芳彩甜品

營業中

休息中

果日媽咪爸爸帶我返左婆婆屋企食飯食完飯突然間又想食甜品，所以帶我去左油塘食糖水🤤佢地叫左芝麻糊豆腐花及曲奇雪糕多士配香蕉❤️每次媽咪黎都會食豆腐花🤣🤣🍨芝麻糊豆腐花(可叫凍/熱) $28唔會好甜，不過如果芝麻糊再多啲同結身少少會更加好😝🍦🍌曲奇雪糕多士配香蕉 $33曲奇雪糕變左暖🥹可能多士係叮過黎啦🤣香蕉正常操作，係媽咪同爸爸鍾意食既口感🤤芳彩甜品 (油塘)📍油塘嘉榮街2-4號油塘中心嘉華商場地下B161號舖

由於仔仔想食飯後甜品，所以去左芳彩買鮮雜果牛奶布甸，佢話未整好轉芒果布甸，我地都無所謂，只係見成品將雜果放布甸上面壓爛左個布甸，問睇相見雜果及布甸會分開擺外賣唔係咁嘅，問佢可唔可以分開擺，點知佢地就好勞氣地講：整左啦喎x 3 ，想逼人要左佢，我先回覆：我外賣原因係唔會即刻食先外賣，擺耐左啲味會撈埋仲要變成一坺嘢。點知就比人無禮貌回應下次早啲講及分盒加2蚊，分盒加2蚊我同意，始終成本多左，最後我見佢地肯分盒。雖然廚帥繼續喋喋不休，但我見個仔係到就無再回應佢。心諗我又唔係熟客點知咁多，又唔見你提下啲客，離開後我仔講間舖咁無禮貌下次唔好去啦！廚師果個又燥底，樓面果個又燥底，我都唔知搞咩🤷🏻‍♂️

呢間糖水舖位於油塘，位置正正就係喺大本營對面，算係幾方便。佢哋有唔少嘅甜品可以選擇，夜晚都唔少人，所以就選擇咗買外賣返屋企食。油塘唔算有太多甜品舖選擇，但係呢間做得唔錯。好鍾意佢哋嘅甜品唔算太甜，最好食嘅推薦芋圓，因為佢哋有一款係有餡，係其他甜品舖未見過，亦都好好食。另外仲有食過一啲只可以喺鋪裏面食嘅嘢，例如雪糕飛碟，沙冰等等。整體質素都唔錯。呢間甜品舖裏面都係啲姐姐一齊做，係幾有人情味嘅一間甜品舖。

想食個傳統甜品，見呢間幾多選擇叫個芋頭紫米露然後加芋圓落單個女仔問廚房加唔加得，廚房個阿姐就話加得，15蚊然後我同落單個女仔望住個menu寫9蚊落單個女仔就自動幫我轉左做15蚊有包心圓果個我ok la, 試下囉點知落單個女仔同阿姐一講話係15蚊有包心圓果隻，阿姐又問要大定細我由頭到尾都只係講芋圓，係你改我menu wo我都算最後黎左碗西米露落單過程唔知重覆左幾次紫米露冇咩野都唔食呢間啦簡單一件事搞到咁複雜

冬天同朋友夜晚踢完波，一班人一齊去食甜品，最好天氣嘅食最合適嘅食物，夏天就打邊爐，冬天就食刨冰，我叫咗個雜果刨冰，簡單嘅生果配合糖漿，真係甜度點滿，甜到舌尖都感覺到刺痛，冬天嘅寒冷配合上刨冰，全身嘅溫度都好似降到冰點一樣，真係爽🤪，鍾意食好甜嘅人會覺得好適合，但的確呢種甜度唔係個個能夠接受到😅

個日係食完飯好想食翻過甜品🍮就見到街邊附近有一間，就入左去試下😆見到價錢都真係比出面個啲平好多20-30 蚊就有交易😚雙色芋圓 $33入面有西米，意大利涼粉，紅豆，芋園，包心圓，椰汁，忌廉奶🤩$33有勁多配料🤤😲包心芋圓有兩粒，有咬口🥹西米用涼粉味道正常😝西米份量好多🥸紅豆偏硬，未煮淋，唔係太好食😢芋圓係冷凍個種，唔太煙韌，芋頭味道唔出😟清熱香草綠豆沙 （熱）$22綠豆味好香濃，冬天食佢真係一流😍🥰好暖胃，🤗味道唔會好甜，啱啱好😙幾推薦可以一試😚椰汁紫米露 （熱）$22味道正正常常👀紫米都好軟糯，唔會太硬，但都保留返糯米嘅口感😗😚但最後食到有啲飽，紫米嘅份量都幾多

未試過要特登寫一篇嘢去評論呢間野平時我都會間唔中幫襯今次讚唔落！嗌外賣 嗌左4個漏左2個我係透過Deliver X嗌 個外賣員送左過黎 我地話漏左兩個個外賣員打返電話問點算 （咁啱佢開Speaker）我地聽到個職員話「唔好理啦 送左果兩個先」OK！我地以為佢咁嘅意思係會安排再送返我地等左差唔多半個鐘都冇人送 打去問！！佢話冇收到過電話叫個外賣員送左兩個先喎～我問Deliver X 佢地話唔會同外賣員有直接聯絡咁擺明係餐廳講大話啦！態度好差 仲要同我係到評論我唔會再幫襯！都唔會叫身邊人幫襯！完！

大食小公主油塘區出動👸🤪 ［芳彩甜品］本身食完飯想是但食個糖水就求其入左一間 👅點知有驚喜❤️🚩椰汁紫米芋圓配曲奇雪糕 $35芋圓大約有10粒大細不一芋圓煙靭👍入邊個餡幾好食👍雖然有少少唔係好夠涷 但可以接受因為加埋個曲奇雪糕成碗野即刻昇華左🥰椰汁紫米就正正常常👌總結時間🥰喜出望外嘅小店先係令人哋最有驚喜👍評分時間👅（5️⃣個👸為滿分）食物👸👸👸👸抵食👸👸👸👸回頭率👸👸👸👸服務 👸👸👸環境 👸👸👸👸

芳彩甜品 (油塘)📍地址：油塘嘉榮街2-4號油塘中心嘉華商場B161店⏰營業時間：15:00-23:45🍱食物：三色芋圓 $31 深夜甜品🤤🤤🤤之前食過一次三色芋圓，但唔記得影相，今次終於有機會再次嘗試。椰奶香浓，芋圓煙韌有咬口，仲有滿滿的配料。真係好滿足呀🥰🥰🥰👩🏻人均：$31

< 芳彩甜品🍧> 📍油塘呢間街坊小店一到夜晚就好多人買外賣做宵夜 又平又好味😋🍨雪糕豆腐花 $25揀咗oreo雪糕 好大球🥳🥳係平時嘅1.5倍size😋😋 味道就係正常oreo雪糕嘅味 另外個豆腐花好滑 唔太甜 配埋雪糕食啱啱好 而且個豆腐花好重豆香 出色過雪糕👍🏻👍🏻 兩樣都凍冰冰 夏天食好爽🤣🤣

今次試左花奶桃膠牛奶布甸，非常有奶味，同花奶既配合非常好，加埋桃膠非常有咬口! 想不到令人驚喜的甜品! 加上餐牌多選擇，下次會再來待應亦非常有禮貌，笑容好，而且距離地鐵站都好近好方便，3分鐘既路程享受美味既甜品，下次黎鯉魚門唔一定淨食海鮮! 

同家人食完晚飯後再食甜品見到呢間甜品都幾多街坊幫襯就入左去食叫左個雪糕窩夫配鮮雜果鮮果味道甜窩夫可以 唔太冧 配埋朱古力醬小丸子唔錯雪糕簡左曲奇味店員態度普通價錢都算抵食既甜品份量都大整體都值得一試~

Very very poor experience坐低冇人畀屎，fing好耐手先終於有人嚟落到order。叫一個冰，轉頭又話冇，再叫，然後等呢一個綿綿冰等咗45分鐘唔止都未有。催完佢話整緊，過一陣再催原來根本未整。職員態度惡劣，完全冇半點歉意，一句就問我：咁你而家仲要唔要？明明唔夠人手啲嘢出唔切又要坐到出面full晒人，遲過我嚟嘅又可以先出，管理亂咁嚟，食到一肚氣。will not come back again

食完飯通常都想食甜品，呢間係正大本營對面，馬路邊！食完飯去到都好多人，不過等左一陣就即刻有位坐，叫左個summer同埋一個芝麻糊！價錢黎講仲要都好經濟！味道都ok！食完反屋企都好方便！

話說岩岩搬左屋，搬左黎油塘，每日都發掘緊不同既油塘屋村美食，最鐘意夜晚搵朋友係油塘傾心事，最近就搵到係大本型隔離既一間糖水鋪，亦係油塘數一數二既糖水地鋪，當然要去試下啦！😋😋😋首先入到去，睇下個menu,哇！唔好睇佢細細間糖水鋪，一拎張menu睇發現佢不同種類中式西式乜野糖水都有！肚餓既時候仲有熟食添！真係好西利！佢除左有最普通既糖水 eg 西米露、紫米露、楊枝甘露、豆腐花等等，佢仲有好多好特別既糖水款式架！最後，我同我朋友嗌左西瓜涼粉士多啤梨雪糕，同埋奇趣天地！😋奇趣天地？咩黎架？玩具店？咁就緊係唔係啦！原來佢地既奇趣天地相當有趣！係由紅豆，黃豆粉，煉奶，涼粉，同埋刨冰組成，仲有一球雪糕可以自選添！鐘意食朱古力既我就當然簡左朱古力味雪糕啦！味道又濃又好味！而且夏天食仲特別涼快添！！真係好正呀！又近我屋企！以後都會多多幫襯😋😋😋