芳彩甜品

營業中

休息中

雖然已經回暖反但係間唔中涼涼地嘅時候就想食下暖笠笠嘅養生糖水係油塘中心嘅芳彩甜品做街坊生意價錢貼地又足料今次食左南北杏雪耳燉木瓜（$26）同鮮奶燉蛋白 （$24）先飲一啖糖水暖笠笠又有木瓜香味感覺好舒服唔單只糖水甜 木瓜都好新鮮好清甜雪耳爽口清潤木瓜同雪耳嘅比例好合我心意我覺得木瓜先係主角但坊間好多燉木瓜雪耳 都係好多雪耳但木瓜得三四舊 暄賓奪主跟住到鮮奶燉蛋白滑溜順口 陣陣奶香之前係呢度都食過薑汁撞鮮奶都係好好味薑味濃郁 值回票價！

行完年宵市場番到屋企附近想食d 甜野，見到樓下個間糖水舖頭仲開門播，就同朋友一齊食完先番屋企。睇完menu後就叫左碗熱既清熱香草綠豆沙$20，綠豆沙都幾多豆，豆都好腍身，有沙既口感。熱既鮮奶燉蛋白$24，個蛋白味好濃，食落去都好滑。加一碟擂沙湯圓$20，又即係糖不甩。擂沙湯圓面有好多花生🥜碎，內有芝麻蓉，唔會太甜，口感Q彈！ 新年時食就最好不過！✨✨✨✨✨✨✨✨✨✨如果大家喜愛我寫既食評📝，麻煩幫幫手比個愛的鼓勵❤️，我會寫更多豐富既食評比大家！🤤✨✨✨✨✨✨✨✨✨✨

油塘係一個美食沙漠😂😂要食甜品更加難搵！我搵到一間係抵食，而且質素係中上嘅甜品鋪🍮我同朋友一人叫咗一碗糖水。朋友呢排成日都咳，所以就叫咗一碗滋潤補肺既木瓜南北杏雪耳糖水，價錢都唔貴😝糖水嚟到都幾滿意，因為佢都落足料，而且啲木瓜好甜好好味😌☺️我就叫咗楊枝甘露食，因為穩穩陣陣，應該唔會出事😝😝唔知係咪因為芒果唔當做，所以我覺得有啲酸，而啲西柚粒都唔夠甜唔夠好味！有少少失望😞不過係啲生果少少出事，其他嘢都冇問題😃

你問我最鍾意食咩糖水就係楊枝甘露😍😍我發現我有楊枝甘露情意結，去到邊都一定要嗌😆有冇人同我一樣？每次黎芳彩我都一定會叫楊枝甘露食，因為佢好足料，唔會太甜，啱晒我口味！不過鋪頭比較細，有啲窄，坐得唔係話好舒服😌

喺油塘即興想食甜品本身都唔抱太大期望㗎喇因為選擇唔多黎左最近大本型既呢間叫左個蕃薯糖水同埋芒果綿線冰蕃薯糖水好重薑味有4大舊蕃薯幾高質喎又👍🏻芒果綿線冰就無乜特別正常食到既味道但贏在份量算多下次有機會可以再食個蕃薯糖水

飯後有甜品係開心啲🤩未試過去油塘食甜品, 行過搵到間無乜裝修嘅甜品鋪😃 街坊生意咁, 就試下啦🤣入面啲位真係好細😅 應該租金真係好貴😉但係不斷有人入黎食, 好快已經滿坐, 不過客人都食得好快, 食完就走, 唔會坐好耐🤣 可能坐得唔係咁舒服卦😅😅😅叫咗啲普通野試下先😋薑茶湯圓薑汁幾好飲, 味濃😊果然傳統甜品店😋雪糕涼粉😊配雪糕比配生果更啱我😋因為天氣熱, 食雪糕好啲😙 仲有幾款揀😎另外仲發現好多人叫乾炒牛河同揚州炒飯😱 甜品店點解有呢啲嘅😟 原來係綿綿冰🤣 好攪笑🤣🤣🤣

好耐都冇食過糖水,今晚同阿肥兩個都興致勃勃所以一於落街去搵芳彩甜品~太想食燉奶嘅物體,所以就叫咗呢款鮮奶燉蛋白($24蚊),價錢好平民,味道唔算太甜可能因為加咗蛋白所以都幾清,不過鮮奶味就唔係好夠重,普普通通啦。呢款鮮什果牛奶布甸就貴少少,要($34蚊),呢款睇嚟係阿肥每次嚟到都必點嘅甜品之一,因為有齊晒佢鍾意食嘅生果：包括西瓜啦蜜瓜啦哈密瓜啦同埋芒果,而反而另外嗰個牛奶布甸嘅牛奶味道就重好多啦,口感亦都較實在,淋啲花奶落去一齊食簡直就係絕配由於喺油塘區甜品舖嘅選擇都唔係好多,呢間平民嘅價錢+家庭式嘅食物已經算唔錯啦。

.芝麻綿綿冰 ($42)行完山落返黎想食啲嘢消暑見openrice油塘冇咩甜品選擇 就去左間近近地 感覺上小店一啲估唔到真係有驚喜！！黑芝麻味非常重 冰感真係好綿好綿 (唔識講 啲冰幼細到我會用滑黎形容🙈) 有食梗冰版嘅芝麻糊嘅感覺老闆娘比我將紅豆轉做椰果我讚佢個綿綿冰好食 佢話佢全部綿綿冰都係用新鮮食材整 豆腐 士多啤梨 芒果 每款口味都係真材實料😋😋😋(原本想試豆腐綿綿冰 可惜老闆娘話嗰日冇賣唔緊要啦 比個藉口再去食過！

要說油塘區的糖水店，以前經常跟朋友介紹大本型的本子甜品，但轉手後質素已大幅下降。每次乘坐小巴時都看到芳彩甜品的招牌燈，假期前夕的晚上店外更鋪滿枱凳，很有風味，最愛摺枱摺凳的浪漫今晚不是假期前夕，沒有鋪枱凳，鋪面不大，放不到十張枱，環境整潔有序，找了個窗邊位坐下。可能店內客人不多，店員友善又有禮，主動跟客人介紹餐牌，糖水不用5分鐘便送到。蘆薈豆腐花豆花還算香滑，微甜，蘆薈粒不會過甜，爽口，配花奶吃味道不錯。薑茶小丸子1碗6粒，好像多1粒看起來會比較圓滿。這個小丸子聲稱是獨家供應商提供的，以菜油製成。比起利川湯圓較細小，皮較薄較煙韌，餡料微甜，口感輕巧不漏，味道不錯，確實吃得出與普通湯圓有分別。應該會再帶朋友來試，感受假期前夕摺枱摺凳的浪漫，畢竟油塘也沒什麼糖水好店。

呢間在油塘的甜品店 係要坐在街上的摺枱～天氣仲算涼所以唔熱呢度有揚州炒飯同乾炒牛河原來係乳酪綿綿冰同朱古力綿綿冰我就叫左揚州炒飯 $42因爲入面d配料全部都係我最中意有椰果、小丸子、煉奶😍綿綿冰唔算好大份，反而配料比得好足！另外仲叫左d classic 野雪糕涼粉 $25 (配曲奇雪糕)原本對佢無乜期望嫁，始終都算係街坊小店不過食落去又唔錯喎！ 個冰底唔會無味甜度適中飯後食個甜品真係好滿足呢哈哈 附上menu給大家，其實還有好多選擇！唯一美中不足是，這家小店真的好好生意所以都唔敢坐咁耐呢😂😂😂

油塘區甜品店不多! 真係一隻手指數得哂!😥<<芳彩甜品>>晚上人流都頗多的😉主力為中式甜品!亦有小朋友喜歡的雪糕🍦布丁🍮之類!都是不錯的選擇!😉笨媽喜歡吃"綠豆沙+豆腐花"綠豆沙足料! 豆腐花亦很滑溜~🌸兩者一起吃感覺不會不寒涼😂😂😂小朋友就喜歡這款"芳彩明珠"😍水果新鮮! 配上爽口涼粉, 仲有蘭香子! 一碗就足夠!建議: 除芒果汁外, 如果還有椰汁/花奶就更好!評分: 5⭐最好食物: ⭐⭐⭐⭐環境: ⭐⭐⭐價錢: ⭐⭐⭐⭐服務: ⭐⭐⭐

甜品？係油塘真的沒有太多選擇。。除了木子甜品外，唯一的就是在大本營對面的小店-芳彩甜品。這裡小小店，平日晚上坐滿街坊，街邊全是一張又一張的摺檯，獨市生意火紅，但說到好唔好味就因人而異，偏偏這裡人情味足夠，可能因為甘而將客人留住吧？平日我鍾意食椰汁紫米露，但今次叫了其他。。。就是雪糕紅豆兵，非常想念這味道，就算中醫叫我唔好飲凍野都忍不住口了了！椰奶剛好，比大快活好飲，很當喜歡香蕉船沒有什麼特別，勝在樣子夠傳統油塘晚上沒什麼好節目的，食糖水好像是唯一選擇，我同男朋友都是係度發展感情，哈哈

環境：凌晨好多人，幾乎都係做出面食三手煙，又熱熱芝麻糊：過熱... 而且太濃，唔滑。好難入手，好似要$20-21，街市買8蚊一大碗無論濃度香滑度都比佢拿捏得好⋯唯一好處就真係凌晨營業🤣

I came here with my relatives who were all buzzing for their durian pancakes, which they don't have at this time (Dec) but we settled for their durian sago and pomelo dessert. Whilst I am only a casual fan of durian, I think it had a nice smooth flavour and the smell was mild enough to not offend your neighbors (next table). We sat outside in the dark, wished they had some lights for a nicer ambiance.

天時暑熱，最好吃一客冰涼甜品。於是晚餐後筆者便來到芳彩甜品點了一客香蕉船。香蕉船上盛了三球雪糕（味道可自己選擇），上面再澆上朱古力醬，單看樣子已十分邪惡。雪糕味道普通，尚能食出其味道，好在夠冰涷。香蕉是新鮮的，和普通街邊香蕉沒有分別。總括來說，是一客標準的香蕉船。但如此品質卻收31元，有點兒交不足貨。不是不支持街坊小店，但不做出特色，恐怕很快會被有品質保證的連鎖店所取替。希望此店再加努力，勿讓食客失望。