花甲年華

營業中

休息中

叫左 $77 花甲鮮蠔仔，圖片望落去就有好多蠔仔，成煲嘢搵暈得三粒，仲要啲蠔仔係咁嘅樣。自己衡量，一啲都唔好食。味精湯底。就係呢粒所謂嘅蠔😂😂😂 係有三粒嘅🥹🥹而且白飯係凍嘢，飯粒偏硬身，花甲唔新鮮，蠔仔味道酸，一食就食得出係唔新鮮， food court質素嚟講，都依然係中下，唔會考慮下次幫襯。睇圖片係有10隻蠔仔，至少，觸犯咗商品說明條例😂😂😂好失望！，而且湯底得個鹹字，同埋大量粉絲。。。。

所謂嘅胡椒湯底湯底真係好淡，除咗有少少胡椒味之外，味道冇咩層次感，簡單啲咁講，係清水煮胡椒。正宗嘅花甲粉應該有鮮味同香氣，但呢個湯底就係冇呢啲特色，真係令人失望。而家講番份量，真係好少，食得唔夠飽。我覺得餐廳嘅圖文宣傳同實際上上嚟嘅食物差距好大，嚴重圖文不符⋯而豬肉有明顯嘅雪藏味，味道唔好食，譚仔都好過佢！仲要有兩隻係唔開口死蜆，食材好唔新鮮！另外，餐廳嘅服務都好唔惦，冇順點餐順序去整，遲點先上餐，嬲！

今晚打算去呢間食飯，收銀話要等半小時先有嘢食，諗住半小時都唔係好耐就照買飛等食，點知等咗半個鐘有多都仲未有，走去問佢，佢話仲未整到要繼續等，眼見有好多人都問幾時有嘢食，最後足足等咗一個半鐘先攞到其中一份，另一份餐等到同行朋友差唔多食完先可以攞到。等嘅時間耐不特止，中間仲見到餐廳員工去其他餐廳問人有冇飯多可以攞嚟用，仲見到個員工隻手執完啲雞肉落碟比客，之後隻手抓完頭又再繼續執嘢食，衛生意識有待改進。

食得多大型連鎖店真係好悶😕連Food Court 都係來來去去個幾間…無意中搵到呢間 〈花甲年華〉分店唔多，平價一人一煲熱辣辣的花甲粉佢仲有雞煲，酸菜魚 等等，辣度都可以因個人的接受程度選擇。份量對男士來講可能會少左dd 個女仔應該會夠飽～叫多一兩個小食都差啲食唔晒😆想飽啲可能唔好配粉，跟飯應該就好啲～價錢公道唔貴～貴跟餐送飲品～🍲 酸菜魚同花甲都好足料～一個煲加兩個小食，都係$115左右～小食都唔錯～🌶️ 不過辣度無得選擇～

在openrice評論一般但因為花甲粉這個菜式幾吸引就去試伏有點多此一舉用錫紙包住再用沙煲有13隻花甲，米線，酸菜魚湯底也不錯魚片爽滑驚喜份量都不算太少只是display模形太靚，令人期望太高

係銅鑼灣揾食，平平地嘅就周圍都勁多人，係hysan place依個food court 有好多好野食，平靚正，性價比高🤩🤩🤩一開始吸引到我嘅係好香嘅花甲味，同見到其他拎住一盤盤好精緻嘅錫紙包鍋，賣相好吸引🤩🤩🤩好，就決定試下啦！佢有幾款餸揀，無骨魚配花甲，睇落好吸引，就試依個一打開錫紙個下，好香丫再試埋個無骨魚，好好味丫好滑，好嫩，好入味!估唔到food court 有依個質素！香濃嘅花甲湯配白飯係一絕！

有一次經過希慎廣場food court見到好多人食呢個花甲粉，好香，我就一直想試，所以今日我就叫外賣自取，我叫咗花甲蠔仔粉絲 加娃娃菜 香辣蕃茄湯 我係叫外賣嘅 湯同粉分開咗幾好 成碗嘢，連外賣盒$92 本身好期待 開到嚟睇成碗嘢，全部都係粉絲花甲超細粒 只有10隻左右 蠔仔冇乜特別，但都係得好少，一定唔會再食，以前大陸食過又平又好食，原來香港真係兩樣嘢嚟

去到food court, 好似執左好多間，黎到見到呢間花甲年華，好似好多人食喎，佢用錫紙包住好似好得意好正咁！今次我就叫左花甲酸菜魚，佢指明左係2隻辣椒，屬於少辣程度，一收到時覺得好似幾得意咁，感覺好似雪山丫，不過一打開就有少少失望，好似咁少咁嘅，即刻由好得意覺得錫紙係左唔洗洗碗😅一食第一啖，唔夠酸唔夠辣，不過d魚都係滑嘅，佢包嘅竹茅根，竟然係唔凍，食辣野冇凍嘅飲真係好難頂！我諗食一次都夠啦！不過可能新開真係好多人食！

勁後悔叫左 張相勁靚勁多蜆咁星期五晚去 等都等左15分鐘 小食會比左你先黎到得個5 6隻蜆 仲要個湯底得味精味份量唔多 女仔食完都唔係好覺飽食food court隔離第間米線好過

叫左一個胡椒豬肚肥牛花甲粉個湯底正正常常另一個酸菜魚花甲米線好唔掂食食下喉龍好乾感受好重味精蒜泥白肉食左兩三塊都咸到食唔落無咩事我都係食返pepper lunch先

今日一個人，第一時間諗到去Food court。印象中銅鑼灣的Food court 只有兩個: Timesquare 及 Hysan place。其中的 Hysan Place 餐廳選擇比較多及價格比較貼地。Foodcourt 用餐環境寬敞、位置多、容易揾位。不用中央點餐，到心選餐廳下單後才揾位也不怕。餐廳選擇多樣化，價格也比較親民。有連鎖餐廳: Pepper Lunch Express、Coco 壹番屋、譚仔三哥米線、Mos Burger 又有獨立的 Soul Food Tuck、Toast Luck 、花甲年華及 Chatuchak。當然要支持小餐廳，上次食過Chatuchak ，今次試下【花甲年華】。餐牌以花甲粉為主，另外可以併其他配料如肥牛、豚肉、魚片。有些特色配料如豬大腸、蓮藕肉餅。種類豐富。難得有午市套餐，雖然只有四款花甲粉選擇，但是劃一$65 而且送飲品，都叫抵食！單叫這個【無骨魚片花甲粉】要$69，午餐只要$65還送飲品。花甲粉是放在錫紙內。用上瓦煲盛載但不是熱辣辣，只是裝飾。打開錫紙，食物賣相一般，跟餐牌上圖片相差甚遠。可能併了魚片所以花甲數量少只有約十只。花甲無沙

有一次去屯門行街，見到呢一間花甲粉，就叫咗個花甲粉絲嚟食，食完之後覺得好好食，點知過咗一排銅鑼灣就開咗分店，超開心，麻辣花甲粉絲味道真係一流，再加一個醉豬手，真係冇得輸，兩樣都好好食

今日系銅鑼灣做野好餓吾知食咩好，無意中系希慎foodcourt發現有間食花甲粉既。竟然係foodcourt有我最中意食既燒蠔同燒茄子。叫左原條烤魚花甲粉絲。80蚊加10蚊有肥牛。花甲粉份量都ok，魚好大條花甲都好大隻，有11只。再加6只蠔同燒茄子。6只蠔先99蚊，都幾低食。而且仲好新鮮同肥美。茄子正價32蚊，小食跟粉仲有優惠減10蚊。都幾大條同埋多肉。最緊要系距上面既蒜系炒過既，特別好味。個staff仲推薦左土豆絲同爆漿紅糖糍粑，不過一個人食吾曬，下次要再來試下。

點餐到上菜大約10分鐘今次試左中辣湯底配粉絲（約譚仔三小辣）好惹味同鮮甜花甲同蠔仔都份量十足 有成十幾隻少少食上癮孜然蒜蓉 茄子都好好食即刻燒好多蒜蓉！！熱辣辣！會回頭！

店名: 花甲年華地址: 銅鑼灣軒尼詩道500號希慎廣場11樓1111號舖銅鑼灣站F1出口環境: 3.5/5價錢:4/5味道: 4.5/5紅糖糍粑$32一碟有4舊，同平時有一碟紅糖汁比你點嘅唔同🧐😗佢反而係入面有爆醬嘅紅糖🙈🤪以food court黎講，有咁嘅質素絕對有驚喜吃落口仲係好熱好脆口，入面啲紅糖爆哂出黎🥰😍😍😍😍😍😍😍😍😍😍😍呢個價錢有4舊好抵🤩😍😍😍😍🥰