花園餐廳 (石山街)

營業中

休息中

港式扒房，對比以前略嫌遜色👉🏻紅湯無以前咁濃郁，比較稀，但勝在足料，大塊牛腩邊👉🏻蜜糖芥末燒德國咸豬手 $88食豬手最忌係有毛，好彩佢”皮光肉滑”，肉質唔會好乾，而薯菜有小菠蘿，配埋汁就好開胃，好唔錯👍🏻👉🏻巨型T骨牛扒 $130名副其實大個塊面，不過肉質過淋，睇黎落粉重手左每個鐵板套餐會奉送蛋糕一件是日蛋糕係好甜好甜嘅朱古力雪糕沒有期望就沒有失望，而且平民價錢，唔會要求過高！(例如服務員嘅態度唔會好殷勤）

位於堅尼地城嘅花園餐廳已經開咗一段時間, 大食妹一直冇時間走去食, 咁啱撞中8號風球, 親愛嘅譚仔飯堂冇開, 就上去撞下彩點知又真係有開喎, 於是就同住喺附近嘅朋友一齊鋸扒<美式什扒>花園餐廳嘅美式什扒好有誠意雞扒、豬扒、牛扒、雞翼、扎肉同煙肉, 第一次見有咁豐富嘅什扒最重要係鐵板夠熱, 食咩都加分但係略嫌蒜蓉汁有啲淡, 可能黑椒汁會好少少<A級肉眼牛扒(紐西蘭)>朋友嘅A級肉眼牛扒明顯比較厚身, 食落啖啖肉肉眼牛扒質感比較軟身, 肉質一般冇乜牛香, 建議配搭比較重味嘅黑椒汁<薯條>薯條雖然係大食妹鍾意嘅波浪薯條, 但堅係凍嘅<餐包>餐包就好少少, 係經典嘅嘉頓餐包, 少少熱熱地地<餐湯>餐湯都算係咁, 冇咩料, 但又未至於好淡, 不過不失<凍檸茶>鋸扒一定要飲凍檸茶, 花園嘅凍檸茶份量唔算好多, 但少甜甜度啱啱好

早幾日去食晚飯餐廳樓面服務態度差都唔使多講嗰日隔離枱竟然自己帶左生果入黎食人地食飽 就攞左pack榴槤出來食不單止冇人阻止 仲有女樓面去同佢哋交流食榴槤嘅心得完全冇諗過一問咁大嘅餐廳竟然可以俾食客帶外來食物入餐廳食 甚至係咁大味嘅食物

Food is good to excellent. Typical fare for HK diners such as Nice Restaurant. Good value for food.If the kitchen staff is well paid then the wait staff must be indentured servants. "Courtesy" does not translate to their particular dialect of Chinese. Often rude and brusque, nobody paid attention as we waved our hands for a solid ten minutes for service, even though we sat just 20 feet from the entrance. When a waitress responded, she acted like we were Mormons who showed up uninvited to her doo

花園餐廳相信大家都唔陌生不過今次係我第一次食西環分店係樓上鋪環境都幾大，裝修復古喺朋友嘅介紹之下試咗佢最出名嘅鐵板牛扒佢有得俾你揀要黑椒汁或者蒜蓉汁晚餐時段食有埋餐湯、包同埋飲品餐湯試咗羅宋湯，都幾足料有埋牛腩、洋蔥、蘿蔔同蕃茄鐵板牛扒勁大份一上枱勁大煙，店員會倒醬汁我自己就試咗五成熟牛扒肉質都幾淋，味道不過不失略嫌個蒜蓉汁冇乜味而且好鹹不過個人就覺得佢幾抵食同埋好大件有埋薯菜，一定夠哂飽除此之外食得都幾狼狽啲汁會彈到周圍都係另外一位朋友用碟上牛扒唔知點解我覺得碟上好食好多牛扒有grill味，蒜蓉味好濃而且仲多咗啲蕃茄同埋粟米雖然佢叫咗七成熟但係感覺上仲好食過五成整體一般般不過以佢嘅價錢來講咁大份真係幾抵食唔使驚唔夠飽有機會會試吓佢其他嘢

滿心歡喜過嚟食個early lunch, 11點45分間餐廳有一半滿但都仲有唔少位, 個侍應叫我同人搭枱（雖然有隔板）, 好奇怪仲有咁多枱空做咩要逼我埋一邊？！我坐咗喺枱一分鐘冇人拿menu過嚟, 要我行過隔離枱去攞飲緊湯嘅時候已經嚟咗主菜（？？）, 我冇話趕時間喎🤷🏻‍♀️🤷🏻‍♀️以上就係呢間餐廳服務奇怪嘅地方講番食物我嗌咗個豬柳拼吉列魚柳飯, 豬柳非常之硬, 魚柳就係炸到厚粉, 個碟又細, 好似將所有食物塞埋一堆咁🤷🏻‍♀️🤷🏻‍♀️, 食到未夠一半已經唔夠汁, 乾爭爭硬掘掘😒😒餐飲我嗌咗熱咖啡, 一飲就係嗰啲好苦好澀嗰啲即沖咖啡味成60蚊食一個午餐, 真係唔知食咗啲乜🥴下次盡量都唔會再來本來一間曾經非常受歡迎的餐廳, 依家...本來冇諗住寫食評, 但係食食下真係忍唔住, 所以係食到一半嘅時候影嘅相...👇

相信冇一個香港人未食過花園餐廳，這真是香港人的餐廳，真係由細食到大，細個知道有得嚟鋸扒是好幸福的事，雖然食過N咁多次，但係我都想寫下食評表揚下😋👍🏻穀飼豬肉眼扒配燒雞肉串（薯菜）$95大大件的豬扒，肉質柔嫩，夠味，豬扒下面全是薯條👍🏻燒雞肉串下面滿滿的薯蓉，雞肉串好味😋黑椒汁、蒜蓉汁選擇鐵板紐西蘭肉眼扒配牛仔腸（薯菜）$95超多的牛扒放滿成個鐵板，牛扒繼續保持水準，，牛扒五成熟好夠牛肉味，倒醬汁的時候一定要攞餐巾擋住😉😋好味羅宋湯

全間店啲人態度極差 有好多個樓面, 但可以無人比menu、無人落單。禮貌地請佢過黎之後態度好不屑、好無禮貌。啲大陸waitress又圍埋一堆大聲講嘢有個戴眼鏡、疑似戴假髮嘅waiter態度最差！野食好難食, 牛排硬過我條命, 啲飯淋到太過分。屋企人碟意粉有膠味, 啲醬好恐怖。免費都唔會再黎食 😃同埋上菜可以將啲野食擺喺隔離張空檯, 係咪撞鬼？已經比左第二次機會呢間嘢, 一樣咁差。上次係晚市黎，幾百蚊食垃圾！其他快餐店都好過呢間野

去高級餐廳食靚牛扒，當然係正，但歎返個港式鐵板食住好味扒餐外，加上懷舊味道，配合港式西式特色，實在有種「説不出的爽」推介心水鐵板餐，一齊「Jar」花園餐廳應該係其中一間最歷史悠久嘅港式鐵板連鎖店，真心由細食到大今次就食其中一間作為Jar Jar聲系列既參考代表西環店處於二樓，舖面非常大，位非常寬敞舒適，燈光少暗幾有feel扒就都係個啲啦，成日都覺得海陸空餐好吸引，但Jar Jar聲既主角係牛，都有好多部位可以揀先上羅宋湯，正正常常，大碗啲咁正題來了，精選鐵板餐 - 蝴蝶型肉眼牛扒，上枱係驚人既，真心大塊，而上枱已經相當香儀式做足，揀完汁再係你面前淋上去「Jar Jar Jar」，個人認為個國旗都好重要，成個港式西餐味出晒嚟，未食先興奮叫左5成，一切就知偏熟小小，只有最中間一部分有5成既粉紅，不過肉質唔錯所以口感還好，有肉汁而味道都唔錯肉眼既好處就係係多重享受，食完5成，仲有煎到好香既肉眼邊，牛脂味濃肉眼黎講真係唔多根，算幾好既一塊扒另一個試埋佢嘅紐西蘭西冷牛扒(5成)，賣相都幾唔錯，偏大塊，西冷賣點係牛味濃而無筋口感成塊都平均地正，都做到既，肉質都嫩如果牛脂多返少少就會更好，不過整體味

服務態度超級差叫個餐又等得耐落完order之後有個waiter又摞張紙問我d野岩唔岩，我極度懷疑佢唔記得左都算啦最後都係上錯餐嘅，我要豬扒上左牛扒又再要等換餐等左成20分鐘都有另外個牛柳餐，當我知道會鐵板上，我又唔想甘熟所以直接叫5成熟，點知黎到塊牛柳係全熟嘅！我真係唔明個同事點落單咯？！同事之間溝通又不停講粗口幾乎每句話都有個粗口係度，聽得好唔舒服耐冇食花園餐廳姐，點解會變到甘呢？我絕對唔會再去食！

牛扒挺厚挺大。盘子太小，有点切着费劲。薯条蛮好吃，烤的外头焦焦的。罗宋汤上飘着几片大头菜，很稀的汤。餐包倒是很不错...刚上牛扒的时候会嘣油点，记得用餐巾挡一下。服务就是很基本的那种嗯。略凶。胜在便宜？

去呢間餐廳，第一樣要留意嘅嘢係不要對服務有任何期望，因為全舖每一個態度都好差，係每一個。全部人都無笑容，你入到去就好似即時得罪咗全間餐廳咁。叫都無人應，食物飲品係擲落枱唔係放上去，收嘢隻碟係拖住枱面咁走。親眼見到成班樓面有大有細圍埋傾計(係無聊嘢，唔係開會)，無人理啲客。跟湯餐包唔熱，雖然食物味道係可以，但全舖咁樣態度，我對佢哋廚房員工嘅管理質素都無乜信心，整嘢恐怕都心機有限。嗰日我叫嘅焗牛脷就有一小部份連黑色表皮都未去，見到真係有啲反胃......

本應間野已經勁少人，一啲都吾忙個個只係企係到吹水但啲服務態度十分差，之前都有去過銅鑼灣同旺角分店，人地勁忙但服務態度一流。但食物味道ok，衞生就一般。完全有種貼錢買難受既感覺！

Lunch hour喺西環諗唔到食咩好，周圍小店都要等位，經過花園餐廳見到價錢食物好似OK，又唔需要等位就直接入咗去餐廳係一樓全層，地方好大好闊落，一個人都可以坐四人枱，疫情期間完全唔使擔心要搭枱。特餐menu好抵食，六七十蚊特餐有晒餐湯餐飲，仲免加一，都幾多一人客幫襯🤪餐湯羅宋湯好好飲，但餐包好似烘得太耐，硬左😓南中國海蝦天使麵($68)呢個價錢無太大期望，海蝦好大隻，但煮嘅方法有啲奇怪😅係炸完再加啲甜甜地嘅類似豉油汁咁，天使麵有啲太淋。成個午餐水準唔太高，不過勝在侍應夠醒目快手，禮貌又好，上菜夠快，環境又大又寬躺，唔使等位，係匆忙嘅上班一族的一個好選擇，食到咁飽埋單都只係$70😇但如果有時間的話我會選擇等位食其他🙈

我光顾花園餐厅是由旺角店开始的，这个传统品牌餐厅由味道、服务至价格都挺不错的，可是堅尼地城这家店的服务态度差到不能再差；点菜没耐性，要客户急口令般下单；举手、开口要求一杯水装作看不见听不到；服务员以致收银员都不愿意和客户交流、指指点点毫無礼貌。虽然明白这家店走的不是高价格高質素的路线，但劣質的整体服务把原本可以做到”高性价比”这个评语完全抹丟。我替这个我幫襯了四十年的品牌不只感到失望，也觉得相當可惜。