花見月 (已結業)

係大學站附近搵野食 想食日本菜 見呢間係科學園近近地去到發現呢到選擇唔多 而且價錢都幾貴 原過由於科學園好似都冇咩其他野食 就決定都係照食因為去到已經差唔多9點 所以冇咩人 我地分別點左烏冬同海膽親子飯 晚餐set每個都包埋沙律同麵鼓湯海膽親子飯 海膽少得過分 只有3舊 平時日本餐廳都至少有一板 有點對唔起呢個價錢 不過魚生同海膽味道係唔錯嘅半熟牛肉烏冬 牛肉幾好食 不過湯底偏咸總結黎講 唔算好抵食

好日都唔入科學園，今次有人介紹呢間花見月，話係科學園入面比較正常ge一間。但呢間d嘢食我就覺得認真麻麻地，價錢仲要唔平tim，雖然環境真係唔錯ge。內部主要係玻璃，採光同景觀都好好，始終係科學園building的一部分。餐牌，我叫左17號 九州地獄炸雞拉麵 盛惠88加一個湯底都幾辣下，真係幾地獄，但拉麵個重點，麵就真係麻麻地，只係d行貨麵，同出面40蚊一碗果d差唔多。粟米份量都好多，同真係幾甜。個炸雞就OKAY ge, 肉質彈牙，個皮就脆，雞味都有ge。但如果再大舊d就好啦。個味噌湯，好普通，冇咩特別。

路過見到這間推出了新餐牌，是冬季火鍋！ 科學園竟然有火鍋食！即刻就約埋班好同事黎食！餐廳內採用天然光照明，吊燈在足夠自然光下用不著，夠環保！ 我們一共叫了六個溫泉蛋牛肉壽喜燒定食飯/手打烏冬，等待時間大概20-40分鐘。想像跟現實實在差太遠。首先，想知道火鍋沒有火是什麼玩法？ 非常之失望其次是當中有個來到的時候不夠熱亦沒太多湯，估計放太奈了！所以我們再叫多了一個熱湯。 餐牌還有其他定食/刺身總結這一個餐的價錢可以去吉野家食到兩個人份的真·火鍋！

天氣繼續寒冷~~~~.估唔到科學園，現在有壽喜燒食!!!.花月見，早前都有為大家介紹過~~~~.而今次花月見就推出左火鍋系列，一共3款. 專員就選擇了溫泉蛋牛肉壽喜燒定食($128) .不過個鍋來到的一刻係有點失望⋯⋯.因為無火煲住，滾下滾下咁，好失望😞.🐟💬：壽喜燒的湯底幾清甜，配上金茹同津白菜好好食👍🏻.另外牛肉都有五、六片，都算多.專員喜歡將成碗飯倒落去一齊食～～～.不過就會變咗泡飯😆.另一個失望的地方，就係温泉♨️蛋😭.如果再生多少少，有流心效果就好.宜家變咗溏心蛋⋯⋯.🐟💬：.另外專員都叫咗碟三文魚腩（48元3塊）. 唔太大同厚，不過都唔錯，有油脂. 🐟📝：7/10

今晚聽到朋友話科學園食野個VIEW唔錯,咁就同180先生去拍下拖先我同180先生最鍾意就係周圍搵食. 嘩....呢度真係VIEW唔錯, 環境憩靜又輕鬆..夜晚都有唔少人專程黎花見月食飯，當中有唔少家庭一家大細甘黎食.同180先生周圍行,見到一間好特別既餐廳---花見月.見到個餐牌就口裡就充滿口水..我同180先生叫左兩個dinner set既定食套餐，有炸雞沙律，味噌湯，刺身，以及主菜，只有綠茶飲，無包其他飲品。先黎個前菜 炸雞夠香脆唔太乾，以黑醋拌沙律菜，車厘茄及粟米，簡單而清新，好食。味噌湯既味道唔算太濃.每客定食有一粒帶子,甜蝦,三文魚刺身，三款都幾新鮮，帶子嫩而鮮甜，三文魚甜蝦都幾鮮甜.180先生叫左「北海丼」有三文魚腩、甜蝦、海膽、帆立貝。份量不多不少。飯有點唔夠稠,海膽與帆立貝鮮甜無比.180先生叫左「7色魚生丼」有三文魚腩、甜蝦、吞拿魚、蟹子等七款不同味道的刺身。份量不多不少。一樣咁新鮮，好吃 外出享受寧靜，避開吵鬧和人潮，科學園的確是不錯的地方。

科學園係好少入既地，有好多人係果到反工！但果個地方真係好舒服！係一個令人休息既感覺，仲要有日本野食，都幾高質素架！我食左個魚生飯，佢有好多款，可跟個人喜好揀，真唔錯！

之前係科學園做野都食過主要食市～茶記、車仔麵日食、近海傍西餐、快餐店，pepperlunch、楠天foodcourt⋯呢間係科學園唯一日食價錢都中高～樓底高同埋透明望到出面好靚～ feel ok chill~ 成間好光令人好舒服味就好一般 同長期唔爆又未至於unhappy face但好食就一定稱唔上應該都有食過sashimi都新鮮既種類都多 普通燒汁雞飯 sashimi 拉麵 烏冬都有相對之下平價既food court 茶記就爆 亦唔係好味只係份量多比較平價

科學園裡面日式餐廳不多，而個人認為呢間花見月係一間幾高質既日本餐廳首先講下環境，裡面係落地玻璃，自然光充足，很舒適，然後座位位置也分佈得不錯。睇下個餐牌，裡面食物種類也都唔少，有拉麵，熱飯，魚生飯，適合各種口味既人一齊來食。我今次就揀左黑蒜醬油拉麵食，味道很不錯，黑蒜味濃厚，拉麵既麵質亦都係我喜歡既，另外仲有伴碟同餐飲。我朋友就叫左個魚生飯，魚生都唔少，佢表示好好食。我覺得我下次都會試下d魚生飯既價格來講，係科學園堂食既話，都既合理。

一向喜歡科學園環境清靜宜人，而且餐廳選擇眾多，今次看準了花見月店內的落地大玻璃設計，環境優美，所以就前來吃生日飯。前菜:先點了一個蟹肉蟹子沙律，混合起來整個沙律充滿蟹肉鮮味，蟹子亦十分爽脆。海膽冷豆腐的海膽新鮮，沒有苦澀味，但以這樣小的份量為說價錢略貴。刺身:由於有太多道菜想嚐，刺身只點了兩款，分別是三文魚及油甘魚刺身，刺身片厚切，但水準只能說是不過不失。炸物:炸軟殼蟹份量較少，但勝在炸得香脆，蟹肉鮮甜。然而炸雞的肉質比較乾身，還好有清新的柚子醬汁挽回不少分數。炸蠔非常抵食，水準中上。燒物:眾多串燒中最喜歡雞肉棒，嫩滑的雞肉混和了爽脆的雞軟骨粒，味道不錯。反而名古屋芝麻雞翼的肉質相對乾身，有少少失望。最後還點了一道櫻花蝦炒野菜及沖繩苦瓜炒豚肉定食，櫻花蝦的香味滲進了整碟雜菜之中，同時又不會炒得太油膩。特別喜歡苦瓜炒豚肉，連平日不太愛吃苦瓜的我都覺得這碟苦瓜炒得甘甜而易入口，實在難得，加上蛋碎更是為這道菜畫龍點睛，味道配撘得很不錯。

收到好多人問，到底科學園有冇好野食!!??! 🤨🧐於是，小編決定邀請🕵🏻‍♂駐科學員特派美食專員🕵🏻‍♂，為大家不定期介紹科學園入面既餐廳XD香港人大部份都中意食日本野🇯🇵~~所以今次就介紹🎌花見月🎌!!!🕵🏻‍♂駐科學員特派美食專員🕵🏻‍♂：呢間餐廳雖然唔係平價美食，每個餐都接近100元💸💸，但仍然有好多人黎食👫👭👬👭👫👭👬~~~今次專員同朋友就食左「火炙三文魚腩魚子飯」($98)及「三文魚海膽飯」🍱🍣火炙三文魚腩魚子飯：三文魚腩只係燒了表面果層，半生不熟，有入口半融的感覺。而魚子粒粒分明，咬落卜卜聲，送飯一流！三文魚海膽飯：朋友大讚海膽夠晒鮮味！每個餐都會有前菜、飲品／味增湯送架！ 🕵🏻‍♂駐科學員特派美食專員🕵🏻‍♂提提您： 不過大家要早少少去呀，因為接近1點就會開始大排長龍!!👫👭👬👭👫👭👬

大約12點零入座，花見月分為餐廳內同外兩個部份，餐牌都會有唔同。係出面既大部份係烏冬，比較少貴便刺身，而餐廳入面既就係拉麵、定食之類。今日我地去左餐廳入面去食，入面既裝修好靚，落地大玻璃可以將出面既景睇得清清楚楚。餐牌設計都好靚，以橙、白、黑為主，而且表示都好清楚。我地2人叫左2個set，一個係拉麵、一個係刺身，同樣都有配菜。大大碗，而且豬軟骨多、仲有溏心蛋，豬軟骨湯底味道好濃~ 麵係比較粗既微曲麵。而我就叫左刺身，刺身份量唔算多，但勝在食材高質，有超鮮味既海膽、甜甜既三文魚、同埋清甜既帆立貝，加上大大隻蝦。價錢都係$108，所以都算係幾抵食！總結，如果黎到科學園想食日式野，可以選擇呢度呢。

My friend and I went to a Japanese restaurant called "Yayoi Japanese Dining Room" (花見月) located Unit S036, G/F, Lakeside 1, 8 Science Park W Ave, Phase 2, Hong Kong Science Park, Pak Shek Kok, Sha Tin沙田白石角香港科學園第二期科技大道西8號尚湖樓地下S036號舖.The entire restaurant adopts the simple and plain style which uses pure white as the theme colour with dozens of circular glass pendent lights are dotted on the ceiling like stars on the sky.Two sides of the restaurant are floor to ceiling windows with spectacular vie

科學園聽落好似好偏僻甘，但正正系大學火車站已經有接駁巴士循環線，五分鐘左右就去到科學園，其實都幾方便。夜晚都有唔少人專程黎花見月食飯，當中有唔少家庭一家大細甘黎，系寧靜園內少有既人氣日本餐廳!最終都系叫左dinner set既定食套餐，有炸雞沙律，味噌湯，刺身，以及主菜，只有綠茶飲，無包其他飲品。炸雞夠香脆，肉又唔會乾，以黑醋拌沙律菜，車厘茄及粟米，簡單而清新，餓住個肚，零舍好食。味噌湯既味道唔算太濃，但就唔會有一般既味精感覺，所以都還好每客定食有一粒帶子刺身&甜蝦，以及兩塊三文魚刺身，三款都幾新鮮，帶子嫩而鮮甜，三文魚都幾香，唔錯!南瓜番薯天婦羅 (38) - 單點左一客天婦羅，炸粉夠薄香，惹味得黎又不失南瓜/ 番薯既原有香味，幾香口好食!照燒澳洲和牛定食 (258) - 和牛定食大概系半熟 (medium)，呢個質素既牛肉生少少，有啲血都唔怕，就系甘先特別鮮香，牛肉肉味夠香濃，有少少似高級牛肋肉既味道，又夠幼嫩有肉汁，正!!!

今天假日來科學園一帶漫遊，少了平日上班日子的人流，環境憩靜又輕鬆。之已經前來過幾次花見月開餐，感覺食物質素越來越好。早前參加好友在此舉行的證婚儀式，氣氛浪漫，玻璃外牆富現代感，留下深刻印象。假日晚市提供數款套餐選擇，套餐包括有炸雞野菜沙律 、三色刺身、味噌湯和定食，價錢由$188 - $258。炸雞野菜沙律炸雞熱哄哄的新鮮炸好，雞肉選用了雞扒的部份，肉質嫩滑又多汁。沙律菜很新鮮，吃得健康又放心。刺身套餐刺身包括珍寶帶子、甜蝦和三文魚。三款刺身都很新鮮，鮮味十足。味噌湯一般日本餐廳喝到的味噌湯都非常平平無奇，但這兒的湯卻看得出花了心思。味噌湯中加入了雜菌，湯的味道得以提昇。蒲燒鰻魚飯大大塊的燒鰻魚把白飯緊緊地覆蓋。鰻魚的肉汁被豐富地保留下來，口感嫩滑肥美，非常美味！照燒澳洲和牛飯五成熟的和牛鮮味十足，而且肉質軟腍，配合照燒醬汁，風味更佳。牡丹蝦刺身一客兩隻的牡丹蝦眼睛脹卜卜，一看已知是新鮮貨。肉質口感新鮮帶爽脆，上乘佳品，極力推介。想假日外出享受寧靜，避開吵鬧和人潮，科學園的確是不錯的地方。

有朋友係科學園工作，今日放工就入去揾佢食飯，地點雖然遠左啲，但如果揸車其實都好方便，用餐單據仲可以蓋印停車場。地膽朋友話最推薦呢度嘅花見月，食日本嘢好抵。環境寬敞明澄，感覺休閒舒適！七色魚生丼定食 $188炸雞野菜沙律三品剌身野菜滑子菇味噌湯朋友揀的，果然好豐富，一個定食就包含咁多美食，最重要係刺身非常新鮮，唔會有雪味！北海丼定食 $198（海膽、北海道帆立貝、甜蝦、三文魚）炸雞野菜沙律三品剌身野菜滑子菇味噌湯我為咗海膽而點的，真係冇揀錯，甘香嘅海膽令人回味無窮，飯嘅份量亦比想像中多，真係好飽。蟹像味噌牛油果蝦卷 $88店員推薦的，真係冇介紹錯，牛油果味🥑好香，配搭🦐🦐真係一流！玉子壽司 $9/件紫菜芝士年糕 $48唔使多講，芝士年糕係必點的！今餐好滿足，下次會再來的！