花甜囍室 (已結業)

好有薑味、淺嘗一啖已經暖到入心！過咗中秋，天氣明顯轉涼。出街都要帶條頸巾🧣。今天試咗花甜囍室嘅薑汁歐蕾，真係喺涼涼哋嘅天氣；給我帶點驚喜。本來想試佢哋好出名嘅花現黑糖愛珍珠；但係買緊嘢嘅時候，已經聞到濃濃的薑味，令到我轉左呔，買咗杯新鮮嘅薑汁歐蕾。飲咗入口，薑味好濃，好快暖身。佢個味道亦好大眾化，連我男朋友唔鍾意飲薑嘅都可以接受，真係好叻呀！等左一陣，已經見到有啲媽咪帶住小朋友嚟買佢哋嘅花園黑糖愛珍珠。聽啲媽咪講，原來係佢哋開張嗰日有贈飲，之后小朋友已經立刻愛上！ 我男朋友唔執輸都叫咗杯，啜左一啖，佢啲珍珠係暖嫁💕🥰，連埋啲鮮奶真係好好飲，味道好夾而且唔係太甜。只可惜兩個人飲真係好快飲完😚下次再嚟呢個係必買嘅👏員工講解尚算清晰，有禮貌；等候時間唔係太長，大約5至10分鐘。係可以接受嘅。

台灣來的花好月圓 門面和外賣紙抬好有古典美🎑🎑.🍮黑糖珍珠厚奶$30🍮虎紋不錯 珍珠微暖 走Q彈嚼勁路線💁在無添加糖下 黑糖味天然亦比一般少甜 只是黑糖有點不夠濃😐(可能我已經飲過甜野😂) 而且份量可以更多 與牛奶搞拌後不見了黑糖👀.🍊小柚柚茉莉綠茶$32🍊呢個反而更合我心 大片又多片又香甜的西柚 還有很多果肉 綠茶清甜不甜膩 仲要好大杯 抵飲👍

台式飲品店而家開到多過便利店, 當中有好多過江龍🐉, 當然有啲排晒長龍, 個名好響但唔好飲😂, 但又有啲味道相當出色架喇 (要俾幾十蚊買一杯😏, 咁當然要揀啲有質素嚟飲喇!)喺太子開左間喺台中叫 🌸花好月圓🌸 , 但嚟到香港叫 💢花甜囍室💢 既茶飲店, 呢間就係屬於出色既之一喇👍🏻首先個店名已經吸引左我 , 感覺好囍慶, 好甜, 好團圓😍😍😍😍😍店主邀請試左兩杯極出色之作 - 🌸花現黑糖戀上厚鮮奶黑糖味極香, 🍼 4.3既牛奶勁醇勁滑, 全杯最出色係先煮後燜兩小時既 "黑糖珍珠", 珍珠比市面上既細少少, 而且暖暖既, 超級彈口, 吸一啖就滿口超 Q彈珍珠加超滑既鮮奶, 感覺好濃厚😋🌸小柚柚茉莉綠茶西柚味同茉莉綠茶超夾, 感覺非常清新, 😍 最驚喜既係西柚係原個起肉, 果肉中間既絲膜通通取走, 所以成杯野完全無苦澀味, ,極之清新! 店內仲有好多 "好茶"好奶"好鮮"好神"好味"好味"選擇,

果日新開張見是買一送一，好似幾抵下，又見幾多人排下隊，應該味道唔差掛，也可能大家都係貪佢做優惠免費送一杯，加上所以冇咩事情做咁順便都排隊試下，點知好失望。包裝挺可愛的，是圓身杯的，免費果杯會標注是免費的，重點是免費果杯竟然同付款果杯味道唔同的，付款果杯一飲落去已經冇鮮奶味了，純粹是糖精加粉沖水，好似豆奶味果類，反正就飲唔出鮮奶，另外，d珍珠走向比較細粒，可能寫得太耐時間，所以就偏向軟身，就食唔出堅韧同彈牙感覺，再試果杯寫住免費果杯了，我的天了，完全幾乎好似飲水咁，真係咁嘅黑糖鮮奶都有嘅，唉。

又一間過江龍台飲花甜囍室，自來台中嘅花好月圓易名登港當中有幾少見嘅洛神花甜梅，而甜梅更加響台灣入貨，酸甜清新，個味又唔會話好酸好刺激，但一定夠哂解渴另外啜咗啖朋友杯黑糖珍奶，珍珠比平時飲開嘅細粒少少，口感軟腍黑糖味香，都唔錯，但我會推洛神了梅多啲囉✨ 

今日咁岩收到朋友whatsapp, 只需show 段whatsapp便有優惠，所以經過附近時就去試下😀叫了一杯花現黑糖愛珍珠（黑糖珍珠鮮奶）原價$30，有優惠$15🤪一接過手時杯底珍珠是熱的（因為他們標榜珍珠新鮮煮好），上面的牛奶是凍的一飲，黑糖香甜，牛奶味好香好重，珍珠質感彈口而不難咬☺️👍🏻 看到他們的來貨，牛奶是用meiji的🤣不過略嫌冰量略多，同埋太細杯🤣（因為限定中杯，甜度同冰量有固定比例）

路過剛見到新開張，做緊買一送一優惠，覺得一試無妨。拎上手黑糖掛杯好靚，珍珠底好暖。因店員話甜度同冰量都係固定，已有心理準備肯定好甜...第一啖入口係好香好暖既黑糖珍珠，一啲都唔覺得係好化學，亦唔會太甜，好有咬口...係有温度既珍珠跟住飲一啖牛奶，係鮮奶，好香濃奶味...買一送一真係好抵略嫌冰量稍多，但整體係水準以上，性價比高會再幫襯見其他人幫襯啲水果茶系列，橙橙紅紅，又有片新鮮西柚，打卡一流。裝修好揼本，成個店面都係打卡位，好多人聚集