英王麵包店

營業中

休息中

有啲人會鍾意甜味比較重嘅抹茶有啲會鍾意回味比較多嘅抹茶👀 自問自己比較鍾意回甘嘅抹茶味今次就係試咗A1 Bakery新出嘅抹茶系列，先講抹茶朱古力忌廉軟包。忌廉香滑而抹茶味道係屬於回甘嗰一種嘅抹茶味，朱古力剛好中和咗黏立嘅忌廉，食完之後都唔會好飽飽滯滯🤩至於抹茶夾心甜甜圈，佢並唔係實心，而係裏面再有抹茶忌廉，不過呢個抹茶忌廉就係屬於比較甜嘅抹茶味道，相對之下我會揀忌廉軟包先整體而言A1 Bakery抹茶系列係一個有驚喜嘅系列，值得一試，絕對對得住佢嘅價錢🤩🤤附上價錢抹茶朱古力忌廉軟包$20抹茶夾心甜甜圈$18

這家的麵包很新鮮，做的也很特別。最近和Godiva合作了這款巧克力牛角酥，好美味，巧克力很濃郁，尤其喜歡上面的巧克力碎。藍莓乳酪麵包有點歐包的感覺，很軟乎。呢間基本個個星期都會買一次。

周圍都有嘅A1麵包舖淨係南昌站附近已經有兩間V·Walk出口附近既A1麵包店舖頭細細、選擇多多最鍾意幫襯佢既芝士包、有咬口得黎又唔會太硬、一般傳統舊式麵包店嘅芝士包都係好鬆軟、而A1賣嘅比較似法包。今次揀左個超大芝士合桃包、切開裏面有粒粒合桃，口感好好我分開食左三餐仲未食完、夠哂抵食，唔怪之得A1咁多分店甜包方面就鍾意食A1既冬甩冬甩種類多到可以打卡全部我都試過哂、麵包鬆軟、朱古力味香甜有彩虹朱古力、士多啤梨朱古力、棉花糖士多啤梨、純朱古力🍩、傳統砂糖味可以買哂咁多個返屋企開party招呼朋友

每朝返工經過一定會買佢，嗰個朱古力咖啡包，個包好大個成一個已經好飽，同埋好實淨，唔會好似食完食空氣咁，上面仲有好多黃豆粉，加上佢入面嘅朱古力粒都好足料，日日食都唔會厭。

A1蛋糕除左好食之外，另一樣好就係 買蛋糕可以即時叫員工寫生日牌🎂 生日牌有中英兩款，生日快樂或者happy birthday，員工會比張紙仔你寫低想要嘅字，之後就會即場幫你寫架啦，超級方便🥰 由於我哋四個女仔食飯，所以買呢款11cm期間限定嘅佐賀穗之香士多啤梨🍓就岩曬！一人細細件唔會太飽。鮮甜士多啤梨配上幼滑且奶香味濃嘅忌廉，配搭完美，好好食😋

A1既三文治質素一向都幾穩定，今日買左公司三文治（$23）做早餐，隔住包裝見到啲芝士溶溶地好吸引。三文治有好新鮮既生菜、蕃茄、煙肉，一層蛋，夾埋佢個沙律醬同芝士好match，如果多小小醬應該更好食。

| ℂ𝕙𝕖𝕖𝕤𝕖 𝕄𝕠𝕔𝕙𝕚🥰 $14要同大家介紹呢個好正既小甜點佢係cream cheese + mochi 口感係軟軟地又煙韌 仲要凍凍地咁食 $14係好高享受😌我搵咗好耐都 好多間分店都賣晒

我家寶貝肥仔最愛食提子包仲要係多提子，我每次經過見到A-1 Bakery都會買，好多時到下午已經買晒了，所以今日特登早少少嚟買。個包最吸引之處係個size成塊面咁大仲要裡面勁多提子😍一食就會食到唔停口，真心覺得好抵食但係最近幾日前經過見到佢地嘅提子包好明顯係縮咗水個size比之前細咗一半，開頭都半信半疑，之後問店員原來係同一款。真心覺得係咪因為多人買，所以間接變相包嘅份量少咗咁多。小朋友最愛其中一款😋

最近比A-1呢個蛋糕燒著左～佢係同Godiva 近期合作嘅限定蛋糕～最外層係巧克力海綿蛋糕，包裹焙茶忌廉～而最內層就係GODIVA生巧克力～海綿蛋糕質素屬中上，不至於好鬆軟，但都算滑質地實在，而且淡淡朱古力香～焙茶忌廉非常濃郁焙茶味，不太甜亦都算滑溜～混合中間生朱古力一齊食，味道剛剛好～生朱古力中和焙茶嘅苦，焙茶又中和返生朱古力嘅甜～甜中帶點茶香，口感豐富，整體食完一個都唔會太膩～值得二次再買👍🏻

新推出～焙茶蛋糕～抹茶蛋糕～抹茶控的我今次選擇了焙茶蛋糕一試賣相普普通通，第一啖吃下，嘩，好夠茶味，蛋糕亦十分鬆軟，正但係食多幾啖之後⋯越食越甜⋯特別係上面個粒疑似朱古力，好甜呀。這蛋糕只能淺嚐，因為實在太甜了，有點兒失望呢亦正因為這個焙茶偏甜，已經再沒有意慾試埋抹茶呢，好彩這次只是買一件品嚐，而不是買一整個。之前吃過A1 d蛋糕係幾好，食剩放入雪櫃放幾天，感覺也不錯的。但這次的新產品，因為偏甜，有點兒失望女

市上咁多間麵包店我相信大家有一定有鍾情人於一兩間我自己就比較喜歡A1 bakery 入邊除咗有個芝士火腿多士係我最鍾意之外另外佢哋仲有一啲小麵包系列都好值得推介麻薯波都有幾種口味每一次黎我定會買啲返屋企今次經過深水埗見到新開左又係自不然走入黎睇下有啲乜嘢好嘢食今次見到有沖繩黑糖卷佢嘅蛋糕都係咁鬆軟，配上好香嘅黑糖味cream成個感覺好match口多多嘅我再買咗一個北海道特選3.7牛乳布甸布甸有好香嘅牛奶味質感好滑鍾意食布甸嘅朋友一定不能錯過

行到南昌V Walk商場，內有A-1 Bakery，店內蛋糕，麵包款式甚多，琳琅滿目，我就揀咗幾款來試。迷你忌廉芝士蛋糕，質感比較香甜，鬆軟。迷你牛角酥，食落鬆脆，帶出少少甜香味。迷你核桃蛋糕，質感都是帶鬆軟，有陣陣合桃的香味。迷你冬甩，上面鋪了一層糖霜，甜絲絲的。朱古力麻薯波波，上面有些朱古力粒，食落質感煙煙韌韌。總括來說這幾款糕餅，都各有特別之處，應該都很受年青人的歡迎，因糕餅款式實在太多，下次我都會去再嘗試多幾款。

最愛就係「英王麵包店」嘅麵包成日會買d 包黎食係商場見到佢，忍吾住入去睇睇有咩岩買😂雖然有好多種同類型嘅麵包同蛋糕個個賣相仲好吸引！如朱古力棒，芝士條，梳乎里芝士蛋糕等等但今次嘅Target 係班戟🤣買黎做早餐～.楓糖班戟 牛油味 $14一袋共有兩個班戟柔軟度高，食落好鬆軟而中間嘅夾層係牛油同楓糖漿牛油嘅鹹香配上楓糖嘅香甜吾會有膩感，好好味👍.朱古力咖啡班戟 $14同樣都係好鬆軟嘅班戟朱古力同咖啡mix得好好濃郁嘅朱古力香配咖啡獨有嘅苦甘食落吾會好甜，吾錯

上次去個同商場第二餅店食完包包,今次係港鐵a出口一上黎就見到呢間a1,所以就決定要去試下啦！！同一般餅店一樣都係有好多唔同種類嘅麵包同埋糕點，不過呢間舖頭就畀到好多唔同嘅驚喜我，有好多平時係一般餅舖買唔到嘅野食呢度都有得食到！！就好似呢個中村藤吉嘅蛋卷咁，係a1呢季最新嘅產品, 係最新中村藤吉在a1賣嘅產品, 有分抹茶同培茶味，我個人比較鐘意培茶味！個蛋卷入口果下真係好鬆軟，仲有真係好香培茶味架，真係超驚喜！當然其他呢度嘅野都唔錯，只係呢個蛋卷我最鐘意

今日見到深水埗（近南昌站）有個新商場，行完街諗住買定幾個麵包聽朝同屋企人食，就黎到呢間麵包店。我買左個朱古力冬甩、七彩朱古力冬甩、台式芝士軟棒。本身只係買芝士軟棒做聽日早餐，但見到冬甩太吸引，忍唔住要買左2個冬甩同屋企人即食。天氣雖然好熱，但啲朱古力都無溶，之前，試過係其他麵包店買冬甩，啲朱古力係溶晒落膠袋度，但呢間整既冬甩就唔會！麵包質地都好鬆軟，好新鮮，相信一定係每日即整！七彩朱古力包真係好靚，小朋友一定好鍾意，而且甜甜地，一下子就食左成個啦！