影片
港鐵宋皇臺站B1出口, 步行約11分鐘
繼續閱讀
電話號碼
21261961
營業時間
今日營業
15:00 - 00:00
星期一至日
15:00 - 00:00
以上資料只供參考, 請與餐廳確認詳情
今日就黎八度海逸酒店嘆咗個「柚子清新下午茶」。先講講咸點，柚子仙蝦泰式沙律爽口得嚟，味道鮮美，令人食指大動😋。柚子蜜糖香烤單骨雞翼，外層烤得啱啱好，入口即化，配上微微嘅柚子香氣，滋味真係正！至於個迷你蟹肉撻，蟹肉鮮美，撻皮酥脆，份量啱啱好，一啖一個正！甜品方面，芒果拿破崙真係一絕，甜度控制得宜，酥皮層次分明，夾雜住芒果嘅酸甜，係餐中亮點🌟。那個柚子晶瑩閃電泡芙，入口後柚子香氣四溢，清新得來不失綿密口感，食完之後回味無窮。黑信玄餅加咗黑糖更添風味，與眾不同。至於飲品嘅柚子蜜，口感清新，解甜解膩，飲到最後一滴都唔厭。環境方面，擺設簡潔，開揚嘅氣氛，加上坐喺泳池邊，心情都舒暢晒🏊♀️。總括來講，呢個下午茶性價比高，而且全程都享受到柚子嘅鮮香，食物款式都多樣化，適合各種口味嘅朋友。下次聚會，又有好去處喇！
繼續閱讀
我好鍾意BBQ，但大熱天時BBQ真係熱死，難得8度海逸酒店有BBQ 午餐放題，有大廚燒俾你食之餘，仲可以喺室內嘆住冷氣咁食，當然要試下啦！食物款式都唔少，由沙律🥗，主菜到甜品都一應俱全，我就最鍾意燒羊架喇，大廚👨🏼🍳燒得好好味呀！另外芒果🥭千層酥都係我心水推介之一💕。食飽飽後就帶囡囡去咗兒童室內遊玩區玩，因為有用餐所以可以$150玩半日或$180玩全日。遊玩區都幾大，足夠放電幾個鐘。場內主要有幾項遊樂設備包括電動車🏎，充氣城堡🏰，巨型積木及波波池，有職員定時清潔及維持秩序，唔怕擔心小朋友衛生及安全問題。
繼續閱讀
今日search睇吓有乜好食🤔，見依間全好評 😃，又唔貴，百幾一位，仲要芒果主題，就即打去book位，聽電話嗰位仲提我哋上二樓就係喇! 點知上到去係客房，跟指示終於搵到一個平臺，有枱有櫈但空無一人，枱面上面又冇餐牌，都唔知有冇搵錯，之後卒之搵到人問，原來冇搵錯。百幾蚊咁多嘢食係抵嘅，賣相亦唔差。首先食咗隻雞棒🐓，都幾脆，但有啲乾，沙律亦不過不失🥗，個薯蓉芝士味幾重都幾滑個芒果壽司同個煙三文魚🐟都ok啦個muffin 茶味都濃，牛油味冇乜🐮，唔夠鬆最好味係個芒果拿破崙，餅底脆，夠芒果味，另外個芒果布丁，但好重椰子味🥥怪怪的最敗北係個焦糖燉蛋，不但冇焦糖脆，係焦糖水，而且重要好實🤪總括嚟講，好食唔講得，但咁嘅價錢，hea個零鐘都ok嘅
繼續閱讀
旅行中繼續送上食記：天氣越來越熱，夏天真的降臨了！夏天除了可以享受陽光與海灘，也是多款水果當造的季節，今天就為大家介紹土瓜灣 8度海逸酒店 又抵又好吃的 Twinings Mango Afternoon Tea 川寧芒果下午茶！ 下午茶定價只是每位$168，於 eShop 預訂還可享高達65折優惠，即低至$126/位起（已連加一）就可以享用，非常超值！下午茶同時在 8度餐廳 或 池畔廊及花園茶座 供應，沒有下雨的日子，當然要選景觀優美的 花園茶座，悠然嘆茶！ 上圖只是一人份的下午茶，一共是五款甜點、五款鹹甜，再加上自選川寧熱情果芒果橙香熱紅茶或冰紅茶。我從來都是熱茶支持者，而那杯熱情果芒果橙香熱紅茶真心好喝！而每位賓客可獲得川寧禮品包一份，原來是寧神又低因的洋甘菊茶包，不夠喝可以馬上加熱水沖～ 先分享鹹點：很喜歡香脆雞翼伴香芒沙沙，香脆不油、酸香好吃；日式南瓜蟹籽沙律伴脆牛蒡十分健康，又含豐富纖維，加上忌廉芝士焗黑松露薯蓉，飽肚感十足！最後還有芒果蟹籽卷物，以及煙三文魚開面三文治，味道及份量都不俗，細食女士未必能完成。 甜點方面，王牌芒果拿破崙是不用說的美味，但原來芒果班戟也好好吃，鮮芒果布丁也果香滿載，味道不錯。而包含 Twinings 元素的川寧豪門伯爵茶牛油鬆餅比一般鬆餅幽香不膩，最後川寧檸檬薑茶法式焦糖燉蛋帶淡淡薑香，也十分吸引！ 下午茶每天下午3時至5時、由即日至6月30日供應，喜歡芒果或川寧的朋友，值得一試啊！
繼續閱讀
好耐無下午茶一下，最近見到嘅無咩特別，一係就得個樣又貴，見到依間平平地又係川寧茶同芒果結合嘅主題，係時候見下朋友食下～可能地點問題，平日去完全無人，得一兩個大叔嘆緊happyhour😂 全個茶點睇落唔多，但都夠飽😋點餐後有杯川寧茶飲同川寧禮包送，飲下影下相好快就有得食咸點比甜點出色，炸雞脾配芒果莎莎嘅雞脾炸得出色，調味夠，就咁食都唔錯，另外焗薯蓉好出色!! 其他都正常唔難食甜點嘅主角一定係酒店最出名嘅芒果拿破倫，好鬆脆，配埋甜度適當嘅芒果吉士好好味😆芒果布甸同班戟不過不失，但蛋同鬆餅完全唔掂，蛋有陣香精味又唔結實🤢完全入唔到口，鬆餅死實無味道，咬左一啖就放棄了總括黎講都值得一試，建議坐室外可以坐耐啲，有自然光影相都好睇好多💁🏻 用匯豐卡埋單有7折～
繼續閱讀
您可能會有興趣的...