英記油渣麵 (已搬遷) 新店位置

食完野見到英記原來搬左，感覺到"肚子"仲有一定空間，所以決定走入去填補肚內的不足油渣從前只不過屬於"下蘭"野，今時今日一碗油渣麵已經貴過牛腩、魚蛋麵，以前一定無人會到呢到o既油渣麵用料足，除左香脆o既油渣外，仲有冬菇冬菜葸花，配合富有豬油香味o既湯，再加埋適量辣油(都幾辣下)一齊食真係好好味，食到成身汗都無所謂，如果要挑剔o既可能係麵粗身得來有煮得過淋，但對我來說則影響不大新店環境點都比以前車房好好多，地方大左衞生左，點都食得好味d啦

打邊爐過後…其實我已經飽了…不過好像沒有試過出來飯局而只吃一餐呢…算了~只不過是一碗麵…兩個人share的話其實還可以的了…我好像是有吃過油渣麵…是在車品品嗎? 我已經忘記了…我們要了一碗大的多蔥…食友說這裡的豬油渣是沒有炸過的…肥肉之中帶少許瘦肉…我也有點認同是南瓜所說…這個更似豬腩肉…麵稔…味道應該是上海麵吧…比正常的上麵粗麵還要粗…而且呈方形的…我本身不是特別喜歡吃粗麵的…但這個油渣麵似乎配粗面才適合…冬菇炆得入味…肥肥的很好吃~吃這種麵我都忍不住要下辣醬…而且這裡聲稱是秘製辣椒油呢…我只是落了一點而已…都幾辣呢…不過味道可以再濃一點就好了~最後喝了半碗湯...大量的蔥...我懷疑食友受到電視廣告所欺騙...以為食蔥會聰明點...所以叫了多蔥...哈哈哈~其實我已經夠聰明了...看到有人坐下…阿姐就問要大碗還是要小碗的…這裡只有油渣麵一樣東西賣….在牆上我還看到油菜的了…只是只賣一款麵也可以屹立如此長的時間…這裡的麵確實有其吸引人的地方…

很久未到大角咀英記油渣吃個油渣麵.想起,就在旺角徒步來吃.獨孤一味賣油渣麵賣足多年,小弟對油渣麵的回憶,兩年多前的食評曾經同大家分享過.現今對住碗油渣麵,又會有甚麼感覺?坐下不久,大叫:{一碗大,多渣.}與其說是豬油渣,不如說是豬腩肉.因為吃落沒有油渣的脆口感.現今人聽到油渣兩個字也色變,再將豬肉炸成油渣.這樣會很不健康?同趕客無異?油渣不脆,麵條未經過長期浸煮,口感有點點硬,油渣麵的麵條,正常是軟淋的.雖然多多聲氣,加了大量冬菜之下,又一樣"樹"一聲吃光.喝到湯底清光,又是講一套做一套.人好多時也是如此.

知道英記好出名，食過三次，其中兩次外賣。以後我唔會再幫襯，次次外賣得三小片油渣，真係火都嚟。駛唔駛咁孤寒呀，我寧願你貴一、兩蚊，比多幾舊我啦。問心$17淨麵咁滯，真係收得貴。我同男友兩個人買三碗，夾埋得嗰十片仔油渣，感覺好委屈囉。乞食都冇咁少啦，比咗$51蚊喎。不過，湯底係唔錯，唯一可取，食唔飽，唯有飲兩啖湯灌飽自己啦！

碗野味道還可以，可是就好串囉。話說我平時後叫油o查面加冬姑。但我今次唔想要咁多油o查，所以改左口，我話要冬姑面加少少油o查，佢就話:先生，冬姑面無油o查嫁。我話，總之我就要冬姑同油o查啦。佢就話，你講清楚先，冬姑面係無油o查咁我話，咁你想點就點啦，總之我又要冬姑又要油o查。之後佢比我果碗面，比平時少左一半，顛！成十七蚊一碗無肉的面！佢就發啦今日路過見到佢無人幫襯，抵死！

唔捨得搬出大角咀,好大原因都係有好多好野食,英記就係其中一間全店只得油渣麵同冬菇麵,分大同細碗,以麵來講都算貴($21/$17)不過可以叫多油渣,唔會另外加錢麵條有麵粉香,湯底唔多味精,冬菇非常鮮甜,油渣不太肥有咬口最緊要唔好走青,多冬菜,咁就最好食喇!!btw,可以去對面小食檔買餃子同雞翼,又平又好味(但就好多味精喇)

特登同老友來試吓，原來堂食得枱兩大張，無Menu，墻上又無介紹，點了兩碗，又ｏｋ喎，同深水埗周記比，呢處好食ｄ，湯底夠味（師父重手），麵身唔硬唔林（剛好），油渣因較多瘦肉，所以硬身ｄ，整體都幾好食，唔錯！！

前晚去了吃油渣麵，這家是香港最出名的油渣麵店之一，小學時代已有幫襯，那時候還是流動小販形式，還未開舖~個人覺得這裡的油渣麵比深水步週記的好多了，起碼整碗麵不會油油的，加上油渣炸得又香又爽口，吃的時候可以減少內心點點的罪惡感~

我食過兩次, 都係男朋友話黎, 黎親都食兩碗, 仲要多渣多蔥多冬菜至好味喎, 個人唔係太喜愛食油渣面但都夾咗幾舊試下, 口感同味道都ok啦, 又唔會成口油. 而我自己叫咗冬菇面, d冬菇又林又香, 湯底都好鮮, 唔覺落咗好多"師傅", 麵又唔算好林, 啱我, 仲叫多份餃子, 不過好普通, 最主要都係用黎點個辣椒油, 男友話超辣, 我點咗少少都覺得好辣. 我哋仲係對面買咗d雞翼加餸, 店員都唔會理(入到去都有幾枱係咁). 不過呢度確實唔係咁方便, 真係唔會特登黎食. 不過如果有揸車就可以, 因為好多位泊(可能夜晚啦!)

吃完正場，大家意猶未盡，熟悉大角咀的地膽食友，拖了一行人去了這薄有名氣的油渣麵專門店，對我來說，果真聞名不如見面。其店位於杉樹街，與一眾車房為鄰，舊式麵店一間，還租了隔離的一間舖位，也只是幾張摺椅摺桌而已。我們一行六個人，基於大家還有點飽，當試試口味，三個油渣麵，每人半碗好了，期間友人還在附近買了幾隻炸餃子，據聞也是很有名的。雖然很飽，最後也吃完這半碗，發覺其湯底確是很重豬油的香味，內裡的炸渣也多，既爽也脆，雖然是肥膩了一點，加了蔥花、冬菜和冬菇來吊味，又真係弄到人家鬼死咁開胃的，不過其上海粗麵煮得過軟了。始終香港人，不太習慣淋身的麵食，順帶一提，其店家的辣椒醬，那種「哽」法，在沒有心理準備之下，是很容易中招的。對嗜辣者來說，則是一個不容錯過之物。至於那些炸餃子，可能過了一段時間的關係，印象只是一般。到最後收到一個壞消息，基於市建局的規劃政策，這英記油渣麵，在大角咀最多只做多半年至一年的光景，對豬油渣麵的愛好者來說，始終是一件憾事。

聽男朋友講o左好耐. "卒" 之試到~ 可能抱太大期望啦, 不過都算不錯!! 麵稍為 "淋" o左o的, 油渣、冬菜同蔥多多少少更好, 湯底最值得讚飲晒成碗都唔覺勁口渴, 男朋友話佢o的辣椒油好香同超辣, 我落o左四更香就O.K啦, 但辣就... o的o的更有o既!!

見到呢度咁多笑臉,於是嚟試吓,因為我都幾鍾意食油渣麵. 店舖不大,只有兩張枱,冇餐牌冇價錢,可能因為佢剩係賣油渣麵一款,但係就有分大細,我都係食吓食吓聴到有人叫至知. 結果我食果碗係細, $14,相對他的size,也不能叫便宜. 細細碗,有葱花,有菜莆,有三隻東菇,有三數條油渣,味道只係一般.個個人口味唔同,我就覺得深水埗周記的油渣麵係至正.

這家油渣麵我已食足２６年，小學生時代，由推車買起＄２到現在＄１４－５有二間舖頭，真係情有獨鍾，以前沒有冬姑，只有麵同油渣，也沒有外賣碗，只有用二張紙及膠袋盛，但那時開始已經好好味，味道比得上魚蛋麵，日日都要食過才咁心，現在加了冬姑，令湯底更香，　口感不錯，　油渣雖然細少，但好過出面果Ｄ舖頭深水埗，淡而無味，加上自製辣油，辣到飛起，晚上的士師機都會做宵夜，　通常下午３點後無得買，要等到夜晚才開！　平時我都會買二碗回家食，如果食唔晒可以留起到夜晚食，　湯唔會變，如果再番熱，也會更好味，值得一試！

第一次去大角咀搵食,好快就已經搵到,一間細鋪只有兩張枱好似唔覺有價錢牌,餐牌更加唔洗睇,入到去,未坐低,阿姐就問"大定細"要左一大一細,加一鑵飲品,大細材料都一樣,有冬菜,蔥花,冬菇,豬油渣,麵麵好似烏冬,口感幾好,湯底有少少油,不過知道一定會係咁最初唔知係豬油渣,食左一件,冇食第二件,口感接受唔到,最好食都係冬菜但總括食物只係一般,下次就只會經過先會再食埋單$44

呢度嘅招牌雖然並唔係叫乜嘢"油渣麵王"，但响小弟心目中，佢哋嘅水準係足以稱王。諗起嗰D郁D就自稱為王嘅舖頭，就想笑...湯底味道好清，上湯味夠，配上上海麵條，基本上加上大量葱粒及蝦米粒，已經好好味；再加埋冬菇，就更鮮上加鮮...從前响深水埗周記你仲可以揾到昔日油渣嘅味道，但如今水準已大大不如前。一條條滑嘟嘟嘅肥膏，諗起就想嘔。但响英記，雖然並唔係條條都有炸過，但起碼有一半左近有。食落香口，冇得頂...想起就馬上想飛的食多碗....