花木日本料理 (已結業)

原本訂左$3000包房嘅同黑色嘅日本菜！結果斟茶執碗碟，都係我哋自己幫手執完全冇服務，啲侍應仲要係唔叫佢哋都唔去做嘢！好想講以後唔使旨意我去再幫襯！成個香港有咁多日本菜，這間日本菜啲味道好一般但服務態度竟然係非常差！我同個客傾重要事情傾到一半，個侍應可以完全唔理人攝入嚟倒茶！仲要係個女待應肥得滯要我地將張椅向前入一些，佢先有位置過！另外人哋點完啲餸，佢唔會重複讀一次俾你聽就直接走去落單！完全係一啲服務水準都冇，亦都唔會提醒你仲有幾多個菜要出！而且問個經理有啲乜嘢好推介？完全都答唔出都唔知佢係咪喺度做兩個字可以形容係極差

從來冇試過這一間日本菜就諗住去試一下順便去開個飯會，約咗客到場之後想安靜少少就搬入去房度咁最低消費$3000，咁冇乜問題，但係佢哋簡直係最差嘅服務！啲侍應完全唔會幫你倒茶或者收拾下你啲碗碟！最慘每次一係傾嘢傾到一半嘅時候，個女侍應完全不懂規矩企喺我同個客嘅中間！最慘佢就係太肥仲要我同個客推前張凳讓條路比去攝入嚟！之後個客都有少少黑面都唔識睇！仲要連續兩次以上！最重點我哋係$3000包房！但係竟然每次我哋都要行出去叫人，入嚟幫手清理下又或者我哋自己收拾下枱面！所以唔使旨意我再去！ 最重要係食物質素好一般！

食物超級普通，唔值得呢個價錢，服務態度又差，經理全程黑口黑面，食到成肚氣，相都費事影。日本野有好多更好嘅選擇，唔知點解要比錢買難受，完全唔值得去，點都唔會再去。

這餐廳所在的大廈本身有不少餐廳🍴都有好多值得試～這家日本餐廳算是坐得舒適，枱與枱之間都有空間，傾計都舒服D！（要知道現在的餐廳都很逼，好多時雖然不是黐埋，但都好似搭枱咁😣）食物製作和擺位挺精緻🍣🍱（詳見圖）壽司的魚新鮮，壽司飯與魚的比例也很適當，wasabi是現磨的那種👍🏻烤蠔做得很不錯，值得一嚐！串燒款式也不少，燒得不錯！天婦羅🍤一般透過OpenRice訂座有折扣，所以記得預訂🙂

週年紀念日找了家日式餐廳🍴第一次來 平日加上下雨天，人不多，挺舒服。點了個二人餐，簡單方便不用想。食物都很新鮮，美味！服務也很周到。小插曲，我們第一次來，去整泊車優惠有點小問題，之後店鋪經理還親自陪我們下去處理！真的是很好人呢！有機會還幫襯！

This restaurant is located in a new building so everything is newly furnished. Very spacious in between tables and the services was good. The waiters kept refilling water for you and introduce the menu in details. Sashimi was v fresh and we ordered. Have to be back

之前朋友推介過一間係尖沙咀既日本餐廳，今日同另一半去激安殿堂後就諗住去試下！一入到去，餐廳都幾闊落，裝修有花心思，有日本feel，又有屏風分隔或獨立房間可選，比較有私隱！食物都還算不錯：炸沖繩苦瓜件很香脆，口感幾特別，苦瓜好薄，唔油膩；串燒雞中翼夠入味，味道不錯；鮟鱇魚肝豆腐既海帶太咸，要夾埋鮟鱇魚肝豆腐一齊食比較好；串燒雞肝、串燒豬肉露筍卷及串燒雞腎無乜特別，不過不失；牛舌岩鹽燒好juicy，牛舌厚身爽口，完全唔靭，加埋檸檬汁真係好食到想叫多串自私食；胡麻菠菜油揚沙律好開胃；花木仲買人特選壽司拼盤好精緻，幾鮮味，但唔算突出，可能擺太耐先食！呢度環境舒適，適合聚會，下次可以再嚟試吓其他食物！

這家日本餐廳 小編bookmarked了好一段時間～ 看見網上評價不錯的 環境優雅別緻 而且某些時段還有50% off 訂座優惠！於是前陣子跟朋友約會 便決定來試試囉☺️_這次來到點了四道菜 每道菜賣相都很精緻🌸 只不過呢 味道上 真的令人有點小失望呢😣_{花木激安刺身盛 $398 🍣}這刺身拼盤 有十款不同時令刺身 有三文魚 帶子 油甘魚 海膽 吞拿魚等～ 每款刺身都新鮮厚肉 雖稱不上很鮮甜 但以這價錢&份量 質素尚算可以🙈_{網燒日本和牛 $388 🥩}這款是沒折扣的喔～ 每片和牛都充滿油脂香 蘸上燒汁更是惹味😚 可惜肉質未至入口即溶 肉味也不夠香🙈_{黑松露鰻魚卷 $168 🐟}鰻魚肉質緊緻嫩滑 配上爽脆的青瓜絲 跟煙韌的珍珠米 口感是挺豐富的😚 面頭還有點松露醬 令整件卷物更香口～ 雖然不是什麼很有驚喜的東西 但也不錯吃的😝_{和風炒雜菜 $78 🥬}反倒這個炒雜菜挺好吃的 哈哈哈 雜菜清甜爽脆 炒得剛剛好 不會太硬 不會太爛👍🏼 加上類似照燒汁的醬汁 味道香口 不會單調～_整體來說 這家的食物質素其

上網找日本料理找到呢間中高檔次位於尖沙咀既餐廳，環境座位廷寛躺，裝修都是新的。是次主要點了三款刺身包括牡丹蝦、帶子同油甘魚。食材全部都非常新鮮，另外叫咗十件壽司由廚師安排的也全部十分好食，特別係珍寶帶子，真係超大件同新鮮。熱食主要係串燒，雞腎同粟米尢其出色！最後係日本野菜炒麵，入面有大量日本椰菜，加上雲耳令炒麵更加爽同減少有油膩。整體都非常好，可以再encore😋 下次可以試下鹿兒島和牛套餐，嘗試日本和牛嘅質素！

Hubby終於唔駛OT，我即刻上open rice响尖沙咀揾日本嘢食。其實剛過去星期四晚和友人去過一間上樓嘅日本餐廳都唔錯，但自私D，始終想揾另一間未去過嘅，可以又試新嘢。最後揀咗呢間花木，hubby同我都未食過。入到餐廳reception area，已經覺得裝修好靚，坐低見到兩間VIP房間的簡單裝飾都好舒服。我哋張枱遠遠可以見到師傅在預備刺身壽司，感覺幾正。Hubby一人加$158任飲包括啤酒、威士忌丶清酒丶燒酌及汽水，最後佢飲咗3杯Asahi，扺！食物就叫咗波菜沙律丶壽司10本丶蟹膏軍艦丶串燒沖繩黑豚丶香蒜牛柳串丶鷄翼丶多春魚丶白鱔丶雞皮及網燒日本和牛。員工服務包括靚女receptionist丶男女侍應丶經理，每位都有親切笑容，并有洽到好處的服務。我哋覺得呢間性價比高，一定會再來

呢排好似又有好多朋友去旅行, 上星期我個best friend先去完英國, 今個星期又到我另一班friend去澳洲, 真係爽…… 唉, 我用晒啲annual leave, 都唔知幾時先至可以再去旅行, 好想去旅行呀!!! 放工諗住約個friend去食Yorkshire Pudding, 點知食開果間無開, 行行吓見到呢間叫花木既日本餐廳好似唔錯, 就決定試下, 下次再食英國野啦唯有! 7點鐘黎到, 唔算好多人, 呢度個裝潢好特別, 帶有少少中國風, 但係又不失日本餐廳既高雅時尚設計, 枱與枱之間既空間都幾大, 所以一啲都唔迫, 好舒服, 而一邊聽住餐廳播既音樂, 今晚好似過得特別輕鬆.我地叫左個磯煮鮑魚, 個鮑魚煮得剛剛好夠冧而又夠彈牙爽口, 一咬落係好鮮甜既鮑魚味, 軟滑度極高! 旁邊紫蘇葉上面係鮑魚啲腸同內臟, 以前去韓國食過鮑魚內臟粥覺得好鮮甜, 原來咁樣整法都一樣咁好味!我friend係鰻魚控, 見到黑松露鰻魚卷, 無可能唔嗌, 嗯! 好正!!! 估唔到黑松露同鰻魚係咁夾, 入口係滿滿既松露香, 加上鰻魚本身既魚油脂, 魚表面微脆, 整個combination簡直係恰到好處!

蜜蜜最喜歡食蟹，所以今天為他準備了蟹宴。環境是參照日本餐廳的，冷氣好大，記得要帶一條披肩。刺身好味，整体都好新鮮，賣相亦十分漂亮。凍蟹腳，肉很小，可能是錯了季節。整体對蟹都有一點失望，因為不太鮮甜，肉又很小。有蠟燭在下面加熱，這個味道好夾，我喜歡這個組合。其實整個蟹宴除了蟹不是太鮮甜，和肉比較小之外，其實味道是不錯的。份量亦足夠作晚餐之用，不怕太小不夠吃。下次一定要選在蟹的季節才出發去食蟹宴才好哦！

放工約咗男朋友食飯，最近都好耐冇食日本野所以就搵咗一間日本餐廳食飯，依間餐廳都幾方便就喺尖沙咀附近，上到去都見到幾多人，不過好彩都唔使等位入面嘅座位都幾寬闊坐落都幾舒服，不過嗰日去到人多嘅關係所以都有啲嘈，有好多嘢食都勁想食，而嗰日最想食嘅就係刺身同埋壽司，所以我哋就叫咗一份壽司拼盤同埋刺身拼盤壽司拼盤嘅質素都好高，有拖羅、帆立貝、海膽、三文魚、牡丹蝦，所有嘅壽司睇落去嘅顏色亦都好新鮮，食落去非常之鮮甜菠蘿嘅味道真係非常之難忘，海膽亦都好香甜其他嘅水準亦都好高，食完都覺得好滿足刺身拼盤方面，分量唔算多但係亦都睇得出好新鮮，帆立貝同埋海膽仲有新鮮嘅油甘魚都係我嘅最愛呢度嘅刺身質素真係要讚下然後仲叫咗一份炸雞同埋天婦羅雜錦烏冬，炸物因為係即時準備嘅關係所以等嘅時間都比較耐，但係睇得出炸物非常之新鮮唔會係返咋或者放左好耐非常之推介天婦羅雜錦烏冬，因為價錢唔貴但係份量亦都好多味道亦都非常之新鮮脆口，整體來講成餐飯都幾滿意

環境很好，地方很乾淨。因為做了booking，入座也不用等。而且2人可以坐4人坐，坐得很寬敞。服務員很有禮貌。因為第一次來也不知有什麼好食，但服務員有推薦，而且也很好地提醒今日有什麼折扣。這個真的不錯，如果沒說就真的不知道那個抵食茶也很好味，忘了問是什麼茶，但很香。添茶又很快，但是就熱度不夠，如果可以熱點就好。食物方面，魚生真的很新鮮，點了個十舊的， 排得很漂亮，也很好味綠茶冷面也很有水準。玉子壽司可以，希望可以有單點的玉子燒價錢合理

1:05入座，好快我地4人就落單，一直等，等到1:36上左一個餐，1:40上多2個，第4個餐1:48先上。太過份。拉麵係咪好難整?要咁耐?!中途叫過侍應生追3，4次，他回應係整麵ge餐都係同一個師父整。咁大間野得一個師父做野，我地得1個鐘食飯ge客人係咪即係叫我地唔好幫襯?!