喱汁配意粉，意粉又幾有咬口，雞扒嫩滑，起火不會雪到冇晒味，而醬汁不算辣，但滲出點香味，以幾十蚊餐的價錢去計，已屬交足功課了。另一款是焗腸仔、火腿、煙肉芝士尖通粉。上來時滿有芝士香，通粉質感則是煙韌，如果其餘的配料都可以再香口少少，就更滿意。甜品竟然是現成的雪米糍，既然是來貨，不作多評。但，似乎誠意欠奉。據知朋友對上一次來，也有蛋糕的，今次真令人失望。希望店方認真考慮做回甜品，不要

小弟揀咗日平日嚟Buddies食嘢希望無咁多人等位！不過嚟到門口都係要等一等，無法啦！深水埗呢帶有邊間食肆中午唔駛等位架又~~，更何況間嘢開喺黃金高登後面咁鬼就腳，仲要係幾乎獨市生意咁做(注：佢對面馬路都有間食差唔多嘢嘅餐廳不過就茶餐快餐Feel咗啲)先講環境呀！樓底都OK夠髙就算地方唔算大亦未有焗束嘅不安感覺，同時亦無嗰種兜頭吹暴力式散熱嘅風冷裝置，可以舒舒服服咁同朋友慢慢傾慢慢坐，偶然見一大班OL十幾廿人坐埋一枱亦未出現渲鬧情況，好明顯餐廳環境都引來一班愛乾淨、愛舒適寧靜嘅食客呢！樓面都起用後生仔女做侍應而且全套制服感覺良好，舉頭欣賞多幅名畫之際.....轉頭至發現....原來自己仲喺呢間深水埗「街邊」食肆啊！ 唔係任何意大利菜都係「賣飛佛」，例如份量少又食到嘔嘅意大利飯一般都唔會叫，所以是日午餐主菜我揀咗： 什菌/煙肉芝士意大利扁意 配 椰菜忌廉湯扁意粉面頭應該有輕輕灑上啲芝士粉吊一吊味，個汁嘅熱力將芝士同煙肉香味散發出來，即時引起食慾，煙肉同什菌都切成薄薄小塊容易入口，扁意粉口感稍硬但有個靚汁補翻數整體尚算合格，上菜器皿亦未有學啲大酒店餐廳用啲King Size碟"邊"嗰款(

某天午飯時間，與朋友到來吃飯。這間位於深水埗舊區的餐廳，無論裝修格局、食物款式以至價錢方面，走的都是介乎普通茶餐廳和真正高級西餐廳之間的路線，其實自己不太喜歡。就個人口味而言，高級西餐廳固然在各方面都會有更佳的質素，港式地道茶餐廳也每有它的獨特風情，處於兩者之間的定位卻好像兩頭不到岸，賣點不太突出，也非自己最愛的一杯茶。這次之所以會來此吃飯，只因曾經看過食友的食評好像都過得去，所以才會約同朋友到來。餐廳佈置不過不失，牆壁上掛的，是複製的外國名畫，營造一點外國風情。餐牌上的午餐有五款可揀，價錢由$44至$60不等，包餐湯、甜品與餐飲。所有的午餐款式都夾在花盆形的裝飾上，讓人一目了然。先上餐湯，我選的餐湯是「甘筍南瓜忌廉湯」。這餐湯水準平平，味道不夠甜美，與前時自己在另一間真正的西餐廳中所喝到的焗南瓜湯的甜美味道相差得遠了。但當然，價錢方面也有一定距離啦！主菜方面，我吃的是「香煎龍脷柳伴白酒忌廉汁飯」。這飯的水準也很一般，白酒忌廉汁不夠濃郁，龍脷柳也煎得有點過火，除了不夠嫩滑之外，邊位也有點燶，吃來竟帶有一點苦味，實在未能令人感到滿意。最後上的是迷你的甜品「雲石芝士餅」。相比起餐湯與主菜，

Buddies' 令我第一次寫食評,因它的食物水準及服務態度的確不錯!住了在深水埗一年有多從不曾有這種餐廳出現過,自2月開張後已多次經過,今次終於有機會和老公來試吓星期六晚街上人多8點到達,客人不是很多,門用上深啡色+玻璃 (一般西餐廳格色), 內裏燈光柔和,餐枱之距離ok,播着輕音樂,一座下侍應馬上送上Meun及2杯水Meun 有set dinner ,也有散叫(由starter 至dessert 及drink), 但款式不多 最後我同老公每人叫了個set dinner Set dinner有 煙三文鱼配雜菜沙律(分量太少又冇乜沙律汁) 南瓜忌廉湯or雜菜湯, 每人叫了一款,南瓜湯very good, 雜菜湯較淡‧主菜有牛柳配紅酒汁;煎鱸魚柳配牛油汁;及藍青口意粉 我同老公要了魚柳及意粉魚柳煎得皮脆肉嫩連伴菜的蔬菜也好味藍青口意粉更加好味,青口新鮮冇腥味而且分量十足有十隻以上(但較細隻),意粉雖是配角但亦不馬虎,睇出是用心之作!!!咖啡/茶選擇一般, 亦可選凍檸樂,不另收費!甜品另叫,不在set dinner 內, 我同老公叫了一份apple camble with ice-cre

午餐有水準!!聽到隔兩檯個外國人讚 Linguine Carbonara Delicious. 為食的我當然唔會小(汁)書La!!! 立即叫左個C餐: 卡邦尼扁意粉, 粟米忌廉湯個湯好濃粟味同夠熱卡邦尼意粉(個外國人真形容錯)好味D意粉軟硬適中, 好香忌廉, 蛋, 和芝士味甜品: Brownie Averaged!加啡averaged!$46 蚊合理價食完之后,見到餐廳門外貼左篇雜誌訪問, 先知老闆完來係星級酒店廚師同 師承名廚Bombana