花園酒家 (已結業)

有幸在花園關門大吉前幾天，光臨了一次，想留少少回憶一家平均質素參差的酒家，無論點心、小菜、燒味、廚房的各式飯麵，質素真的十分普通員工的服務態度，十年也沒有進步，儘管大多是年長、上了年紀的員工價錢雖然是平，但這間花園的關門，也許是香港仔有不少同級數（價錢平、質素參差）的酒家競爭吧？

今日有長輩生日,去左呢間野度食,真係不知所謂,千祈咪幫襯!去到已覺奇怪,明明星期日,黃金時間都只得半滿,後來先知咩事....第一道菜片皮鴨,隻鴨涷既,D 包皮都係涷既....呢D咁肥膩既野,涷食D肥糕卡住卡住,點食? 但長輩話算喎,咁好啦....第二道菜,海鲜鳥巢, 個巢"抑" 的, D 菜只係暖.....要CANCEL左佢囉...之後第五道菜蠔仔蛋咸到苦.....經理食完都話要拎入去比個廚食.....第六道菜無情情上甜品.....(魚都未食)7:50叫菜,9:30都未上完仲有兩條魚! 7:50時明明條魚新鮮撈出黎,唔知點解成個半鐘都未整好,整出黎一食就知唔係新鮮魚...佢換左條魚都算啦, 又係佢叫我地兩食既,點知一睇就知兩碟魚根本唔係同一條魚黎....個壽包仲要有鹼水味.......食左差唔多兩個鐘先上晒D野,個廚師比我地投訢完仲要出黎啤住我地,我D長輩好皮氣,比著我自己黎,走左9世啦!千祈唔好去食,難聽D講句真係唔係人食!

已是第二次在這名「花園酒家」的地方吃火窩，不過只是集團依舊，分店則不同了。吃任食火窩，也不能對食品存有好高的期望，只求吃出一個熱熱鬧鬧的氣氛，Menu可選擇的東西不少，雖然有些只是是雪藏貨色，但大致上都過得去啦。渡過了「好傻好天真」的歲月，都知道掛在門面的價錢，絕不能作準，一切以最後的埋單價作準，計埋湯底、茶芥和附加的酒品，每人$108定$118，這價錢在今天內說，都算「好抵食」矣 !這兩個小時大杯酒，不停烚，吃得很肚仔脹脹也 !

平平凡凡的外表行過唔顯眼o既裝潢冇令人入去o既衝動....但係...今晚之後我對呢間野完全改觀!!!一個字:正!!!!!>燉翅($48)本來諗住$48唔方係好野見到佢平所以叫黎飲佢啖湯點知黎到見到有好多翅驚喜...~>瑤柱蛋白扒豆苗($78)價錢偏貴出街食豆苗都預左唔會平但係呢到係物有所值豆苗份量夠多蛋白同瑤柱o係d菜上面~足料~推薦!>孖寶($108)有脆皮雞同白灼蝦隻雞層皮真係好脆~而且又唔會太肥~肉質都好滑~入味!!蝦新鮮~唔似得有d酒樓個蝦頭黑蚊蚊....good!!~呢間野真係俾到驚喜我~~出乎意料中o既好~下次一定放棄附近o既x臨黎呢到食~平過x臨...好過x臨..~

今年母親節, 一行十人(其中有兩個係小朋友)去咗香港仔哩間花園酒家食飯..(本來唔係嚟哩間, 但係book唔到我哋想食嗰間, 所以)我哋都係第一次嚟食, 本來諗住會好貴, 因為已經好耐冇喺母親節正日出去食飯喇..但係上咗去, 見到個餐牌, 最平嘅8人餐, 都係$1,488(唔包加一, 茶芥), 都唔係太貴, 可以接受喎, 個餐有:1) 燒味拼盤2) 蝦球....後來改咗做白汋蝦3) 西蘭花帶子蚌片4) 竹笙雞絲翅5) 清蒸大海斑------好大條, 抵哂6) 蒜香雞7) 壽包8) 生果9) 紅荳沙10) 另外叫咗一隻1斤12襾的龍蝦煮芝士焗龍蝦伊面底----(好味, 啖啖肉)**另送10罐汽水其實嘢食雖然唔係好好食, 但係都唔差, 都算抵, d待應生服務都幾好..有機會都會再去

2007年1月27日，16:00是日到大魔怪學校取成績表，完事後便和太座到這裡開餐。時間關係，客人已稀少。要了點心如下：燒腩飯：燒腩香脆，肥瘦有序，唔錯。魚翅灌湯餃：一般湯包餃貨色，素翅份量足。鮮竹卷：稍肥和鹹。雞絲粉卷：粉皮散和不滑。山竹牛肉：肉味而無口感。叉燒包：包皮細緻，汁料惹味。冷氣在16:30被關上，祇好加快吃的節奏，盡早離去。題外話：上次到香港仔是會考，放榜日，離開時是滿心歡喜。但如今她卻不適應新環境和入U機會不大。太座決定送她出國，本想有兩年休養生息時間，結果事與願違。

一行成二十人去飲茶，唔知邊位提出話去花園，咁就跟大隊去。開兩張檯，兩檯各有各叫，自己招呼自己。我那檯有七個人，叫超過十籠點心，仲有兩碟炒粉麵，食到人人攬住個肚走。豬骨粥、炒米、鳳爪、排骨、蝦餃、蝦腸、黑椒牛仔骨、糯米卷、雞扎、小籠包等，數都數唔晒。大部份點心都很正路，除了是小籠包皮厚肉少比較差。另兩碟炒野係鼓椒牛河和咸魚雞粒炒飯；咸魚雞粒炒飯唔錯，幾香口。不過炒河就唔得，食剩成大半碟，可想而知個質素係點。十一點幾食到差不多成兩點，兩句鐘既lunch time認真悠長。如果係office report duty，唔俾人炒都實"產"到上天花板。

今日1月5日蝦米公&蝦米婆話自己係病咗喎, 在家休息左一天.......夜晚7點幾去左香港仔睇靚女醫生,之後去左飲夜茶, 其實之前都提過下, 估唔到係今晚姐. 上到去眼見枱枱都係打邊爐, 心諗嘜冇人飲夜茶家咩.好彩唔係都仲有一兩枱.經我地商量後就叫左以下的餸菜啦:-金牌燒腩仔$18-蝦米婆話叫個燒腩仔, 原本叫個例牌, 好左臨尾見到有個平d份量少d的特價小菜.如果唔係一定食唔曬啦. (又估唔到都ok, d皮仲ok脆家)碗仔菊花蛇羹-蝦米婆話要走菊花, 伙記就話脆脆同菊花都係分開上D, 個羹好有果皮味, 但係好似冇嘜蛇肉!雞札蝦米婆最鍾意的點心, 可惜佢偷工減料無左火腿係入面.攪到蝦米婆食左少少就放低筷子, 我唯有食埋佢個份啦.白灼蝦(一斤)心諗一定人地打邊爐個隻蝦啦, 唔好理….D蝦都幾鮮甜播!!!應該唔似係死蝦…我地仲諗點解屋寄大隻野(亞媽)灼得冇禁好食家呢?一定有D野…..灌湯餃2客-我同蝦米婆都想食, 點知有人只點自己個份囉! 嘩!味道ok, d翅(應該係翅掛) 都幾多幾大條囉.蝦餃-係蝦米公的FAVOUR點心, 味道一般, 都幾O….K囉…D蝦都叫大隻.流沙奶黃飽上次係廣州食

只可以用差字形容!食物差，環境差，服務差，唯獨是毋須等位，衹因無人願意幫襯，哈哈！原本我們選定了一個四至六人餐，但經理話冬瓜盅賣完了，要求改瑤柱冬瓜蓉，我們說無所謂改就改吧，但轉個頭又話無石斑，要另加三十元改其他魚，我們要求改其他菜代替，但經理話我們已經改了套餐內的冬瓜盅，不可以再改其他菜式！我解釋由冬瓜盅改瑤柱冬瓜蓉是酒樓要求的，又不是我們的意思，請他做個方便吧，但經理一於少理，建議我們放棄這套餐，還將已上了檯的酸梅湯和啤酒沒收，因為兩者都是跟套餐的．到此我們已是一肚子氣，但肚子還是要醫一醫的，唯有散叫小菜，菜式和評語如下：芒果牛柳～牛柳又韌又鞋海蜇手撕雞～前者韌，後者有渣片皮鴨～份量少，肉多過皮豆豉帶子蒸豆腐～還可以鮑汁翅裙鵝掌～獻汁太糊，無鮑汁味金銀蛋浸時菜～還可以飯後眾人異口同聲地說：唔使旨意我再幫襯！

唔算好食, 質素只係一般LEVEL.

晚飯價錢一般，但食物同服務仲一般，試過叫一斤基圍蝦，夠膽死十兩上檯，仲要死撐話有一斤架啦！卒之要經理出黎道歉～