英記油渣麵 (已搬遷) 新店位置

這家油渣麵我已食足２６年，小學生時代，由推車買起＄２到現在＄１４－５有二間舖頭，真係情有獨鍾，以前沒有冬姑，只有麵同油渣，也沒有外賣碗，只有用二張紙及膠袋盛，但那時開始已經好好味，味道比得上魚蛋麵，日日都要食過才咁心，現在加了冬姑，令湯底更香，　口感不錯，　油渣雖然細少，但好過出面果Ｄ舖頭深水埗，淡而無味，加上自製辣油，辣到飛起，晚上的士師機都會做宵夜，　通常下午３點後無得買，要等到夜晚才開！　平時我都會買二碗回家食，如果食唔晒可以留起到夜晚食，　湯唔會變，如果再番熱，也會更好味，值得一試！