花園餐廳 (金百利廣場)

營業中

休息中

同朋友難得一齊係銅鑼灣...諗唔到食乜之際, 隨口UP 去花園餐廳, 難得係朋友都係諗住去花園餐廳無論銅鑼灣開左幾多間新餐廳, 都係揀唔落手, 最後都係去左花園餐廳入到去, 好似好多人, 咁就坐個二人位啦, 點知坐落去之後先冇乜人, 早知坐四人位, 可以有位放袋......坐底左, 諗住嗌個招牌蝴蝶扒, 點知賣哂!! 好失望!唯有揀個A級肉眼扒, 再另外加多碟焗肉醬意粉, 先上餐湯, 雖然係真材實料, 入面有牛肉粒, 但D 餐湯偏甜...個扒好快就上到黎, 兩大塊,, 都幾厚, 起碼半吋厚, 但入面冇根, 出奇地咁林!肉醬意粉都唔差, D料好豐富!

食到一肚火 Order左一個西冷 一個肉眼西冷一食落口 個味係豬扒味知道唔對路同服務員講 店員話係牛 （已經同過3個唔同既服務員講其中兩個係所謂既經理）我真係唔知 我食緊既係豬扒扮牛扒 定牛扒扮豬扒

難得星期五，但都要OT到八點幾，同事話要食好d想鋸扒，不如平平地去花園餐廳啦。叫左個雞扒餐，始終夜媽媽唔想食太飽，所以揀左配薯菜。套餐包餐包，餐湯同飲品，點完菜無耐餐包同餐湯就到了。餐包上檯時微暖，應該有用微波爐輕微翻熱，餐湯可揀忌廉湯或羅宋湯，羅宋湯茄味濃，湯入面既菜煮得夠淋，飲湯時唔會要咬好耐先吞到。飲完湯之後，主菜雞扒就來了，因為避免薯條會越食越淋，所以無揀用鐵板上。雞扒煎得好香好軟熟，用刀好輕易就切到，配埋洋蔥黑椒汁，辣辣地好開胃。埋單一百蚊左右，肉質當然無得同名牌扒房比，但要平平地鋸扒，呢度都算係一個唔錯既選擇。

呢間西餐好好食，又有好多間分店，晚市同午市係貴點，但一到下午茶時間就好抵食，牛扒好大塊，裏面有好多薯菜，仲包埋嘢飲都只係＄70左右，餐廳環境唔錯坐得幾舒服，員工態度都幾好。之前食過海鮮炒飯都好好食，所以我非常推薦呢間餐廳

星期五晚上諗住budget$400可以食到ok既西餐，點知令人失望。Bugdet400蚊所以冇太大期望，但結果係比想像中差好多。6點半入座既時候人唔多，2個人剛好坐到最後一個卡位，除左門口第一個職員有打招呼之外，入面既人直情冇出聲，只係指左一下座位既位置。叫左美國安格斯牛扒同埋紐西蘭肉眼扒，質素同普通茶餐廳差唔多，全部用粉醃過，得個咸味。職員說話冷淡、態度麻麻，好似唔願講野咁，仲冇耐性過茶餐廳既伙記。跟餐指定配餐包、薯條、湯，普普通通冇特別。加錢轉左兩杯凍既特飲，搞雲之後係暖既，味道一般。只可以講呢個價位咁既食物質素、服務態度，唔值

今曰突然想食西餐，你知啦，銅鑼灣食一餐西餐實在超貴啊，噢…想起一間好抵食~花園餐廳，真是好耐無試過啦，都有一年今日和同事試下啦～看下食物水準有冇下降先特餐先來兩個白湯，香滑不澀，味覺剛好餐包仍是曖曖的，搽上金香牛油，一咬落去，外皮脆脆，內裡軟綿綿，好香啊，好想食多一個龍脷柳香煎入味，應該廚師在煎前加入少少鹽，才不會有魚腥味，什菌汁加入仍不能蓋走魚脆，意粉非常彈牙，周邊加少少甜粟米待大家可以均衡飲食不缺蔬菜，好細心啊豬扒好大块好多啊，有兩块好似手掌咁大，洋蔥汁蓋上，整块豬扒好似中魔法一樣，超級鬆軟而不煙韌，味道剛剛好，薯條脆口而不淋，又加上我愛食甜粟再叫兩杯香滑奶茶，今餐滿足晒餐廳開業多年，食物的水準無下降，非常好

本來想找CUSTOMER SERVICE 傾, 找不到EMAIL唯有寫這裡,其實真係食左好多年花園餐廳, 但停左一段時間最後食番, 明顯羊扒唔係之前果隻,似平時自助餐任叫果種羊扒 (可能仲差過自助餐果隻), 真心差.我知而家市道唔好要控制成本, 但一間算係專食扒的餐廳, 將入貨的扒類質素極級下降絕非明智之舉.

今晚屋企又冇飯食😫於是又要出街食，一想食乜又頭痛，突然想起好耐冇食花園，去食下先😌，老婆銅鑼灣返工，等接佢放工之後就起行，一上到去，冇乜人，好快有位。。。餐湯，暖暖地，我覺得唔夠熱🤦🏻‍♂️我嘅主菜，特大丅骨牛排，失望，比以前細任咗，但係價錢又比以前貴左😫，最重要係，我叫4成熟，結果佢俾咗件7成熟的我😒，失敗老婆主菜，一般味道，只可以用合格來形容，本來仲想食個法式焗田螺，可惜係賣晒😔。最普通嘅凍檸茶，係冇茶味

以前因為公作的關係都會常常來「花園餐廳」食午飯，但自從工作地點變更後，已經很久沒有再來了，往日的飯堂不知現在又怎樣呢😆今天到銅鑼灣可以再次懷愐下☺️而原本花園餐廳的位置都搬到了金百利廣場。羅餸湯 - 羅餸湯材料豐富，紅羅白、蕃茄、薯仔、茜芉牛腩等等，味道香濃甜中帶小小辣，十分醒胃香煎豬扒 - 香煎豬扒飯配黑椒汁豬扒大大件而且肉質嫩滑冇渣十分好味，加上黑椒汁微微的香辣味道和微甜的粟米味道配合得剛剛好👍🏻紅酒燴芝士腸牛柳粒 - 紅酒燴芝士腸牛柳粒紅酒味濃郁加上牛柳粒煮的時間剛好令牛柳粒有嚼勁之如卻一點不韌，餐茶兩杯味道合適總括來說還能保持水準😎

石斑魚聽名字以為是貴魚，但是原來周圍都可換食到，價錢也不貴，今天我就吃了一塊不錯的魚柳。今天來到了花園餐廳，平時都會吃牛扒or鐵板，由於係糧尾，所以揀了一個便宜的餐：芝士焗蟹肉汁石斑意粉。由於是焗，所以都等了15分鐘，芝士味好夠，又重又濃，蟹肉汁我本來以為真的只是汁，原來除左汁，真係有一絲絲的蟹肉，一絲一絲好像吞拿魚蓉一樣，足料啊！再說說魚柳，魚柳有兩片，厚度十足，沒任何雪藏味，石斑魚柳很滑，魚肉幾乎不需要咀嚼，入口即融，$55，雖然要加一，但價錢不錯了！

餐包空心，一陣風咁，而且冷冰冰！主餐食物尚可，但不夠熱！配菜薯條簡直攞命，殺蟲水咁嘅味，同店員講，都只是「哦」回應，十分冷淡，完全無話會同廚房跟進，只問你餐茶飲咩？地點都還可以，環境尚算優靜，座位舒適！但店員服務態度冷淡！說話不太禮貌，常有蔑視的眼神。大部分員工的說話都很不耐煩！餐茶咖啡熱度尚可，但淡而無味！試過咁多間花園餐廳，呢間都算最差，試咗今次，都唔會再打算返嚟食，簡直無可能會再選擇嚟多次，我唔想再食殺蟲水落肚！

朋友好想食花園餐廳所以就跟咗朋友過嚟呢邊去食下午茶，咁約你到銅鑼灣你一陣返花園餐廳，朋友就叫左扒餐🤔🤔我就叫左個，唔記得叫咩名🤔都幾好食既🤔🤔不過不失嚕，朋友就食扒餐，食左兩舊，佢果個就幾好食，不過我呢個就，還好啦，扒餐照舊都係跟餐飽同餐湯既🤔🤔朋友就食曬個扒，我就淨半碟lo，不過佢本身份量都好多既，抵食程度都高既，但可能我叫呢樣係特別左少少嚕，畢竟餐廳主打扒類😂😂😂朋友講話都係好食既，忠告，黎花園餐廳 要食扒😂😂

今日去完九龍果邊行完街shopping完 , 就過返銅鑼灣食晚飯 , 巳經係九點幾但可能是星期六度度都係人 , 我地就走左上金百利廣埸的花園餐廳希望會人小ｄ , 因為這間餐廳座位大多是卡位同埋唔會好迫 , 所以選擇這間想坐得舒服ｄ, 話晒行左成日街好累 , 上到去都好多人 , 不過有位, 仲有卡位坐 , 我們點了兩個set , "鐵板紐西蘭西冷" 同"鐵板石斑拼豬扒" , set 係包左餐包 , 湯同餐飲 , 個餐包都算有誠意會用微波爐叮過先俾你 , 所以熱辣辣, 湯就正常款式啦, 羅宋湯或忌廉湯 , 我覺得湯就較為水了些 , 另外要提就係我覺得你無論同佢講塊扒幾成熟 , 出到黎都係師傳隨心的鐵板石斑拼豬扒嘩 , 塊豬扒好大塊 , 其實整體份量大 , 抵食鐵板紐西蘭西冷食落有ｄ鞋同埋邊邊位太多肥膏

因為比較窮，所以叫了個日日唔同但最平既特餐。應該2，3年無黎過花園餐廳了，印象中四十幾蚊既午餐，原來時至今日已經要五十幾蚊。叫左個煎豬扒配意粉($54)。先黎既係個忌廉湯，唔稀唔杰，算ok!亮點黎喇，係個餐包，莫名其妙既香同軟，雖然一如以往，都會見住佢放落微波爐加熱，但無礙個包既美味煎豬扒份量好大，二大塊鋪滿個碟，煎到香口，配返濃郁蕃茄汁，咬口同食味都滿足。凍飲加2蚊，因為窮，叫返熱檸茶算數

晚上九點幾, 想食啖啖肉又唔想太貴, 花園餐廳真係一個好選擇。第一次黎銅鑼灣的分店, 同其他分店一樣都係舊式的扒房格局, 我同朋友都係牛扒fans, 一個點蝴蝶 ribs eye, 我就食西冷。餐包送到係暖笠笠的, 餐湯都如其他分店的水準一樣, 主菜上場, 差d忘記了落汁會滋滋喳喳的彈汁(要用紙巾擋)。牛扒有一定水準, 唔會太差, 畢竟只是百幾蚊的餐, 絕對係值回票價