花甲年華

營業中

休息中

因為之前喺屯門分店食過，覺得幾好食又多花甲，所以今日心血來潮想食就去咗元朗分店買外賣喇。之前都有睇過元朗店D負評，有講員工態度差，所以有晒心理準備，去到又覺得ok喎，又有講花甲好細隻，今日我終於體會到。因為呢間分店真係比較近屋企啦，所以咪試一次佢，點知真係伏，買咗3個餐，滿心歡喜拎到返去一打開，其中一個餐水煮肥牛花甲鍋冇花甲，係''一·隻·都·冇"，點解可以咁，其實花甲先係主菜喎，以後唔會再幫趁!

試咗呢一間新開嘅花甲粉佢係位於美食廣場入面嘅本身其實都好期待 出嚟比較失望圖片見到花甲超細隻同埋粉絲係煮得太過林 係會好碎同埋好爛湯底食到一半已經係覺得好漏完全不推薦

冲着专营花甲粉来吃 在香港吃了很多家花甲粉 点过很多次外卖 从没见过这么离谱的花甲粉 气到吃不下 点的是鱼柳花甲粉 结果鱼柳不是鱼柳 花甲小得可怜 简直要拿着放大镜才能看到花甲 肉吃进嘴里简直小过蚊子肉 在我家里抓几只蚊子肉都比这里的花甲肉多 口味就更不用说了 非常差 除了辣味没有其他风味 点的微辣 简直辣到爆炸 吃看不懂微辣这两个字吗 如果不明白微辣和爆炸辣的区别 建议商家取消辣度选择 直接给大家来个吃辣挑战 赢了的就不必为一碗有难吃又辣又没花甲的花甲粉付钱了

睇到訂單話等待15分鐘 所以過咗10分鐘我就去問 係咪差唔多得 點知佢喺度整緊自己野完全冇睇到有單 我講佢先開始整最後我等咗半個鐘 之後食淡茂茂無味 問佢攞啲豉油佢話冇 問佢攞鹽佢都話冇 我都唔明點解煮嘢食可以冇呢啲咁嘅調味品定係佢特登唔俾 同埋佢要我等咁耐唔好意思都冇聲

今日外賣咗無骨魚柳花甲粉絲，追加咗肥牛同埋蟹柳，即係碗粉絲要有魚柳，花甲，肥牛同埋蟹柳！但我拎份外賣返到屋企，打開錫纸之後摷均成兜粉絲都净係揾到肥牛，花甲同蟹柳！再打開碗淨湯撩下，都係揾唔到一件魚柳！但錢我就比咗！外賣無仇報！之前試過一次佢比漏咗追加嘅連藕餅，我有問佢有無電話可以打返電話比佢，但佢話無！上星期我同樣買魚柳花甲粉絲追加肥牛及蟹柳已試過一次又係比漏咗魚柳！今日係我遇上嘅第三次，忍唔住要劣評下佢！要再幫趁佢外買的話，提提大家要即場打開check清楚先攞走可以避免損失！此外提一提，佢嘅所謂花甲唔係次次真係花甲，好多時係用蜆代替，花甲同蜆根本就係2回事！但佢打正招牌話係花甲！睇你好唔好彩！

叫左一個花甲粉絲等外賣半個鐘都算喇！返到屋企！發現係無粉絲！即刻過去話退錢！個阿姐同我講以後唔幫襯唔緊要！咁既服務質素係food court真係第一次見！混亂不特止！態度惡劣之極！唔好不可一世以為自己好好生意！花甲粉熱潮過睇你地執！大家買外賣小心無緊啲野！

Yoho mall 既foodeli 真係花多眼亂😍樣樣野都好想食！最後揀左要行到最埋邊先搵到既花甲粉😌其實眼見都唔少人食緊呢個包住錫紙既花甲粉！忍唔住都叫左個試下😌🍜 珍寶肥牛花甲粉 $65配左粉絲、香辣蕃茄湯😇😇 一打開個錫紙，啲香味已經湧緊出黎了😍😍啲粉絲完全吸晒個湯底精華！蕃茄湯唔辣真係唔夠惹味，所以好彩我叫左，成個層次昇華晒😍另外啲花甲都沉晒係底～ 大家食記得要撈埋底呀🤣 雖然花甲size真係有啲細，不過粒粒都好乾淨！肥牛份量都唔少🥰 夾埋一齊食超好味🥲值得一試🤪

花甲年華聽朋友介紹係元朗Yoho Food Court隱藏左間好店，極力推薦我一定要去試❗🤜🏻🤛🏻講到咁緊係要搵埋母親大人👵🏻一齊去試下究竟有幾好食😝😝呢間花甲年華係全個Food Court既最深處，一路食可以望住元朗個景🏙朋友推薦南充酸菜魚花甲湯🍲酸菜魚同花甲都浸左係最底，唔好以為得好少，咁先索哂啲精華🤪食落去好鮮味，有少少麻🌶仲有金菇同芫荽，全部都索哂個湯，正👍🏻👍🏻👍🏻用錫紙包住仲可以keep住溫度🌡慢慢食都唔怕凍哂🔥另外仲嗌左個烤焗茄子🍆一黎到已經嗅到好香🤤茄子上面佈滿超超超多葱同蒜，岩哂我重口味👅💦朋友果然無介紹錯🤩🤩

南充酸菜魚花甲湯$68酸菜魚第一次咁樣食法，用錫紙包住，都幾新穎特別。一打開一浸酸香撲鼻而來，令人流晒口水。湯汁酸酸哋唔太辣，反而有小小麻，更加刺激口水分泌同食慾。花甲令湯底好鮮甜，酸菜酸爽，魚肉嫩滑，底下嘅粉浸住湯汁，惹味又爽滑。珍寶肥牛花甲粉$65湯汁顔色睇上去好辣咁，其實一啲都唔辣。花甲嘅鮮甜加肥牛嘅甘香令湯嘅味道好特別。肥牛份量好多，食落Q彈有口感。金菇同肥牛係永遠嘅絕配，索晒啲惹味湯汁，爽口又好味。底下嘅粉絲略嫌腍咗小小。焗茄子$30茄子多肉多汁，又滑又香，厚厚嘅一層蒜蓉加蔥花，濃郁嘅蒜香味令人流晒口水。

傍晚去YOHO MALL睇戲📽睇完就喺附近近近地搵食。大商場一般餐廳收費都比較貴，而Food Court價錢就實惠好多，而且同男朋友可以各自揀自己鍾意食嘅嘢😛今次其中一間揀咗Food Deli入面嘅花甲年華。無骨魚柳花甲粉絲（蕃茄湯）連紙包飲品 $68除咗無骨魚柳同花甲之外，入面仲有啲金菇、蕃茄肉、蔥粒同芫荽✨分量好夠一個女仔食😛上次試過胡椒湯，雖然好暖身好惹味，不過好似有少少蓋過花甲鮮味。今次揀蕃茄湯，蕃茄味唔係太濃，反而清清地突顯到海鮮清甜味🤤整體CP值都好高，Food court環境都好乾淨，對窗口位望住元朗街景都好舒服🌙

Lunch唸唔到食乜好，於是上左food court食花甲粉。呢間花甲年華既花甲粉有好多唔同配搭，本人鐘意食魚，就叫左個南充花甲粉。個湯夠味，少辣帶麻，香氣都夠既。佢唔係用瓦煲，而係係入面包層錫紙，保溫OK，但始終用瓦煲就更正。🤪🤪🤪花甲細細隻但算新鮮，魚就係魚柳，有陣雪味，呢個麻麻地。配菜唔算多，得一棵娃娃菜、一札金菇。因為我唔想食飯，就轉左做河粉。河粉索曬湯底既味，食到停唔到口。😋😋😋呢個餐跟一個飲品，我就揀左綠茶，解辣都OK！

酸菜魚配白飯$68魚無味花甲無味粉絲一夾就斷 加半棵娃娃菜湯無味唔酸唔辣另外自己加咗金菇 +$6所以唔肯定本身有冇金針菇豬手 +$204大舊有酒味但唔濃爽口 如果用加配價錢可以試吓茄子 蒜味+$15還好 偏細 唔入味但最差係員工落單個個女仔講完唔該想落單佢仲整自己嘢慢慢行過去然後一句野都冇講就等我出聲十問九唔應同一個問題問2次都可以無視比單直接揸爛無對單又真係漏咗野比我我即刻講返漏茄子佢直接將成個碟都係油既茄子我要用手接住

消費券到手，當然要去行街！去左yoho mall, 行到攰諗食咩，最後決定去food court, 第一次去foodeli，比想像中大，座位亦好寛闊，揀左去最入面嘅花甲年華;-) 望住夜景食，感覺不錯！友人叫左小辣花甲粉，好惹味，戴住口罩都聞到香味！我就叫左軟殼蟹花甲烏冬（要加5蚊），不過就傻豬豬地叫左清湯…無比較無傷害，確實係太清，清到無咩味，好彩都多花甲，軟殼蟹都好正！！送一包紙包飲品，整體都ok la！

元朗Yoho竟然有一間food court,都幾大，行到最入搵到呢一間舖，咁我就叫咗一個最平嘅粉， $58 ，係小辣嘅花甲粉。我覺得個湯底係好惹味，我都數過總共有15至17粒蜆，料係足，而且仲包埋一包紙包嘢飲，價錢正常。我朋友叫咗個軟腳蟹，要$78 ，我就覺得唔係幾抵，佢仲要叫清湯烏冬，有啲唔係好夾，清湯其實真係冇咁惹味，食唔到嗰個感覺。軟腳蟹得壹件，有啲唔係幾夠喉。因為喺food Court度食$78都係有少少貴

位於元朗Yoho一期二樓Foodeli內一角，要行到最入才見到。花甲粉湯底有原味、胡椒和番茄，選了胡椒味。上桌用砂煲盛載，粉和湯都用錫紙包實，應該是原煲焗而不是煮的。打開錫紙一看，起初有點失望，花甲只見到幾粒，幾條金菇，賣相麻麻。試一啖湯，還算清甜，胡椒味足夠。試一口米線，唔錯，軟硬適中，不會太過腍啤啤。試一隻花甲，新鮮，雖然細細隻但不韌，好吃。但是為什麼花甲愈吃愈有？摷吓摷吓，原來全部沈底，整碗米線總共有19隻之多，之前以為得幾隻是錯怪了它。想吃得清淡得來又夠味的話，是不錯的選擇。