影片
營業時間
星期一至日
11:00 - 20:00
以上資料只供參考, 請與餐廳確認詳情
喺大排檔食完飯, 有人提議去食甜品, 本來想去美樂, 但凍冰冰又唔想行太遠, 就去望下芯記關門未, 原來佢關8:30. 雖然未關門, 但有幾款甜品已售罄. 叫咗3個 芒果皇后 @37.00--其實係楊枝金露走椰汁, 再加球芒果雪糕. 味道麻麻地, 似人工芒果味, 柚肉苦嘅, 唔太值呢個價.芝麻糊 @21.00--尚算香濃, 入口亦夠滑芋頭西米露@17.00--唔算太甜, 但略嫌稀了點Total $149.00
繼續閱讀
一直都知道這裡有間甜品店，之前就黎試左抹茶夾餅，今次見未食過甜品就捉住佢同我去食先……黎到大約8點多，冇人喎，餐牌都有好多選擇，但又想食普通味道，所以最後都叫左個保險甜品……楊枝金露 $30……如果改名叫芒果西米露就好味……如果叫返楊枝金露就有失望，椰子味太重，芒果汁偏少，柚吾夠多又冇味，幸好夠凍同坐得都舒服。其實呢度都有其他唔同嘅選擇， 見到中式嘅價錢都唔算好貴17蚊，仲有布甸都係十蚊，我諗下次都係過嚟食中式嘅甜品試嚇佢哋嘅中式糖水好唔好食先。
繼續閱讀
途經發現屯門蝴蝶街市入面都有糖水舖屯門一向都冇咩甜品舖，估唔到而家又多左1間不過好可惜開係街市入面，所以20:00就關門，唔可以做宵夜時段同班fd去食下野吹下水當日經過因為等陣就要食飯，所以試一試個雞蛋仔先，其他甜品糖水未有機會試，下次試完再同大家報告雞蛋仔有原味+3款味道，仲可以自行選擇揀咩配料，仲要雪糕雞蛋仔係選擇困難証下，最後選擇了原味雞蛋仔 + oreo + M&M店員即叫即整，好快整成品就係我手啦光線唔係咁好，2張其實都係同一底雞蛋仔雞蛋仔好香，好有蛋味仲加有OREO同M&M好足料粒粒都有OREO或者M&M見到仲有個雪櫃有我最鐘意既3.6牛乳希望快D下次黎可以試多幾樣野啦
繼續閱讀
領展裝修左蝴蝶街市，換晒新面貌！多左好多唔同食店。係屯門碼頭呢邊，就多數會去美樂食糖水，而係呢個新街市入面，靜俏俏咁開左一間新嘅糖水店。佢營業時間至8點，應該因爲街市收檔嘅時間，有d可惜。係入面，唔算好多座位，通常外賣就方便d。除左一搬糖水，仲有雞蛋仔賣。今次買左綠豆沙同紫米露：綠豆沙好甜，第一啖其實冇乜野，到第二啖就覺得好甜好甜！好在佢應該用冰糖熬製，叫清甜d，而且勝在夠足料！椰汁唔算好甜，紫米剛好，唔算好甜，適合淡口味的人！其實佢仲賣好多款甜品，係區內多一個選擇了！
繼續閱讀