花園金閣 (已結業)

2006-10-27 dinner一行6人黎打邊爐,佢地食開,以為都係9點開始特價,點知星期五係9點半!!冇問題,照等!!聽到佢同上黎既兩位話唔派飛~~9點半未夠入得,有成10成full!!對正個電視,任我睇"肥田"!!我又唔會食唔落!!haha~~~標價$48任食,(9:30前$68),茶芥加成$30,不過都正路!!生力3.8/can,嘉士伯2.8/can!!仲抵過巴西燒烤既$25任飲!!不過張枱太細勒!!放唔到野食!!而d野食份量好少,寫左3份粟米都係得4粒!!算係普普通通,正宗既平價打邊爐!!!!

火鍋( 27 - 10 - 2006 )食物質素ok , 環境比較噪.火鍋料都算多, 而且每次order都有來68/set +12 +6 +12 = 108

上星期阿媽生日黎飲茶,撞倒黃夏蕙…呢棟大廈咁多茶樓,見未黎過呢間於是黎試下~食物款色少,不過都幾好味~豬腳薑蛋、翠肉餃、咸水角、煎蘿蔔糕、海哲鴨舌、流沙飽、蝦乾上湯果肉各樣都幾好味,流沙包冇得彈~~~~~~~~~~~~~~~~~~

我都幾鐘意去呢間野打邊爐, 環境唔錯, 又唔係太迫, 比起其他來講都唔會迫到行都行唔到~仲有D人服務都幾好呀, 雖然D野食就普通D~不過都OK丫~~~都幾乾淨唔差呀~價錢方面都係每位百零蚊, 叫埋啤酒~都算係咁啦~我本人就最要睇個間餐廳環境迫唔迫~因為如果太迫, D人又係咁吹你走, 食都食得唔舒服~所以呢間都幾岩我~

昨天,我和一班朋友想食火煱在創興下拿到一張傳單,說明這間火煱9時半後$45任食任飲我地都知無咁著數,所以都上左依間野問問左得黎的結果是不包湯底和加一好啦!咁我地都照入去食...裏面食d野馬馬地,基本上..打邊爐都係食返個d但當我地買單時,好唔對路~佢張單除了收$45,加一和湯底之與,仲收埋我地酸菜和醬料錢!!咁醬料我都尤佢,但酸菜$真係好睇唔過眼!我地我個人去食,佢剩係比左一碟花生我地,佢夠驚死收足五個人$,咁即係個碟花生值30蚊!好過份!買單位位83!!是差不多45的double!而且,個度d衛生環境好唔得!toilet dirty都爆!無水沖廁而且地下濕到死!而間野我不會再去第二次!!!!!!!! .\/.

禮拜飲茶，想試試新茶樓，呢度居然唔使等位。馬拉羔：好好食，好鬆軟蝦腸：唔得，有舊粉完全煮唔熟魚翅撈飯：OK啦，有點腥，不過0甘既價錢有0甘既分量都算抵半隻雞：OK，雞肉唔"梅"部長姐姐面帶笑容，服務唔錯。但個部長哥哥就認真唔掂，落單時已打開壺蓋，誰知拒只系蓋番個壺蓋就走0左，當我0地發現之後再揮手叫拒，拒望到我0地，我0地再指指個壺，拒就望開。如是者，我0地再試一次，拒既反應一樣。唉，呢個部長哥哥真系唔多掂。

真係差!6個人坐卡位, 真係迫! 一上到去, 一陣油煙, 上面睇唔清條路, 下面又怕跣親自己, 搵人有一定難度。d野食唔好食。d肥牛都係一碟3片, 層層疊貨式, 講真, 幾懷疑d碟的衛生。蝦有沙, 真係難食。其他總括而言真係麻麻, 都係你o係街市會搵到嘅味囉。員工係一個大問題。叫佢幫手, 一係冇見人, 一係叫完樣野會冇左回事, 有位男仔仲得意到叫佢幫手影張相, 佢同我講"唔駛做野,仲好, 影多d都得!" 哦......悉逢同學生日, 帶埋蛋糕上去, 佢冇收切餅費, 呢度叫做ok。不過叫佢拎蛋糕同清場時, 都幾混亂。

雖然今天的天氣開始都有點寒冷，加上是星期天，一定會有好多朋友們約三五知己一齊去食火煱，尤其是一d任食任飲又便宜的火煱店！其實我之前都有去過這間食，見佢都不是話太過差才會選擇今日去食的。咁我當時去的時候都差唔多都係九點的時候，咁又加上係差唔多係特價的時段，亦都係每一個人好肚餓的時候，雖然我們只得兩個人去食啫！但入到去問接待員兩位的時候佢只係話兩位的位已經滿啦！就已經唔再理你，我覺得最起碼都問下你「你唔會等一等，可能會等耐d」這句類似的說話都冇，仲要係在我們等電梯走時給我見到有兩個人才入去食，我覺得這樣並不是好的服務囉！相反去唔到這間的我未跟住去了雅蘭的譚魚頭食，o個間簡直好好ar，雖然有點貴又唔係自助，但人地起碼服務一流，以客為先。無論味道同環境又好喎！所以經過今次我唔會再去「花園金閣」！現在來講除了食物同環境要好之外，服務都係重要的！冇好的服務，想人再去就好難啦！劉德華都有講啦！

一班朋友(8個人)約左7:30去食, 諗住創興是但搵一間啦......我自己6:00去左德興問, 不過佢係6:30~8:30, 無得話7:30留檯......咁梗係走人啦!落返地下, 有個阿姐叫得超大聲, 係咁叫人上8樓.....咁ok啦, 上去望下......同佢講, 又肯留檯喎, 咁就依間啦.......兜左個圈, 7:00上叔去, 同個fd諗住係出面坐一陣, 7:30先入去(其他fd未黎)......點知佢話:" 不如你入埋去坐啦, 我當你7:30先開始囉, 唔好係度等啦"正~~~~講返質素.....地方/廁所乾淨, 不過都幾逼(我諗創興間間都係咁), 竹庶水任飲, 嘉士佰都係$2.8...食物任點任叫, 豬粉腸有d苦, 可能洗得唔乾淨, 其他都ok, 坐底送既海鮮(帶子, 貴花"pon")都幾好, 沙嗲湯底無咩味, 丸係人手打既, 不過又係無咩味漏單比例少, 員工有笑容, 唔黑面, 幾好8個人, 無叫特別野食, 半打啤酒+半打可樂, 食足2個半鐘, 一人$107.5, 幾好

非常普通, 係流沙奶王包勁正~ 環境有d污糟.4個人食$200

流沙包好！蒜香春卷！魚翅撈飯好！咖喱牛腩煎米，咖喱牛腩同米粉分開上的但係最鐘意係肥婆部長，她中氣十足，做咩都乾淨利落，有時仲會見佢到樓下派傳單，真係能屈能伸，我地成家逢禮拜日都會幫襯架，我老豆就超鐘意

同友人於9:30後入座，雖然話每位$48，但埋單既時候一個人要成八十幾蚊……湯底無咩choice，個皮蛋湯底同個粟米湯底勁似，分別唔大…dishes方面，同出面既自助火鍋差不多la，無貴價食品﹗不過響mk黎講，環境都ok﹗但就唔好咁有太高既expection囉﹗

食過一次,食物同其他創興既酒樓差唔多,但係坐得舒服d,價錢亦貴d.

好唔掂之前諗住未試過，咪去試下囉點知上到去，個lobby迫到黐肺都唔只，個接待員叫飛淨係靠佢把聲，個個係度高談闊論，邊鬼度聽到佢講架！後來聽到有個客因為咁而miss左張檯，但佢地又唔理，叫個客再等過，因此那個人好氣就走了。講番我，其實我係有打電話訂位，但我上到去，佢竟然話冇幫我留檯，只話最多俾個優先權我！後來等左大半個鐘，我d朋友開始肚餓，但仲未有檯，咁咪問那個接代員，點知佢好串咁講：「我都唔知要等既耐架喎…我都唔知有冇人埋單喎…」乜都話唔知，我實在好火，我就叫佢叫個知道既同我講。後來有個肥佬經理行出黎問咩事，我就話佢知。點知佢好大聲咁話：「我好明白你既心情…但都冇辦法。」「咁我而家問你有冇檯先？」，跟住佢好惡咁話「冇呀！」，咁我咪走囉。佢竟然公然話我好鬧佢！做為一個經理，竟然公然同客人對質都唔只，仲要公然鬧個客好鬧佢，佢都幾矜貴呢~~下次有人請都唔好

下午唱完歌,晚上又要和舊同事慶祝生日,因為她想打邊爐,妹妹細個又話ok.便去了這間了．收費：９點前每位６５元（任食兩個半小時），９點後４５元，湯底醬油那些是要另外收費的．飲品如果要酸梅湯和竹庶水都可以任飲，其它都要收費．雖然話任飲，但由於都幾大個壼的關係，我們４個人都只飲了一壼．因為任食的關係，所以都預了食物唔會太好．送的一碟海鮮都可以的．可以選擇的一般打邊爐的野食都有．最好味的是雲吞，所以叫了三碟．芝士腸，和手打牛丸美國肥牛完全沒有肉味，同個名好，係肥囉！湯底選擇了皮蛋莞茜，但未加水己經係水，唔會有味的．服務方面都可以的，但最衰後來差唔多埋單時，可能因過了九點，好多人在外面等，所以個待應只係講了句叫我們推過少少張，都未預備好，便夾硬推，差點整到我朋友．否則會更加好．最要改善係那些筷子真係好污糟，未食都仲有菜的殘渣，好得人驚環境都幾迫，可能間野細同埋擺了好多，所以坐得都唔太舒服，同埋幾嘈．好難傾到計．一百元的質素又唔可以話抵，但味道又唔太差，但旺角咁多地方有火食，未必會再來了。